الحب مزنة عطا والوصل برقٍ يلوح ... !!!!!
..
السلام عليكم ورحمة الله وبركاته ,,
نتواصل في الابداع الشعري ونعتذر عن التقصير :)
[poem=font="simplified arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مابين شوق وحنين وبين امال وطموح=رسمت تحت البحر رحلة وصول ورجوع
اتعب على الؤلؤ اللي مايجي فالسطوح=أليا سبحت البحور اللي غمقها يروع
يجرفني الموج في همسك واعبر وابوح=مادام هجس القصيد ينوش حدب الضلوع
لاتزعج الصوت يافرخ الحمام وتنوح=صوتك يخج الضلو إن دار وسط السموع
تشتب نار المواجع فالدمي وتفوح=وتسابق الحسرجه فالصدر ذرف الدموع
زرعت نبض المشاعر غير بني الصروح=وقدحت زند المحبه في فتيل الشموع
الحب مزنة عطا والوصل برقٍ يلوح =والولف وبل الغرام اللي زرع كل نوع
هاذي صدوق المعزه فالزمان الشحوح=تباشرت في قدومك ياحسين الطبوع
غيرت نهج الحياه وزت فالروح روح=من "طابع المعنويه" كيف ابى "اضمى واجوع" !!
ملكت جو الجمال بكل صدق ووضوح=الآصل ذاتك ومن ذات الاصول الفروع
فالواقع الابجدي والجد ضد المزوح=من دون قربك حجاب ودون بعدك دروع
ما أقدر ب/بعدك ولا عقب التألف نزوح=وان غبت عني حياتي بعد قربك تروع
في مامضى مهجتي فنجال هم وجروح=واليوم شربي زلال الكيف واطيب قدوع
هاذي مشاعر "وفاء" واحساس شرح وشروح =ماتنبني في سنه كونتها في سبوع[/poem]
رد: الحب مزنة عطا والوصل برقٍ يلوح ... !!!!!
يا هلا والله يا ناصر
قصيدة رائعه جداً وجميلة
وصح إلسانك مدد بلا عدد وبيض الله وجهك
بحق أنت راعي الجزلات ,.
رد: الحب مزنة عطا والوصل برقٍ يلوح ... !!!!!
نااااصر
امتعتنا بهذه الروووعه
صح قلبك ودام حرفك
...
رد: الحب مزنة عطا والوصل برقٍ يلوح ... !!!!!
صح قلبك وكلك
وسلمت اناملك
جزله ومن شاعر جزل
تحيتي لك
رد: الحب مزنة عطا والوصل برقٍ يلوح ... !!!!!
..
الله ياناصر
وراك طولت ماجيت هنا ...
القسم مشتاق لجزالتك ..
شاعر وتعرف شهادتي من مبطي
صح لسانك مليوووون
دمت بخير
رد: الحب مزنة عطا والوصل برقٍ يلوح ... !!!!!
صح لسانك
ابداع عانق السماء
يفوق الوصف
دمت بهذاالحضورالمميز
لك الود
رد: الحب مزنة عطا والوصل برقٍ يلوح ... !!!!!
صح بدنك وكلك
لاهنت على هالقصيده الجزله
رد: الحب مزنة عطا والوصل برقٍ يلوح ... !!!!!
ناصر الجلاه ,,,
صح لسانك ولاهنت على هالكايفه
رد: الحب مزنة عطا والوصل برقٍ يلوح ... !!!!!
صح الله لسانك إلى رضاك
وبيض الله وجهك
وافيه من وافي