السلام عليكم ورحمة الله وبركاته
سامحوني اول موضوع لي هنا راح يكون تشكي وتبكبك http://vb.g111g.com/images/smilies/15.gif
بس مالي احد بعد الله غيركم ..لاني بنت وحيده مالي خوات سوى اثنين شباب فقط
والدتي متوفيه الله يرحمهـا ,
قررت الجأ لكم بعد الله في همومي اللي متعبتني حيل
اتمنى كل وحده تحط نفسها مكاني عشان تحس فيني
انا الحين عمري 26 وتعبت حيل من وضعي وحيده وبعد اعنس مشكله http://vb.g111g.com/images/smilies/15.gif
حياتي صايره هم بهم ,عايشه بروحي في البيت ومع اخواني الشباب اللي احس اني معطله حياتهم ومستقبلهم بسببي ، هم طبعاً مايبينون لي.. لكن انا فاهمه وحاسه فيهم .مستحين يعرسون وانا للحين طايحه بتسبدهم
تعبت من نظرات الناس لي واحس ان كل شخص يشوفني يشفق علي لاني وحيده وعانس .رغم اني انخطبت مرتين ايام امي بس رفضت عشان الجامعه .وللحين ما انكتب نصيبي وقررت اعيش حياتي وانبسط
لكن مشكلتي كلام الناس خصوصاً ان كل بنات خوالي وعمامي تزوجوا
ظليت انا وخمس بنات بس انهن اصغر مني http://vb.g111g.com/images/smilies/15.gif
قمت احس بالاحراج رغم اني والله العظيم وانا مو مجبره اكذب من وراء شاشه
اني انسانه حلوه وبيضاء. ماشاء الله . لكن عندي مشكله واتوقع حسب ماسمعت انها هي السبب طبعا بعد مانقول انه اصلا نصيب .اللي هي مشكلة السمنه انا سمينه مو سمنه عاديه ولاسمنه مفجعه لكن سمنه تخلي اللي يشوفني مايحب جسمي اتمنى اني عرفت اوصلكم هالصوره
انا انسانه حلوه، وكثير طيبه مع الناس ومحترمتهم واقابلهم بابتسامه ومحبوبه كثير بوسط البنات ويحبون يتكلمون معي ويجوني واستغرب ليش ماانخطب بس للامانه انا متينه كنت اظن انه عادي ممكن انخطب وانا متينه /رغم اني عارفه انه صعب شوي لان بدون مبالغه ولا اي وحده من منطقتي تزوجت وهي سمينه
لاننا بمجتمع مايحب المتينه ودايم ينقدون عليها . واتوقع كثير مجتمعات كذا
المهم بمره خالتي كلمتني تقولي فيه وحده عجبتيها وودها تاخذك لولدها بس تقول انك متينه شوي http://vb.g111g.com/images/smilies/sleep.gif انا هنا قعدت اضحك قلتلها والمطلوب يعني؟فقالتلي لا بس يازينك وانتي نحيفه والله تطلعين احلى واحلى http://vb.g111g.com/images/smilies/15.gif
وبمره خالي قال لي حرام هالحلا يروح بالمتن:tongue: بصراحه حسسوني اني انتصار الشراح. رغم اني صح سمينه بس مو للدرجه المفجعه. لكن مو حلو جسمي مكبرني كهيئة لكن وجهي ملامحه صغيره وعاديه
انا بصراحه تعبت نفسيتي ماعرف وش الحل هل فعلا الرجال ماصاروا يتزوجون من سمينات رغم انهم يكونون حلوات واخلاق < مافيها حيل تنحف ههه
ومااتكلم عن الجسم اللي يكون سمين سمنه طبيعيه او مربرب لا سمنه زايده عن الحد http://vb.g111g.com/images/smilies/15.gif
بنظركم وش الاسباب للي انا فيه وش تنصحوني فيه انا احس اني في دوامه متخبطه
لدرجة اني خلاص ابي افتك من هالدنيا مو عشاني حاسه بالقهر اني حلوه وماعرست . لا بس عشان اخواني من حقهم يشوفون حياتهم حرام يظلون كذا يحتروني اعرس وانا ماحولي احد وربي حاسه بتأنيب ضمير اتجاههم
بليز انصحوني بشئ يهدي اعصابي انا صرت افكر اطلع واروح لاي مكان ابعد عن هالعالم الغريب والكئيب
ادعولي بالزواج اذا فيه خير لي .او بالموت اذا فيه خير لي
وسامحوني على الاسترسال والاطاله
مالي احد افضفض له غيركم
تحيتي