,
,
,
http://www.up.00op.com/data/visitors..._207862333.gif
.
.
مساء الورد والياسمين للقلوب الوفية..
وعيدكم مبارك بعد الزحمة وشهر الرحمة.
.
.
اقبلوها كما هي :
[poem=font="Simplified Arabic,6,deeppink,bold,normal" bkcolor="black" bkimage="" border="ridge,8,deeppink" type=2 line=0 align=center use=ex num="0,black"]
البارحه طيفك على بالي خطر=وفاحت بقلبي ياغلاي أطيابه
ياللي خيالك لاحضر عندي حضر=فرحي وفزّت في الخفوق أعشابه
أشتاق لك شوق الصحاري للمطر=شوق الخفوق المشتقي لاحبابه
أشتاق لك من دون ناسي والبشر=ويشدّ لك شوقي بكل ركابه
ياكل عمري ياعيوني والنظر=والله ماغيرك حسبت حسابه
ياللي سواليفك على قلبي نهر=يغسل صواديف الزمن وأتعابه
نهبت قلبي ياغلا سر وجهر=من غيرك اللي يستحق إعجابه
ياما لفوا بابه ويعبر من عبر=ولغيرك انته مافتحت أبوابه
في حضرتك حتى السهر غير السهر=طيفك يجيني والغرام زهابه
وتشع نجماتي يسامرها القمر=وننسى محاذير الهوى واسبابه
أنظم لعينك كل طاروق وبحر=واشدّ لك بيت الشعر وأطنابه
وتروح ليلتنا سواليف وسمر=وكل الليالي بعدها تتشابه
والعاذل اللي مات حسره وانقهر=لايتعبك مهما لدغ بانيابه
لايشغلك حكي العواذل لو كثر=أهل القلوب الحاسده الكذّابه
مهما حكوا فينا ترى ماله أثر=يفداك من ودّى الكلام وجابه
يفداك سكّان البوادي والحضر=ويفداك عشّاق الهوى واغرابه
ياسيدي لو خافقك فيني أمر=سمعاً وطاعه للهوى وكتابه
وختامها بالمسك أو بالمختصر=قلبي على شوقك تفوح أطيابه[/poem]
http://www.up.00op.com/data/visitors...5_14556566.gif
.
.
أمل بنت عبدالعزيز..