صيفنا في بلادنا ( احلى ) عفواً قصدي ( أغلى) ولا وش رايكم انتم :)

بسم الله الرحمن الرحيم

السلام عليكم ورحمة الله وبركاته

شلوونكم جميع وعساكم بخير ومستانسين

اليوم قررت اخيرا اني افضي نفسي واحط هالموضوع لي سنتين كل ماجا الصيف بحطه وماتيسر بس اليوم زانت ابشركم :Lopez...batting eye

عندي موضوع حابه تشاركوني رايكم فيه بمناسبة حلول اجازة الصيف

الموضوع واضح من العنوان وبلاش مقدمات وكثر هرج وخلونا نتكلم بأريحيه وبلاش تنسيق جمل وبلاغه لان الوضع مزري جدا ومايسمح

الحين سلمكم الله ليه كل هالجشع اللي يصير بالاجازات ليه المستثمرين بلا رقيب وماخذين راحتهم يعني الواحد عشان يطلع يوم يمشي عياله وحريمته لازم يصرف اقل شي 300 ريال يعني بالنسبه للطبقه البسيطه مستحيل يقدر يطلعهم غير مره وحده طول الاجازه .
الواحد يروح وعشان يدخل المنتزه لازم تذكرة دخول الفرد 10 ريال ؟؟ طيب واللي عنده عائله كبيره مكونه من عشره اشخاص هذا في ادنى الاحوال لان في عائلات اكثر
يعني 100 ريال بسسسسس عشان يدخل المنتزه :Lopez...surprise:
واذا دخل بدا المنشار بظهر هالمواطن المسكين تذاكر الالعاب كل لعبه بمبلغ وقدره بعدين الاحظ دايم ان اللعبه اللي يحبونها الاطفال وعليها اقبال سواء كبار او صغار دايم تكون اغلى من غيرها ونرجع لموضوع الشخص المسكين اللي ربي كتب له يكون عنده خمسه او سته اطفال كحد ادنى خلو اللي عنده عشره واكثر هذا حالته ميئوس منها :(
بعد الالعاب نجي لموضوع الاكل والتموينات داخل المنتزه يعني على سبيل المثال ( الببسي ب3 ريال قبل لايصير بريال ونص ترى الحين مدري بكم بيصير + قارورة المويه الصغيره اللي برا بنص ريال عندهم بريالين + الشوكولاتات بجميع انواعها من 3 الى 4 ريال يعني كل شي الضعف او اكثر )
وين وزارة التجاره وين هيئات الرقابه وين هيئة السياحه معقول الكل نايم ومحد شايف وش يصير للمواطن عشان يطلع يرفه عن نفسه شوي هو وعياله ؟
واذا طلع المستثمر كريم وسمح بالتذكره للسياره كامله بدون عدد افراد تلقاه مجهز الصلخ داخل يعني الجلسات بـ50 والاسعار الضعف والالعاب لاتقل عن عشره
يعني باختصار ( ليتنا من حجنا سالمين )
وفي الاخر نسمع كثير صيفنا في بلادنا أحلى طيب بلادنا اكيد احلى بس ياليت الكل يلتفت ويبحث عن الاسباب اللي تخلي الناس يتجهون للخارج :tears:
هذا كله طبعا وحنا ماذكرنا جشع اصحاب الشقق المفروشه والفنادق بتركها لكم تتطرقون لها في ردودكم
اتمنى تعطوني رايكم بهالموضوع وبكل شفافيه


وكل صيف .... واجازتكم احلى :ANSmile30:


تحيتي للجميع

:4:

اهلا ومرحبا اختي الموقرة فخر أهلها

ماني مصدق وقمت افرك عيني وقلت في نفسي

موضوع قديم وأترفع

الا وهي حقيقة عودة قلم وفكر نحترمه جميعا

عموما لي عودة تليق بالموضوع

أختي الكريمة


رقم العضوية : 89275
تاريخ التسجيل : Feb 2008
الجنس :ذكـــر
الدولة : عند جدتي عفرا
المشاركات : 2,352
لوني المفضل : DeepSkyBlue
التقييم : 17

ههههههه أختي الكريمة غيرت الجنس

حياكِ الله اختي

حقيقة مشكلة الغلا مشكلة

انا اذكر قبل كم سنه رسام في خميس مشيط رسم كاركتير حاط شقق مفروشه وحاط قدامها لوحة ترحيب كاتب فيها

مرحبا الف والشقه بالف

استدعاه الامير وقاله لو تكررها تفاهمت معك

وايضا غير الغلا والاسعار الطايره يمنعون التخييم الا يحدون المساكين اللي جايين يتبردون على الشقق والدفع

موضوع مهم وياليت احد يحس بأصحاب الدخل المحدود

يعطيكِ العافيه

وعليكم السلام ورحمة الله وبركاته

ياهلا والله اني صادق يامرحباً مليون يتبعها مليون وقبلها مليار

اثريك صرتي ام وتوك تعرفين معانات العجز اللي مثلك عزاااااااااااااااه صحيح دنيا غريبه

والله يا خيتي الكارثه مصر وسوريا راحت وراها يعني بالعربي السنه ذي سنه خير على الغني وشر على الضعيف اللي ماعمره مير سلم من الغني !! واللي يسافرون لمصر وسوريا اصحاب الدخل الطيب يبون يخلونها سياحه سعوديه وقصده والله ماهو حبن فيها الا خوفن من البلطجيه اللي في مصر وسوريا وراح يدفعون بدل الريال عشراء ريال والحسابه بتحسب ياحرمه وابو يمن يحمل هالدراهم

يعني السنه ذي نضرب القيمه السوقيه بالماضي في عشره ويطلع لنا المحصول النهائي لهذا العام

لكن الله يسلط على كل ظالم وعلى كل نصاب <<< انتي قلتي بلاش تنسيق جمل وبلاغه

المهم تدرين عاد انا ناوي مع العائله الكريمه السنه ذي ان شاءالله مثلها مثل كل سنه مكانك راوح

بس مكانك وين احسكم بالجنوب ههههههههههه نخبر اهل الجنوب جوهم حليوه مثل اهلها احجزي لي عندكم شقه من الحين علشان نريح كم يوم عندكم واعتبريها حق الضيافه

والحمدلله على شوفتك يام العيال وعسا المانع خير وعوداً نفخر به يافخراهلها ,,,


دمتي بخير ,,,

حياك الله غاليتي

اقتباس:

---

اليوم قررت اخيرا اني افضي نفسي واحط هالموضوع لي سنتين كل ماجا الصيف بحطه وماتيسر بس اليوم زانت ابشركم http://vb.g111g.com/f119/%D8%B5%D9%8...0eyelashes.gif

---

الف مبروك :biggrin:
موضوعك هذا مهم خصوصا للي عندهم وطنية زائدة
ومايحبو يسافرو برى السعودية زيي
بصراحة حلوة السعودية وكثير اماكن زرتها وكانك برى السعودية
بس للاسف السياحة هنا بنظر التجار فلوس ومكاسب وبدون مايقدمو شئ للمواطن
يعني لو الخدمات ممتازة الاسعار ماتهم
المشلكة الخدمات في الحضيض والاسعار نااار :jumpon:
والمشكلة ماتقتصر على التجار بس كثير ناس راضين بهالوضع
مو مشكلة عندهم المكان ولا الخدمات المهم انه سافر زية زي غيرة:tounge1:
وهذا بنظري نقطة اخرى لانعدام الوعي السياحي ببلدنا

اقتباس:

---

المشاركة الأصلية كتبت بواسطة جميل الثبيتي

اهلا ومرحبا اختي الموقرة فخر أهلها

هلا بك ملايين استاذنا الموقر

ماني مصدق وقمت افرك عيني وقلت في نفسي

موضوع قديم وأترفع

ولنفرض يعني انو مو ضوع قديم واترفع ناوي تحذفه ولا ايش :waiting:

الا وهي حقيقة عودة قلم وفكر نحترمه جميعا

عموما لي عودة تليق بالموضوع

شهاده اعتز فيها حقيقه وبانتظار عودتك الجميله يااستاذ جميل :)

أختي الكريمة


رقم العضوية : 89275
تاريخ التسجيل : Feb 2008
الجنس :ذكـــر
الدولة : عند جدتي عفرا
المشاركات : 2,352
لوني المفضل : DeepSkyBlue
التقييم : 17

ههههههه أختي الكريمة غيرت الجنس

---

ههههههههه بصراحه انا منقطعه لي فتره وسوو هالحركه وانا مادريت وشكلها كذا اجتهادات شخصيه من المنتدى بس ماضبطت معاه ولا يمكن شايف اني انثى عن رجال ماندري عاد :)
بس للاسف يوم جيت اعدل مالقيتها شكلهم شافو ردك وحذفو الخيار كله على بعضه :dance3:

شاكره مروورك الخفيف يااستاذ جميل وبانتظار عودتك عسى مايطول الانتظار

اقتباس:

---

المشاركة الأصلية كتبت بواسطة نادر الروقي

حقيقة مشكلة الغلا مشكل

انا اذكر قبل كم سنه رسام في خميس مشيط رسم كاركتير حاط شقق مفروشه وحاط قدامها لوحة ترحيب كاتب فيها

مرحبا الف والشقه بالف

استدعاه الامير وقاله لو تكررها تفاهمت معك

وايضا غير الغلا والاسعار الطايره يمنعون التخييم الا يحدون المساكين اللي جايين يتبردون على الشقق والدفع

موضوع مهم وياليت احد يحس بأصحاب الدخل المحدود

يعطيكِ العافيه

---

هههههههه وهو صادق واللي يقهرك ان الشقه زباله الله يكرمكم جميع وتلقاها ب600 ولا اكثر وعشان ايش ماادري :(

يعطيك العافيه يانادر عالمرور الخفيف

اقتباس:

---

المشاركة الأصلية كتبت بواسطة ناصر الراشد

ياهلا والله اني صادق يامرحباً مليون يتبعها مليون وقبلها مليار

الله يبقيك ويعافيك كثرها وزود ياناصر

يعني السنه ذي نضرب القيمه السوقيه بالماضي في عشره ويطلع لنا المحصول النهائي لهذا العام

لكن الله يسلط على كل ظالم وعلى كل نصاب <<< انتي قلتي بلاش تنسيق جمل وبلاغه

ايه ايه كذا ازين بلاش تنسق انت اذا نسقت تجيب العيد خابرتك هههههههه
صراحه انا شايله هم الزحمه هالسنه من جد الشعب شكله بيديرها محلي :hypnotized:

المهم تدرين عاد انا ناوي مع العائله الكريمه السنه ذي ان شاءالله مثلها مثل كل سنه مكانك راوح

زينا يعني خلوكم مكانكم احسن واذا نويتو تطورون روحو الديره :shiny:

بس مكانك وين احسكم بالجنوب ههههههههههه نخبر اهل الجنوب جوهم حليوه مثل اهلها احجزي لي عندكم شقه من الحين علشان نريح كم يوم عندكم واعتبريها حق الضيافه

ايه بالجنوب وين تبي بس ابها ولا النماص ولا الباحه :dance3: اقول وخر بس وش حاجتي فالرواشده احجز لهم واضيفهم :) < صح الجمع ولا يقولون شي ثاني

والحمدلله على شوفتك يام العيال وعسا المانع خير وعوداً نفخر به يافخراهلها ,,,


دمتي بخير ,,,

---

الله يسلمك ياناصر ومافي مانع ولاغيره بس شوي مشاغل < تحسسكم انها مهمه بالدوله ههههه

والفخر بوجود امثالك بهالمتصفح شاكره مرورك اللطيف

اقتباس:

---

المشاركة الأصلية كتبت بواسطة خشوف الشدادي

حياك الله غاليتي
الف مبروك :biggrin:

الله يبارك بعمرتس ويحييتس :shiny:

موضوعك هذا مهم خصوصا للي عندهم وطنية زائدة
ومايحبو يسافرو برى السعودية زيي

شفتي كيف عشان عارفه انه مهم لي سنتين اشيله معي بالشنطه :)

بصراحة حلوة السعودية وكثير اماكن زرتها وكانك برى السعودية
بس للاسف السياحة هنا بنظر التجار فلوس ومكاسب وبدون مايقدمو شئ للمواطن
يعني لو الخدمات ممتازة الاسعار ماتهم
المشلكة الخدمات في الحضيض والاسعار نااار :jumpon:

صح هذا هو اللي مزعلني :Lopez...girl_angry: < محد درى عنك ههههه

والمشكلة ماتقتصر على التجار بس كثير ناس راضين بهالوضع
مو مشكلة عندهم المكان ولا الخدمات المهم انه سافر زية زي غيرة:tounge1:
وهذا بنظري نقطة اخرى لانعدام الوعي السياحي ببلدنا

---

اعجبتني انعدام الوعي السياحي حسيت انك مثقفه :shiny:

صدقتي والله الناس ساكتين كل واحد يقول اجازه وتعدي بس لو الكل عارض بيصلح كل شي

شاكره مررورك العذب ياخشوف وتحيتي لك

هلا وغلا والله ومليون هلا بعد

الحمدلله على السلامة

لا تطرين الاجازة يجيني ارتيكاريا منها

بجد انا شايلة هم اهل السفر اللي يسافرون للبلاد الثورية عزي لحالهم وين بيقضون اجازتهم

الدنيا ملغمة اللي ثورات واللي غوانتانامو وياليل ما اطولك

بالنسبة لبلدنا والسياحة فيها

وياليت الواحد لما يروح داخل بلده يلقى شي زين

والله ان الواحد يتعب نفسيا مع الغلا عدم نظافة واهتمام

ليت الغلا يحرز يلقى له الواحد مكان نظيف ومأوى يريحه

احسن حل

يقعد الواحد ببيته ويبلع العافية ويحمد ربه


وجهة نظري ههههههههه


هلا مرة ثانية وجعلها آخر الغيبات

,

,

,
ولكم باك فخوووره .. :هديه::عاشو:

هههههههههههه تصدقين ذكرتيني بمهرجان الطائف مدري حديقة الملك فهد

آخبر مره في آحدى العطل الصيفيه الممتعه جدي ماخذ له استراحه ان ذا تايف وقررنا العائله الكريمه

وكل عماني وعماتي وعيالهم نصيف بالطائف ولا لقينا شقق الا 1500 ريال سلامات الا وجدي يقول

الضيق بالقلوب مولمكان تسعكم الآستراحه وآنحشرنا آربع عوائل :biggrin:


وبها العطله بيوم من الآيام رحنا للحديقه ودخلنا بعشره كل نفر هع:يمه:

ولعبنا ووناسه وشرينا كل الي نبيه ويومن ركبنا السياره آلتفت علينا الوالد قال هاذي آخر مره نجي هنا

وحنا ليه لاااا ونبي وكذآآآ قال معصي مادخلتوو هالآماكن و آنا حــي مدري وشلون طاووعتكم وجايبكم فيذآآآ <--- تعتقدين آرتفاع الآسعار له علاقه بالوضوع :smoke1:

ومن ذوو تلك اللحظه ماطبيت هالمتنزهات يافخر ... :Lopez...don-t_menti آبوي نظام العطلات عنده الديره . المزرعه . الآستراحه . :biggrin:

وبالنسبه للآسعار يافخر ماآدري عنها بس لا حظت آكثر من يشتكي آرتفاع الآسعار الرجال :biggrin:

وغالبآآ مانقضي العطله الصيفيه بالآستراحه ثلاث آسابيع آنا وبنات عمي سهرات ع لعب كيرم وبلوت ومكسرات وحلاا ونت ومشغلين هالمكيفات :11retcher:<---- رحمنا الي آخترع المكيف يجززاه خير

وآخيرآآآ المملكه مناخها مايشجع الواحد يخسر فلوووس والمناطق الي بالصيف جوها برآآآد مثل الجنوب والطائف مافيها آهتمام آبد من ناحية الآستراحات والشقق والمنتزهات والآسواق والمحطات ودورات المياه والمساجد الي ع الطرق <-- يبلي موضوع مفرد بحكم خبرتي بالسفر برآآآ :biggrin:



وسلامتك :ويوي:

ياختي عليك يافخر اهلها

موضوع مهم كثير بالوقت الحالي

بصراحة انا اشوف جو الرياض ابدا مايشجع الواحد يطلع من بيته بالصيف ابداا

بس مولات ومطاعم واستراحات اما منتزهات مافية امل اطلع لها وقت الصيف اكره عيشتي بالصيف

اممم اتوقع الواحد يقدر يوسع صدره بالاجازات من دون طلعات منتزهات

اممم ويوفرو فلوسهم بشي يسوونه ببيتهم

وانا ضد السيااااحه الداخلية << الله والسياحه الحين

يعطيك العافية فخر على طرح القضية للنقاش

هلا بكـ فخر أهلها..

عوداً حميداً عزيزتي.. : )


موضوع جميل في الوقت المناسب..


وخيره انه تأخر سنتين.. لأن هالسنه ( صيفنا في بلادنا أحلى ) من جدددد.. ^^



أتوقّع شملتو الموضوع بردودكم..


أشكر طرحكـ


تحيتيـ

أهلاً بك يا فخر أهلها ,,

ويقول المثل ( من يبي الدح ما يقول أح )

الذي يريد الإجازة الفخمة والراحة والوناسة فلا يتذمر : )

,.

أو ( يمدحون الحدائق الحكومية )

..

وأريد أن أستفسر يا فخر أهلها أين المكان الذي فيه الدخول بـ 10 ريال ؟!

( ألحقيني بالعنوان ) كل بوابة منتزة لا تطلب أقل من الـ 50 أو أنا لا أدخل إلا أماكن vip هههه

الله يعين يا فخر أهلها والحياة حلوة بس نفهمها ويا حلو الإجازة فوق السطح مع شواية ودجاج مُبهر
لأن اللحم غالي ^^

.

شكراً لكِ

اقتباس:

---

المشاركة الأصلية كتبت بواسطة ( غربة الروح )

هلا وغلا والله ومليون هلا بعد

هلا بك كثرها ياماما غربه :)

الحمدلله على السلامة

الله يسلمك ويعافيك

لا تطرين الاجازة يجيني ارتيكاريا منها

ليه ليه الاجازه حلوه بس الحراميه شينوها ههههه

بجد انا شايلة هم اهل السفر اللي يسافرون للبلاد الثورية عزي لحالهم وين بيقضون اجازتهم

الدنيا ملغمة اللي ثورات واللي غوانتانامو وياليل ما اطولك

الحين شبابنا مايحقدون على احد كثر بو عزيزي :)

بالنسبة لبلدنا والسياحة فيها

وياليت الواحد لما يروح داخل بلده يلقى شي زين

والله ان الواحد يتعب نفسيا مع الغلا عدم نظافة واهتمام

ليت الغلا يحرز يلقى له الواحد مكان نظيف ومأوى يريحه

احسن حل

يقعد الواحد ببيته ويبلع العافية ويحمد ربه


وجهة نظري ههههههههه

صدقتي والله على الاقل ماينغث


هلا مرة ثانية وجعلها آخر الغيبات

---

هلا بك زود غربه ومايغيب عنك غالي ان شاء الله
شاكره مروورك الجميل

اقتباس:

---

المشاركة الأصلية كتبت بواسطة غلا أبوها

,

,

,
ولكم باك فخوووره .. :هديه::عاشو:

مرسي كتييييررررر لك غلا ابوها وعيلتا كلاا :)

هههههههههههه تصدقين ذكرتيني بمهرجان الطائف مدري حديقة الملك فهد

آخبر مره في آحدى العطل الصيفيه الممتعه جدي ماخذ له استراحه ان ذا تايف وقررنا العائله الكريمه

وكل عماني وعماتي وعيالهم نصيف بالطائف ولا لقينا شقق الا 1500 ريال سلامات الا وجدي يقول

الضيق بالقلوب مولمكان تسعكم الآستراحه وآنحشرنا آربع عوائل :biggrin:


وبها العطله بيوم من الآيام رحنا للحديقه ودخلنا بعشره كل نفر هع:يمه:

ولعبنا ووناسه وشرينا كل الي نبيه ويومن ركبنا السياره آلتفت علينا الوالد قال هاذي آخر مره نجي هنا

وحنا ليه لاااا ونبي وكذآآآ قال معصي مادخلتوو هالآماكن و آنا حــي مدري وشلون طاووعتكم وجايبكم فيذآآآ <--- تعتقدين آرتفاع الآسعار له علاقه بالوضوع :smoke1:

ومن ذوو تلك اللحظه ماطبيت هالمتنزهات يافخر ... :Lopez...don-t_menti آبوي نظام العطلات عنده الديره . المزرعه . الآستراحه . :biggrin:

ههههههههههههههههههههههههه هههه شفتي وتلوميني
لو مخلين الدخول مجاني والناس توسع صدورها كان رحتو مره ثانيه :icon_cheesygrin:

وبالنسبه للآسعار يافخر ماآدري عنها بس لا حظت آكثر من يشتكي آرتفاع الآسعار الرجال :biggrin:

وغالبآآ مانقضي العطله الصيفيه بالآستراحه ثلاث آسابيع آنا وبنات عمي سهرات ع لعب كيرم وبلوت ومكسرات وحلاا ونت ومشغلين هالمكيفات :11retcher:<---- رحمنا الي آخترع المكيف يجززاه خير

وآخيرآآآ المملكه مناخها مايشجع الواحد يخسر فلوووس والمناطق الي بالصيف جوها برآآآد مثل الجنوب والطائف مافيها آهتمام آبد من ناحية الآستراحات والشقق والمنتزهات والآسواق والمحطات ودورات المياه والمساجد الي ع الطرق <-- يبلي موضوع مفرد بحكم خبرتي بالسفر برآآآ :biggrin:

الحمدلله يعني الكل مأيد كلامي غلا على قل سنع:sadwalk:

وسلامتك :ويوي:

---

الله يسلمك ويعافيك على مرورك الطايفي الخفيف :clap: