[align=center]بسم الله الرحمن الرحيم
رواد منتديات غرابيل
السلام عليكم ورحمة الله وبركاته
بمناسبة اليوم الوطني يسرني ان اضع بين ايديكم هذه الابيات اتمنا ان تنال استحسانكم[/align]
[frame="7 80"][poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
يقول من صاغ البيوت وبداها=بسم الكريم اللي للأسرار علام
مدير النجوم الساريه في سماها=علام ما تخف الضماير والأرحام
وبعده بديت اللي يشرف صداها=دعوة محبٍ كله إدراك وإلمام
الله يعز المملكه ويحماها= من شر عدوان الشريعه والاسلام
اللي تخفي بالضماير عداها=واليوم قاموا يظهرونه بالأعلام
11سبتمبر مبيّح خفاها=حاروا. وفاروا. وطلقوا حكم الأعدام
اهدافهم ما ينتحدد مداها=الكره فيهم خالطه حقد وهيام
ياللي لكم هيبه وشمسٍ ضياها =غرب غروب الشمس واشرق بالأروام
عدواننا كان اتبعنا ارضاها=والله لنصبح هبرةٍ مابها عظام
ياجب انشطرها ونبعد نحاها= ونجوّد الحسبه تواريخ وارقام
وإن كان تبغا حلوقنا من عياها=حيل الله اقوى والمواعيد قدام
بقيادة اللي ماتداين اعداها=حكام نجد اللي على العز حكام
آل السعود اللي يذري ذراها=مثل الجبال وبالمواقيف جزام
وعوينهم كان المعارك رحاها=دارت وجا المقدام للموت سوام
دون البلاد اللي عزيزٍ ثراها=شعب الوفا اللي ماتخاذل ولانام
يفدى حرم مكه وطيبه فداها=يسهم بغال المال وبروحه اسهام
بطولةٍ روح المجاهد وراها=ماهي بطولة فلم عشاق الافلام
العز عشق الطيبين وهواها=والذل لحصون العزيزين هدام
واللي بغا دواها وبيديه داها=سبب ضجر روس العوارف من العام
اثره على ماقيل على عماها= وانا احسبنه هيلعي مثل غشام
لا والله إلا ضاع في فيه المراها=طيرٍ نتل سبقه بكبد السماء حام
ابا اختصرها لاتحيّر سراها= تم الكلام اللي على اوزان واحكام
وصلوا على المختار في منتهاها=عداد من لبا بمكه ومن صام[/poem][/frame]
[align=center]ناهس بن ناحل[/align]
