المحبة ماتجي ياصاحبي عبر اتصال
بسم الله الرحمن الرحيم
السلام عليكم ورحمة الله وبركاته
اسعد الله اوقاتكم
هذه المتواضعة تواصلية
اضعها بين ايديكم امل ان تنال اعجابكم واستحسانكم
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
المحبة ماتجي ياصاحبي عبر اتصال=ولاتجي فالنت الاقشر عن طريق الدردشة
المحبة بالقلوب اللي مشت درب الحلال=ماتسير مع الجموع اللي تحب الزركشه
ماتعلق بالصور واصوات صرّاف الدلال=ليلهم يسري سوالف بالخفا والخشخشة
شامت بحب الشرف عن درب سو وكسب مال=يوم شافت غيرها حسب المصالح عايشه
الشرف والستر دايم شانها في كل حال=ولاتحصل رمية ٍ من عندهم جت طايشه
والنوايا كالمطايا موثقات ٍ بالحبال=وثقت بايدين سايقها ماهي بمطيّشه
ساقها من هو يحكم عقله بكل الفعال=وساقها دفش ٍ ضعيف العقل طايش ودبشه
والهوى ياخوك مايعرف قويين الرجال=في رحاته قلب راع العشق حطه واجرشه
من قديم الوقت محتل المخاليق احتلال=عن رضاهم...جاء بلا جيش ٍ علاهم جيّشه
الحظيظ اللي سلم واللي قعد ذاق الوبال=فالطريق اللي ضعوفه فالحيود مطششه
شمسه الصدق الحقيقي مايجي عنها ظلال=ومن تفيّا بالخداع يحصّل اللي يكرشه
جاك راي ٍ من عتيبي ٍ ليا من قال قال=من رضا قولي هلابه والضيوق امطنشه[/poem]
[align=center]وسلامتكم واعذرونا على القصور[/align]
