حـــــــــــــــزن الغيااب
أكذب على روحي لو قلت بنسى خيالك
طيفك يباريني بكل الزوايا
ريحتك
حروف شعرك
ضحكتك
وكل الأماكن تشهد على روحك
اتخيلك تضحك معي
تلعب معي
اتخيلك ويدي بيدك
حتى الزعل أتخيلك تزعل علي واراضيك
اتخيل احضانك لو شفت لي دمعه
ويني انا ووين عالم النسيان
معقول أنسى ما اظن لي قلب يقسى
اتذكرك طول الطريق
وانته معي أغلى رفيق
مزح ولعب جد وعتب
ما كنت انا مغرمه حيل
لا
كنت أعشقك مثل القمر والليل
طيفك هنا
في داخل ضلوعي
يشرب معي
ياكل معي
يا اخر ملامح الوداع
وين خذتيه عني
طلبتكم رجيتكم توسلت انا بدموع قلب يحترق
آخر وداع بودعه
واتركوني اضمه
اشم ريحه والمه
بقبل عيونه
وتمتمت لي العاصفه
مدري كيف انا اوصل الشوارع زحام
والوجع طاغي ونام
في عروق شدها ثقل الخبر
هي انا ورا المقود والا انا غبت بغياهيب الجزع
ركضت له مسرعه وسط الجموع تمرني دمعه تحت الغطا بللت خدي
مدري الخبر صادق او انه ما هو خبر
لا لا هذا الدليل
عظم الله اجرك يا قلب العنا
قالوها وما دروا ان قلبي ما بعد صدق للخبر
كل الخلايا كذبت
وانا بعد مسكت بباب الأمل وعصفت بي ذكريات موجعه
يا سكون الكون ليه صمتك عجيب
في ساعة التوديع تكون طاغي
وطالع بوجه من مسك كفي
هو صحيح الخبر
محمد لا تقول لي وتأكد قل لي كذب الخبر
بصدقك ما لي على التوديع طاقه
احترق وشوقي للغالي زياده
بودعه تكفى طلبتك بودعه خذني معك
بقبل كفوفه
بطلبه ياخذني معه
ما لي صبر عقب فرقا محبوبي ما لي صبر
جف دمعي والحبر
يا أنتي يا مغرمه هذا حبيبك ودعي اخر ملامح وجه القدر
ما قدرت احبس مزامير الألم وطلعت تنحر بصوتي نحر
واحرقت خدي ولقفتها بكفي
وما قدرت غير ارتمي على النعش واقبله
واخر زياره
ومرارة التوديع هي والألم
وتمرني ذكراك يا يوم الحزن وتنزل الدمعه يتيمه
وتقول لي مرت سنه واقول لها يا دمعتي
كل المشاعر تبكي وجع تبكي وله تبكي حزن
ذ كــــــــــــــــ الحزن ـــــريـــات
20/10/2009م
رد: جرح وأمل والنوايا مطايا
تخالفي يا ظنون قلبي وحديني
عادة الدمعه ان قلت راحت جات
شفت المحابر والدفاتر تناديني
كنها تعزي خافقي معظم الحزات
أصد عنها والحزن ذايرن فيني
وتطيح عيني في كلامه مع الرسمات
انا والله اللي مت يا دمعه أرثيني
ويا عبرة الفرقااكوي خاطري بسكات
أبني الغالي لم ولن أنساك ما حييت وما زالت أشيائك هي ما يؤنس وحدتي بعد رحيلك
زهرة الخزاما
رد: جرح وأمل والنوايا مطايا
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كم واحد(ن) تنخاه ثم يعتزي لك =يشرب ذحاح الموت لا جيت مايل
وكم واحد(ن) ساق العمر في سبيلك=أصله مثل طبعه وافي خصايل
اما تهز العود ....ويملى شليلك= والا فخل.... مكثرين الجمايل[/poem]
زهرة الخزاما
رد: جرح وأمل والنوايا مطايا