~غــــــرابـيـل~

الاخوة والاخوات أعضاء منتدى غرابيل الكرام
كم انا سعيد بأن اكون أحد أعضاء هذا المنتدى الراقي ويشرفني أكثر ان أقدم لكم هذه القصيدة التي اتمنى ان ترتقي لذائقتكم جميعاً وهي مهداة لغرابيل ولأعضائه وهي مصافحتي الثانية لكم وحصرية لغرابيل فقط :
"
"

[poem=font="Simplified Arabic,4,black,bold,normal" bkcolor="transparent" bkimage="backgrounds/18.gif" border="none,4,gray" type=2 line=0 align=center use=ex num="0,black"]
للحب للأشواق للعطر لليل=للعشق لأنفاس الزهر للولايف
للصب للترحال للجدي لسهيل=للذكريات وللطعون النزايف
للربوة اللي عانقت نسمة الهيل=للترف لجروح بقلبي كلايف
لعيونها لسطور هاك القناديل=للثغر للبسمة لبوح الشفايف
جيت اسكب الأشواق حرف ومواويل=واعسف قوافي مفرداتي عسايف
واللي دفعني منتداكم ((غرابيل))=وجدت فيه الطرح راقي ونايف
في شاشته كحلت الأعيان تكحيل=والوصف فوق الوصف فوق الوصايف
مريت والداعي لكم شدني حيل=وافقيت وأفكاري عليكم نكايف
وقمت أتصفح واسبر الغور تحليل=حتى رسيت ولاف بالقلب لايف
قلت انفض أغبار الشجر والبهاذيل=عن عمري اللي لوّعته الحسايف
باسباب من فصّل على قلبي الويل=غروٍ حفظته بالضلوع النحايف
غروٍ سقاني من عيونه فناجيل=واقفا ودمعه فوق خده ذرايف
حدّوه صوب الغير عشاقة الميل=واليوم صار بعصمة الغير ((وايف))
هذاك لو يده فقط تلمس النيل=يصير طعم النيل به ورد طايف
هذاك حبي دنيتي صفوة الجيل=يا حبذا أنه يوم بالحال شايف
لولا الحيا والعيب سقت المراسيل=وآجيه لو دونه جيوش وطوايف
لكنها ما هي صفات الرجاجيل=يصير لبيوت المقفين حايف
بالمختصر وضحت بعض التفاصيل=وباقي غلاها في الضلوع النحايف[/poem]

مع خالص تحياتي
العــــــ أحمد ــتيبي

لكنها ماهي صفات الرجاجيل
يصير لبيوت المقفين حايف


صدقت يا احمد


لعيونهـا لسطـور هـاك القناديـل
للثغـر للبسمـة لبـوح الشفـايـف
جيت اسكب الأشواق حرف ومواويـل
واعسف قوافي مفرداتـي عسايـف
واللي دفعنـي منتداكـم ((غرابيـل))
وجدت فيـه الطـرح راقـي ونايـف



وحضورك بهذ النص لا يقل روعه ورقي




كل التحايا لك ولهكذ شعر

صــ لســانك وسلم يمناك لا هنت ـــح
قصيــدة رائعة الله يعطيك العافية

أخوي أحمد العتيبي


هـلا وغـلا ومـرحبا


صح لسانك وبيض الله وجهك


رايعه ووافيه من راس وافي


لك فائق احترامي وتقديري

واللي دفعنـي منتداكـم ((غرابيـل))
وجدت فيـه الطـرح راقـي ونايـف

واللي دفعنـي منتداكـم ((غرابيـل))
وجدت فيـه الطـرح راقـي ونايـف

واللي دفعنـي منتداكـم ((غرابيـل))
وجدت فيـه الطـرح راقـي ونايـف


هلابك يا أحمد

حضور يسعدنا .. وحرف نتشرف به وبشاعره

صح لساااانك

ولاهنتتتتتتت

النااايف

واللي دفعنـي منتداكـم ((غرابيـل))
وجدت فيـه الطـرح راقـي ونايـف
في شاشته كحلـت الأعيـان تكحيـل
والوصف فوق الوصف فوق الوصايف
مريت والداعـي لكـم شدنـي حيـل
وافقيـت وأفكـاري عليكـم نكايـف
وقمت أتصفح واسبر الغـور تحليـل
حتى رسيـت ولاف بالقلـب لايـف
قلت انفض أغبار الشجـر والبهاذيـل
عن عمري اللي لوّعتـه الحسايـف



ياهلا ومية غلا بالشعر واهله


ومصافحة اخرى لشاعر سيجبرنا على انتظار جديدة


صح قلبك وكلك يا احمد


وجمال غرابيل اكتمل بوجودك ووجود قلمك المميز


تحيتي لك

واللي دفعني منتداكـم ((غرابيـل))
وجدت فيه الطـرح راقـي ونايـف
في شاشته كحلـت الأعيـان تكحيـل
والوصف فوق الوصف فوق الوصايف
مريت والداعـي لكـم شدنـي حيـل
وافقيـت وأفكـاري عليكـم نكايـف

ابيات رائعه في جزالت النظم والمعنى
الله يعطيك العافيه

[align=center]
أحمد العتيبي
ـــــــــــــــــــــــــ ــــــ
صح لسانك مليوون

ولا تهووووون


ألف شكر لك

ولا تحرمنا من جديك المميز القادم
ـــــــــــــــــــــــــ ــــــ
أخوكـ/خالد
[/align]

صح لسانك مليوووووووون




سلمت ودمت ولاهنت

ياسلام عليك ياولد العم

أحمد بيض الله وجهك على هالقصيدة

هذا الكلام والا بلاش

والله ودي اتكلم واتكلم لكن الصمت زين تجاة الإبداع .. !!

تحيتي

فيصل العتيبي

احمد العتيبي

اسعدنا كسب شاعر متميز صاحب فكر راقي شرواك اقولها عن نفسي وكلي ثقه ان اخواني في غرابيل يشاركوني

الراي..

قصيده غارقه بالجمال والمعاني الساميه بيض الله وجهك يوم قلت :

لولا الحيا والعيب سقت المراسيل = واجيه لو دونه جيوش وطوايف
لكنها ماهي صفات الرجاجيل = يصير لبيوت المقفين حايف

والنعم فيك وفي منسبك الطيب الهيلا

تقبل مروري

حدّوه صوب الغيـر عشاقـة الميـل
واليوم صار بعصمة الغير ((وايـف))

عزاااااااااااااااااااااهـ


الغالي احمد

ثق تمام الثقه انني ساكون متابع لكل ماتطرح من ابداع

صح كلك

تحيتي

[poem=font="Simplified Arabic,4,firebrick,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
هذاك لو يـده فقـط تلمـس النيـل= يصير طعم النيـل بـه ورد طايـف[/poem]

،

،

الشاعر / احمد العتيبي

صور رائعة احتوت عليها قصيدتك

لله درك يالقرم

تقبل ودي

،

،

,
,
,
الرائع / أحمد العتيبي

واللي دفعنـي منتداكـم ((غرابيـل))
وجدت فيـه الطـرح راقـي ونايـف
في شاشته كحلـت الأعيـان تكحيـل
والوصف فوق الوصف فوق الوصايف
مريت والداعـي لكـم شدنـي حيـل
وافقيـت وأفكـاري عليكـم نكايـف
وقمت أتصفح واسبر الغـور تحليـل
حتى رسيـت ولاف بالقلـب لايـف

ماشاء الله ...
هديّة رائعة من قلب شاعر نبيل وصادق
صح لسانك ونبضك ودمت نقيّاً ...

ولك تقديري

المبدع أحمد العتيبي

صح لسانك ونبضك
رائعة من شخص أروع
تقبل مروري مع خالص تحياتي
دمت بود