[ .. أم طــلال .. ]

[align=center]بسم الله الرحمن الرحيم

أسعد الله أوقاتكم بكل خير

اطلالة جديدة .. اتمنى ان ترتقي لذائقتكم[/align]


[align=center]الفكرة : بعد فترة من الحب الكبير .. حصل الفراق الاجباري .. بزواج الفتاة والتي كانت تريد محبوبها زوجا ً لها الا انه كان للعادات والتقاليد كلمة تحول بين الارتباط ..

تزوجت .. وانجبت " طلال و صيته " وفي يوم من الايام .. التقى ذلك المحبوب بمحبوبته وكان معها طفليها .. في موقف يصعب التعايش معـه

فخرجت هذه القصيدة ....[/align]


[align=center](( أم طلال ))[/align]


[poem=font="Simplified Arabic,5,darkred,normal,normal" bkcolor="transparent" bkimage="" border="none,4,white" type=1 line=0 align=center use=ex num="0,black"]
فيني ألم يجبرني استصرخ القاف = بأسباب هاك النظرتين المميته

طفلين اناظرهم وادق رقم الاسعاف = لكن قسم بالله رقمه نسيته

طفلن وطفلة تشبه الوان الاطياف = واقول ليت الحظ يفزع ياليته

ردتني الذكرى على ذيك الارياف = انا وقلب الأم ياما هويته

يا أم طلال بداخلك شي ينشاااف = وفي وسط عينك شي كني قريته

المح خفايا القلب والقلب شفاف = قلبن عطيته حب ماقد عطيته

قلبن عطيته عيني فراش ولحاف = وهي صارت لقلبي حياته وبيته

هي قدمت لي قلبها وكل الاطراف = وقالت تفضل خذ كل مابغيته

أول ماينطق قلبي الأوف والآف = تصير اقرب شخص عندي لقيته

يا ام طلال ان كان تبغين الإنصاف = قلبك شريته ايه قلبك شريته

غاصت عيوني بنظرتك والبخت راف = اشوفها واتذكر اللي طويته

طفلتها تجلس جنبها والولد طاف = ينادي امه وش علامي نصيته

طلال : كيف أمك عسى مابها خلاف = وشلون قلب امك عساني فديته

عجزت ابسأل والبلا حلقي الجاف = ريقي نشف من هول شي ٍ رأيته

غصتني العبرة وانا جسمي ارجاف = واشوف هزّة بيتي اللي بنيته

طلال جاوبني وقلي عن الخاف = لالا تهاب ، السر ماقد فشيته

واختك حلاها طاغي وحيل بزاف = طمني تكفى قلي وشلون صيته

ياحلوها كأنها تاخذ اسلاف = تاخذ من امك زين ، ياما رويته

طلال لاتظلمني ارجوك وتخاف = كل الحكاية ، هاجسي ماقويته

تبا ً لعادات التخلف والأحلاف = مفروض انا وياك يا أم صيته[/poem]



[align=center]-- وسلامتكم --


.
.
.


صالح المرزوق[/align]

صح لسااااااااااااانك

الى رضاك وتقبل الود وترلتين ورد

تاج راسي صاالح المرزووق

حبيت أسلم عليك طول الله عمرك وأقول لك بشكل خاص


بيض الله وجهك وصح لسانك على هالقصيدة الطيبة ..


عز الله إنها تداوي وتشرح القلب والخاطر .. وعساك على العز دوم .


تحياتي وتقديري يالقرم

صح بوحك الرائع...


تحيتي وتقديري

اخي الكريم

بيض الله وجهك ياغالي
وصح لسانك ملايين
رائعة


دمت بود

يا أم طلال بداخلك شـي ينشـاااف
وفي وسط عينك شي كنـي قريتـه
المح خفايا القلـب والقلـب شفـاف
قلبن عطيتـه حـب ماقـد عطيتـه

،

،

طلال : كيف أمك عسى مابها خلاف
وشلون قلب امـك عسانـي فديتـه
عجزت ابسأل والبلا حلقي الجـاف
ريقي نشف من هول شـي ٍ رأيتـه
غصتني العبرة وانا جسمي ارجـاف
واشوف هـزّة بيتـي اللـي بنيتـه

،

،

كتبت فأبدعت يا صالح

تصوير إبداعي من مُبدع ..

صح لسانك ملاييييييييين ولا هنت .

صالح المرزوق
,
,

رائع بمعنى الكلمة

وصح لسانكـ ,, ودمت

صح لسانك

الله الله الله

صح لسانك والله عورت قلبي هالقصيده

فيها معاناة شائكه ,, لاحول ولا قوة الا بالله ,,

اصلح الله شانك يا صالح وقال الاول للتالي :

زادٍ مهوب زادك لاتحظر كيله

حضور رائع كما هي عادتك دائما

الله يديمه

[align=center]بسم الله ..

محمد الروقي .. حياك ربي يالغــالي ..

شرفني وأسعدني تواجدك وحضورك ...

اشكرك جزيل الشكر على هالاطلالة الجميلة .. وما قصرت يالغالي



.
.
.


صالح المرزوق[/align]

,
,
,

الشاعر النقي صالح المرزوق

دوماً ماتحرص على طرق كل معاني الشعر ومجالاته الإجتماعية وهذا دليل على القوة الشاعرية وقلبك النقي
قصيدة رائعة
من شاعر أروع وأنقي
لك تقديري ياعزيزي.
.

صالح المرزوق


صح قلبك وكلك



وسلمت اناملك


تحيتي لك

[align=center]بسم الله ..

محمد السليس .. صدقني اتشــــرف جدا ً بحضورك

واطلالتك صدقني بأنها اضافة لي وللقصيدة والموضوع ...

بيض الله وجهك يالغالي وما قصـرت ... والله لا يحرمنا منك يابعدي


.
.
.


صالح المرزوق[/align]

المح خفايا القلـب والقلـب شفـاف
قلبن عطيتـه حـب ماقـد عطيتـه


قلبن عطيته عيني فـراش ولحـاف
وهي صارت لقلبـي حياتـه وبيتـه



مافيك حيله يالمرزوووق


ابدعتتتت بتصويركـ الموقف


كان الله في العون


ويسلم راااااسك مبدعنا


وصح لساااانك

ولاهنتتتتت


الناايف

[align=center]بسم الله ..

سـعـد الحويماني .. حياك ربي يالغـالي

اشكرك جزيل الشكر على هذه الاطلالة .. وهذا التواصل الجميل ..

ما قصـرت .. ودام عزك يا سعد

.
.
.


صالح المرزوق[/align]