-
سوار وقلاده
بوح متواضع امرره من بين ايديكم لينال شرف اطلالتكم
عليه ولاجاري به ابداعاتكم ولو بالقليل
وارجو ان يحوز على قليل من رضاكم
[frame="2 80"][poem=font="Simplified Arabic,4,darkred,normal,normal" bkcolor="transparent" bkimage="backgrounds/15.gif" border="none,4,gray" type=0 line=0 align=center use=ex num="0,black"]
حبيبي لاتحاسبني على ماضي بعمري فات=
=انا حبيت قبلك بس احبك موت وزياده
حبيبي وش تحاسبني عليه وتبدي الشرهات=
=على جرحن بوسط القلب حتى الطب مافاده
تحاسبني على قلبن هلك من كثرة الطعنات=
=على كثر الجروح اللي تجي فيه اصبحت عاده
تحاسبني على حبن مضى كله الم وآهات=
=على الحظ اللي اتعبني بميلاته وبعناده
تحاسبني على عمرن قضيته هم مع حسرات=
= على قلبن جريح وصار جرحه شربه وزاده
حبيبي يابعد روحي دخيلك تدمح الزلات=
=ترى الحب الحقيقي ياحبيبي معك ميلاده
انا لولا غلاتك ماكتبت الشعر والابيات=
=ابنظم لك من ابيوت القصيد اسوار وقلاده
بيوت الشعر لامني بغيت اوصف جمالك جات=
=تجي غصبن عليها لاجل سيد البيض منقاده[/poem][/frame]
-
صح لسانك مدد بلا عدد
،
،
دمت ودام حرفك .
لك اجمل التحايا
-
عبدالرحمن المورقي
صح لسانـك وجمل الله حـالك
جـزله من جـزل
تقبل خالص تحياتي
-
عبدالرحمن المورقي
صح لسانك ولاهنت
قصيدة جميلة
وتحيتي لك
-
صح لسانك يالمورقي
وبيض الله وجهك
أخوك / الحرالأشقر
-
,
,
,
المبدع عبدالرحمن المورقي
راائع للغاااية
هناك نصوص تملأ الشعور بكل الروعة والإنبهار , وتحثُ القلم على أن يبادر بمصافحتها بكل صدق ومتعه
حبيبي يابعد روحي دخيلـك تدمـح الـزلات
ترى الحب الحقيقي ياحبيبـي معـك ميـلاده
انا لولا غلاتك ماكتبـت الشعـر والابيـات
ابنظم لك من ابيوت القصيد اسـوار وقـلاده
عزيزي
نبضك هنا له رونقه
وعذوبته
وسهولة قرآته فلايتعثر اللسان ولا القلب في عبور القصيدة بكل أريحية....
لذا كانت مميزة هذه العذبة...
صح قلبك وحرفك ياعزيزي,,
-
عبدالرحمن المروقي
أسعد الله جميع أوقاتك بكل خير ومسره
الله الله عليك ياسلام ابيات ولا اروع منها
صح لسانك ولاهنت كتبت فأبدعت
لاتحرمنا من روائعك الجميله
الحزنّ الأكيدّ
-
صح لسانك ....
كلمات والله تستحق الوقوف والقراءة ..
تحيتي لك أخوي عبدالرحمن ...
مشاعر حالمــه
-
عبدالرحمن المورقي
صح لسانـك
وسلمت اناملك
ننتظر مشاركاتك الفعالة معنا
تحيتي لك
-
حبيبي يابعد روحي دخيلـك تدمـح الـزلات
ترى الحب الحقيقي ياحبيبـي معـك ميـلاده
صح لسانك .. روعة يالمورقي ... ولاهنت
-
أخوي الغالي والعزيز / عبدالرحمن المورقي
صــــــح لســـــــانـــــك
أستمتعنا بما قرأنا
وعكست لنا إبداعك وتألقك
والله يعطيك العافيه
وننتظر إبداعك القادم
وتقبل خالص تحياتي ،،،،،،،،،
أخوك : عبدالله محمد
-
عبدالرحمن المورقي
صح لسانك مدد بلا عدد
،
،
دمت ودام حرفك .
لك اجمل التحايا
الناااااااااايف
-
الغالي رشيد الكسر
كل الشكر على اطلالتك الغاليه
والتي سعدت بها كثيرا
دمت بود وتقبل ارق التحايا
-
الغالي مهدي بن مسفر
كل الشكر لاطلالتك الغاليه والتي سعدت
بها كثيرا دمت بخير وتقبل خالص الود
وارق التحايا
-
الغالي عبدالعزيز الخالدي
كل الشكر لاطلالتك الغاليه والتي سعدت بتواجدها هنا
دمت بخير ولك خالص الود
وارق التحايا
