المشاركة الأصلية كتبت بواسطة حزين الحرف
السلام عليكم ورحمه الله وبركاته
أخواني الأعضاء
هذه قصيده من قصائدي المتواضعه
وهي آخر ما كتبت أتمنى أن تحوز على رضاكم وأعجابكم
وأن تكون في المستوى
[poem=font="Simplified Arabic,4,white,normal,normal" bkcolor="transparent" bkimage="backgrounds/21.gif" border="none,4,gray" type=0 line=0 align=center use=ex num="0,black"]
مافيه داعي للعذر صدقيني = زلتك مدموحه ولو ما تعذرت
معقوله ازعل منك يا نور عيني = حتى ولو طال السفر ما تذمرت
لأني أعرفك لو بيدّك تجيني = ماكان طولت الغياب وتعذرت
تعال جنبي ضمني وأحتويني = مشتاق أحس بزفرتك لا تزفرت
الله لو تدرين وش صار فيني = من بعد ما صديت عني وسافرت
بآقول لك وش صار بينك وبيني = لا يدري العذال بأني تأثرت
لأني إلامنه سأل عاذليني = عن حالتي من بعد فرقاك كابرت
حتى أنتي لامن أتصلتي تبيني = أظهر لك الفرحه وأبكي لسكرت
عارف سؤالك قبل لا تسأليني = قابلت غيرك ؟ شفت ؟ حبيت ؟ فكرت
لالا أنا لك مثل ماتعرفيني = باقي على عهد الوفا ما تغيرت
تصدقي بالله قبل لا تجيني = نويت أزعل منك وأشره وفكرت
لاكن بعد ماجات عينك بعيني = حسبتني المخطي وجيت وتعذرت [/poem]
وسلامتكم
اخوكم حزين الحرف
عبد الرحمن سعد
