كان يا مكان- كنا هنا مع بعض زمان
السلام عليكم ورحمة الله وبركاته
كل سنة وانتوا كلكم طيبين
انا إيطاليانو
اكيد فيه اعضاء كتيررررررررر اوى هنا ماحدش فيهم يعرفني
بس انا كنت هنا من زمان يعني تقريبآ من 4 سنين
عيشت احلى ايام هنا في غرابيل
والله دا مش كلام دي حقيقة
غرابيل كان من اوائل المنتديات اللى انا عرفتها
مع انى مصري والمنتدى خليجي بس عمري ما لقيت فرق او حسيت بفرق
ودا لاننا اتعاملنا هنا كاخوات بغض النظر عن الجنسيات
لقيت هنا ناس حلوة اوى واخوة واخوات عزاز اوى عليا
اتعاملت مع اعضاء في المنتدى هنا بصراحة وبأمانة لسه لحد دلوقتى باعزهم وباحترمهم وبأقدرهم
اتعرفنا علي بعض
ضحكنا مع بعض
قرينا مواضيع بعض
اتعلمنا من بعض
اتشاركنا مع بعض
عيشنا احلي جو مع بعض
الناس دي كان لينا ذكريات جميلة مع بعض جوة مواضيعنا في غرابيل
الناس دي انا افتقدتها فعلآ
وكان نفسي اتطمن عليهم
لو حد عارف حاجة عنهم يا ريت ما يبخلشي بيها علينا
ولو فيه أى عضو مفتقد عضو تانى
يسأل عليه هنا
وانا عن نفسي مفتقد
http://www10.0zz0.com/2010/08/31/22/783971593.jpg
ليكي واحشة والله يا شحرورة
يا رب تكونى بخير
http://dc05.arabsh.com/i/01962/11zpkjauwhi3.jpg
أمل عبد العزيز
انا ومواضيعي اتشرفنا بيكي
كنتى خفيفة ظل فى كل مواضيعي بردودك الجميلة
يا رب تكونى بخير يا امل
http://dc05.arabsh.com/i/01962/6y5fkulamqz7.jpg
ريف العين
فعلآ نجمة في سماء التألق
واتمنى انك تكونى نجمة في سماء الدنيا
واتمنى انك تكونى بخير وبسعادة
http://dc05.arabsh.com/i/01962/8dbq1l8y37oi.jpg
نجلاء
مايكفكيش مليون صفحة علشان اتكلم عليكي
عمرى ما هانسي ( بطولة غرابيل الأولي لكرة القدم )
واللى عملناه في البطولة انا وانتى
اخف دم قابلته بجد
اتشرفت بمعرفتك فعلآ يا نجلاء
واتمنى من ربنا انك تكونى فعلآ بخير
http://dc11.arabsh.com/i/01962/yzsvikuypaaj.jpg
دكتورة لمياء
كنا مع بعض في رائعتك ( بطولة غرابيل الأولى لكرة القدم )
يا رب وجودى في البطولة كان عند حسن ظنك
اتشرفت بمعرفتك انسانة جميلة ومحترمة
اتمنالك كل خير
http://dc11.arabsh.com/i/01962/jxugzqsecss0.jpg
فوشي
كنتى فش فاشة المنحاشة ايام ما كنت انا موجود
كنتى بسمة في مواضيعي
اتشرفت بيكي وبرأيك في مواضيعي ومواضيعي اتشرفت بكل حرف كتبتيه فيها
يا رب تكونى بخير
http://dc11.arabsh.com/i/01962/r5dxrami4j2l.jpg
غنوة الحب
حنان
بنت الأمارات
من اوائل الناس اللى اتعرفت عليهم هنا
انسانة جميلة خلقآ واخلاقآ
مرحة ودمك خفيف اوى
اول معرفتنا كانت بخناقه دمها خفيف زيك
بس بعد كده بقينا اصدقاء جدآآآآآآآ
اتمنى انك تكونى بخير
معلش يا جماعه لو فيه حد انا ناسيه
دا طبعا غير ان فيه ناس كتيرة لسه موجودة في المنتدى
بس دول اللى انا لاحظت انهم غايبين عن المنتدى
واللى كان واجب عليا انى اسأل عليهم
لو حد عارف حاجة عنهم يا ريت يا ريت يعرفنا ويطمن كل اللى عرفوهم عليهم
وكل سنة وانتوا طيبين
سلامو عليكو
