رد: على قصيده( حصه والمكياج)
بسم الله الرحمن الرحيم
سبق وان قدم لنا الشاعر مقبول الشيباني قصيده حصه والمكياج
فل يسمح لي بطرح قصيدتي في موضوع مستقل (فكاههxفكاهه)
قصيدة الشاعر: مقبول الشيباني
[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الله يخلي لك المكيـاج ياحصـه=اللي يحـل الوجيـه المشبهانيـه
منتي بربع الجمال ولنتـي بنصـه=ولنتي بحوله ولاله فيـك ماريـه
مافيك غير انك من الرز مرتصه=ولاطرو المترفات اقـول عاديـه
لو كحلت عينها لو كدت القصه=ماهيب حول الحلا ولاحراويـه
يومنها بصت وساقتلـي البصـه=بغيت الق الخلا وحـط رجليـه
شيفه ومغروره وبالحيل منشصـه=تخيل انها كما اريـام الخليجيـه
هاذيك هي من يزود غصتي لصه=لاشفتها قلت حي الزين ياحيـه
الزين فيها وهي بالزيـن مختصـه=غطت على اجمل فتايات السعوديه
[/poem]
ـــــــــــــــــــــــــ ـــــــــــــــــــــــــ ـــــــ
ردي عليه:
[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
مقبول يا سيدي ياشين ذا القصه=ضلمت بنت البلد وحصه سنافيه
تقول مــا فـــيك لا ربــعه ولانصه=وكلن من الزين لا بد ياخذ شويه
وإن جيتني تذكر المكياج وتخصه=الـزين بـين ولا يحـتاج لــه شـيه
وإن كان حصه بعينك كنها جصه=اضن عينك عن الأجواد معـميه
الرز لـك تـطبـخه ياعـله الغـصـه=ما يقنعك غيره من الاكلات شعبيه
والجوهر اصلن جمال الروح في شخصه=لا غاب بعض الجمال يصيرفوقيه
يكفي شريفه نظيفه طاهره فصه=ماهـي من اللي يديـرن الفـضائيه
كنك نسيت البلى لا بان بالعفصه=تبـي تسلـى ولا ضــنيت لــك نـيه
وأريام لو شفتها بالكحل ملتصه=الله يخــلي لــها المــكياج كــليــه
كلن ينادي على ميعاد للحصه=وعيـادة الـزين باهـل الفـن معــنيه
تكبير، تصغير،حتى اللون له بصه=جمـال زايـف وحــتى دون عـاديـه
ويا زين نوره وساره ثم بعدحفصه=وأخـص بالزين انا بنـت السـعوديـه
يا حيها والله وحيو بعد حصه=في زيـها لا اقبـلـت بالعـقـل مكـسيه
والمعذره سيدي طولت بالقصه=وش عاد ذنبي وانا من اصل نجــديه
وأغار لا من سمعت بجارتي لصه=وأحـب أكـون بمكـانن فيـه مرضـيه
[/poem]
ـــــــــــــــ
دمتم بحفظ الله ورعايته
ودي لكم: اللؤللؤة
رد: على قصيده( حصه والمكياج)
الزين من زانت دلوله ونا اخوك
وحصه والله لو انها كيس رز رصيص متحرك
والعجين على برقعهااا وبواقي الصلصه على الذرعان
انها افضل من الي مخليتن ضهرها عريان وكنها المسواك
والمثل قال حبيبك من تحب لو كان دب ياعسى اريام فدوة بدوية عند غنمهااا
وصح صح لسانك لين ترضين
تريلة ورد
وتريلة ند كنبودي
وتريلة ود اخوي بدوووووي
رد: على قصيده( حصه والمكياج)
اقتباس:
المشاركة الأصلية كتبت بواسطة محمد الروقي
الزين من زانت دلوله ونا اخوك
وحصه والله لو انها كيس رز رصيص متحرك
والعجين على برقعهااا وبواقي الصلصه على الذرعان
انها افضل من الي مخليتن ضهرها عريان وكنها المسواك
والمثل قال حبيبك من تحب لو كان دب ياعسى اريام فدوة بدوية عند غنمهااا
وصح صح لسانك لين ترضين
تريلة ورد
وتريلة ند كنبودي
وتريلة ود اخوي بدوووووي
اشكرك على مرورك الكريم
لكن عاد مو لهاالدرجه عاد
والنظافه مطلوبه في كل شي
وهي من الإيمان قبل كل شي
دمت برضا من الرحمن
ودي اللؤلؤة
رد: على قصيده( حصه والمكياج)
صح لسانك يا للولوة
رد جميل جدا
لله درك
تحييت لكِ
رد: على قصيده( حصه والمكياج)
[quote=أبوعبدالرحمن;2587718]صح لسانك يا للولوة
رد جميل جدا
لله درك
تحييت لكِ[/quot
صح بدنك والجمال وجودك سيدي الكريم
شرفني واسعدني كثيرا مرورك
الففففففف شكر
ودي اللؤلؤة
رد: على قصيده( حصه والمكياج)
صح لسانك وعلا شانك
رد جميل وموفق
لاهنتِ
رد: على قصيده( حصه والمكياج)
كفُو يااللؤلؤَهـ...،
سبَق وشفْت ردّك وتمنّيت يكُون بصَفْحَه مستقلّه..،
صَح الله لسآنِك مليُون يالسنَافيّه ولايُوفُونْ
والف نعِمْ فِيك ياللُؤلؤُه كفّيتي ووفيِتِي
دُمتِي ياشَامخَه http://www.3sl3.com/up/upfiles/Q1m22808.gif
رد: على قصيده( حصه والمكياج)
صح لسانك يا اللولوه
ردّ جميل
ومعاني راااااائعة حملتها الأبيات
بانتظار جديدك
رد: على قصيده( حصه والمكياج)
صح قلبك ياللؤلؤه
ما قصرتي رد رائع من شاعره رائعه
دمتِ ودام نبضك
ودي ووردي
رد: على قصيده( حصه والمكياج)
صح لسانك وبيض الله وجه الغيرة الطبيعية التي أثارت القريحة الشريفة العفيفة لتبدع أبيات العز وتلبس القصيد ثوب التقوى لاهنت..
رد: على قصيده( حصه والمكياج)
مبدعه ياللؤلؤه
صوت وصدى جميلين
صح قلبك وكلك
وهنيئا للعنصر النسائي بك وبقلمك
ودي وتقديري
رد: على قصيده( حصه والمكياج)
اللؤلؤه
صح لسانك وبيض الله وجهك
لاهنتي
رد: على قصيده( حصه والمكياج)
صح لسانك يا لولوة رد ملجم
رد: على قصيده( حصه والمكياج)
اقتباس:
المشاركة الأصلية كتبت بواسطة كاسب العز
صح لسانك وعلا شانك
رد جميل وموفق
لاهنتِ
صح بدنك يا اخ كاسب والله لا يهينك
اشكرك على مرورك الجميل
اللؤلؤة
رد: على قصيده( حصه والمكياج)
اقتباس:
المشاركة الأصلية كتبت بواسطة أريج الرياض
كفُو يااللؤلؤَهـ...،
سبَق وشفْت ردّك وتمنّيت يكُون بصَفْحَه مستقلّه..،
صَح الله لسآنِك مليُون يالسنَافيّه ولايُوفُونْ
والف نعِمْ فِيك ياللُؤلؤُه كفّيتي ووفيِتِي
دُمتِي ياشَامخَه http://www.3sl3.com/up/upfiles/q1m22808.gif
اريج صح بدنك وما عليك زود
كلماتك اسعدتني الله يعطيك العافيه
تشرفت بمرورك
دمت برضا من الرحمن
اللؤلؤة