حالتي حالة ...!

السلام عليكم

يقول:
[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""] حالتي حاله ولا ادري عنك وش حالك عليه=طق عودٍ في حصاة وكل دربٍ سدده
والله اني مذكر الزله وذنبٍ طحت فيه=وانت ساكت .. والسكوت الموت..!! رد .. وحدده
حدني وقتي على قافي وجيته منتخيه=وان سليت انساه لكن الجروح تجدده
والحشى لاقال ابيه .. كل شيٍ قال ابيه=والمشاعر في جنابك هايمه متودده
يالغضي وان كان شفت الهم تخنقني يديه=داوني بالمبسم الضاحك تراك تبدده
يالغضي وان كان ما تدري بطفل تحتويه=ضحكتك تسعده .. وان مديت بوز تهدده
ياكثر مابحل بوجهي بين نظرات الوجيه=لالقيتك وانت وجهك عن مداي تصدده
كل مانادى منادي الشوق مدري وين اجيه=وانت قدامي .. ووجهات النظر متعدده
ما قدرت استغفر ذنوبي ولا افاصلك ليه=ماملكت الا دعاي ليا انزقت اردده
كني الي ابعده وقته وحده عن ذويه=وانت تدري عن عناي وكل درب تسدده[/poem]

وسلامتكم

وعليكم السلام ورحمة الله وبركاته
شايع الشايع
وانت سالم وغانم وصح لسانك وبيض الله وجهك

ماملكت الا دعاي ليا انزقت اردده
(انزنقت)! هاذي اللي تقصدها صح

صح لسانك الشايع تنقلت بين ابياتها وماحسيت بتشتت
واستمتعت بقرائتي لقصيدتك الله يوفقك

يا هلا بك والله ومرحبا تراحيب الأمطار

وحياك الله يالشايع ,,

وصح إلسانك مدد بلا عدد

قصيدة رائعه وفيها كم هائل من الشعر ,.

صح لسانك قمه على قمه

ننتضر جديدك

سامي العطاوي

وجهك ابيض
صح بدنك ولاهنت يالغالي

تغريد البرقاوي

شكرا على التنبيه وملاحظتك بمحلها ((انزنقت))
إعجابك وسام
تحياتي

بندر النايف
هلا بالمهلي
وصح بدنك ... مرورك تشريف يالغالي

كنق المشاعر

مرورك اسعدنا .. واطرائك احرجنا

تحياتي يالغالي

مبدع يالشايع

صح قلبك وكلك

وسلمت اناملك

تحيتي لك

يامرحبا يابو عبدالرحمن

تشرفنا بمرورك ودامك من الادارة عدلوا الخطأ الي في القصيدة معاد اقدر اعدل :)

في البيت الي قبل الاخير .. انزقت = انزنقت :)
تحياتي

[align=center]
صحً لسآنك..
[/align]

سلمت ودمت وصح لسانك

صح لسانك وقلبك

بيض الله وجهك


لاهنت

الشاعر شايع الشايع
قمة الروعه والأبداع
صح قلبك ودام نبضك
..