مكتبة جريــر

السلام عليكم

الشاعر / محمد بن نايف له شهر واكثر ممتحني عند القصيّده ذي يباني اشارك بهاومالي الا اجيبها وافك عمري ههه

تقبلوها كما هي..



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياهجوس الشعر صدفه بلا سابق وعد = جابته واللي على البال والله ماصعبه
شرق من كرنيش جده شمال من البلد = على حجاج العين الايمن نشوف المكتبه
وقتها محدود وضروفها ماتستجد = قلتها والعلم هذا تراني مقطبه
نظرته منها خذيت الكلام المعتمد = في ضروفٍ تستبيح القلوب المذهبه
عرضتني للمتاهات ودروب الجهد = مير لامنه دنى الموت معروف سببه
القلوب صخاف والموت الاحمر يجتلد = ولو يخم الرجل في ضرف ساعه قالبه
أقبلت ماكنها الا تباشير السعد = في مثل لمح البصر والضروف مهيبه
فتنة العشاق تقصر خطاها بالعمد= كنها تقطف زهور الفياض المعشبه
كل مافيها على بعض ماهو متحد = ناحاله في حال ولا في حال مدبدبه
والله إن البيض في جنبها كمالة عدد = احسب اللي تحسبه واشطب اللي تشطبه
وبينما هالسوق يكتض بالناس وحشد= إعترضها من ورى ال(sidè) ملعون إرقبه
قصده يرقم وقالت له إستح ياولد = وهو حساب البنت فالسوق ماهو ضاربه
ورعٍ اشوفه من اليوم يرثع ويهبد = قصته مدري وشنهي 00 وحالق شاربه
المهم إني على الخط الاول مستعد=ولا التفت الا وانا مع زراره قاضبه
ودنت الهوشه ولاعاد فيها وش بعد=عقب ماشلته سما واستوى لي قلتبه
وقمت فجاءه من منامي ولاحولي احد = توووي اصحى من حلوم الليال المرعبه
قمت أردد بيني وبين نفسي ياولد = مكتبة جرير ليست مجرد مكتبه[/poem]

وسلامتكم

قمت أردد بينـي وبيـن نفسـي ياولـد
مكتبـة جريـر ليسـت مجـرد مكتبـه


فراج العتيبي

الله عليك..

والله دعايه لجرير بمليووون

ابيات جميلة ..ومعاني راقيه..

بيض الله وجهكـ

ذهي احلى دعاية للمكتبه يافراج


صح قلبك وكلك يالغالي

استاذ ومبدع دوما

تحيتي لك

صح لسانك يا فراج

بانتظار جديدك

جرير ليست مجرد مكتبه


صح الله لسانك..


وفالك التوفيق..


سما

فراج

دعايه ولا اروع

صح لسانك


سلام..

الله يبيض وجه محمد بن نايف يومنه أشغلك لين نزلت لنا هالقصيده ويبيض وجهك أنت على روعة هالقصيده



صح لسانك وعلا شانك


أبدعت يافراج وأمتعت


بس لاتنسى تاخذ حق الدعايه من مكتبة جرير ههههه

قمـت أردد بينـي وبيـن نفسـي ياولـد
مكتبـة جريـر ليسـت مجـرد مكتـبـه



ابداع بجد ابداع تعيش جووو مع القصيده ،،،،،،،،، بس حقوق الاعلان لاتنسانا منهااااااااااااااااااا مكتبة جرير ليست مجرد مكتبة

[align=center] الشاعر فراج العتيبي

صــــــــــح عقلك قصيده جـــــــــــــــزله
بصراحه الشـــاعر محمدبن نايف يحقله
قصيد رائعه من شاعر مبدع

(( الثريا ))[/align]

فتنـة العشـاق تقصـر خطاهـا بالعمـد
كنها تقطـف زهـور الفيـاض المعشبـه
كل مافيها علـى بعـض ماهـو متحـد
ناحاله في حـال ولا فـي حـال مدبدبـه
والله إن البيض في جنبهـا كمالـة عـدد
احسب اللي تحسبه واشطب اللي تشطبـه


.............................



الله الله الله الله يافراج

وش اقول ووش اخلي

مبدع ماشاء الله وماينلام ابونايف عز الله هههههههه

الا اقول لك
ليه جرير والعبيكان وش ذنبها ههههههههههههه

عموما

صح لسانك ملايين يالغالي

الله يعطيك العافية

تحيتي لك

8
8
8

العبيكان ماتذكرني الا بالمشاكل ههههههههههههههه هذا هو ذنبها هههههههههههههههه





وقتهـا محـدود وضروفهـا ماتستـجـد
,,,,,,,,,,,,,,,قلتهـا والعلـم هـذا ترانـي مقطـبـه

هههههههه والله ودنا انك استرسلت يافراج ههههههه


الف صح لسانك ولا هنت

فراج


الحين مندمجه مع القصيده وسويت منها مسلسل احتري النهايه وفالاخير يطلع حلم :)

ودعايه لجرير بعد هههه

الله لايلوم محمد يوم نشب لك

ورعٍ اشوفه مـن اليـوم يرثـع ويهبـد
قصته مدري وشنهي 00 وحالق شاربـه
المهم إنـي علـى الخـط الاول مستعـد
ولا التفـت الا وانـا مـع زراره قاضبـه
ودنت الهوشه ولاعـاد فيهـا وش بعـد
عقب ماشلته سما واستـوى لـي قلتبـه

^^^

اعجبني كثير هالمشهد :)

للامانه تستحق القراءه والمتابعه

صح لسانك مدد بلا عدد ويالله تسدك

لك اطيب تحيه

ياسلام عليك يافرااااااااج

هندسه شعريه رائعه

صح قلبك وكلك

عدد من زار مكتبة جرير
تحياتي

فراج

ابداع وإمتاع

صح قلبك وكلك يا الغالي

تحيه عطره

محمد

فراج العتيبي

هلا بك وغلا

صح لسانك الى رضاك

جزله وعذبه وطريفه بذات الوقت ..

اعتدنا منك كل جميل ....

تطربني قصائدك ويعجبني اسلوبك ..

شاعر رائع الله لايضرك

تقبل مروري