(( بــــــــدر صفـــــــوق ))
السلام عليكم ورحمة الله وبركاته
كلمة حق تقال بحق هذا الرجل بعيدا عن النفاق مع تحفظي على بعض الأساليب الصادره منه ولكن له شكري على
تحيّزه للشعر فقط وعلى نقده الهادف 0
[poem=font="Traditional Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لنّك صريح وكلمتك تجبر كسـور = قالوا علامه هالرجل ويـن غـادي
ولَن الوفا بك طبع والصدق دستور = قالوا حقود وقالوا إنـك معـادي
نافق وجامل امدح شيوخ بالـزور = مش القصيده وهاك معْها اعتمادي
بالغ تمادى رفّـع العِمْـيْ والعـور = تلقا البهايم بالغـلا لـك تنـادي
اجبر كسر ارفع قدر شطّب سطور = ادمح خطا الشعار في كـل وادي
وش لك بصدقك يارجل منت مجبور = هذا زمانن مـا يعـرف المبـادي
لا ما يفرّق بيـن ممكـن ومحظـور = بياض مغشيّـن عليـه السـوادي
عادي تكذّب تتّهم عـادي تجـور = عادي خضار اللون يصبح رمـادي
عادي تهايط تصبح انسان مشهـور = اسمك تداولْه الحضـر والبـوادي
خـل المثاليـه تفارقْـكْ لشهـور = ارفع رصيدك فالزمـن لِقْتصـادي
طبّلهم ياشيـخ والصـف طابـور = وحذر تزعّلهـم قصـار الأيـادي
بيع الضمير وقول أنا إنسان معذور = عيبي صدقت بوقت مابـه مبـادي [/poem]
وسلامتكم
إعادة : (( بــــــــدر صفـــــــوق ))
وجد
هلا بك وغلا
صح لسانك الى رضاك
بدر صفوق استاذ قدير وشاعر رائع وكاتب مميز وناقدواعي .
للحق والحق يقال هو منصف للشعر بغض النظر عن الامور
الاخرى والتصرفات الجانبيه ..
عموما قصيدتك رائعه وذات معاني جميله ..
كتبتي فابدعتي لله درك
تقبلي مروري
رد: (( بــــــــدر صفـــــــوق ))
ياهلا والله ب( وجد ) ..
صح لسانك على هذه القصيده النبيله كـ قلبك ..
وبالنسبة للشاعر الناقد / بدر صفوق
لي وجهة نظر في أسلوب نقده ..
لامجال لطرحها هنا ..
رد: (( بــــــــدر صفـــــــوق ))
وجد
يستاهل بدر صفوق شاعر جميل وناقد محايدوينحاز للنقد الهادف والقصيد الجميل
يستاهل
وصح لسانك مدد بلا عدد
تحياتي
إعادة : (( بــــــــدر صفـــــــوق ))
بدر صفوق شاعر جميل
صح لسانك واعتلا شانك
رايعه بروعة حضورك
لك احترامي وتقديري
إعادة : (( بــــــــدر صفـــــــوق ))
بدر يجهز لنقد القصيدة
ويتعب على قراءة القصائد
لكن توه في اول الطريق ويحتاج شوية هدوء في النقاش
صح لسانك اختي
إعادة : (( بــــــــدر صفـــــــوق ))
.
.
وجد
صح لسانك ونص جميل ...
اما بالنسبه للاخ : بدر صفوق
كذالك لي وجهه نظر وودي احتفظ فيها لامجال لطرحها هنا ..
صــح لــســاااانك لاهنتي
دمت بخير
محمد بن نايف
إعادة : (( بــــــــدر صفـــــــوق ))
وسط الضلام انخى انا رجعت النور = مير الضلام يزيد عتم وسوادي
يقودني نجم ن على الليل منثور = لولاه ماضنيت رجلي تقادي
ماهمني بيبان الاسوار والسور = همي وغمي ليش محدن ينادي
للهزل في وقت الهزيلات جمهور = مايستحون ويرفعون الايادي
طيرت من فكري وهوجاسي طيور = ماتنزل ولاهي تميل وتصادي
بي عوية ن يطرب لها كل منعور = وبي صرخة ن يطرب لها كل شادي
وان كان هذا الحال من عور في عور = عسى البياض يزيل لون السوادي
صح لسانك
رد: (( بــــــــدر صفـــــــوق ))
وجد
انتي رااااااااائعه
صح لساااانك
ويستحق بدر صفوق
لكن بدر به جلافة الاعراب
وهذا اللي مزعل العالم
خلك جلف يابدر
حتى لايكثر المطبلون
الناااايف
إعادة : (( بــــــــدر صفـــــــوق ))
رد: (( بــــــــدر صفـــــــوق ))
بحق بدر صفوق شاعر وناقد مميز
ولكن انفعاله السريع عيبه الوحيد
صح قلبك
وننتظر المزيد
رد: إعادة : (( بــــــــدر صفـــــــوق ))
اقتباس:
المشاركة الأصلية كتبت بواسطة احمد مناحي الشمري
وجد
هلا بك وغلا
صح لسانك الى رضاك
بدر صفوق استاذ قدير وشاعر رائع وكاتب مميز وناقدواعي .
للحق والحق يقال هو منصف للشعر بغض النظر عن الامور
الاخرى والتصرفات الجانبيه ..
عموما قصيدتك رائعه وذات معاني جميله ..
كتبتي فابدعتي لله درك
تقبلي مروري
اهلا بك اخي احمد
صح بدنك
واشكرك على صراحتك وقولك للحق
ولاهنت على مرورك
احترااااامي
و
ج
د
إعادة : (( بــــــــدر صفـــــــوق ))
وجهة نظر نحترمها
صح لسانك
صح لسانك
رد: (( بــــــــدر صفـــــــوق ))
,
,
الغالية وجد:
قصيدة رائعة للغاية قافية وبحر وعذوبة
وعن من قيلت فيه فأحتفظ برأي الشخصي فيه
صح قلبك وكلك يامبدعه...
.
رد: (( بــــــــدر صفـــــــوق ))
للامانه ياوجد انش كتبتي بضمير
صح لساانك
والله يبيض وجه
ومعرفتي في بدر بالفعل هو رجل قلبه ابيض وصاادق والصدق وعدم المجامله ه من ابعدة بدر صفوق عن الاعلام قبل شاعر المليون
ولكن شاعر المليون انصفه
والله لا يهينش قصيده من قلبش الصادق لقلب بدر صفوق الصاددق
لاهنتي
سالم اليامي
