محاورة شعرية ( من يحمل بيرق الشعر؟)
بصراحه يا جماعه صار لي ثلاث أيام وأنا طفشان مررررررره ومتكدر ولا ذقت نوم ولا ذقت أكل والحاله صعبه ...كله من براقع طيحتني على خشمي في مهرجان ابها للتسوق
اللي فيه ممنوع دخول العزابية وممنوع تجلس في المطعم بدون اهلك وممنوع تدخل السوق ومامعك احد وممنوع تشتري ايس كريم الا ومعك اهلك بالاضافة ممنوع تهرج مع البائع ولاتقاصمه والله لايهينك اربط على عيونك قبل تدخل السوق وخل اختك تقودك :مزون:
ماعلينا من الهخرابيط خلونا في صلب الموضوع
انا قبل كم من يوم سدحت لي رد في احد المواضيع ، وبعد التفكير <<<< اذا فكر ياخذ بعدها اجازة يومين اضطراري :مزون:
قلت ياولد خلوني اونسكم <<<< بالغصب يستانسون :مزون:
وانزله كموضوع واللي ابيه منكم تتفاعلون شوي مع الموضوع
وكان هذا هو الرد
اقتباس:
المشاركة الأصلية كتبت بواسطة داخل بالغلط
فبما انهم يقولون ان الشعر هو احساس ومشاعر وايضا عقب ماجانا هالشعر الحر اللي منتب عجز(ن) قبل ماترقد تصقع لك ديوانين من نمونته وانت تضحك ... وكمان بما ان لدينا شعراء افذاذ فمن هالمنطلق انطلقت وقلت وش حيثنا يا اهل غرابيل مانطلع شعارنا ..وش زودهم عنا شاعر المليون ماغير قحشوا لهم فوق الثلاثمية مليون من مخابينا واحن نضحك... ورى مانسوي سواتهم والا احن ناقصين يد او رجل ؟؟...فعلشان كذا نبي نحط لنا هالفعالية وهي
عبارة عن عضوين نفتح لهم موضوع ويتحاورون فيه كل واحد يعطي الاخر بيت او بيتين ويرد عليه الثاني بنفس القافية .. والقصد المعتبر من هالفعالية هو العيارة والقافية والا الوزن فماهوب معتبر فيها ... وحلاتها إن الواحد يعكف القافية على كيف كيفة يعني لامانع من تحريف الكلمة اللي تعصلق معك حتى تستقيم القافيه
يعني المقصد من هالفعالية الذب والقافية فقط لاغير ولامانع من تحريف الكلمة للضرورة الشعرية... فمثلا لو كانت القافية على الياء والنون وانا ودي اجيب كلمة (( حمير)) في الاخير علشان تصبح هي القافية فبدل ما اقول ((حمير)) اقول ((حميرين)) واحط بعدها اسهم واقول المراد بها حمير ولكن كتبت كذا للضرورة الشعرية ... او مثلا كانت القافية على الالف والتاء وانا ابي اجيب كلم ((جدران)) بس ماتجي ..فاجيبها على ((جدارات)) واقول
((جدارات)) <------- المراد بها جدران ولكن جت معي كذا وفي لفظ اخر ( كذيه :مزون: ) للضرورة الشعرية والمعنى في بطن الشاعر
يعني المقصد ساعة الصدر والذب فيه ساعة صدر... ايضا القصيد المكسر احيانا يخليك تضحك ضحك(ن) ماتضحكه على مواقف طريفة
بس لي شرط وحيد اذا بتسوون هالمسابقة
شحرورة راعية البيتين اللي قبل شوي ممنوع منعا باتا تشارك بهالمسابقة :مزون:
وانا بابدا باول بيتين :
يامرحبا باللي لفونا وجونــــــا .... جمهورنا الغالي ياهلابه
كتبت هالبيتين في حمام سونا ..... واللي يعاندني والله انه زلابه
<<<<<<< الللله ابو فني والابيات
اللي بعدي يوريني شطارته :11utup:
