-
" التناقض والغرابة "
هذا رد متواضع على قصيدة الشاعر / كحل النظر " فايز الحربي "
والتي استهلها بقوله ...
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياسعد ياخوك تكفى ياحليفي في (شبابه)=الشبابي جاك يشكي طالباً فزعة شبابي
جاك (حربي) يا(عتيبي) كن ماهو في شبابه=والبلا اني ياسعد للحين توي في شبابي
وانت رجلاً من رجال(ن)كلهم حلم وذرابه=مجدهم هز الوسيعه من عزيزين الجنابي
من حرار عتيبه اللي تنذكر يوم المجابه=ماسمعنا غير ذكراً فوق هامات السحابي
[/poem]
على هذا الرابط ..
http://www.sfsaleh.com/vb/showthread.php?threadid=10638
وهذي ردي للشاعر كحل النظر
"التناقض والغرابه "
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مرحبا بالحرف دامه من معشين الذيابه= يا ابو ماجد مرحبا بك يوم تنطق مرحبا بي
يا عريب الجد ( فايز ) والشعر ( فايز ) شهابه= لو يجي مليون شاعر جاك حرفه ما يهابي
الهوى كلٍ مشابه يكذب اللي ما مشابه= حتى أنا مثلك هواوي والهوى مثلك مشابي
أبشر بفزعة ( عتيبي ) في الشدايد ينغزابه = والهوى راعي عجايب لو بغيته ما رضى بي
يا ابو ماجد عزّ قلبي لا تزيده في مصابه = كل بيتٍ من قصيدك زاد جرحي وإلتوا بي
والصراحة ما ذبحني كود عشقي والصبابه = وإلا أنا والحمــــــد لله الحزن ما دقّ بابي
كل شاعر لو قصيده تنقري فيه المهابه = لا يهمك ,, والله إنه عاشقٍ في العشق ذابي
شف أبو ليلى المهلهل كيف درب العشق جابه= ( الجليلة ) عزرت به ,,, ينتظر منها اقترابي
والعشق منهو يخوضه مثل من يدخل بغابه= وإن لقى منهو يحبه يعتلي فوق الشهابي
كن قلبي بعد خلي مثل أطلال الخرابة= صرت أنا من بعد خلي من خرابٍ في خرابي
والله إنه من جماله ناهبٍ قلبي نهابه= والمصيبه لو أغيب ,,, الزين ما همّه غيابي
والقصايد في وصوفه ردها حضرة جنابه = لو يفيد إني أثور جيت له ( أحمد عرابي )
ما قهرني غير ذوقه لا كتبت الحرف عابه =والعرب قالوا حروفي في حبيبي ما تعابي
منه أنا شفت التحدي والتناقض والغرابه =وماتت الكلمات فيني يوم عزّم في اجتنابي
في شرابي ذقت زيفه والخداع أصبح شرابه = حدّني لأقصاي دامه ما يفارقني شرابي
كل كذبٍ في الخلايق جابه الكذّاب جابه = والله إنه بين رحمة خافقي وشدّة عقابي
خابرٍ قلبي شديد وكل صعبٍ ما يهابه= لكن إني لا لمحته صار قلبي في المخابي
والسهم لو هو يصيبه كان من شهرين صابه= وين من شهرين ؟! إلا من سنة بيت الترابِ
بين طرح وبين جمع ضعت أنا داخل حسابه= من سبب صدات خلي ضعت في لبسة ثيابي
جيتني تحمل سؤالك تنتظر مني جوابه=وأثرني جيتك سؤالٍ ,, لعنبو خلي غدابي !!
أقبل أبيات المعذّب ما تهنّا في شبابه =( العتيبي ) جاك كله يوم جيته يا الشبابي [/poem]
عشق ليل
-
صـــــــــح لسانك عشق ليل
ورد قوي جدا وفي غاية الابداع والتمكن
ردك هذا قصيدة لوحدها فيها من المعاني والحكم ما يجعلنا نقف امامها كثيرا
-
يمسيك بالخير يا شاعر غرابيل عشق ليل
صح السانك وسلم لنا نبضك
صراحه قصيده بمنتهي الروعه
يعطيك الف عافيه
دمت لنا
-
حي القصيد وحي راعيها
رد أكثر من رائع أجبرتي أخ سعد على قراءة القصيدة أكثر من مرة
لأستمتع بكل حرف وبكل كلمة فيها ، أجدت شاعرنا و أبدعت فسلمت لنا وسلمت لمحبيك0
-
صح لسانك يا عشق ليل
قصيدة جزلة من شاعر جزل ..
لاشك أن قصيدة كحل النظر تجبر من يقرأها على الرد ... فكيف إذا كانت موجهة لشخص بعينه ..
لله درك فقد أبدعت ...
تحياتي
سهم المنايا
-
أقبل أبيات المعـذّب مـا تهنّـا فـي شبابـه
( العتيبي ) جاك كله يوم جيتـه يـا الشبابـي
والنعم مليوووون بالعتيبي ورده
عشق ليل سيّد القوافي ورد اكثر من رااائع لله درك من شاعر يعرف كيف يجبرنا للوقوف احتراماااا لكل حرف يكتبه
صححححححححححح قلبك ملياااااارااااااات
-
[align=center]كفو والله ياعشق ليل
والله وسبعة انعام
صح لسانك
رد رائع وقصيدة جميلة
قرأتها مرات ومرات وسوف أقرأها لاحقا
وكنت على ثقة لامتناهية
أنك سوف تأتي بالأجمل كما عودتنا
وشرف كبير لي أن تجمعني القوافي بشاعر كبير بحجمك
تحياتي لك
أخوك
أبوماجد[/align]
-
والله والنعم اخوي عشق ليل
كفو والله
صح لساااانك ياشاعر غرابيل المميز
سجل اعجابي للرد القوي والساخن والمماثل
اخوك المحب الدويبي
-
أقبل أبيات المعـذّب مـا تهنّـا فـي شبابـه
( العتيبي ) جاك كله يوم جيته يـا الشبابـي
والنعم والله بخوالي
صح السااااانك عشق
ماشاء الله كلمات قويه ورد اقوى
اسلمت يمناك
تحياتي
-
صح الله السانكم يا شبابه
قصيده طيبه ومجاراه وافيه
دمتم للطيب
تحياتي
-
الجريح
صح بدنك يالغالي
واشكر لك مرورك
-
عشق ليل كفيت وافيت
صح السانك ولاهنت
تحياتي لكم
-
والسهم لو هو يصيب كان من شهرين صابـه
حدث هنا خطأ مطبعي غير مقصود
حيث سقط حرف الها من كلمة يصيبه لتكون مكتوبه يصيب فقط بدون هنا وهنا اوجد خلل في الشطر
لثقتي أن من يكتب بهذا الارتقاء الغير مسبوق لايمكن أن يقع في كسر بسيط كهذا
لاان هذا المبدع شاعر حقيقي تجاوز بنا حد الاعجاب لنكون مصفقين له لااخر قطره من الاعجاب ونتهادى تجاوزا راقيا كرقي حرفه
شاسع انت
وحلق
ومربك
ومتهادي
ومحلق
ومدهش
عسى /لااحرم
-
عزيزي سعد العتيبي :
هذه القصيدة ترينا وجه آخر لك , وجه العزة والفخر والشعور بالإنتماء للغير........
بصراحة أحتاج لأن اقرأها مرات ومرات ثم تجد بعدها الأثر الذى ترتب على نفسي منها...
لك كل التقدير والإحترام ياعتيبي ..........:احم:
-
أخوي الغــــــــــــــالي . . . عشـــــق
بيض اللـــــه وجهــــك على الــــرد . . .
وكلمات . . وأبيـــات . . . رائعــــــــة كما كاتبهــــــا
عساك على القوة
تحياتي