-
تفارقنا ...
وبعد مدهـ .. بعد شهور ..
بعد سنين ..
تلاقينا ..
على ذاك الغدير ...
شفته هناك جالس وحيد ..
مشيت يمّه .. وشفت همه ..
محتار يفكر للبعيد ..
التفت لي ..
شافني وقفت عنه خطوتين ..
ارخى حبايل شوفه ..
ولف متونه ناوي الرحيل ..
زل اللسان واسبقتني الحروف ..
ما دريت الاّ وانا اسأله ..
كيف حالك ؟...
علمني وش اخبارك ؟ ..
نسيتني ولاّ بعدك ..
تتذكر أغلى احبابك ...
يآآآآهـ .. والله زمن
تدري وش كثر ما شفتك ؟ ..
تدري وش كثر ما كلمتك ؟ ...
تدري وش كثر ما لمست يدي يدك ؟ ...
تدري وش كثر ما سمعت همسك ؟ ...
يآآآه .. ايام .. وايام .. وايام ..
الاّ يا خلي ...
كيف العمر يمشي بهالسهوله ؟ ..
كيف يروح من يدينا ما نطوله ؟ ...
عن عيوني سرقك الغياب ..
وعن ديرتي أخفاك الضباب ..
وين الوقت اللي جمعنا ؟ ..
وليه درب السعاده ضيعنا ..
الله ياصاحبي ..
تدري وش كثر مشتاااااق ..
...
....
وفرت الدمعه من عيوني ..
وخفت ما بداخلي يفضحني ..
وقبل ما يبين ضعفي ...
أووووهـ ...
صار الكلام عتاب ...
ونسيت إني بس جيت ابسألك ..
كيف حالك ؟ ..
؟ ؟ ؟ ؟
-
كلمة ابتدي فيهاا وانتهي,,
كلمة اعيش منهاا وارتوي,,
كلمة ارسلتهاا لك وحفظتهاا ,,
كلمة ترجمتهاا حيااتي بأكملهاا,,
فهل ايقنت مااهي؟
..
ان كنت قد عشتهاا فهي وصلت!
-
سلام عليكم
[poem=font="Arial,6,blue,bold,normal" bkcolor="transparent" bkimage="" border="double,8,limegreen" type=2 line=0 align=center use=ex num="0,black"]
سلام من دار السلام= ورض النبوووه والكرم
بحلى تعابير الكلام= من دار طيبه والحرم
مقرونت(ن) بالابتسام = والهيل والطيب وشحم
تنصي الرجال اللي عظام= من شاعر,أي جيد النظم
والكم تحيه واحترااام = ازفها لكل محترم
وكل شاعر له مقام = وانا مقامي في القمم
والشعر ميراث وألهام = وابيات وزن(ن) منتظم
ماهو بغش ولاحراام= حلال ولاقد حرم
وان جبت شعري مايظام = دايم خفيف وينهظم
كا البدر في حلك الظلام= يزيح سوااد الظلم
لعل جدي لرحام = عقبلي ابوي الشهم
وابوي كا جدي تمام = ومن شابه ابه ماضلم
الشعرمتنوع واقسام = وماكل شاعر في معانيه ملتهم
تراث أبانا واقوام (ن) عظام = خلد تواريخ وحضارات أوألامم
وانا رقيت اعلى السنام =في قمته الشعراشتعم
واحكم الشعر احتكام = واصوغهٌ بقوىالحكم
وان لم اكن قد الكلام = احسن لي ارعالي بهم
وان لم اكن قد الكلام =احسن لي ارعااالي بهم
[/poem]
وعن اذنكم خرب على الاستلام
,,,,,,,,,,,, والاستلام احسن من الشعر واهم
واسلامتكم
-
حبيبتي ..!
ردَّي سلامي لِلهوى، .. عذب السَّلام ..
وأغلى الأماني وللأمل، .. كلمة ملام .. ملام ..
قولي له إنَّي ماهقيت!! ..
إنَّي إلى نحت وشكيت!! ..
تِرجع ليالينا سوى شوق وغراااام ؟؟..
* * * * * *
سنين .. مرَّت وما أدري عن الايَّام!! ..
يقولوا تفرَّق الأحباب؟؟ ..
وأنا أقول القمر ماغاب؟؟ .. ما غاب القمر ما غاب ..
من أول يوم تواعدنا!! ..
أثاري الوقت يخدعنا ..،
ويبعد،، عنَّنا الأحلاااام!! ..
قولي له إنَّي ماهقيت!! ..
إنَّي إلى نحت وشكيت!! ..
تِرجع ليالينا سوى شوق وغرااااام؟؟ ..
* * * * * *
حبيبتي يانظر عيني ..
أشوف الَّليل مابينيك! .. وبيني!
وكل النَّاس!! ..
أحس في نظرتك معنى! ..
ودربٍ كان يجمعنا على الإحساس!! ..
قولي له إنَّي ماهقيت! ..
إنَّي إلىت نحت وشكيت! ..
تِرجع ليالينا سوى شوق وغرااااام ..
حبيبتي،، ردي ردي ردي .. ردي سلامي للهوى.. ردي سلامي للهوى وأجمل سلااااام..
-
[poem=font="Arial,5,red,bold,normal" bkcolor="transparent" bkimage="" border="double,4,limegreen" type=2 line=0 align=center use=ex num="0,black"]
واجب قلبي فوق حبيبتي جب = يانعنبو حضي ومقشر نصيبي
الحب غربلني ويانعنبو الحب = من كثر حبي راح حتى حبيبي
وانا المحبه رايح اتشبني شب = ومزودتها عاد من كثر طيبي
لازم اكشر فالعرب ثم اعصب = ومضحك بتات(ن) غير مع صحيبي
اقل شي اضحك ولو هو على غب= يومين حزين(ن) ويوم كأيبي
بروح للبحرين ادور على طب = عساي بالبحرين اعين طبيبي
وان مالقيت ادواي ابرقى وبذب= نفسي من اعلى برج شفته مغيبي
[/poem]
-
.. << تـعـاطـيــت >> ..
.. الشجاعة و أنصدمت بموجة الطوفان ..
.. و أنا مهما كبر عزمي على فرقاك يا صـغــــــره ..
.. << أعزك من هنا >> ..
.. لآخر مدى يتوقعه إنسان ..
.. أحس أنك مثل عمري ,,, و محد ٍ يرخص بعمره ..
-
آآآه .. ياشين المفارق .. موت حلم و نزف حيرة
وإغتراب .. وصبح ٍ أسود.. ونار تشعل بالحنايـا
العذاب المّر غنّى .. والجـروح أمسـت خطيـرة
إحتراق ولوعتين .. دمـع .. وطعـو ن ومدايـا
أدري إن الحظ جابك .. لكـن سبوقـه قصيـرة
طاح .. وإنهارت متون العشق ف إحياض المنايا
غبت يا سيّد زماني .. وماغـدا بالعمـر نيـرة
الحياة أشباه ناس .. ظيـم .. وأوجـاع ورزايـا
رحت وأجتاحت ظنوني والفكر .. مليـون سيـره
محتويني .. مع شتات الكون وإسـراف النوايـا
-
في عيونك ودّ وصدود ورضى
..... وفي اللواحظ شفت نظرات العِتَاب
شفت سهم الموت فيهن واختفى
..... في ضميري يوم ضيعت الصواب
لاتعاتبني على شيء مضـــــى
..... تـِسْمَـــح الزّلات تِجْزى بالــثّواب
-
,
,
[poem= font="Simplified Arabic,6,firebrick,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
خل عنك الطيش ما يصلح تطيش=العقل زينه ودونه من تكون
ثم ياخي عمرك اصبح قد ايش=احترم سنك تراهم ينقدون
واترك الهت دوغ وارجع للجريش=لاتبدل افضل النعمه بدون
وكان ظنك بالجهل تقدر تعيش=عش وحيد , وخل ربعك يسلمون[/poem]
,
,
-
يدوم الابداع..بوجود اساتذتــــه..
اسعد الله صباحكـ ..
*
*
-
:
:
أهواك ما هي مواويل بها اترنم
ترى المواويل هي اللي تغنينا
:
:
-
,, كل زين أشاهده و أنتم بعيد ,,
,, منوتي ليتك معي ,,
,, و إن سهرت الليل أهوجس بك و أعيد ,,
,, هل ّ لاجلك مدمعي ,,
:
:
,, إنت هاجس خاطري ,,
,, و أنت فرحة ناظري ,,
,, يا قريب و يا بعيد ,,
,, فيك أمسي و حاضري ,,
:
:
-
ياصاحبي من ذا الشجر خذ حكمة الصمت الحكيم
رغم الرياح تطعنه يبقى بهامه شاهقه
قم هات يدك في يدي نبدا من الصفر القديم
من ساعدك في ساعدي حزن المواجع نشنقه
تبقى الحياه بمرها حلوه مدام الله كريم
قم نفض غبار الحزن عن خافقك لا يخنقه
-
فمان الله ياحبن مضى كله الم وجروح //////// فمان الله يخلن رحل عن قلبي وعيني
ابركب قبل ماغرق في بحر حبك شفينة نوح /////// عشان اسلم بروحي بعد مازدت الوجع فيني
ابي ذيك الديار اللي غلاها في سماي يلوح //////// عساي القى بها بعض الحنان اللي يسليني
بــــــــــــــــقلمي
عبدالرحمن العتيبي
-
-
:
:
:
ღ اسقني من حبك لو كنت فاهـــــم ღ
ღ ღ ღ ღ
ღ تـــــــري القـلوب تبي من يـــرويهــــاღ
:
:
:
-
:
:
:
لي صاحب ٍ غنى لـي ..آخـر زيـاره
وغنيت له ..آشوف وجهك علـى خيـر
كـان الـوداع ..برغبتـي واختـيـاره
اقسى .. وأرق .. من التعب والغلا ..مير
بيّنـت لـه وشلـون ..ارد اعتـبـاره
واثبت لي .. ان اخلاقنا في الهوى غيـر
:
:
:
-
أحس أني بدونك مشاعر مالها وجدان
وأحس أني بدونك عايش في زمن قاسي
و يبقى الحب لو ترحل لديرهـ بلا عنوان
و يبقى الحب لو كان بوداعك آخر أنفاسي
-
الناس في بسمتي بالحيل منخدعه..
ياكم وراها طفيت النار بانفاسي..
بعض المواجع لها ماتنفع الفزعه..
كلما جرعت الحزن رد امتلا كاسي..
عودت نفسي اساير هزة الفجعه..
وان دست جمر الزمن ماينحني راسي
-
هني من عاشر من الناس شرواك
في ذمتي يعيش والراس مرفوع
تبقي عزيز وتعجبني مزاياك
ياللي بيمناك اجزل الطيب مطبوع
عسي البلاوي والمصايب تعداك
تصيب ناس عنهم الطيب مقطوع..
-
تدري إنّ الجرح للمجروح قيد ..
.............. وأنت جارحني وحقك أجرحك
وين تبعد ؟! وأنت في نفسك سجين
............. وين تنسى ..؟! وأنت ناسيني معاك
كيف تفرح ؟! وأنت تاركني حزين
.............. طيف غدرك مثل ظلك يتبعك ..
-
[poem= font="Simplified Arabic,5,blue,bold,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]
ماعاد لي عن رجمها تجنيبـه=عدّيت فيه وقام يعـوي ذيبـه
سنّدت بالعشق العتيـق وقلبـي=راحت ذعاذيع الهوى تومي بـه
عاشق ولي بين العرب معشوقه=وعشقي لها مافيه شكّ وريبـه
بالطيّب لي راس الطويل العالي=وإلاّ الطمان وما حوا ما ليبـه
يا هاجسي سمّ وسموّك سامي=وأسلم بقاف ٍ محكم نغنـي بـه
أمّا علـى بحـر الهجينـي ودّه=وإلاّ على طرق الهلالي جيبـه
ماهو مهمّ البحر ويـش يسمّـا=مير أحكم المضمون لا تغدي به
عندك دوافع تدفعـك وأزهلهـا=القاف عندي نظمـه وتركيبـه
في ملتقى الهيلا تهول الصوره=شبه الجزيره كلّها تحكـي بـه
تواعدوا على الوفاء وأجتمعـوا=على المعزّه والفخـر والهيبـه
الصفّ واحد روقـي وبرقـاوي=نفخر بهذا الجمع ونماري بـه
يا طيبهم والحق نـوره بـادي=واللي يسوّي مثلهم يـا طيبـه
راحت نفود السرّ مثـل الـدرّه=في نورها تصبح به وتمسي به
الكرنفال اللـي عليـه القيمـه=لا تنشد العتبان عـن ترتيبـه
فيه الأدب والشعّر مـن مغنّـه=والملعبـه ومصامـخ اللّعيبـه
ومسابقاتـه كلهـا محسوبـه=المجتمع تعمـل علـى تأديبـه
منظّمينـه كاسبيـن الطـالـه=فيه السواعد من شباب وشيبه
أكبر تجمّـع عائلـي بالعالـم=في مهرجان مزاين إبل عتيبـه
ماشـاء الله ولا قـوّة إلاّ بالله=عن كل حاسد حسده يزوزي به
الله يرعاهـم ويمنـع عنهـم=العقربـان اللـي يـرزّ إذنيبـه
من دون قاصر فـالقبيلي كلّـه=كم غيرهم علم الفخر يحري به [/poem]
-
أنآ بنت الشيوخ اللي محد (ن) لي يذلي
.......أنا اللي بلثمتي تعديت كل دربـ(ن) مشيته
الف الهم ببشتي وهذا هــو محلــي
.......كلآم اناس .. مآيرحم .. لو للكل حكيتـه
أدآري ولاني بمدآريه دمعـ(ن) يهلي
....... من جرح وسط الحشى عن الكل خبيته
آه وضيقـ(ن) وجرحـ(ن) مآحصل لي
........ شيئاً... لو تموت ... من زوده حسيته
لا هنت ياللي بقلبك لي تطرب تسلي
........مجبوره ....ابقى على قولي .. اللي بديته
انا بنت لي كلمة أرجآل ماارجع بقولي
........لآمن قلت شي ... بيدي... عن الكل سويته
بالله لو .... " أنت " .... مكآني تقلي
....... وش اللي تبيه ... وانا عنك ... خليته
كلآم ,, أشعآر,, افعآل ,, أنا لك كلي
....... ماطلبت منك غير انك... تحفظ ... مابنيته
ترى من زآد عن ..... التغلي تخلي
....... وانت ياولد الاجوآد بسبتك الدمع هليته
علمني ابوي من نزل دمعي عنه أولي
....... ماعاش من هز بنت الاجوآد وانا اللي هزيته
ابيك.. تسمع .. ياللي بقلبي قآعد تسلي
........من داسني " دسته" ومن وطاني "وطيته"
والله كنت احسب لوعطشت لريقي تبلي
........ لقيتك تشرب الماي وعن ..... ايدي دفيته
لكن بقول ياللي ....( كنت)..... كل ملي
......... ماهقيت تدوس قلبي .,.,., وفوقة سبيته
تدري عآد من شآفني .. ونظر لي
......... قآل : زين انك عرفتي الحبيب اللي سميته
ومثل ماانقال ... انا ... بالحق لي
..... اقول لك : اسفه انك الحبيب اللي حبيته
ياللي كنت لي مثل : زول ظلــي
....... "روح " هذآ نصيبك ...... وهذآ مآجنيته
-
:
:
:
ودك تشوف الضعف وأقسى معاناه ..!؟!؟
شفني نويت أنساك .. ((وما قد نسيتـك))
:
:
:
-
-
ღ♥ღ الاولـــــىღ♥ღ
سالتك بالذي حطك على راس المحبه تاج
تحبني والاتتسلى بحاسيسي ووجداني!؟
وتحتاج إلا غلا قلبي مثل ما لكـ انا احتاج!؟
اواني بعد مافارق حدود الشوف تنساني !؟:
:
-
ღ♥ღ الثـانيــهღ♥ღ
اتصدق إنّي كنت من كثر الغرام وحبـــي لك
اغلط وانادي ابوي بأسمك بلا مقصــــــــــود
محدن وصل حبّي ابد محدن تعدّى عشقي لك
امك وهي امك انا عنها احبّـــــــــــــــك زود
:
:
-
ღ♥ღ الثـالثـهღ♥ღ
| أحيان |أحس إني مهمه
لـ قلبك ..
وَ
| أحيان |
أحسك مادريت
بـ وجودي
ياخي
عشان الله ربي وربك ..
قل ليّ
معاك لـ وين
أقصى حدودي ,’,
:
:
-
ღ♥ღ الرابعـــهღ♥ღ
اروح وارجع ..واجي واروح ورجعلك..
وانوي فراقك واجي واغير اقوالي ..
مدري غلاك بصميم القلب يشفعلك !!
أو إني أصلاً من احساس الزعل خالي
:
:
-
:
:
:
أسف اذا في جيتي لك تسرعت
ظنيت الاقي فيك شي فقدته
كنت احسبك مجروح مثلي تولعت
جربت فرقى شخص قلبك وهبته
كنت احسبك من مر جرحك تجرعت
جيت فيك احساس طفل لمحته
لوقلت اه بوسط روحي توجعت
ولو شفت دمعاتك شعوري سكبته
ولو تطلب عيوني ابد ماتمنعت
واعطيك قلبي وبعد ماطلبته
وصلت بك اعلى مكان وتربعت
وفي قلب غيري يالغضي ماوصلته
واصبر على صدك واشوفك تدلعت
واعطيك ود ومااظنك حسبته
اذهلتني بطباعك اللي تطبعت
حتى قصيدي فيك ابد مافهمته
يكفي قهر في جيتي لك تواضعت
تركت غيرك لااجل عينك وبعته
كمل حياتك مثل ماانا توقعت
تبقى اسير الماضي اللي فرضته
وان كان غرك حكي عذالي وطعت
الله يعلم كيف قلبي سكنته
اللي ملا قلبك علي وتسمعت
خله يعوض شخص مثلي خسرته
انا بما فيه الكفايه تولعت
واللي بقى من قلب فيني حرقته
وان شفتني صدفه وبعينك تطلعت
ذكرتني باانسان غالي فقدته
بااول لقى سلمته احساسي وضعت
غلطته حياتي يوم قلبي سلبته
:
:
-
--------------------------------------------------------------------------------
أنا.. وحـرفي.. والــزمــن .. والمــعــاويــن
والـنــور.. والــتـنـــور.. والـمـلــح .. والــزاد
.
.
.
تضـمــنــا.. رحـلـة.. بـهـا الشــيــن والــزيــن
متسـيـطره.. تقـديم.. وأخـراج..
وأعـــــداد
.
.
.
سـيـنـاريو.. لفـصـولـه.. أربع .. عـنــاويـن
فقـر.. غـنـى..ضيـقـه.. تباريح.. وأجـهـاد
.
.
.
صحيح أحـبـه.. لا.. بـعـد.. حـالفٍ ديـن
أن مارضـى بالحـب.. لاحـبــه..
أعـــنـــاد
.
-
:
:
:
كثر اشتياقي لك
( عيوني تمناك )
ودي اضمك في عيوني
واداريك ..
انت الوحيد ان غبت
ما غاب طرياك ..
وانت الوحيد اللي
حياتي تناديك ..
وانت الوحيد ان جيتني
عقب فرقاك ..
اطفا بشوفك .. واحترق يوم ألاقيك ..
:
:
-
تـبـي الـفـراق ,, حــاضــر وأبــشــر بـعــزك
ماطـلـبـــت ,, إلا راحــتــــي وراحـة بــالـــي
تبي تـهـدني ,, لا والـلـــه أنا إللـــي بـهـــدك
ومـــدري بـهـــــدك ,,, ؟! ولا بــهـد حــالــي
مـن عـقـب مـاكـنـت أعشـقــك وأحــبـــــــــك
من عـقـب مـاكـنـت عـزي ورأس مـــالــــي
تهـددني بــالـفـرقا ,, ملعون أبو جد جـــــدك
واللــه لأخـلـيـك والف,,,رقــا أشـــــــــوالي
الـبـــــاب ,, قــدامــــك ومـقــدر والله أردك
والـمـوت قــدامــي يـرأف ,,, بــحــالــي
ياأجـبــرك تــبــقــــى ولا أسويها وأهـــــدك
وبالـحـالـتــيــن الـمــوت وربــي أشــــوالـي
مجـبــور أدوس قـلــبــي قــــدام قــلــــــبــك
مجـبــور أدور عـنـــد غـيــــرك حــــــلالــي
وأنـــت روح وزيـــد وزيــــــد بصــــــــــدك
وأنا لي الله وحظي الأسود وشين فــــالـــي
دام الفـراق أخــتــيــــارك وأصبح بيــــــدك
\\
\\
\\
أنـا بـعـد كــرامــتــي غالية عندي يالغـالي
وإن جاك أحد وقال تــراه لسه يحــبــــــك
لاتصـــدق تــرى مـــاعـــدت فـــي بـــالــي
لاهيا ولا100 بـنـت ياقـلبـي تــهــــــــزك
وإن راحت جـو غيرهــــا واللــه يصفالـي
تبي الفـراق ,, حاضــر وأبشــر بـعــزك
ومدري أنا بهـــدك ولا بــهـــــد حــــالــي
::
::
-
ياقلب لا تشتكي همومك على الناس
ماكل من تشتكي لهم يفهمــونـــــك ...
واحذر عديمين المشاعر والاحـــساس
تراك لو تشـــتكي لهم يجرحــــونــــك ...
والسر لا تــبديــه مـــع كـــل جــــلاس
كم واحد باســــرار وقــتك يـــخــونــــك ...
والــصاحب اللي خــوتــه مالـــهــا ســـاس
لا بـــد فالشـــدات يــخــلــف ظـــنونــــك ...
عـــلـــيك باللي يـــكشــف الضيق والبـــاس
لا تــــشـــتـــكي للنـــاس.....ما ينفـــعونـــك
-
\
\
\
لاهي نار ولاهي ما
ولاهي غيمة ولاسما
ان حكت .. غنت سنابل من رضاها
والسكوت .. إن صار نيران الغضا
يارضاها ..وقف وناظر شوي
شف غلاها .. كيف سوى بشخص حي
وكيف حي ولا لقاها.... وان لقاها
. ما بقى في يدينه.....شي غير انه يحتريها
سولفي للناس عني
سولفي للناس عني
قولي اني .. ما عرفت اختار من
قلبي يحبــــــــــــــــه
سولفي للناس عني
ماعرفت .. اقرأ وجوه
الحاضرين من الاحبه
اعترفلك .. اني فعلاً ما عرفتك
ما قدرت اوصل معا قلبي لحل وما فهمتك
تجمعين الضد في كل الامور
غامضة مرة .. ومرة مثل نور
تشبهين ايام .. اوقات الخريف
وتمطرين احيان.. احساسك زهور
آه .. من قلبي نصحته
بس عيا ينتصح نبضه يبيها
آه .. منه ليه عيا
ليه عزم يترك الكون ويجيها
ماقدرت القى لهذا القلب حل
الجواب اقفى بظله وارتحل
ما بقالي .. غير انتي ياغريبه
يارحيل .. العمر فيني يا حبيبه
صدقيني صرت من بعدك اخاف
واعترفلك ان الخلاف واسع طريقه
واننا ما نلتقي .. في أي شي
فينا اختلاف .. فينا اختلاف
وللأسف هذي الحقيقة
/
/
-
ياللي تعاتبني وانا ما تكلمت
تسمع كلام الناس والقال والقيل
ترخي لهم سمعك ومنهم تسممت
تهجر وضوح الشمس يا عاشق الليل
لو تعرف الحكمه بعقلك تحكمت
واخذت من راسي وانا اعطيك تحليل
واجي ابيعك بالصراحه اذا سمت
ما ينفع المشتاق رد المراسيل
ما ينفعك كثر الندم لو تندمت
الحر يجزع ما تربى على الويل
وشلون اجمع في شتاتك تحطمت
جسم بليا روح يا واهم الحيل
-
مايضيق الصدر .. للجرح العتيق
لو سماي اضيق لو ضاق الفضا
والصديق اللي مزعّلـه الصديـق
الزعل تقفـاه حاجـات الرضـا
-
.. أخاطب روحي في غيابك ..
.. وش يعلقها فيك ؟! ..
.. تجاوبني في ثواني : ..
.. طيبتك و كل ما فيك ..
-
أخترتك من الناس للقلب خلا ...ياحيثك مرادي وكيفي وذوقي
مارحت ادور كل زول تحلا ... لولاك تسوى ماعطيتك خفوقي
-
[poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياليتنى ماعرفت الشعر واوزانه = ولابدعته ولاغنيت طاروقه
حصيلي الهم من طرقه وقيفانه = واخر علومى لذيذ النوم ماذوقه
لاكنى الشاعر اللى خيل ميدانه = ماهيب مع لفة المضمار ملحوقه
وان كان ماجبت من جوف البحر دانه = مانى بكفو ٍ لقولة صح منطوقه [/poem]
