اخوي نياف العتيبي اسف جدا جدا مانتبهت وربي ارجوا المعذره
ايش رايك ببطارية الرادو
عرض للطباعة
اخوي نياف العتيبي اسف جدا جدا مانتبهت وربي ارجوا المعذره
ايش رايك ببطارية الرادو
هاوي القصيد
إجابة صحيحه صحيحه
وربي انك داهيه اكثر اللغاز تحلها وتالف اللغاز وابياتك وقصايدك قويه ومسمي روحك هاوي
ومالك ذكر بالمنتدى اخوك ابوليلي معاصر المنتدى من بدايته ومتابع جيد
حب الفضول اخي هاوي وليس تدخل في الامور الشخصيه
انت مين ياهاوي ؟؟
هلابكم جميع
ولايوجد مشكله يالربع
انا اللي اعتذر منك يابو ليلى
يشهد الله ماشفت لغزك
شفت رد حامد باول المتصفح يقول اللغز
حلته النوري وهاوي قصيد
وتوقعت ان مابعده لغز
ولو انتبهت صبرت الى ان يحل لغزك
ولكن كل الامور سهله يالطيب
هاوي قصيد
عيني عليك بارده مبدع في حلولك
لكن هاللغز اقول خيرها بغيرها
وانتظرك بحل جديد يالقرم
ابوليلى برضه حظ اوفر يالغالي
ومازال اللغز ينتظركم
النااايف
ابو ليلي المهلهل
والله وانا اخوك مثل هذي الاسئله اذا صارت على العام تحرجني وتضايقني لانها تكررت معاي عدة مرات المفروض تكون على الخاص انا أقل الاخوان الي هنا شعراا وخلقاا وغير صحيح اني مجهول لي اصدقاء في المنتدى يعرفون عني كل شيء وبعضهم معاي في الماسنجر ,,, اتمنى اني ارضيت فضولك
نيااف العتيبي
ولا يهمك طال عمرك تعطيك الرمعه الثانيه وان خابت الثالثه ثابته ان قاله الله
الدباسه
هاوي قصيد
مالك لوى يالغالي
ماهي بالدباسه
وانتظر الثالثه
الناااايف
الله يعطيك العافيه يالنوري / وشكرا على المدح .اقتباس:
المشاركة الأصلية كتبت بواسطة النوري
----------------------------
ـــــــــــــــــــــــــ ـــــــــــــــــــــــــ ـ
نياف ياله حيه اعتقد ان الحل : مكينةالسياره والبلوف .اقتباس:
المشاركة الأصلية كتبت بواسطة نياف العتيبي
والله ماني مكانيكي بس اعتقد الحل كذا.سلم لي على جواهر وخلها تكتب لغزها بنفسها . ولا شكيناها للمديره / النوري
لحظه لحظه لغزين في ان واحد .
يذكرني :بالمنتج اللي يسوون له دعايه في آن واحد ماودي اذكر اسمه على شان مانسوي له اعلان بالمنتدى .
وتقبلوامروري الظريف . واثق ان مروره ظريف مثل ثقة ابوليلى من الشروط .
وفي النهايه : عدد اقتباسين في آ ن واحد .
تحياتي
حامد الروقي
حياك الله
لغز ابو ليلي خلاص حليته وانتهينا منه باقي لغز نياف شد حيلك مانبغاه يطول
.
يامرحبا بالجميع
نياف هلابك انت ولغزك ..
والله رمعتي للحين ماصملت عليها بفكر زياده ..
حامد احلى ياحركات مكانيكي ياولد هههههههه تصلح معي فالمقناص نسمكر انا وياك فالشاص
دمتم بخير
هاوي الله يعافيك شفت الحل وسؤال ابو ليلى بعد عن اسمك الحقيقي . انت سويت فينا مثل (سداح )
ـــــــ
محمدنايف : مشينا يله (الحره )
<<شاري جيب وشاري سلاح ومطلع تصريح يوم جاء يقنص قالو الطيور فيها انفلونزاء ههههههههه
والارانب انقرضت . والطيور تكسرنا على دروب الجرابيع على شان نعشيها .ههههههههههههه
الغزلان في السودان ( الشقيق )
والضبا في لبنان .
ننتضر نياف يقول رايه في الرمعه .
سلام
هلا وغلا بالجميع
هلاياحامد ومرحبا مليون
والمكانيكا مالك لوى والمكينه وبلوفها
هاوي مرحبا يالذيب
ابونايف حياك ولاخليت منك
وفكر وانتظر حضورك مره اخرى
النااايف
نياف العتيبي
عندي استفسار عن بيت لانه مايوضح بالكتابه
تعدد خطاها = يعني تحسب خطواتها او مقصود فيها زادت اخطائها
وهذي رمعه ناشبه في الحلق يمكن تطلع مثل الاوله وتصير صح مع اني غير مقتنع فيها
الكبريت
اقتباس:
المشاركة الأصلية كتبت بواسطة نياف العتيبي
بالنيابه:مزون:
والا بالمحكمه هههه
يمكن بطارية الكشاف(الضواية)
هلابك ياهاوي قصيد
تراك ناشب بحلقي ههههههههههه
استفسارك تعدد خطاها خطوات مسافيه
وليست اخطأ وذنوب وزلات وغلطات
والكبريت مذكر وهي مؤنث ومالك لوى
النووري
وانتي الصادقه بالنيابه ولاتحال للمحكمه لعدم
كفاية الادله ههههههه
ومالك لوى مش حجار الكشاف ولا البطاريه
ولو قلت لكم هاللغز من 2005 بالمنتدى
ولا انحل
تصدقوني عاد ولا اجيب الاثبات هههههههههههههه
النااايف
نيااف العتيبي
هههههههههه احسن احسن من قالك تجيب الالغاز صعبه بس والله اني وراه وراه لو يصلع راسي
خذ هذي الرمعه اذا غلط الثانيه جاهزه
لعبة الكلمات المتقاطعه الي تجي في الجرايد والمجلات
[poem= font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أنشدك عن جملةعيالٍ محابيس=جوف الهنوف اللي تعدد خطاها
ربانها يبحر بعمق المراميـس=مفتاحها جوزٍ ويكشف غطاهـا [/poem]
نياف : حليته يالغالي ابشركم .
مع احترامي لرمعات : استاذي هاوي قصيد
هذي ياطويل العمر والسامعين بعد عمارهم طويله .
رصاصة الشوزل . وصتمها محابيس بداخلها
والهنوف هي الشوزل تعدد خطاها
والقناص يحملها ويغيب يدورالصيد
مفتاحها الضارب /او مثل مانسيمه (النادوس)
وهذا كان ماهوب الحل يانياف . حيل الله اقوى .
والسلام
اقتباس:
المشاركة الأصلية كتبت بواسطة هاوي قصيد
اقول ماشاء الله عليك ياهاوي
اشهد بالله مبدع
وهاللغز مطروح هنا بغرابيل من عام 2005
وما احد حله
صح لسااانك
ودمت
الناايف
نياف العتيبي
صح بدنك ووجهك ابيض ولاهنت على اللغز
حامد الروقي
والله في بالي رمعتك الاخيره بس ماني مقتنع فيها ولا هي طرت عليٌ من ظمن الحلول
مالك لوى وبيض الله وجهك يالذيب
حامد الروقي
هلابك
اعمسني هاوي قصيد يوم حله
ونسيت ارد على حلك والعذر من الله ثم منك
لانك رجل عزيز وتستاهل المعذار يابن الاخيار
وسلامي لك يالغالي
الناااااايف
وجيهكم بيض انا اللي مفروض اعتذر من اخوي / هاوي قصيد لاني احتقرت رمعته وتجاوزتها .
لكن سامحوني كلكم . ماعاد اتعودها
ـ وعطونا لغز ولا كلفو النوري ولا محمد ولا جواهر ولا ابو ليلى .
سلام
لا يارجال العلوم هذي ماهي بينا افا بس
المجال مفتوح للجميع والي عنده رمعه مقتنع فيها ينزلها حتى لو سبقه احد زملائه
نتظر احد الاخوان يجيب لغز ولو ان النوري ماقصرت ألفت وجابت الالغاز كثيره ونياف وابو ليلي وحامد باقي محمد وهو مشغول شكله هذي الايام وجواهر الي شكلي صفقتها بعين اتمنى انها بخير لاني بديت اوسوس واحس بتأنيب الظمير :icon_sad:
المجال مفتوح والخيار للجميع تبغونها اجازه ولا نواصل المسيره مستعدين لكل الحالات
سلام .
على كل حال دام الموضوع مفتوح نمر عليه كل فتره.
واهم شي يصير مفتوح للمحاولات في لغز السامر .
وانا وعتكم بالحل وان شاء الله قريبا .
تحياتي
مساكم الله بالخير
دورت عن لغزن قريب ماحصلت.< كلش غاااالي
وعندي رمعة بالنسبة للغز السامروهي فزعة جتني وهي(( بنات نعش))
وهن نجوم سبع حول الجدي..< ويش رأيكم ؟؟ قولوا تم< وده:مزون:
النوري
بنات نعش اللي تقولينهن هن السبع بتسميتنا يالبدو
واسمهن العلمي النجم القطبي
واتوقع رمعة هاوي قصيد حول الرسالات اقرب
وللمعلوميه هي وحده من هالثنتين يالديانات ولا السبع
واشوفكم على خير بغيب عنكم كم من يوم
النااايف
.
.
صباح اللغاز اللي فككت مخي :زعلان:
الجميع كلكم مبدعين والله لايضركم
صراحه اللغاز انا فيها ماش يعني ميح هههههههه
لكن اللي رمعته حول الحل يعلمني اجي في صفه ههههههههه << لا ياشيخ
واتمنى الجميع بخير
حامد الروقي شد حيلك واسدحبه ,, نياف العتيبي ترجع بالسلامه في انتظارك ,, محمد نايف تكفي طلاتك ياذيبان ,,
اختي نوره رمعه حلوه وتنطبق على ابيات كثيره لكن وش تفسيرك لهالشطرين
(خوات مختلفات باحوال وعصور) - (وبعصرهن غطن على من سواهن )
هل النجوم تتغير مع العصور ؟؟ وكيف بعصرن غطن على سواهم ؟؟
اذا عندك اجابه مقنعه لهذا السؤالين وقتها اقول اجابتك صحيحه ان شاءلله
بالمناسبة أخت نوره المعنى الصحيح لكلمة ديجور ايش هو ؟ يمكن انتي عندك خلفيه أفضل منا
---
الأعزاء
حامد الروقي..يعطيك العافيه.ماقصرت
الناايف.إن كانهن السبع..الجايزة بحسابي..منتظرينك ولغز كاايف
محمد نايف العتيبي..ياعل تسلم..
هاوي قصيد
الديجور حسب فهمي والله أعلم (العتمة)أو اللجة والظلمة
وسأورد بهذه المناسبة هذه القصيدة الرائعه لسموالامير( بدر بن عبدالمحسن )
في رثاء والدته الأميرة وضحى الحمود الرشيد - رحمها االله
طيري عصافير السحر عن هدبها
عينٍ تخم النور .. من قلة النور
كود الظلام اللي علق في عصبها
وعروقها تبكيه حسرات وغرور
الله .. مااثقل جفنها وإن جذبها
برقٍ لمحت فـ ضيه اكفان وقبور
على الدروب اللي عشقنا تعبها
لين اقفرت من كل حيٍ ومعمور
كنه يلج بوسط سمعي صخبها
أو هو بكا .. ريحٍ على صدر ديجور
طيري عصافير الهوى اللي شربها
غدير .. واسقاها من أوهامه بحور
يكفي عن أحلام الحياة وطربها
لو ساعةٍ ببكي على ساعة قصور
أصيح شمسٍ ما تمن بذهبها
تنثره قلبٍ صادق .. ودافي شعور
والا النهار اللي عيوني حربها
اقبالته لحظه.. وغيباته دهور
أصيح عسبان الحياة ورطبها
أو حبها اللي توَّه اليوم مبذور
والا الضلوع اللي حنيني كتبها
شعرٍٍ قراه الصبح غامض ومكسور
اصيح من باصيح واغلى عربها
شدوا زمان الشوك باعشاب وزهور
يا حيف وضحى نور عيني جنبها
وخذت غياب الشمس من مرتع الزور
وخذت وعقرت مهرتي في طلبها
وقفت .. ودمعي في محاجره .. مذعور
ما غير أناظرها ويصغر لهبها
لين إنطفت ناديت يا سعود ماجور
خذها الذي من فيض جوده وهبها
يوم لنا رحمة.. وظل .. وذرى سور
ياعلها عنده بعالي رتبها
عند الذي نزه مقامه عن الجور
وطيري عصافير السحر عن هدبها
عينٍ تخم النور .. من قلة النور
النوري
مشكوره على التوضيح ويعطيك العافيه على القصيدة الجميله
نرجع لموضوع لغز السامر حاولت اشوف الحلول في المنتديات تصدقون ماحصلت الا منتدين في البحث ومافيها الا رمعتين او ثلاث مثل قلتها .. والعالم مكتمين الطمع ذابحهم هههه
الحقيقه ماني مقتنع بحل الكتب او الرسالات السماويه او حتى حل النجوم .. عندي رمعه جات معي بعد تفكير والله اعلم صح ولا خطاء لكن ماحد قالها قبل كذا
الحل والله اعلم " دول مجلس التعاون الخليجي"
وبعد عرفت معنى ديجور من الاخت نوره اعتقد التفسير المنطقي للديجور في هذا اللغز الي هو البترول الي تميز فيه الخليج .. وباقي الابيات تنطبق على الحل .. والله اعلم
إلى الآن تفكرون بلغز السامر ؟
الحل عندي .. بس الطمع ذبحني .. عشان كذا ما راح أقوله
هاتوا لنا لغز ثاني .
حراير نبتت على النـار والنـور
تحدث الكـون الفسيـح ببهاهـن
من حكمة الخلاق ولدن بديجـور
وبدد ظلام الليل عالـي سناهـن
احسابهن في خانة البضع محصور
وبعصرهن غطن على من سواهن
خوات مختلفات باحوال وعصور
متشابهـات بوصفهـن وبنماهـن
ياللي بحل رموز الألغاز مشهـور
هات الخوات الغـر والا حداهـن
-------------------------
السلام عليكم
فكرت في دول المجلس واضن ذكرتها في احد المشاركات .
بس بالبيت الاول قال :( نبتت ) ليش ماقال( نبتن )وقال (حراير)مذكر ولا مؤنث اللي اعرف انها الهجن . في قول :
تركي بن حميد (حراير ياعبيد مثل الاهله ـاو حراير يازبن مثل الاهله)
الديجور : هو الضلام او الحجر الاسود.على مسؤوليتي . تفسير البيت مولودات بالضلام ومزق الضلام نورهن . او اضائه او اضاء الليل نور الحراير .
والوقت مدري وش بقى من المهله يقولون شهر مدري لو انتهى الشهر وحنا نفكر .
اسمع عاد يالهاوي انت ويا باقي الشباب .والشابات .
الحل هو : المعادن النفيسه . لكن حنا بنتقاسم الاعتقادات .
يعني كل واحد يكتب مايعتقده صحيح .
ليش قلت المعادن النفييسه ـ لأنها تستخرج من الحجر وتنبت ولانها لايتم استخراجها الا بصهرها بالنار الكون كله يتحدث عن المعادن وسعرها . قال عنها( غر)لشهرتها . سواهن الاوراق النقديه المعادله .
ــــــــــ
1ـ المعادن النفيسه ـ الذهب ـ الفضه ـ النحاس ـ الزنك ـ الحديد ـ والله مدري وش باقي بس يدخلن في خانة البضع .
2ـ دول المجلس
3ـ السبّع
4ـ الكتب السماويه
ــــــــــــــــ والسلام ــــــــــ
انتهينا من لغز السامر ( اطال الله عمره)
وهذا اهداء للجميع وابي احد يحله وخصوصا جواهر
[poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
بعد كذب زوجها ياقوم فارقهـا= والحزن في داخله يكتض باعماقه
وبعد فراقه مشت والحزن يغرقها=لين اوصلت للي الله يلعن اعراقه
شلت يده مرتين وبعده اعتقهـا=يرجع لها الفضل بعدالله بعتاقـه[/poem]
تحياتي .
جاري البحث عن رمعة :بفكر:
طيب ياطماعه اذا حصلتي رمعه عطينا خبر علشان نسوي إخلاء للمنتدى ونعلن حالة التأهب الاعضاء قربوا المائة ألف ونبغى نخرج بأقل الخسائر مانبغى احداث هيروشيما تتكرر :مزون:
حامد الروقي
توضيح لاهنت
هل اللعز حله شيء واحد او عدة اشياء ؟
وهل اللغز حله مرتبط بحدث او قصة معينه ؟
في بالي رمعة تتعلق بالسياسة بس بخليها بعد التوضيح
واذا حلك فعلا له علاقه بالسياسة خلاص لاتوضح شيء
هلابكم .توقعت انكم تبون التوضيح
الحل في قصص الانبياء
الله يعينكم تقرونها كامله . من البدايه للنهايه .
<<هذا المستخدم مايحب السياسه . عندي معلومه وحده عن السياسه وهي ان حذاء الحصان يغير كل ثلاث اشهر . هههههههههههههههههههه
تحياتي
ايه كنت حاس ان ورى اللغز قصة
وبيني بينك الالغاز الي تعتمد على الثقافه العامة صعب حلها
عموماا أعتقد انك تقصد قصة النبي أيوب عليه السلام مع زوجته وابليس الي جاهم على هيئة طبيب لكن ماذكر تفاصيل القصة ولا ودي أتكلم فيها بغير علم أتركها للي عنده اطلاع
أتوقع إبراهيم عليه السلام وزوجته سارة
وراح أفصل الأبيات على حسب فهمي للقصة .. لكن بأسلوبي ..
بعد كذب زوجها ياقـوم فارقهـا
والحزن في داخله يكتض باعماقه
إبراهيم عليه السلام لما سافر بزوجته سارة وكانوا متجهين إلى فلسطين ، وصلوا إلى منطقة فيها ملك ( طاغي ) كان يأخذ كل بنت جميلة ، وكانت سارة ذات جمال .. وبعد ما أُكتشفوا وجودهم ، سألوا إبراهيم عليه السلام : من تكون سارة بالنسبة له . طبعاً هدفهم لو كان زوجها أكيد راح يقتلونه .. عشان يآخذونها منه .. فقال عليه السلام : هي أختي . يقصد أنها أخته في الإسلام . ( حاشا للأنبياء أن يكذبوا ) .. واطمأنوا وأخذوها منه .
وبعد فراقه مشت والحزن يغرقها
لين اوصلت للي الله يلعن اعراقه
وطبعاً ذهبت معهم والحزن يغرقها .. حتى وصلت للملك ( الطاغية )
شلت يده مرتين وبعـده اعتقهـا
يرجع لها الفضل بعدالله بعتاقـه
البيت هذا بالذات هو اللي وضح لي الحل .. طبعاً هي دعت عليه ( في سرها ) بأن تشل يده لو اقترب منها .. وكل ما حاول أن يضع يده شُلت يده .. فخاف في المرة الأولى .. وترجاها أن تدعو الله أن يشفي يده ووعدها بأن يتركها .. وفعلاً دعت الله ، لكنه أعاد الكرة مرة أخرى ، وشُلت يده مرة ثانية ، وطلب منها للمرة الأخيرة ووعدها بالأموال .. وفعلاً دعت له وشفت يده للمرة الثانية ، وبعدها تركها تعود لإبراهيم عليه السلام .. وأعطاها أموال وجارية ، وهي ( هاجر ) التي زوجتها فيما بعد لإبراهيم عليه السلام .
يمكن أكون أخطأت ببعض التفاصيل ، خاصةً وعده لها بالأموال .. لكن هذه هي القصة ..
ومصيبة بعد هالسرد كله لو يكون الحل غلط !
بالنسبة لي أشوف إنه سهل حلهااقتباس:
وبيني بينك الالغاز الي تعتمد على الثقافه العامة صعب حلها
يا أنا واثقة من حلِّي .. الله يكفيني شر ثقتي بنفسي :11utup: .
.
ياجعلكم بالعافيه الجميع شادين حيلكم << وانت وش حضرتك
.
شوفوا اذا جتكم عين ترى مني انا .... الا هاوي اهب مايجيه شي << مات ضحك
والله مدري بس اللي يعرف الحل يعطيني خبر
بالتوفيق وهمتكم مانبي الموضوع يوقف الا اذا وقف غرابيل
دمتم بخير كلكم الجميع
محمد بن نايف
سلام مساكم الله بالخير جميع
اخوي هاوي قصيد ـ اجابتك غير موفقه ./ وكاتب لي بيني وبينك وحنا في متصفح يقراه 100000عضو ـ ههههههه الله يسعدك وجواهر تقول سهل تباني اعطيها لغز اقوى من لغز السامر.
ــــــ جواهر عبدالله
الحقيقه ماقصرتي واجابتك صحيحه . والله يعطيك الف عافيه
ــــــــــ
محمد نايف
ماحاولت تقول اي شي غير مدري . لو على الأقل وافقت جواهر في حلها كان كسبتها بارده مبرده .
ومروركم كله وحضوركم على راسي يارياجيل والله مدري وش اقول بس كلبوكم على راسي / على قول . عبدالله السميري.
تحياتي
والحريم ؟!!!اقتباس:
ومروركم كله وحضوركم على راسي يارياجيل
أهم شي إني جبتها وأنا بنت عبد الله
هاتوا اللي بعدووووو ..
سالخير عليكو
ماشاء الله تبارك الله ..شغلن تمام..<<وانتي وين طسيتي؟
عزالله ماقصرتوا ..وأنا قررت مابي أحل لغز السامر
أنا ماحب الطمع والفلوس وسخ دنيا<<يصير خير
الحمد لله القناعة مبدأ عندي مايتغير..لكن المشاركة هواية.<وبطلت
أشكركم وأعتذر لغيابي عن الموضوع وإنشغالي
.اقتباس:
المشاركة الأصلية كتبت بواسطة جواهر عبد الله
ايه هين حليتيه ههههههه
جواهر ترى شافوني يوم اعطيك الحل بس ماتوقعتك تنكريني افاااااااا << اهب ياوجهه
والله ياجواهر ماشالله حللتي اللغز حرف حرف . قولوا ماشالله ثلاث مرات الا هاوي يقولها خمس مرات ههههههههههه .
.........
حامد والله ياخوك اللغاز تعرف انا ماودي اخرب عليكم الحل من اول شي واقوله اعطيكم مجال << لا تكفى .
الله يعطيك العافيه ياحامد ولاهنت على اللغز السهل ههههههه
..........
النوري حياك الله , علينا تنحاشين من اللغز وتقولين مشغوله كنت اسوي هالحركات ترى .
..........
دمتم بخير
جواهر عبدالله
هههه أنا أقصد ان هذي الالغاز تعتبر ثقافه عامة موعن صعوبه والصراحه ماستغرب عليك شيء لو نعطيك لغز في نسبية آينشتاين تحلينه وانتي تاكلين فصفص
حامد الروقي
ههههه الولد هذا عليه طلعات تعجبني
ماعليه يالذيب أهم شيء عرفنا وجهه اللغز وصراحه لغزك يعتبر سؤال ثقافي ومجرد شرح لقصة نبغى مثل الالغازك الاوله حطو في حسابكم الداهيه الي معانا
محمد نايف العتيبي
صديقي هذا كسلان مايحب يتعب في الالغاز بس يحب يمٌر يتطنز ويمشي ههههههه
اللغز القادم ارشح النوري اذا فاضية او نيٌاف اذا موجود الالغازهم زينه وتخلي الواحد يدخل في غيبوبه .. اذا صار اللغز من عند نيٌاف أو النوري أنا اظمن لكم ماتشوفون غير غبار جواهر في القسم وانواع التفحيط والله يعين الي عنده ربوو .. نحن في الانتظار