ياشعار غرابيل

[poem=font="Simplified Arabic,5,crimson,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
انا ماكنت ابي روس النشاما تثني الارقاب=لحيث ان النشاما روسها تنقلها الارقابي

لكن بعض العرب ضامي ويفرح لالمع سراب=وكم ضامي غدا لاجل السراب لنصر وعقابي[/poem]

الشاعر/الكبير/فايز الشدادي

الف شكر لك على هذا الاداء الرائع وهذه الجزاله المتناهيه

صح لسانك وعلا شانك وبيض الله وجهك بياض الشاش

حمد الشدادي

مشكور مشكور على اتاحة الفرصه لنا باللعب مع هذا الشاعر الكبير

حيث انت الذي دعاه على ما اظن

والف شكر لكل من تابع وعلق ومن مر وشاهد

وتصبحون على الف خير

اخوكم

سهيرالليل

بيض الله وجيهكم

فاااايز وسهير الليل

يا عنكم منتم بهينين

الله لا يضركم

وعساكم على القوة

والشكر موصول ويتثنى للاخوة الذين عطروا امسيتنا باريج حضورهم

تصبحون على خير والتالي درر هذه الامسية مرتبه للتاريخ

تصبحون على خير

البيطاااااااااااااااااااا ااار حسين الحارثي

والله ويعلم الله اني تلميذ صغير في مدرستكم الشعريه

وفعلا ان الصدفه خير من الف ميعاد

واما المحاوره فقد اضفيت عليها جوا من التحقيق المثمر

ولعلك تتفهم الاسباب

الف شكر لك على هذه المحاوره الرائعه

والف شكر لجميع الاخوان الذين شاركونا

واولهم ابو معاذ الله يعطيه العافيه

وانا بودي لو نكرره هنا رباعيه اذا امكن

وللجميع صادق الود

[poem=font="Simplified Arabic,4,white,normal,normal" bkcolor="teal" bkimage="" border="outset,10,gray" type=0 line=0 align=center use=ex num="0,black"]
فاير الشدادي
سلام الله عليكم ياهل الموقع سلام اعجاب=اقوله يارجال ومن حضر يسد من غابـي

انا من قبل اجيكم قلت اكيد انقرضوا الكتاب=ولكن عندكم لقيت نـص الشعـب كتَابـي


حسين الحارثي
هلا يامرحبا عن حاضرين القـوم والغّيـاب=اقوله بالنيابه؟ حيث مابـه عنـك مجنابـي

عسى ربي يبارك في حمد!! يومه لفايز جاب=اديب يصيح للكتاب مدري ويش الاسبابـي

فايز الشدادي
يدوم لك البقا ياللي تزيد وتكثر الترحـاب=وهذي عادتك ياحسين لاصحابك والاجنابي

كرامتها عقيل اليوم للحاها بـدار اجنـاب=وكل خابر قدر اللحى من قـدر الاشنابـي

حسين الحارثي
بعد ربي رمابك في نحايه فتل الاشناب=الا يازينها فرصـه حضـر للحـق طلابـي

انا مدري من الصادق وانا مدري من الكذاب=ياهل خيمه تركتوهـا بلاعمـدان واطنابـي


فايز الشدادي
انا ماجيت ادور عنك لكن الصدف باسباب=لو انك ما تبا الانشاب غيرك يفتح البابي

مجالسنا على عز وشرف للغرب والاصحاب=وعمود البيت مايهتز دام السمر شبابي


حسين الحارثي
تقوله وانته اللي للمشاكل شايل المشعاب=وكلٍ من عصابتكم معه قطله ومشعابي

علامك تقسم اللابه وتضحك حاسدٍ نصاب=الا ياكبرها ياعبرها مابين الاقرابي


فايز الشدادي
انا بشيل مشعابي واولع فالسماء الشباب=وانا في ماقفي قاسي وكل يحسب حسابي

ترى عفت البكار اللي تغنج في يد الحلاب=ولاني ريشة للغير يكتب بي ويقرابي


حسين الحارثي
نعرف انك شجيع وفــ.الملاقا نحسب إلك احساب=لكن شجاعةٍ من غير عرّف وطيب تنعابي

ترا لولا البكار اللي تغنج عنك سعدك غاب=عسى مافيك سر وشر والا عندك اعصابي

فايز الشدادي
ترى عرف الرجال تجاره ما جابها الجلاب=ولكن ماورى عرف الخفايا غير الانشابي

اشوفك بالش باللي عليك يورد الخطاب=ويحط الرابط اللي يتبعونه كل خطابي

حسين الحارثي
من افعالك زعل شيخ العرب والجبر والشياب=وصارت سالفه مابين شبانٍ وشيابي
مصيبه يوم تشعب فالمطيه مع سهل وهضاب=حفيت اقدامها يومك لها قايد وركابي

فايز الشدادي
اغيظ بفعلي الاعدا واسر بطيبي الاقراب=وحنا كلبونا عيال عم بصلب وانسابي
بنينا البيت باطنابه ولا ناقص ولا منساب=ولاني شايل بيتي بعد دقيت منسابي

حسين الحارثي
انا ماكنت ابي روس النشاما تثني الارقاب=لحيث ان النشاما روسها تنقلها الارقابي
لكن بعض العرب ضامي ويفرح لالمع سراب=وكم ضامي غدا لاجل السراب لنصر وعقابي
[/poem][/QUOTE]

لاهنت ياحمد

ابك جمعها خليني اشتلها للديوان واشوف واتفقد اكيد سرا عليه بعض العلوم

ابك هذا الداهي من وين جبته انت ووين كان اهب وان ولدك يابوي

صدق من قال كم غزوةٍ منها السلام غنيمه؟


عجل علي النوم جاني

اخوي الغالي

حمد الشدادي

الف شكر لك على المتابعه والتنسيق
حقيقه انك اضفيت جو غير على جو المحاوره المعتاد
وصار لها رونق جميل ورائع من كلا الطرفين
بارك الله فيك ولاهنت اليوم ودوم وقواك الله
تقبل من اخيك اجل وارقا الشكر والتقدير
سهيرالليل

صحت قلوووبكم

ومنتم محتاجين شهادتي


والله يجزاك خير ياحمد يوم نسقتها وسهلت لنا التركيز والمتابعه

تحيتي لكم