المشاركة الأصلية كتبت بواسطة وجــــدان
عدت لكم ببعض الأمثلة على بحر المنكوس لترسيخ هذا البحر في الأذهان فقط أتمنى أن تنال رضاكم
لسمو الأمير عبدالله الفيصل رحمه الله
[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تمنيتك البارح على هجعة العربان=ابسهرمعك فى نور اخوك القمر ساعه
لعلك ترد الروح للعاشق الولهان=قليل العزا روحة من البعد ملتاعه
ملكتة زمامى باختيارى وانا الكسبان=على ماتبى مملوك بالسمع والطاعه
اناعبدك اللى جاك ماسقت فية اثمان=ملكتة بسود للمشقين قطاعه
تخيرت جدة منزل لى من الأوطان=على شانكم ياريف قلبى ومرباعه
زرعنا بذور الحب فى ملتقى الخلجان=على ساحل ابحر يوم الايام جماعه
نبت وانتشر زهرة على ناعم الشطان=علية القلوب بجنة الحب رتاعه[/poem]
للشاعر فهد رفاعي
[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لك الله يامن جر صوتن علـى المنكـوس=ونقـض جروحـن مبطياتـن ودراســي
جنوبن عن الأبرق وغربن عن أم الـروس=تذكر ديارن مـن ورى ذيـك الأطعاسـي
قضا الليل كله ساهـرن كنـه المضـروس=جداه الغنا والسهـر مـن قـل الأوناسـي
جنوبي تذكـرت ديرتـه والعبـاد نعـوس=من غناه عيـت تقبـل عيونـي نعاسـي
تكدرت منـه ودك فـي بالـي الهاجـوس=والا واعذابـي كـل مـادك هوجـاسـي
انا حن قلبي حن سكسـن مـع الطعمـوس=اليامـن تولـى سواقتـه سايقـن قـاسـي
تعرضه فالجوزاء عباطه وهـو متـروس=غداله حنين وقام يضـرس بـه أضراسـي
والا ياوجودي وجد من دش سجن الـروس=يوم الحاكم ستاليـن والحـزب الأنجاسـي
على اللي بدا هجره وحاس المواصل حوس=ولاهـوب وده لكـن الوضـع حسـاسـي
وأنا في غيابـه حالتـي حالـة المحبـوس=عيوني ترجـى فـي مواصلـه حراسـي
براني بهجره بريت الضرس عرق السوس=محاتا وصاله ظهر الشيـب فـي راسـي
مدامي على ماقيل في مواصلـه منفـوس=أبصبـر علـى هجـره ولاقاطـع ياسـي
قنعنا مـن الدنيـا وأخذنـا عبـر ودروس=ولا شابعـن منهـا ولا دايمـن راســي
وياما ربحنا فلوس ويامـا خسرنـا فلـوس=وتساوت معايه عنـد ربحـي والافلاسـي
مدام الوفا والطيب في نفوسنـا مغـروس=على الطيب الأول ليـن ماتوقـف أنفاسـي[/poem]
للشاعر مهنا سعد العصيمي من قصيده طويله
[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بدينا بذكر اللي خلـق جنـة الفـردوس=خلقهـا وبيـن فـي كتابـه مراتبـهـا
قريب مجيـب يعلـم السـر والهاجـوس=ومن حكمته سيـر الفلـك مـع كواكبهـا
الله خلق كل البشـر رئيـس ومريـوس=خلقهـا وفـي يـوم القيامـة يحاسبهـا
سلامي على أهل الدين كسابة النامـوس=سلامـي عليهـم عـد ذاري هبايبـهـا
على منهج التوحيد نأخـذ عبـر ودروس=دعـاة العقيـدة ماتقـصـر بواجبـهـا
سلامي على اللي لحيته مايجيها المـوس=ولاشجـع الكـورة وصفـق للاعبـهـا
على سنة المعصـوم ماطـول الملبـوس=عفيـف جنابـه والمعاصـي مجنبـهـا
يقرأ الكتاب ولايدانـي هـل المنكـوس=كمل بالصفـات الطيبـة مـن جوانبهـا
فعله رفع رأسـه مـع رافعيـن الـروس=تقدم على كسـب المعالـي وفـاز بهـا
ترى راعي الطاعات عاداتـه النامـوس=علـى طاعـة المعبـود نفسـه مدربهـا [/poem]
تقول الشاعره بخوت المريّه لمنتقديها :
[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
العب المنكوس وارفع بصوتي ماعلي=من هل المنقود واهل العلوم الهينـه[/poem]
ورغم أن هذا البيت ليس على المنكوس بل على المديد الا ان بخوت كتبت على بحر المنكوس فقالت :
[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
وجودي على بيت الشعر عقب بيت الطين=وجودي على شـوف المغاتيـر منثـرّه
وجودي على خوة هل الموتـر المقفيـن=وجودي على شوف السهل من ورا الحرّه
ليا حلوا البدوان وصاروا علـى بيتيـن=ومن كان لـه خـل مـع ذاك ماغـرّه[/poem]
ولها أيضاً :
[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياحن قلبي حن ماك ٍ مع الطلعـات=ليا عشقـه بالعايـدي والدبـل جـرّه
انا دمع عيني بالدقايـق وبالساعـات=ولا هي على فرقا المحبيـن مستـرّه
هواجيس قلبي كل ما أقول راحت جات=تعود علي باليوم خمسة عشر مـرّه[/poem]
ولها أيضاً :
[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عسى من صنع ذا الهاتف ايدية ماتنشل=عسى دارة الوسمي يخـرب بساتينـه
تعلا الحـرارة وان تكلمتبـه تنـزل=على صوتهم قلبـي تريـّح شرايينـه
وجودي على طيارة صوبهـم تنتـل=علشان مستشفـاه باجـي مصاخينـه[/poem]
ونشكر من نبّهنا للشاعره العظيمه بخوت المريّه فأتينا بما كتبته على المنكوس وتركنا ماكتبته على بحر المديد ( العرضه ) للدرس الخاص به بحول الله :11ctor:
واختتم هذه الأمثله بقصيده من أشهر القصائد التي كتبت على بحر المنكوس وهي من أشهر الأغاني أيضاً التي غنّاها الفنان محمد عبده والقصيدة لسمو الأمير الشاعر خالد الفيصل وهي اغنية ( كفاني عذاب الله )
[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كفاني عذاب الله يجازيك بافعالك=جرحت الضمير ولاطرالك تداويني
مريض المحبه داه ودواه بوصالك=الا كيف تبخل وانت نظرتك تشفيني
الا واعذابي كيف ماعاد يهنالك=سوى انك تشوف الموت بيديه يطويني
انا يوم احبك ماتذكرت غربالك=ولاقد خطر في بالي انك تجافيني
تفرغت لك ياساكن القلب بلحالك=تقل غيرك من الناس ماهم بحييني
انا قام يطرالي بالاحلام مرسالك=وطيفك حبيبي بين الاحلام ناسيني[/poem]
تحيتي للكل