التربية : حالات الوفاة بسبب إنفلونزا الخنازير ودخول العناية المركزة تعلق الدراسة

[align=center]متى راح نتطور
متى راح نكون مثل الاوادم اذا جتنا كارثه
يعني تجينا امراض كوارث طبيعيه الله يجيرنا ولا يكون فيه اي اسلوب او تنظيم لتفادي الخسائر البشريه في المقام الاول
يعني في البدايه مشكله الهزات الارضيه المفروض يكون فيه تنظيم و توعيه لشعب بعد ماصارت الهزه قويه اعلنوا وتوهم يصحووون وعملوا اخلاء <<<< صح النوووووووم

واللحين انفلونزا الخنازير كل العالم بعد علمهم في ان المرض ينتشر بشكل سريع تم اتخاذ اجرائات صارمه ووقائيه وتم تفعيلها بجميع الطرق المرئيه و المسموعه و الشعارات في الممرات و الشوارع واحنا يا غافلين لكم الله المطار الكل داخل طالع مافيه مراقبه حتى طاح الفاس بالراس وصارت السعوديه من مصاف الدول الحاصله على النسب العاليه بالاصابه بالانفلونزا <<<< يعني حلو فلحنا في شي وصرنا من الاوائل اللهم لا شماته
ولا عرفنا الوقايه كيف لين صار في اغلب العائلات حالات اصابه الله يحمينا
انا عندي كلمه
مو انفلونزا كانت تنتشر لما كانت الاختبارات الفصل الدراسي الثاني وين التوعيه المفروض يسوون حمله كامله لتوعيه للمعلمين و الاداريين هذا المفروض يعني ما ناخذ الاجازه الا وعندنا قدره على التعامل مع اي حاله تكون موجوده في المدرسه مو يخلونا مثل الدبش ما نعرف شي واخر شي يخلونا نداوم بعد تفشي المرض ولا عندهم مانع ان يكون فيه ضحايا للمرض اتوقع المملكه ناويه تاخذ المركز الاول وتتفوق على جميع الدول وهي رافعه راسها من قدها وهذا كله ببركات الوزاراة النايمه و التفكير الغير مسؤوول
وبعدين لو ينتشر المرض بالمدرسه مشاء الله على المعلمين عندهم مناعه خاصه ضد اي شي واي مرض
يعني ياخذ الطلاب اجازه و المعلمين االات ما تخرب ربي يسامحكم
ما اقدر اقول الا متى راح نكون متطورين بما ان تفكيرنا كذا حتى مرض ما قدرنا نحتويه [/align]

أحس اني ودي أضحك بصوت عاااااااااااااااااااااااا ااالي .. بس من القهر :(

وربّ النعمة كلام ماايدخل العقل

وش اللي اذا مات طالب قفّلت المدرسة والا 10% ومدري كم ؟!!!!!

طيب هم مافكروا في ان ذاللي مات الله يرحمه نقل المرض للعشرات !!!

وان المرض ياخذ فترة حضانه والطالب بيروح ويهدي المرض لاهله مغلّف باجازة متأخرة !!!!

وشف ساعتها كم عدد الحالات ومدى استيعاب المستشفيات

ثم اندب حظّك العاثر :@



شكراّ أخ سليمان

تحيتيـ

والله والله والله

ما عمرنا راح نتقدم ..

وش هذا التخبط ... يعني ننتظر احد يموت عشان تقفل المدرسة ..

يا ناس يا عالم انتو صاحيين والا مجانين ..

الحين بدال ما تقولون ان شاء الله بيكون حمله تطيعمات في المدارس ضد المرض

ترحون تسوون نسب على ارواح الناس

حسبي الله ونعم الوكيل

طيب أنا عندي سؤال لوزير الصحة
أنا معلمة وحامل وعندي أطفال وادرس بقرية
ماهي الاجراءات الوقائية التي يجب علي اتخاذها قبل ان اصيب بالمرض ؟؟؟؟؟؟؟؟؟؟؟؟؟؟؟؟
يعني فية تطعيم ولا بيوزعون كمامات مجانا ولا كيف نكتشف ان الطالبات مريضات اذا مستشفى زي العالم مافية
اريد حلااااا سريعا اااااا وليس قرارات غبية وتفشل

قرارات من عقولاً خاوية الفكر والعلم
لاإنسانية ولاإحساس بالمسؤلية هذه ارواح بشر
الله يسامحهم بس كيف ينتظرون وفاة أحدى الطلاب أو اصابات

لاحول ولاقوة إلا بالله ~~

وأعوذبالله من هذا المرض الخطير~~

تحياتي ......

والله مسخرة

ياا ناس
10% يعني هذي راح تموت كل الطلاب هذا طالب في انفلونزا الخنازير وش دراهم اذا كان مو فصله يعدي مليوون واحد
كل الدول الخليجية قفلت مدارسها الا نحنا السعودية ما نخاف على اعيالنا يعني
اصلا عنده الطالب بهيمة
لا إهتمام ولا تربية ولا تعليم كمان
اسمها
وزارة التربية والتعليم
وين التربية وين التعليم
والله العلم اللي نتعلموا مو علم
وكتبنا ما راح تطلع اجيال
والله لو نقرأ القرآن افضل
فيه كل شيء
كنا رمينا كل كتب المدارس
لا حول ولا قوة إلا بالله

يعني لازم تصير حالة وفاة ؟؟

ولازم 2 في العناية المركزة ؟؟

واذا انتشر 5% او 10% بتصير بعد شهر او شهرين

الـ 5% = 10% ــ و ــ 10% =20%

والله لو واحد منهم يصير في أهله الفلونزا

والله يمكن يوقف الدراسة سنه

هم ترى والله يلعبون بارواح الناس

والله بعدين النتيجه بتصير ضدهم





واكيد لا تنسون




احنا 5%-ندرس-10%


و


اولادهم $ اجازة $






ـــــــــــــــــ( حسبنا الله ونعم الوكيل )ـــــــــــــــــ








والله انا ما أشارك بس هالمرة شاركت من ( القهر )

السلام عليكم ورحمة الله وبركاته

الشكر والتقدير لكل من مر من هنا من الاخوة الاعضاء والقراء
بارك الله فيكم و وفقكم واسعدكم في الدارين
وحفظنا الله واياكم والمسلمين من كل شر ومكروه