المشاركة الأصلية كتبت بواسطة نايفة شمر
على صوت الرياح اسمع نداءات الغصن والطيـر
نداء الغصن رفرف له جنـاح وخافـت اوراقـه
حسبت الطير من صوت الغصن غنّى مساء الخير
حسبت الغصن غنّى يوم شاف الطيـر واشواقـه
وجيت اطرب ، ولكني لقيت ان السوالـف غيـر
لقيت الطير يبكي ، والغصن قـد جفّـت احداقـه
هديل ٍ عانق رياح الجفا ، والليـل ، والتقصيـر
على صوته تمنّيـت الصبـاح ولحظـة اشراقـه
وصوت الغصن حفّ الريح يسأل مالقـى تبريـر
سوى صوت احتفالات الريـاح بطيـر وافراقـه
عرفت ان الرياح احيان يتـرك صوتهـا تأثيـر
على طير او على غصن ٍ هزيل بداخل اعماقـه
وطار الطير عن غصنه ، ولكن باقـي ٍ تذكيـر
ترك ريشة على ارض الغصن يوم الغصن ماطاقه
سألت الغصن : عطني ياغصن للي حصل تفسير؟
لقيت الصمت واصـوات النـدم تعصـف بآفاقـه
سمعت الريشه تنـادي تقـول: العاذليـن بخيـر
واشوف اغصان هذا الوقت خلف الريح منسااااقه
رحل طير الوفا تارك وجـودي للوفـا تصويـر
رحل طير الوفا تارك غصن عاري مثـل ساقـه
تمنّى تصير في عمرك غصن ياصاحبي أو طيـر
تبسمت 00وعطيت الظهر ذاك الغصن واوراقـه
صححح لسااانك مليوون ولا يكفوون ياعبدالله
اختك
نايفة
