بطولة غرابيل بكرة القدم

تلقي كابتشينو بحبوح بونية في عنيه من ريف العين أدت إلي وقوعه مغمى عليه
وبكل روح رياضيه راحت ريف العين شايطة الكورة ( في وشه )
قصدي راحت شايطة الكورة برة الملعب علشان يدخل الطاقم الطبي للسحالي لعلاجه

تم علاج كابتشينو بحبوح من حالة الأغماء وفوقوه ( ببصلتين )
وافادنا الطاقم الطبي للتماسيح إن اللاعب كابتشينو بحبوح
هايكمل الماتش وهو عنده كسر في مناخيره وأرتجاج في المخ
وإحنا بدورنا هنا بنسأل الطاقم الطبي للتماسيح
( هو جاله المخ ده منين ؟ )
http://sfsaleh.com/9war/uploads/59cfcabe25.bmp

في أحد الكرات المشتركة بين الوحيد فون وشذي البصرة
قامت شذى البصرة بعض الوحيد فون في رجله وطلعت المطوة من جيبها
وغزت الوحيد فون في جنبه وقطعتله أستيك الشورت بتاعه
فأضطر الوحيد فون إنه يسب الكورة لشذى البصرة ويمسك الشورت بتاعه
بدل ما يوقع منه وتبقي فضيحه

بعد ما أخدت الكورة شذى البصرة من الوحيد فون دخل عليها السفير
راحت راقعه بالصوت ورمت بلاها علي السفير قال إيه كان عايز يبوسها
وانا بقولها حرام عليكي يا شيخهده هو حتى بيعزك زي ( إبن عمه ) بالظبط
مما أدى إلي طرد السفير لتعمده ( البوس ) في اللقاء000

قام الخجول بشد شعر أمجاد نجد في أحدى الكرات بينهم
وطلع شعرها في إيده00أتاريه كان باروكة وقد أغمى عليها من الكسوف
وتم نقلها مباشرة لمركز حماده شالفطة علشان يعملها عملية سمكرة في راسها
وعملية زرع شعر وزرع طماطم وخيار وخس يعنى تقدروا تقولوا هايعملها دماغها سلاطة
ويعملها بعد كده موزامبليه أو حالامبوليه في شعرها ويرجعوها الماتش بسرعه 00

فى أحد الكرات تقدمت حنين قابلها أستاذ أحياء سلم عليها وقالها أنتى ما بتجيش ليه
وعزمها علي إزازتين بيبس
وخلع هو وسابها تتدبس هي وحاسبت علي إزازتين البيبس من معاها00
( والله برافو عليك يا كابتن )

الكورة مع زين بن عمير دخلت عليه بسمة أمل راح رازعها بالقلم
وقالها عيب مش تستأذنى الأول قبل ما تدخلي عليا
أو حتى تخبطى علي الباب قبل ما تخشي عليا
( وأنا بقولك ما ينفعش الأسلوب ده يا كابتن كنت تهبدها بالشومة أحسن )

أجلس معكم


والأ بعد السراق يدور حولكم ......؟:زعلان:

أخرج الكابتن حمد الزاهد حكم المباراة الكارت الاحمر لزين بن عمير
لتعمده الخشونة مع بسمة أمل
أعترض زين بن عمير علي الحكم وراح مطلع السنجة وطل يجري ورا الحكم
وتدخلت قوات الأمن بقيادة اللواء علي بطاطا وسيد بزوكة
والمقدم زكى حلابسة والرائد عبده سلعوة وتمكنوا من القبض علي زين بن عمير
وأكلوه علقه محترمة وعملولوا قضيه مخدرات وحبسوه

الكورة كانت مع ريف العين دخل عليها صدي المشاعر
ريف قالتله مش عيب عليك لما تدخل علي واحده أمورة كده
وزى القمر زيي ( هههههههه قال قمر قال ) وأنت لابس
شورط كده ومن غير ( شراب ) كمان

عدت ريف العين بالكورة من صدى المشاعر بس صدي المشاعر لعيب مخضرم
وعمل دووبل كيك من الوضع ثابتآ وراح واخد ريف العين واحده براوليه خلفي
وعملها مقص حرامية وأخد منها الكورة وقعدت ريف العين تعيط وتصوت
إزاى ياخد الكورة منها صدي المشاعر وما حدش سأل فيها وسابوها تتفلق

لعب صدي المشاعر الكورة لنادر اللى إستلمها كويس وهرش في مناخيره
ودخلت عليه ضحكة الدنيا راح مطلع الطبلة وقعد يرقصها
والجماهير سابت الماتش شغال وقعدت تتفرج علي ضحكة الدنيا
وسابها نادر عايش حياتها مع أغنية النهاردة فرحي يا جدعان
وجري بالكورة ودخلت عليه نور الكون حب نادر يرقصها هي كمان
قالتله لأ معلش أصل وسطى واجعنى صعبت عليه سابلها الكورة ومشي

الكورة مع جرح طاهر دخلت عليه المتحدية ومسكت فيه
وراحت مصوته وقالت للحكم كان عايز يمسك 00000000 مناخيري
( أه مناخيرها مالكم مستغربين ليه )
راح الحكم مصفر وطلع الكارت الأحمر لجرح طاهر لأن الحكم إعتبرها
( لمسة يد ) وطرده بره الملعب وعمله قضية ( تحرش )

وفي النهاية أحب أوجه جزيل الشكر والتقدير لأختى العزيزة نجلاء
لنقلها وقائع الأحداث المهمة ولتحملها المسؤليه عن هذا النقل علي عاتقها
وأشكرها مرة تانيه علي مجهودها الرائع طول أيام الإعداد للمباراة

لكى منى جزيل الشكر أختى نجلاء
( مع إنك دعيتي عليا )
هههههههههههه
بس مش مشكله دعوة زى العسل برضه

وأحب أوجه برضه جزيل الشكر لأختى الغاليه ( لمياء الديوان )
علي فكرتها اللى جمعتنا كلنا تحت سقف واحد
وأشكرها علي مجهوداتها في النجاح بالموضوع

وعلي الجوايز اللى لسه ما حدش شافها لحد دلوقتى ههههههه

( ودى كانت بعض المقتطفات السريعه اللى كانت في الماتش
( وما حدش اخد باله منها )

سلالالالالالالالالالالالا لام