*&*الجزء الثالث عشر*&*
في بيت ابو رامي اجتماع العيله لدا الاسبوع والكل مبسوط وسعيد....
في مجلس الرجال قاعدين الرجال الكبار لحالهم على الطرف وقاعدين رائد وامجد لحالهم.......
احمد:انت ماتقولي من فين زيت؟؟؟
محمد:مدري يمكن من غرفتي
احمد:طيب روح فارق طفثتني
محمد:اثلاً انا احسن منك عشان كدا انتا زعلان
فهد:خلاص يا اولاد افترو كل واحد فيكم اخس من التاني ترى وانا احسنكم
رائد:هههههههههههه ياحليلهم هالبزوره يجننو خصوصاً ولد خالد لزووز ماشاء الله عليه
امجد:اي والله لزوز مررره وزي القمر دا بسمة البيت الي مانستغنى عنها
رائد:الله يخليه لكم ولأبوه بس ما تلاحظ بدل الالدغ صار عندنا اتنين
امجد:؟؟؟ايش اتنين؟؟؟؟
رائد:ههههههههههههه يعني احمد ومحمد الاتنين من طينه وحده ويتكلمو بنفس الاسلوب بس الله يهديهم ما يتفقو
امجد:هههههههههههههه ايوه والله صح
رائد:بس تصدق الجلسه ماتحلى الا بوجود خالد ورامي
امجد:ايوه والله نفتقدهم مره
رائد:الا متى بيرجعوو
امجد:والله مدري عنهم بس اعتقد رامي بقيله تلات شهور او اكثر
رائد:واااو ماشاء الله يالله الله يرجعهم بالسلامه
امجد:امين الله يسمع منك
وفي الجهه التانيه من المجلس وفي كلام محد يدري عنه غير الكبار......
ابو خالد:هااا يا ابو محمد ايش قلت
ابو محمد:والله يا منصور احنا ما بنلاقى احسن من ولدكم امجد بس ماتشوف انهم صغار لسه
ابو خالد:اي صغار الله يهديك وبعدين احنا ماقلنا بنجوزهم دحين انا قلت بس نسوي خطبه ولا ملكه والفرح بعد ما يتخرج امجد ويشتغل وبعدين على الاقل نطمئن بس انه البنت لولدنا ومو يجي احد غريب وياخدها مننا
ابومحمد الي مو حاب يكسر بخاطر اخوه:انا من جهتي موافق بس تدري لازم نستشير البنت
ابو خالد:اكييد حقكم بس تعتقد انها ممكن ترفض
ابو محمد:لا طبعا هيا فين تلاقي زي امجد والله رجال ولا كل الرجال
ابو خالد والي انبسط مره انه كل شي بيمشي حسب تخطيطاته:الله يسلمك يا اخويه ودا العشم فيك
وبعدين في وقت لاحق بعد ما يرجع ابو خالد لبيته مع اهله.......
ابو خالد:ايش الكلام الي بتقوله دا يا امجد انت اتجننت
امجد:كلامك على عيني وراسي يابابا بس والله مايصير تخطبولي وتحددو على كيفكم يعني انا مو رجال ولا انا مو مالي عينكم ومالي قرار في مستقبلي ولا كمان شو كلمتو اهل البنت ولا كأنه ليا دور في كل هالمسرحيه التافهه
ابو خالد عصب مره من كلام ولده:امجــد انت عارف ايش بتقول
وامجد استدرك نفسه وعرف انه زودها شويه فقال:انا اسف يا بابا والله ما اقصد ازعلك بس من جد شي يقهر يعني انت حط نفسك في محلي ما بتنقهر لمن يصير كل دا من وراك طيب على الاقل بس ادوني خبر ومو لازم تاخدو رأيي بس خبر ياهوو ما بيكثر عليكم
ابو خالد حس بغلطه وانحرج قدام ولده:والله ياولدي انا الي اسف صحيح انا كان لازم اكلمك واخد رأيك في الاول بس والله ما جا ببالي انك بتردني او ترفضلي طلبي وبعدين لمى بنت ولا كل البنات جمال وخلق ودين واي واحد يتمناها فما جا في بالي ابدا انها مابتعجبك او انك ما بتوافق تاخدها
امجد:ياااربي والله يا بابا مو على تعجبني ولالا بس انا اقصد
ابو خالد:لاتقصد ولا ماتقصد يعني انت ناوي تنزل كلمتي عند عمك
امجد:مو على كدا والله بس انا ببالي تخطيطات لمستقبلي واشياء كتيره انا نفسي اسويها والزواج لسه بدري عليه وبعدين انت ناسي انه لسه ما اشتغلت من فين اصرف على بنت الناس
ابو خالد:تعال اشتغل عندنا في الشركه الوظايف مليااااانه على الاخر
امجد:اشبك يا ابويا ناسي انه تخصصي طب ومالي في شغلكم وبعدين دراستي تحتاج وقت طوووويل ولسه انا دوبي في اول الطريق
ابو خالد:اشتغل اي حاجه في الشركه ولمن تخلص دراسه اخرج منها واشتغل محل ماتبغا
امجد:بس يا ابويا...يقاطعه ابو خالد
ابو خالد:لابس ولاغيره انا قلت كلمتي لعمك وانتهى الموضوع...ويروح ابو خالد لغرفته
وهوا معصب....
وفي الجهه التانيه في بيت ابو محمد......
لمى:بس يابابا انا ما ابغا اتزوج دحين انا ابغا اكمل دراستي
ابو محمد:انا ماقلت تتزوجي دحين انا قلت تنخطبو بس والزواج والفرح بعدين بدري عليه
لمى...... الي ماعرفت ايش تقول هيا صحيح ماعندها اي اعتراض على فكرة الخطوبه او حتى الزواج بس ماتبغا امجد تحسه مغرور ومتكبر وماهي قادره تقول لأبوها انا رافضه الفكره من اساسه مدام امجد فيها......
ابو محمد:ها يابنتي ايش قلتي؟؟
لمى فكرت انها لو رفضت بتسوي خلافات بين عمها وابوها وانها مجبره على الموافقه عشان مصلحة العيله و...و....وعشان كتير اشياء فكرت فيها لمى.....
ابو محمد لمن شاف حيرتها وسكوتها قال:على العموم خدي وقتك وفكري انا طالع انام
لمى.......مارديت عليه وفي نفسها ياربي ايش هالورطه كيف اقدر ارفض بس بدون ما اسبب مشاكل يااااربي ساعدني......
ويعدي اليوم من اسوء ما يكون على امجد ولمى الي الاتنين رافضين هالفكره رفضاً باتاً وحاسين انهم مجبروين على هالموضوع عشان اشياء هما مالهم اي دخل فيها......
نرجع لأمريكا ولي نيويورك عند رامي.....
رامي:انتي ماتقوليلي شو الي جابك هنا
شوق:جيه اطمن عليك ولا هادي كمان عيب ولا حرام
رامي:لا مو عيب ولا حرام بس لمن تجي من وحده زيك تكون اكبر من كدا ويعني كمان ليكي وجه بعد كل الي سويتيه
شوق بتعجب:اناااا ايش سوويت؟؟؟!!!!
رامي:يعني ماتعرفي يلي ماعندك ذرة احساس تهدمي حياتي عشان كلامك الفاضي الله يكافيكي ياشيخه تبي تهدمي حياتي الله يهدم حياتك يارب
شوق انصدمت ايش بيقول هادا ايت هدمت وايت حياه ماني فاهمه شي......
شوق:ايش بتقول انت يارامي ممكن تفهمني؟؟؟؟؟!!!!!!!!!
رامي:انا اقلك مين الي ارسلت ابوها عشان ينذرني بالفصل بعد كم يوم وينهي حياتي ومستقبلي وسنين عمري الي ضيعتها عشان لحظة طيش من بنته ومين كمان الي ناوي اني لو ما انفصلت يتعرضلي في درجات اختباري ويهدم لي عمل ودراسة سنتين وشويه هااا قوليلي؟؟
شوق.؟!؟؟؟؟؟؟؟؟؟؟؟؟؟؟!!!!! !!!!!!!!!!!!!!!!
رامي:ايوه ايوه اعمليلي بريئه يلي ماتستحي لو سمحتي اطلعي بره انتي السبب في الي صار لي والي بيصير مو كفايه اني مسوي هالحادث بسبكم انتي وابوكي الله يكافيكم بس الله يكافيكم بعملك ما اقول غير كدا......
شوق انصدمت بقووه من الي بتسمعه صحيح انها قالت لأبوها يوري رامي شغله بس ماتوصل لي هالدرجه درجة الانذار بالفصل والتعرض لدرجاته هيا كل الي كانت تبغاه مجرد تهزيئه قدام اصحابه من استاذه ولا تنقيص في ماده من مواده بس مو لدي الدرجه...........
رامي:انتي ماتسمعي ولا ماتفهمي ولا الاتنين انا اقلك اطلعي بررره
شوق يطيح بوكيه الورد الروووعه والناعم من يدها وتطلع من الغرفه تجري والدموع على خدها وتقول في نفسها......ليه كدا يابابا ناوي تضيع حب عمري مني والله العظيم انا احبه والله العظيم انا الي تركت كل الشبان عشانه من اول يوم جا فيه الجامعه انا ظليت كاتمه حبه في قلبي سنتين وما بحت فيه لأحد ولمن جا الوقت الي حسيت فيه انه خلاص بيتركنا ويرجع بلده قررت اني اقله ولمن قلتله وبحت له بحبي سوا فيني كدا....انا الي الكل يتمنى يسمع حرف مني او يلمح نظره من عيني يجي واحد زي دا ويهزئني ويرفض حبي ليييييه لييييييه يا بابا ولييييييه يارامي تدمرني وتجرح قلبي الي حبك بأخلاص ليييييييييه ووالله يارامي لو احلفلك بعمري وقلبي وحياتي وسنيني وكل لحظه عشتها في هالدنيا اني احبك واموت فيك ولا اقدر اعيش بدونك بس انت...انت جرحتني جرحتني وطعنتني في قلبي الله يسامحك يا رامي الله يسامحك والله ماكنت اقصد كل الي صار لك..ابويه هوا الي عمل كل شي من نفسه آآآآآآآآآآه انا خلاص ضعت من بعد ماكرهني رامي انا خلاص ضعت من اللحظه الاوله الي فرضت نفسي عليه انا ضعت من يوم ما قلتله الكلمه الي اول مره انطقها في حياتي لشخص ومن يوم ما استهزء بي وبي كلمتي وبي حبي وبكل شي فيني آآآآآآآه بس آآآآآآآآه مو يعني يارامي اني حلووه وانيقه وجذابه يعني انه ماعندي قلب انا يمكن عندي قلب يحويك ويحوي عشره غيرك بس انا ماحبيت غير واحد واحد بس لكن للأسف هالواحد ما يقدر............
تامر:هدي اختي
شوق والي صدمت في تامر مو بقصد:ا..ا..اسف..ه
تامر وهوا يساعدها تتعدل:لا عايدي ماحصل الا الخير..........!!!!!!؟؟ ويتسغرب تامر لمن يشوف الدموع الي على خدها ونظرة الحزن الي في عيونها....
تامر:عسى ماشر اختي فيكي حاجه
شوق:لا شكراً........وتروح شوق تجري لبره المستشفى ويقعد تامر في ماكنه مستغرب منها....
ويروح تامر لعند رامي...وما انصدم لمن شافه معصب والشر يندر من عيونه......
تامر وهوا يشيل البوكيه الورد من الارض ويشمه:وااااااااو روووووعه خساره ليه راميه في الارض يجنن
رامي.........
تامر:هدي يا ابو الشباب احد يشوف الملاك الي طلع قبل شويه والورد الروعه دا ويزعل
رامي.............
تامر:ادري انها كانت هني شفتها بالممر حرام تكسر الخاطر شكلها كانت بتبكي حزنتني والله
رامي استغرب لمن عرف انها بتبكي وحده انسانه زي هادي ماعندها دم ليه تبكي.......!!
تامر:مو مصدقني احلفلك
رامي:ليه بتبكي..؟؟
تامر:تسألني المفروض انا اسألك؟؟
رامي:طردتها وهزئتها تهزيئه فشيت خلقي فيها
تامر:شنوو لاااا حرام عليك ليش شذي اكيد يرحتها بالكلام
رامي.......لانه عارف انه من جد جرحها وزودها شوي بالكلام
تامر:يعني تعترف...عيل بكره لمن اشوفها بعتذر لها بالنايبه عنك
رامي:لااااااااااااااااا ايش تعتذر لها احنا ما غلطانا خليها تشوف هيا وابوها ايش سوو
تامر:طيب يمكن مالها يد في الي حصل يمكن ابوها عمل من عنده
رامي:لا ما اعتقد هيا دلوعة ابوها وبعدين هيا من اول تهددني وتتوعدني بس انا اوريها والله ما اخليها تتهنى لحظه في حياتها بعد ماحاولت مجرد محاوله انها تهدم حياتي ومستقبلي بتشوووف انا ولا هيا
تامر:لا تظلم البنت والله شكلها وهيا بتبشي انها صج تحبك
رامي:هادي تحبني هههه ضحكتني ياتامر الناس الي زي كدا ماعندهم احساس ولا شعور فكيف تباهم يحبو
تامر:والله عاد انت حر انا قلتلك الي عندي
رامي.............
وبعد يومين تقريباً وفي غرفة لمى.....
ام محمد:لييييييييييييه يابنتي؟؟
لمى:بس كدا انا ما ابغا اتزوج
ام محمد:طب ليه ايش السبب
لمى:سبب خاص في نفسي وبعدين امجد دا بالذات ما ابغا اتزوجه
ام محمد:ليه امجد ايش فيه رجال ولا كل الرجال وبعدين ماشاء الله زي القمر واحلى منه كمان
لمى:مايهمني قمر ولا شمس انا ما ابغا اتزوجه وي بالقوه
ام محمد:تدري انتي بقرارك دا ايش ممكن تسوي انتي كدا ممكن تسوي مشاكل بين ابوكي وعمك وتشتتي العيله بعد ما اتلمت تاني
لمى:لااااا مايصير كدا والله دا ظلم عشان العيله تنهدم حياتي انا
ام محمد:اوففففف تنهدم مره وحده وليه كل دا يابنتي ايش مو عاجبك في امجد قوليلي وانا اسمعك
لمى:يااااااااربي كيف افهمك اولاً فكرة الزواج والخطوبه ماهي في بالي ابداً وتانياً امجد كله على بعضه مو عاجبني مغرور وشايف نفسه ولا كأنه احد درس في الدنيا دي غيره وكدا ما ارتاح له من ربنا ايش اسوي يعني
ام محمد:والله عاد انتي حره انا عجزت منك واذا تبي تهدمي العيله وتسوي مشاكل ابوكي عندك تحت انزلي قوليله قرارك دا وانتي حره بس يابنتي لو تفكري بعقل شويه والله ما بتلاقي احسن من امجد
لمى..............
وتروح ام محمد وتقعد لمى حيارانه وزعلانه وتقول في نفسها ليه كدا ياربي يبغو يغصبوني بالقوه يعني والله دا ظلم والله ظلم لااااااااا ياربي ساعدني ياربي ما ابغا امجد ما ابغااااااااااه آآآآآآآه ايش اسوي ياربي ساااعدني ارجوووووك........وتقعد تبحر في دموعها والالماها وحيرتها الي مو عارفه تحطلها حد.......وصارت حالة لمى مررره تعبانه وزفت...........
دا من جهه لكن في الجهه التانيه كانت في حالة انسان تعبان اكتر من لمى ومتشأم وزعلان اكتر منها.........
كان امجد قاعد في غرفته والحزن قااااااااتله....
امجد في نفسه........ليه كدا يا ابويه تهدم حياتي ومستقبلي الي بخطط له من سنين لييييييه الله يسامحك يا ابويه الله يسامحك وغير دا حرااام دا الظلم انا كدا حظلم بنت الناس معايا انا ما ابغا اتزوج والموضوع انفرض عليا فرض يعني عارف اني لو شفتها حيكون نفسي اضربها ومحا اطيقها لانها بتكون سبب في تهديم حياتي واحلامي الي بنيتها من سنين بس بنت الناس مالها ذنب..الا الا لها ذنب لانها وافقت كيف ترضا تشاركهم في هالجريمه يزوجوني ويخطبولي وانا ما ادري آآآآآآآآآآآآه بس آآآآآآآآآه الله يسامحكم يا ابويه وامي الله يسامحكم........
وبعد كم يوم في بيت ابو خالد.......
ابو خالد بيكلم ابو محمد في التلفون......
ابو خالد:هلا والله بفهد هلا باخويا حبيبي كيفك يالغالي
ابو محمد:تمام كيفك انت يامنصور
ابو خالد:الحمدلله تمام التمام
ابو محمد:وكيف الشركه معاكم
ابو خالد:تسلم عليك وتقلك مره اشتاقت لك
ابومحمد:الله يسلمها وقلها اني كمان مشتاق لها
ابو خالد:يوووصل بس لازم تجي تزورها وحده مره على الاقل
ابو محمد:اكيييد بجي ازوها بس يوم اكون فاضي وصحتي تمام بتلاقيني عندها
ابو خالد:هههههههههههه الله يقطع ابليسك اتكلم عدل ترى حرمتي بدت تشكك فيا ههههههههههههههه
ابو محمد:تستاهل انت الي بديت الكلام بي دي الطريقه هههههههههههه
ابو خالد:هههههههههههههه ها يافهد ما خبرتنا عن قرار بنتكم ترى انا منتظر الموضوع على نار
ابو محمد..........
ابو خالد:ها ايش الموضوع يا فهد لايكون رفضت البنت
ابو محمد:لا دقيقه الله يهديك اصبر بشرب مويه
ابو خالد:ههههههههههههه طيب خد راحتك
ابو محمد:ايوه خلصت اسف بس نسيت اني ما اخدت الدوا وجابتلي هوا ام محمد
ابو خالد:عايدي وبالشفا ان شاء الله
ابو محمد:الله يسلمك يارب ايوه ايش كنا بنقول
ابو خالد:كنت بقول ماقلتلي على رد بنتكم
ابو محمد:اممممم مدري ايش اقلك
ابو خالد:ايش؟؟؟؟؟رفضت!!!!!!
ابو محمد:ههههههههههه لا امزح معاك قلت خليني اللعب في اعصابك طبعا موافقه
ابو خالد:وانت ماتتوب عن حركات الصبيان هادي
ابو محمد:طبعي مايتغير لو يصير عمري مية سنه
ابو خالد:ايوه والله افتكر من زماااان ايام الشباب لمن كنا نروح الشاليه وتعملنا حركاتك البايخه هادي والله كانت ايااام مررررره روووعه
ابو محمد:هههههههههه انت لسه فاكر والله من جد ايام ماتتعوض
ابو خالد وهوا يوطي بصوته عشان ماتسمعه ام خالد:ايش رايك نروح نعيدها ونخصر حريمنا في البيت
ابو محمد:هيهيهي يافرحتك يا ابويه الصحه مو زي ايام زمان
ابو خالد:ههههههههههه طب يااخويا الله يعطيك الصحه ويعطينا
ابو محمد:اميييين
ابو خالد:ها متى تبو موعد الخطبه
ابو محمد:مدري براحتكم
ابو خالد:خلاص نخليها.......وسكت ابو خالد افتكر انه امجد بيزعل منه لو ما استشاره في دا الشي كمان....
ابو محمد:ايش فيك سكت متى تبغاها؟؟؟
ابو خالد:والله مدري نسيت الموعد الي قلي عليه امجد ولازم اساله تاني تدري بيزعل لو غيرت الموعد من عندي
ابو محمد:ايوه في هادي عداك العيب يالله اساله واديني خبر بعدين
ابوخالد:اوكي يالله دحين مع السلامه ابغا اروح انملي شويه قبل صلاة العصر
ابو محمد:الله معك مع السلامه..........
ويخلص ابو محمد من المكالمه وهوا مبسوووط على الاخر حس كدا براحه من زمان ماحس فيها الا دوبه لمن ضحك واتكلم مع اخوه وكمان قرار تزويج بنته الوحيده شي يفرحه.......
وفي الجهه التانيه من المجلس في عيون بتنظر لأبو محمد في غااااية الحزن والمراره والحسره عيون لمى الي انجبرت توافق عشان مصلحة اهلها وعيلتهم بس بعد كل دا هيا لساتها مو مرتاحه للحكايه ومتحسره وهيا تشوف الفرحه الي عيون ابوها الغالي من بعد ماوافقت على امل انها تلاقي حاجه تفسخ فيها الخطوبه بس دحين دا القرار انتهى بعد ما شافت الفرحه في عيون ابوها الي زمان مافرح كدا وقررت تتضحي عشانه وعشان سعادته وتتم الفرح والخطوبه على خير....
ويقطع تفكير الاتنين صوت ام محمد العالي:ايش دا يا فهد مين الي مشتاق لها وبتزورها انا سامعتك من اول قولي مين هيا عشان اروح اقطع رقبتها دحين
ابو محمد:؟؟؟؟؟؟؟؟؟؟؟؟؟؟؟!!!!! !!!!!!!!!!!!
ام محمد:ايوه ايوه اعملي فيها بررريء
ابو محمد:هههههههههههههههههههه ه هدي اعصابك يابنت الحلال انا كنت اتكلم مع ابو خالد عن الشركه
ام محمد:لاوالله دحين الشركه مشتاق لها وبتزورها لمن تكون صحتك ممتازه اهااا طيييييب طيييب
وانفجرت لمى ضحك على شكل ابوها وامها برغم انه مالها نفس تضحك بس شكلهم غصب يضحك:هههههههههههههههههههه هههههههههههههههه
ام محمد:بسم الله ليه بتضحكي انتي ها مو دوبك مبوزتلي من فين جاكي الضحك
لمى:اضحك على اشكالكم ابويا المتهم وانتي القاضي ههههههههههه ياحرااام شوفي كيف قلب وجهه اصفر واخضر
ابو محمد عصب:ماقلب لا اصفر ولا اخضر بس انصدمت انها مو مصدقتني
لمى:ههههههههههههههههه والله انكم شُياب مخرفين احد يغار عليه وهوا في دا العمر يا ماما
ام وابو محمد في نفس الوقت:شيااااب في عينك
لمى زاد ضحكها:ههههههههههههههههههه ههههههههههههههههههههههههه هههههههه
ابو محمد:قومي سكتي بنتك يانهى
ام محمد:لا انا ما بسكتها انا بقوم اضربها
لمى وهيا قايمه تهرب منهم الاتنين:لالا مايحتاج ههههههههههههههههههههههههه ه مع السلامه انا رايحه اصلاًً اهرب منكم واخليكم براحتكم تتضاربو
وترجع ام محمد وتجلس بعيده عن ابو محمد والشرر طاير من عيونها......
ابو محمد:هههههههههههههه من جد لمى صادقه تغاري عليا وانا في دا العمر
ام محمد:ايوه طبعا انا مين عندي غيرك في هالدنيا حبيبي وقلبي وحياتي من حقي اغار عليك
ابو محمد:ياشيخه والله كنا نتكلم عن الشركه ورب المصحف احلفلك بأيش
ام محمد بتصنع:لاتحلفلي انا محا اصدقك لو ايش صار
ابو محمد:اهاااااا طيييييب طيييييب براحتك يصير خير بس خلي في بالك انا بكره حاروح عند ام مهند الخياطه هيا تصدقني في كل شي اقلها هوا ومنها اغيرلي جو طفشت من جو البيت دا الي كله غيره<<<دا التهديد دايما ابو محمد يهدد فيه ام محمد لمن تزعل عشان ترضا عليه ولمن كانو شباب ايام الخطبه لان ام مهند جارة ابو محمد السوريه الي كانت دايما تجي تزور اهل ابو محمد في بيتهم والكل يتجنن عليها لانه مره حلوه وجميله وكانت ام محمد ماتحب ابو محمد يشوفها مرررره.......
ام محمد تنط وتقعد جنبه وتضربه على كتفه بشويش:والله لو تسويها ياويلك مني
ابو محمد وهوا يطبط على يدها:هههههههههههههه والله يا نهى انك تسوي ام مهند والشركه وغيرهم بألف مررره........وينهو الاتنين خصامهم على خير وهما مبتسمين على حبهم لبعض الي ماغيرته لا ايام ولا السنين........
وبعدين في وقت لاحق بعد كم يوم.........
ابو خالد:امجد امجد
امجد بدون نفس:نعم
ابو خالد حس انه لساته زعلان بس برضو ماحايتنازل عن قراره وخلاص الناس موافقين فقال:لمى وافقت على الخطوبه متى تبغا موعد الملكه يكون انا ماحبيت اقرر من عندي عشان لاتقول ما اخدتو رأيي
امجد...في نفسه يعني دحين بالله دا الشي التافهه جي تاخد رأيي فيه يا ابويا الله يسامحك بس وبعدين لمى الزفته هادي ليه وافقت الله......ولابلاش حرام ادعي عليها هيا مالها ذنب ايش دراها اني ما ابغاها بس من جد حاس نفسي كرهتها فوق كرهي لها كيف توافق كييف ياااااربي.....
ابو خالد:امجد بكلمك انا رد عليا
امجد:اسف سرحت شويه خلاص حدد الموعد الي انت تبغاه خلاص ماعاد يفرق معايا
ابو خالد:خلاص طيب بعد اسبوعين جهز نفسك لي هالموعد
امجد..................بعد سكوت:براحتك
ورا الباب دا كانت منى بتسمع كل شي وفهمت من طريقة امجد انه مغصوب على الموضوع وانه مو موافق............
ويطلع امجد من الصاله ويروح لغرفته.....
.......:طق طق طق<<<احد يدق الباب
امجد:ميييييين
.....:انا منى
امجد:شو بدك؟؟
منى:ابغا اكلمك شويه ممكن تفتح الباب لو سمحت
امجد وهوا يقوم عشان يفتح لها الباب:نعم خير ايش عندك
منى:طيب خليني ادخل تبغاني اتكلم كدا من عند الباب
امجد وهوا يفتح لها الباب على الاخر:يالله فتحنا لك الباب ادخلي
منى وهيا تقعد على كرسي في الطرف:انا ابغا اتكلم عنك وعن لمى
امجد؟؟؟؟!!!!!؟؟؟؟؟؟؟؟
منى:ايوه من جد لاتستغرب انه ادري انك مو راضي وما تبغا لمى
امجد بأستهزاء:وانتي ايش دراكي ياختي
منى:احساسي من يوم ما قلك ابويه وانت زعلان ومعصب ومتنرفز طول الوقت وبعدين لاتنسى اني اختك التوأم واقدر احس بلي تشعر فيه
امجد:والمطلوب دحين..وبعدين ياختي الملكه بتصير بتصير يعني كلامك وكلامي ماله معنى
منى:امممممممممممم مدري بس انا عندي خطه ممكن تفركش الموضوع وتلغي الملكه والخطوبه والفرح اذا تبغا فاذا تحب تعرفها ممكن اساعدك وبرغم يعني اني احب لمى واتمنى انها تكون قريبه مننا الا انه سعادتك وراحتك اهم عندي منها
امجد:من جد ايش هيا خطتك قوليها بسررررعه؟؟؟؟؟؟؟؟؟
منى:اسمع................. ...
يتبع
