كيف أصنع الذكرى وحزني خشيري
يامنْ تقول الوقت بيديـك مرهـون
اكتم مشاعر حايره فـي ضميـري
وأضحك ولو في داخلي هم مدفون
أساير اظروفي وأنا أرفض مصيري
سير الغريب اللي فقد درب مضمون
أجلس ولو إني بغيـت المسيـري
مثل السجين اللي بلا ذنب مسجون
أقابل أشخـاص بوجـه سفيـري
والود ودي عن حياتـي يروحـون
تعبـت أجامـل واتنـازل لغيـري
واليابغيت الـرد عنـي يصـدون
ياذي الحياة اللي شقاهـا مريـري
مليت أرددها : (بسيطة تبي تهون)
ابدفع الخطوات و أرجـي بشيـري
علّه يسلي خاطـر ٍ بـات مغبـون
القديره الشاعر / لين
الف صح لسانك
والف باقة ورد أهديك إياها في هذا الصباح المشرق الجميل
كسيتي الغرابيل ربيعا .. وأضفتي إلى جوه ربيعا
سلمت أناملك عزيزتي وحفظها الله من كل مكرووه
دمت ِ بخير
