السلام عليكم ورحمة الله وبركاتة
حبيت اشارك بلغز ومتابع لهذا الموضوع من البداية واللغز موافق لشروطكم
يكفي الحل مباشره بدون قصيده
انشدك عن رجلٍ يحفظ المواثيق"="سره عميق ولا يخلي لزومه
وان ماتت امه دوروه المخاليق"="وليا لقوه يجيب خافي علومه
عرض للطباعة
السلام عليكم ورحمة الله وبركاتة
حبيت اشارك بلغز ومتابع لهذا الموضوع من البداية واللغز موافق لشروطكم
يكفي الحل مباشره بدون قصيده
انشدك عن رجلٍ يحفظ المواثيق"="سره عميق ولا يخلي لزومه
وان ماتت امه دوروه المخاليق"="وليا لقوه يجيب خافي علومه
[poem= font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يامرحبا حييت يابن المطاليق = واللغز واضح بينات ٍ رسومه
صندوق اسود في ثناد الغرانيق= يبحث عنه لاصارت البنت كومه[/poem]
طبعا ً هو لونه برتقالي وليس اسود
لكن بالمسمى الصندوق الاسود
الناااايف
صح لساانك إجابة صحيحةاقتباس:
المشاركة الأصلية كتبت بواسطة نياف العتيبي
الحل الصندق الاسود
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]اقتباس:
المشاركة الأصلية كتبت بواسطة ابـــوليـــــلى
انشدك عن رجلٍ يحفظ المواثيق"="سره عميق ولا يخلي لزومه
وان ماتت امه دوروه المخاليق"="وليا لقوه يجيب خافي علومه[/poem]
ابوليلى
حياك الله
يسعدنا حضورك ومتابعتك الثمينه
ولغز مميز
اشكرك على المشاركة والتفاعل..
اهلا وسهلااقتباس:
المشاركة الأصلية كتبت بواسطة النوري
متابع من البداية وبالمناسبة الاغازك صعبة ناظري لغزي كيف كان سهل ")
مقدر مرورك وبإذن الله اذا صار عندي لغز كتبته لكم
[poem= font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يامرحبا حييت يابـن المطاليـق=واللغز واضح بينات ٍ رسومـه
صندوق اسود في ثناد الغرانيق=يبحث عنه لاصارت البنت كومه[/poem]
الحمد لله على السلامه
الناااايف
والحل الكايف
من طول الغيبات جاب الحلولي
والسالفه كله نقول: وتقولي
يالله عساها دايم الدوم صعبات
الغازنا حتي تشيل الحمولي
هذا مولغز.ترحيب .وابيات مش حالكـ{لاتدققون ههههه
مرحبا بالنايف ياهلا
ابو ليلى
يعطيك العافيه على اللغز وانا شفته اول مانزلته انت بس كنت عارف اللغز ومرٌ علي قبل كذا وعارف الحل وحبيت اترك المجال للآخوان وماقصر اخونا نياف خلص عليه من بدري
نياف العتيبي
صح لسانك شرفت ونورت اخوي
المره هذي عندي لغز بس من تأليفي ودقايق واكتبه لكم ..
عندي محاولة لكتابة لغز والمعذره اذا كان غير واضح او لغز مثل قلته وتوني مسويه وأول مره انشره هنا وانشاء الله تعرفون الحل واعذورناا على التقصير مجرد محاولة فقط
[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
انشدك عن ناقه لها عشرة ديوس = فيها لكل الخلق رزق وطماعه
من دون راس وهي ترا تحفظ الروس = من يحتلبٌها ماجلس ربع ساعه[/poem]
ابوليلي
سلمت يالنشمي
النوري
صح لسااانك ولا خليت منك يالشيخه
والغيبات كلها من مشاغل الحياه ولا انتم غالين
هاوي قصيد
صح بدنك ولاهنتتتتتتت
وبيض الله وجهك على هاللغز
وبحاول افكر وارجع لك
اخوووكم
الناايف
السلام عليكم ورحمة الله وبركاته
سجلو حضوري وهذي اول مره اشوف الموضع ولا كان ماخليكم .
مجهودكم مسلي الحقيقه وتشكرون عليه والناس كلهم بحاجه لمثل هالمواضيع اللي تساعد على التفكير وتسلي .
حامد
هاوي قصيداقتباس:
المشاركة الأصلية كتبت بواسطة هاوي قصيد
انا أشهد انه لغزن محيرن بالحيلن؟
وابيات حلوه..ممكن تغششنا طال عمرك؟{..لايكثر
لي عودة بعد تفكيرن عميقن..{تقول:يارب يحلونه:11ccer:
السلام بعد التفكير اضن والعلم عند الله اني حليت اللغز .
[poem= font="Simplified Arabic,4,black,bold,normal" bkcolor="transparent" bkimage="" border="double,4,gray" type=0 line=0 align=center use=ex num="0,black"]
ابا اتهور بالقياده وابا ادوس = ولياقلبت ابا استعين الجماعه
كلٍ على الصراف يصرف لي فلوس = مايلهي الصراف في ربع ساعه [/poem]
واسمحو لي اول مره اشارك مدري لازم ارسل الحل بالخاص ولا عاادي
على كل حال بعد ماسمعة محاولة النوري قلت ياولد حرب .
وعسى الحل صحيح ولو اني متاكد 99%
تحياتي
اقتباس:
المشاركة الأصلية كتبت بواسطة حامد الروقي
عليكم السلام شرفت ونورت ياحامد الروقي
كفو كفو يالذيب سدحتبه وهو جهاز الصرافه مثل ماقلت
وبوضحها للاخوان
العشر ديوس = الي هي ارقام الجهاز من 1 - 9 والصفر العاشر
رزق وطماعه = رواتب الناس وفلوسهم فيها وبرضوا الحراميه لهم طمٌعه فيها
بدون راس وتحفظ الروس = الجهاز ماله راس بس تحفظ روس الاموال
من يحتلبها ماجلس ربع ساعه = الي يبغى يصرف منها فلوس مايطول اكثر ربع ساعه
بيض لله وجهك ياحامد الروقي وصح لساانك والعذر للجميع لو كان اللغز مو واضح
وجهك ابيض يالهاوي للقصيد
في انتضار احد الشباب يطرح لغز جديد
<<< متحمس الرجال للالغاز
سلام
السلام عليكم ورحمة الله وبركاتة
ضروف الاتصال متعثره ولا كان سبقت حامد على الحل :)
هاوي القصيد لغز مافيه كلام صناعة محترفين وانت من اهلها
لاتطولون علانا نبا لغز ثاني :) :)
سلام
السلام عليكم ورحمة الله وبركاتة
لغز اتمنى تفاعلكم
انشدك عن بنت (ن) لها عدة اللوان *** حق (ن) على الي شافها يحترمها
امرار ياطاها ولاهو بغلطان*** وامرار يرفعها وهو محتشمها
هي للرجال وغالب الوقت نسوان *** وهي للحضيض الي حياته غنمها
اللغز يحتاج تفكير شوي وان شاءلله يجيك الحل
:11ctor:[/poem]اقتباس:
المشاركة الأصلية كتبت بواسطة ابـــوليـــــلى
عليكم السلام يابو ليلى
ابي احل اللغز بلغز ثاني .
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
سبحان ربي فارض ن خمس يافلان = لمة محمد والله اللي قسمها
واركانها لازم تصلى بميزان = اربع عشر والكل منا فهمها
احدا يصليها وهويتلي الضان = واحد يصلي خاشعا في حرمها [/poem]
اعتقد الحل تقريبا من وجهة نضري صار واضح . واذا تبون الصدق والله ماني بعجزان لوضح الحل . بس حبينا نتسلى
كل الشكر للجميع
اخوكم / حامد العتيبي
تكررت بالخطاء
ههههههه
جاي ابغى اكتب الحل وحامد جاب أجله يالله مو مشكله الجايات احسن
الحل طبعا السجاادة مدري اذا حامد يقصدها او لا
هلابك هاوي
طبعا اقصد السجاده
عادي اكتب الحل عادي
الله يعطيك الف عافيه
لا خلاص حلك الاول كافي ووافي
صح لساانك ياحامد
السلام عليكم ورحمة الله
حل اللغز السجادة
حامد الروقي صح لسانك
هاوي قصيد صح لسانك
اشكركم على التفاعل المشرف
أبوليلى
هاوي قصيد
حامد الروقي
حياكم الله..
ماقصرتوا عز الله نشطتوا الموضوع.وزينتوه
وأنا عندي لغز عسى يكون صعب ومحير؟
اللغز:.
[poem= font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
أنشدك عن رجلن رفيعن مقامه=يقفي إيلا من اقبلت في بهاها
ويقبل بصده مايغيرزمانه=وهي تجي بعده وتفرض سناها[/poem]
لغز أعليمي..:مزون:
والبركه فيكم,,
فالكم الطيب:11ap:
انا اعتذر عن الرد بالشعر مانيب شاعر
برمع قبل يجي هاوي القصيد وحامد الروقي
الحل والله اعلم الشمس
الله يعطيك العافيه يالنوري
وصح لسانك على اللغز الجميل
وعز الله الحل الصحيح المهلهل
سلام
مشاء الله على الاخوان الواحد مايمديه يشوف اللغز إلا يلقاه محلول
امممم اعتقد في الشطر الاول تقصدي " انشدك عن رجلن رفيعن مكانه "
ثاني مره تصير عليك ههههه بس ماعليك مايغير من معنى اللغز
الله يعطيكم العافيه جميعااا
وصحت للسنتكم ابو ليلي وحامد والنوري
مالكم لواااااا؟؟
للحين ماجبتوا الحل.
لأنه رجلا؟؟
والشمس
مؤنث؟؟
لكن وش هو المهلهل؟؟{غشيمه
حياكم واعذروني ..
الله يهديك ابو ليلي المهلهل خميتناا وانا يوم شفت حامد أكد الحل قلت يمكن صح
ولا أنا كان في بالي ان الحل هو "الشيب" وكنت ماني متأكد منه ولسى ماني متاكد منه
سلام ياشباب وصابيا
اذا مايقصد القمر ابو ليلى المهلهل
ماله عندي حل الا القمر والشمس .
ولا وش رايك يالنـــــــوري
سلام
سلاااام خيو
حامد الروقي
القــمــــــر
إيه هو {ياوجه الله أثره المهلهل؟
عاد أنا دخلت الشمس لنهم يتعاقبون.وأبي الخبط الحلاحيل{أحلفي؟
وطلعت بفايده:
القمر والشمس كوكبان يتعاقبان ولكل منهما فائدة تعم على الكون وكلاهما لايقل أهمية عن الأخر.
سبحان الله
ولو تبصرنا في خلق الرجل والمرأة لنجد أن لكل منهما شأن لايقل أهمية عن الأخر{صاردرس؟
الا الجغرافيا..ماحبه ؟
هي ملاحظه {ماجبتي جديد يافالحه
أتمنى يلفي علينا لغز
الله يحييكم وماتقصرون..
.
ماشالله مولعين الغاز ههههههههههه
الله يوفقكم ويسعدكم وصراحه الالغاز تنشيط للذاكره بس انا لو تحطون الحل وسط الابيات ماطلعته ههههه
وصحه السنتكم جميعا ً كلكم << لاياشيخ وجميعا مو زي كلكم
واوريكم بخلي ابوي يصككم بلغز يفحط هاوي في قوقل ماجابه هههههههه << اها بس
دمتم بخير وبنقاء وعطاء وبناء الامه العربيه اللتي اتضح معاناتها برفع الاسعار تجاه المستهلك ههههههه << ايه انت يالاخ وين وصلت
محمد بن نايف
مولعيت الغاز؟ إيه بنسوي شاهي هههه
محمد بن نايف العتيبي
والموضوع تو مانور..
الله لايهينك .نبي لغز..من الوزن الصعيب.
خلهم يحوسون فيه..سنه من تاريخه..:tongue:
ابو نايف
أنورت واسفرت وعطنا من الالغاز الي تقولهااا
بس بيني وبينك الايام هذي لو تقولي واحد زايد واحد كم يمكن ماعرفها
تعبت من التفكير في الالغاز ومن بداية الموضوع مشارك
واصعب من التفكير الرد على اللغز ...
النوري وحامد وابو ليلى المهلهل يعطيكم العافيه وصحت ابدانكم
سلام يالربع ـ
هذا اللغز اهديه لكم
[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
انشدك عن شي مطيره عجيبي = يطير متفرق ولاشاله جناح
من سبته مخزوم خشم الصليبي = وعزي لدار مابها مثله اسلاح [/poem]
لاتتعبون في قوقل / لان اللغز من ( بدعي ) يعني من نظمي .
والسلام
السلام عليكم ورحمة الله
رمعه أولى
القنبله
الله يكفينا شر القنابل
مالك لوا يابو ليلى
ماتحتاجوون توضيح لاكان المح لكم .
سلام
.
حامد الروقي صح لسانك والله لايهينك يالغالي :
اتمنى اني وفقت في الحل :
[poem= font="Simplified Arabic,5,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ان كان لي فاللغز حظ ونصيبي=واعطاني الله حل لغز ٍ بدعته
هذا هو البترول حل العتيبي=والله يجملني على مارمعته[/poem]
.
دمتم بخير
محمد بن نايف
.
النوري
بوجودك النور لاهنتي وشاكر لك جهودك على الموضوع والله يعطيك العافيه ...
***
هاوي قصيد
يالبى هالطله هههههههه منور بوجودك يالغالي وصح لسانك يامبدع ...
دمتم بخير
الله يعطيكم العافيه
خووش خووش
جهود مايحتاج.
والغاز مولعه.
أبوليلى
هاوي قصيد
بيض الله وجيهكم يالنشاما..
والعتيبي يتقدم . بالحل والابيات.الرايعه
مشكورا على المتابعه والتميز
وأنتظروا لغز محكور على ناااااااااااااار هاديه{أخسي:مزون:
حامد الروقي
يعطيك العافيه على اللغز لغز رائع بروعة حضورك
واذكر زمان هذا اللغز انت طرحته في منتدى الهيلا
وكنت عارف الحل قلت اخلي مجال للاخوان
ابو نايف
مشاء الله اثرك داهيه في الالغاز بس صدقني وأسأل مجرب بعد اللغز الرابع راح تفقد الذاكره ههههههه
النوري
هاتي لغزك بس لاتشرهين عليٌ ماعاد فيني حيل افكر تعبت مره واي لغز صعب من اللحين اعلن استسلامي ههههه