. . . ( الرسايل .. إذا طولت ضميها ) . . . للعابث مغترب !!

انا لو أطلـب رضـى الشهـرة وأدورهـا
إن كـان طاحـت بيوتـي قبـل ماابنيهـا
ماهيـب أغلـى طموحاتـي ولا أكبـرهـا
ولاهوب عيب ٍ علي إن قلت ( مابيها ) ..!!
يكفينـي هجـوس فكـري يـوم أصورهـا
وتمـر قلـب الهنـوف وتحتـفـل فيـهـا
كني بهـا يـوم تقـرا حـروف شاعرهـا
تموت .. والشـوق قبـل تمـوت يحييهـا
يوقـف الدمـع فـي روضـة محاجرهـا
ياليـن تسمـح لـه الذكـرى وطاريـهـا
هي ( رحلة العمر ) ( ماضيها وحاضرها )
وهي ( طعم الاحلام ) ( حاضرها وماضيها)
مـن يـوم غابـت وتفكيـري يسامـرهـا
وتأخذنـي الـذاكـرة لأجـمـل لياليـهـا
أطهر ليالـي . . ولكـن كانـت أطهرهـا
الليلـه اللـي حكـت لـي عـن أمانيـهـا
وشلـون ليـل الحـزن يجـرح مشاعرهـا
وغيابـي إن غبـت لـو لحظـة يبكيـهـا
وقامـت تـردد علـى سمعـي خواطرهـا
وحكايـة أول لقـا بالصـيـف ترويـهـا
قالت تذكـرت ؟؟ قلـت شلـون ماأذكرهـا
لكنـي أخـاف .. مـدري لـو نسيتيـهـا
قالـت لـي مـن أول القصـة لاخـرهـا
أعيدهـا كــل ليـلـه قـبـل أخبيـهـا
لكن أبـي منـك ياروحـي و ( سكرهـا )
تكتب لـي آخـر قصيـدة لاجـل أغنيهـا
سجلـت أجمـل قصيـدة وسـط دفتـرهـا
وكتبـت إهـداء ( إنـي لـك ِ أهديـهـا )
قفلـت دفتـر غلاهـا قبـل ماأشكـرهـا
وقلت إن رحلت وطريـت فبالـك أقريهـا
قالت وغيبتك .. قلـي كيـف أنـا أقدرهـا
قلـت الرسـايـل إذا طـوَلـت ضميـهـا
وإن كـان جـاب الزمـان اللـي يبعثرهـا
حبيـب غـيـري . . أمـانـه لاتخليـهـا
ودعتهـا مـاقـدرت ألـمـح عبايـرهـا
أخاف من ( سكـرة المـوت ) وحراويهـا
ياشيـن الايـام لـو تغـري مظاهـرهـا
هـذي بداياتهـا .. وش هــي تواليـهـا

*
*
*

العابث..مغترب..

صح لسانكـ..ماشاء الله تباركـ الله..

دمت ودام من تحبه ويحبكـ بخير..

[align=center][align=center]الشاعر القدير منصور الحربي

سلمت أناملك على هذا العزف الرائع العزف الذي يجبر الآخرين على متابعته

صح لسانك ودمت بألف خير دوماً

اخوك السُّلمي


[/align][/align]

عفوا أحبتي ..
نعم أنتم يامن عبرتم من خلال هذا المتصفح ..إسمعوني قليلا ..
قد أكون مجنونا بين عقلاء ولكن اسمعوا لمجنونكم هذه المرة بكل أحاسيسكم وافهموه جيدا ..
لكل من صفق طربا لهذه القصيدة أقول >>>>>>> أحسنت .. ولكن ..
لماذا تصفق هنا كما صفقت هناك وبنفس القوه ؟؟؟
أليس من الظلم أن تنظر لهذه الفاتنة كما نظرت ال تلك الهزيلة ؟؟
اليس مما يحز في النفس أن نساوي بين الذهب والنحاس ؟؟
لاباس أن نصفق .. لابأس أن نتعاطف..
لابأس أن نجامل ..
أصحاب القصائد الركيكه بقصد التشجيع ولكن..
لايجوز أن نزن كل الاشياء بميزان واحد ..
فلنضع لكل مقال مقال حتى تعود الينا عقولنا المهاجرة ..

==============================================
للمغترب أقول ..
هذه الدرة قد تكون_ في نظري_ أجمل ماكتبت أنت , ولكنها بكل تأكيد أجمل ماقرأت أنا ..
لن أكتب لها عبارة من عبارات التداول الاستهلاكي الممل , فهذه تستحق قولا مبتكرا ..
نعم .. لان فيها من الجمال مايبعث على الاعجاب والانبهار ..
قصيدة حقيقية راقية فيها روح حيه ..
سأظل أصفق لها طربا داخل أضلعي حتى أحفظ لها قدرها ..
منصور .. يامغترب ..
من كل قلبي >>>>>>>>>>>>>>>> رائع رائع فهنيئا لكـــــــــــــــ ..
أواه يامغترب ..
ياليت قومي يعلمون !!!!!!!
كل الود والاحترام والاعجاب ..
أخوكـــــــــــ ,,,,,,,

مساءك سكر :

الذهبية بنت الشيوخ :

بإنتظاااااارك !!

مساءك سكر :

الغالي ابو علي :

بإنتظارك ..

مساءك سكر :


شاعرتنا الغالية :

الغيد بنت فواز


شكرا لطيب حضورك ... لك راق تحياتي

,
,
,
الرائع / منصور الحربي

انا لو أطلـب رضـى الشهـرة وأدورهـا
إن كـان طاحـت بيوتـي قبـل ماابنيهـا
ماهيـب أغلـى طموحاتـي ولا أكبـرهـا
ولاهوب عيب ٍ علي إن قلت ( مابيها ) ..!!
يكفينـي هجـوس فكـري يـوم أصورهـا
وتمـر قلـب الهنـوف وتحتـفـل فيـهـا
كني بهـا يـوم تقـرا حـروف شاعرهـا
تموت .. والشـوق قبـل تمـوت يحييهـا

ماشاء الله تبارك الرحمن
شاعر لايشق لك غبار يامنصور ومن القلائل الذين نجد العذوبة في كل حرف يكتبونه
قصيدة رائعة كسابقاتها من قصائدك الإبداعية وليست مستغربة منك
واصل إبداعك وصح لسانك ونبضك
دمت بخيــــر

ولك تقديري