-
,
,
,
صلى الله على نبينا محمد وعلى آله وصحبه وسلم تسليماً كثيراً...
ذكرى المليك اللي جمعنا بطيبـه
من بعد ما كنا خصومٍ وعـدوان
عبدالعزيز اللي كسا الدار هيبـه
سطر لها في صفحة المجد عنوان
في مثل هذا اليـوم قـاد الكتيبـه
كتيبة الشجعان ذربيـن الأيمـان
ستين تعـداد الرجـال الصليبـه
في وصفهم ماني مبالغ وغلطـان
سارو وعين الله عليهـم رقيبـه
ليل ونهار ومن مع الله ما هـان
خامس شهر شوال صبح حريبـه
وعيَده في خامس عياده بشامـان
نادى المنادي في الرياض العريبه
الحكم لله ثم لـك يابـن مرخـان
واصل كفاحه دون شكٍ و ريبـه
من حدها الشرقي اليا حد نجران
على الرضا و الدين كلٍ رضيبـه
حتى غدينا كلنـا ربـع واخـوان
في دارنا فـي مملكتنـا الحبيبـه
بالروح نفداها شبـابٍ وشيبـان
اليوم في ذكـرى بعيـده قريبـه
نستذكر الذكرى بشكرٍ وعرفـان
بقيادة اللي لـه فعـولٍ صعيبـه
هذاك ابو متعب سلالـة كحيـلان
انا اشهد انه عز مـن يعتزيبـه
وانا اشهد انه للوطن طود واركان
ولي عهـده لـه يديـنٍ رحيبـه
للجود جود وللوطن درع وامـان
الحلم طبعه و التواضـع نصيبـه
ولاجا نهار الحرب للحرب سلطان
صح لساانك وسلم بنااانك
قصيدة فيها معااني رااقية
ويستاهل وطنا وملكنا ...
دمتــــَ بخير ياعزيزي....
-
اختي أمل مرورك سرني كثيرا
لك تحياتي
-
للتوضيح
للتوضيح
ورد ذكر مرخان في هذا البيت
[poem=font="Simplified Arabic,4,black,bold,normal" bkcolor="transparent" bkimage="backgrounds/6.gif" border="none,4,gray" type=2 line=0 align=center use=ex num="0,black"]
نادى المنادي في الرياض العريبه = الحكم لله ثم لـك يابـن مرخـان [/poem]
مرخان هو الجد الأول لآل سعود حيث أن نسب الملك عبد العزيز هو
عبدالعزيز بن عبدالرحمن بن فيصل بن تركي بن عبد الله بن محمد بن سعود بن محمد بن مقرن بن مرخان
-
أخوي الغالي والعزيز / عبدالله الحارثي
صـــح لســــانــــك
ولا هنـــــت
قصيده رائعه لإنسان مبدع ورائع
الله يعطيك الف عافيه
وبيض الله وجهك
وننتظر إبداعك القادم
وتقبل خالص تحياتي ،،،،،،،،،
أخوك : عبدالله محمد
-
اللهم صلي وسلم وبارك على عبدك ورسولك محمد
يالحاااااارثي
صح لسااااااااانك
ولاهنتتتتتتتتتتتتتتتتت
والوطن يستحق منا اكثر واكثر
النااااااااااااايف
-
اخواني الأعزاء
عبدالله محمد
نياف العتيبي
مروركم شرف لي
والوطن غالي يرخص له كل غالي
تحياتي
