هل هذا حق الوطن علينا في ( يومنا الوطني )؟! اعمال مسيئة فعلا

من والدتي

لاحول ولاقوة الا بالله ..والله اني بكيت لمن شفت المناظر هذي المخجله واللي ماهي من اصلنا ولا من عاداتنا ولا من ديننا اللي علمنا انه نبي ونعمر ولا نهدم ونخرب

وهالشباب اعطوا صووورة لألأصحاب المحلات اللي هم من دول غربيه صورة عن السعووديين انه شعب متخلف وهمجي

واللي كاسر خاطري بالموضوع ومحزني أكثر أبو متعب الله يحفظه اللي عطاهم يوم يستانسون فيه ونتذكر يوم التوحيد وماكان متوقع الاشياء اللي سووها شبابنا والله مايستاهلون يعطيهم اجازة في اليوم الوطــني
حسبي الله ونعم الوكيل

سلامات وش فيهم

قاموا على المحلات يكسرونها


قمة التخلف الشرهه على الي يفتح لهم المجال يحتفلووون


مشكور أخوي على هيك أخبار تسد النفس

للأسف عبروا عن فرحتهم بأسلوب همجي !!!

واستغلوا غياب أفراد الأمن اللي من المفترض أن يكون تواجدهم مكثفاً ، لتنظيم حركة السير

أمر مخجل أن تكون ثقافة شبابنا عن اليوم الوطني إلا أغاني ورقص وتفحيط وتخريب

نسأل الله أن يهديهم ويصلح أحوالهم

سليمان لاهنت على النقل

"

ستار بوكس .. يهودي و داعم لصليب ضد الفلسطينيين !!

يمكن صار هذا التخريب بسبت هذا الشيء ؟؟

اما رائيي في ما عملوه ابناء هذا

الوطن

فهو للاسف ما لا يجب ان يكون منهم

/

شكراً لك : سليمان

"

ربي يعطيك العافيه

يقولون في علم الاجتماع " الجماعة لاعقل لها " ويسمى احيانا العقل الجمعي
هنا في السعودية انا أقول الافراد لاعقل لها والجماعة كلهم الله بالخير
للأسف بلدنا لم يستعمر أبدا لذلك لم نرث عن اجدادنا احساس القهر والاضطهاد والاغتراب
ولم يحتل هذا البلد أي قوة خارجية على مدى تاريخه حتى ما يسميه البدو الاستعمار البريطاني للربع الخالي كان للبحث عن الجرد وقتله في مهده ..!!

هذا في اعتقادي السبب الأول لما حدث

والسبب الثاني هو أن الانتماء للقبيلة وليس للوطن ولارض القبيلة وليس لارض السعودية
رأيت في الصور صورة مطعم في الخبر كتب عليها الشهراني اتحدى أن يقوم هذا الشهراني بتكسير المحلات في وادي بن هشبل, والكلام ينطبق على ابناء جميع القبائل بدون استثناء ..
كذلك عقلاء هذا البلد يرون في الاحتفال بهذا اليوم مخالفة للشريعة الاسلامية
اذن لم يبقى في الشوارع إلا جهلا اجتمعوا ولن نتوقع منهم غير ماحصل بأي حال من الأحوال ..

لا حوول ولا قوة الا بالله
ورااهم كذا متوحشين
ذا اليوم الوطني ولا اليوم الهجوومي على المطاعم والمحلات؟

ياالله بصراحه صور تدمي القلب وتعكس حضارة شبابنا!!!! ومدى حبهم لوطنهم!!!يارب سلّم سلّم,,أهكذا الجزاء؟؟والله ياأحباب فرحنا جداً هذي السنه بخواطر 5 وتوقعنا صداه كبير على المجتمع لعلنا نحاكي تلك الأمم بحضارتها وتطورها بل وأخلاقياتها من باب أولى التي هي من ديننا أصلا!!ولكن لابما ان فئام من الناس لهم
آذان لايسمعون بها وقلوب لايعقلون بها؟؟ورغم ذلك ينبغي ألاننيأس ونضع الحلول لهؤلاء الشاردون ونأخذ بأيديهم مع العقاب الصاااارم ايضا ولابأس0

لا تعليق لا حول ولا قوة الابالله

[align=center]

ياليتني ما شفت الصور وربي دمعت عيني ...!!
اتمنى اتمنى في وقت الاجازات تتقفل كل الطرق المؤدية الى الشرقية وخاصة الخبر في وجه كل متخلف وهمجي وحاسد
تقولون ليش؟
لان كل اعمال الشغب والتخلف والهمجية هذي من خارج الخبر وليس من ابنائها
مارح احدد من وين بس اللبيب بالاشارة يفهم
مستحيل ابناء الخبر يخربونها ويشوهونها بهذي الصورة؟؟
وربي كرهنا وقت الاجازات بسبة المشاكل والزحمة الي تجيب الهم
يازين ايام المدارس بس... متى ترجع ؟؟؟؟؟؟
وش معنى بس ما تصير هذي الاعمال الهمجية الا وقت الاجازات بس؟ هي وقفت عاليوم الوطني هذا العام؟؟
كل سنة وكل اجازة تصير مثل هذي الاعمال التخريبية
كلها من الحاقدين والحاسدين اعوذ بالله منهم وحسبي الله عليهم والله ينتقم منهم.. حتى الاكل رموه عالارض..! استغفر الله العظيم
صحيح ان مو كل القادمين للشرقية بهذي الصورة لكن الشر يعم والفاسدين اكثر من الصالحين...
والناس المتحضرة والعاقلة نرحب فيهم ونقولهم العين اوسع لهم من المكان


على فكرة.. فيه مراكز ثانية تعرضت لعمليات التخريب مثل محل ملابس نسائية برومود اضن او فيرامودا واحد منهم
تكسرت واجهة المحل وكسروا الدمى الخاصة لعرض الملابس وشالوا الملابس الي عليها واخذوا وحدة منها وصوروا معها وهم مبسوطين..! وش تقولون بشباب زي كذا؟
هذا غير تهديدهم لعمال احد المطاعم بالسكاكين واخذوا 14 وجبة وقبل لا يطلعون خربوا ورموا الاكل عالارض
ولما سئلهم العامل الاجنبي عن السبب الي خلاهم يرمون الاكل
قالوا له بكل فخر... حنا عصابة التخريب وما يطيب خاطرنا الا اذا سوينا كذا

هذا الجيل الي ينشد فيه الظهر....!
ســـلام يا احلى جيل ....
[/align]

هؤلاء لايحتفلون باليوم الوطني


وإنما يخربون الفرحة باليوم الوطني


اللهم اهدي شباب المسلمين وسخرهم لخدمة دينهم

ووطنهم

ياخسارة على حملهم الجنسية السعودية وتدينهم بالإسلام

تشوهت صورة الإسلام

حسبي الله ونعم الوكيل

اقتباس:

---

المشاركة الأصلية كتبت بواسطة عطر طيبه

سليمان الذويخ

العام الماضي كان اليوم الوطني في رمضان ومع الاسف الشديد كان هناك اختلاط ورقص وتشغيل اغاني اثناء صلاة التروايح اضافه ان الاحتفال باليوم الوطني شرعا لا يجوز ومع ذلك نجد المسئوولين هم من يعطون الضوء الاخضر لمثل هذاي الاحتفالات

---

هلا بك اخي عطر طيبة

ما نقول الا
لاحول ولا قوة الا بالله
شـكــ وبارك الله فيك ـــرا لك ... لك مني أجمل تحية .

اقتباس:

---

المشاركة الأصلية كتبت بواسطة خجل الورد

اضافة بعض الصور

---

خجل الورد
الله يجزاك خير على اضافتك التي اثرت الموضوع
و الصور خير شاهد على انعدام ادنى درجات الوعي والحس
بل وحتى الإيمان في قلوب هؤلاء الرعاع
فالمسلم من سلم المسلمون من لسانه ويده !
بارك الله فيك و وفقك واسعدك في الدنيا والآخرة

اقتباس:

---

المشاركة الأصلية كتبت بواسطة وجن محمد

لاحول ولا قوة الا بالله

والله من امن العقوبة اساء الادب

قمة الحقارة والاستخفاف ان يكون هذا الفعل المشين من ابناء هذا الوطن الغالي!!!!

لعلهم فهموا ان اليوم الوطني هو يوم عالمي للتخريب !!!

وان اليوم الوطني بمنظورهم يوم يشن فيه هجوم على ممتلكات الغير !!!

استاذ سليمان للاسف هناك عقول فارغة سقط عنها التفكير في عتبات الجنون

شكرا لك
والشكر للاخت خجل

والله ان الموضوع محزن
والله مااردنا ان تكون صورة بلد التوحيد بهذا الشكل في يومها الوطني

---

وجن محمد
الموضوع محزن ومخجل ومشين
ولكن الشكوى لله
ولنا في ولاة الأمر امل بالتشهير بهم وايقاع اقسى العقوبات عليهم
لجعلهم عبرة لغيرهم

شـكــ وبارك الله فيك ـــرا لك ... لك مني أجمل تحية .