المشاركة الأصلية كتبت بواسطة احمدالعارضي
بسم الله الرحمن الرحيم
السلام عليكم ورحمة الله وبركاته
عوده بعد غيبه .....
,
[poem=font=",6,black,bold,italic" bkcolor="transparent" bkimage="" border="none,4," type=0 line=0 align=center use=ex num="0,black""]
لو زرعت الماس واللول في كف البخيل=مانبت غير الجحايد على سود الكفوف
بنت ياللي غرك الحسن واغراك الهديل=والله اني جيت احط النقط فوق الحروف
ان عطينا يااريش العين مانعطي قليل=ولا لحقنا عقب مداتنا ذرة حسوف
والله إن انفوسنا تتعب الجدي وسهيل=ووالله إن عزومنا ماتزحزحها الضروف
لا تغرك دمعة ٍ من طرف عيني تسيل=ماهي دموع المذله ولا دموع الضعوف
مايحد الرجل لإهدار دمعه والعويل=لين تقتل غاية الرجل في عين الهنوف
أستبحتي حرمة النفس وأضحيت القتيل=القتيل اللي يناديك وعيونك تشوف
لكن أقفيتي وغرك من الرمش الظليل=إنه أقسى من طعون الخناجر والسيوف
لو عزيز القوم يصبح تحت رمشك ذليل=لايمه يبلى بحبك ورى قلب ٍ شغوف
لين يستاقه على الموت فالوقت الهزيل=ثم يومن بالغلا لأعتزى بين الكتوف
والله إني عارضي ٍ من الوزن الثقيل=لكن أنتي والليالي معا ً ضدي وقوف
وأقفت أيامي معك لامبيت ولا مقيل=لين طوفت الذي قبل عرفك مايطوف
ليت قلبي من حجر لايحب ولايميل=كان ماحفتيه بين الضلوع العوج حوف
يوم حبيتك وانا كني مزبن دخيل=وكني معزب يرحب بركبان الضيوف
وحين مكنتك خفوقي وصار المستحيل=أنتهكتي حرمته وأستبحتي دون خوف
والجريمه غامضه لاشهود ولا دليل=مثل من قالو على كتوفه يشيل الحتوف
وأبتسمتي للمسافات ودروب الرحيل=وأبتسمت لدافي الشعر في حكم الصدوف
مادريت إلا وأنا أسقيك عذب ٍ سلسبيل=من قصيد ٍ يحتويني وله قلب ٍ عطوف
وأدمح ذنوبك وأغني لمنقوض الجديل=وأرجع أرثي حالتي والنقط فوق الحروف[/poem]
