يانجد هجّي لرجعة فارسك بابك .. إهداء لنادي النصر وجمهوره الكبير

صح السانك جزله يا أمل

والعالمي يستاهل

والله ان نفسي اسوي هجائيه فيش
هههههههه


صح الله لسانش

ولاهنتي

ومبروك عليكم وتستاهلون


النصر نادي كبير والاطراء فيه قليل



نكهه رياضيه بطعم نسااائي

من اول اتابعش والحين يوم عرفت انش نصراويه معادني بجاي
ههه



بالتووووووووووووفيق

اخوش

سالم

اهلا وسهلا يا امل

الحمدلله على السلامة

وتسلم يمينك على هالجزلة رغم التحفظ

اليوم الرياض كلها غبار

بسبب حي العريجا

يقولون يوم فتحوا خزينة النصر يحطون

الكاس طلع غبار وهب عجاج

عموما ابارك للنصروايين وحظ أوفر للهلاليين

وان شاء الله نعوضها ونكسر خشم الاتحاد كالعادة

واكتب قصيدة هنا بهالمناسبة العظيمة

وعلى قدر اهل العزم تأتي العزائم طموحنا اكبر

وطموحنا الدوري

الله يعطيك العافية

تحياتي لك

أستاذتنا امل عبدالعزيز


الحمدلله على السلامه وان شاء الله الوالده بصحه وعافيه

قصيدة راح تفرح كل جماهير النصر وهدية راح يحتفظ فيها كل نصراوي وعقبال الاتحاد صاحب السبع بطولات في موسم واحد

اما الهلالين خليهم يرددون ياليل ماطولك


صح لسااانك ملياااااار

أمل عبدالعزيز
صح لسانك
ومبروك على النصر هذه البطوله بعد الانقطاع الطويل عن البطولات
ويستاهل النصر هذي القصيده الرائعه
وتحياتي لك

الأخت أمل

من عادة مشجعي الزعيم عدم تهميش الخصوم

ومن هذا البااااب

أزززززف أعذب

التهاااني

للنصر

وأقول ماتحلو الرياضة في المملكة إلا بعودة الإنتصاراات لأحباب الأمير

الراحل عبدالرحمن بن سعود

ومقولته الشهيرة


النصررررررررررررررر بمن حضرررررررررررررر


عقباااال المستقبل المشرق

اقتباس:

---

المشاركة الأصلية كتبت بواسطة أمل عبدالعزيز

,
,
,
.
.
.

بسم الله الرحمن الرحيم

حضر النصر
وحضر الفن الأصيل وعاد الفارس بعد طول غياب
عاد وما أجملها من عودة .. عاد من بوّابة خصمه اللدود الهلال .. عاد لينثر الفرحة في قلوب جماهيره الوفيّة
عاد ليقول أن الكبير لايموت أبداً ..

هنيئاً لنجد عودة فارسها
ولجمهور النصر الكبير هذا الكأس بنكهة الهلال
وأنا أصالة عن نفسي ونيابة عن إدارة وجمهور نادي الإتحاد أبارك لهم هذا الفوز وهذه البطولة
ولهم منّي هذا الإهداء البسيط

[poem=font="Simplified Arabic,6,orange,bold,normal" bkcolor="darkblue" bkimage="" border="ridge,8,orange" type=2 line=0 align=center use=ex num="0,black"]
في نجد فارس وكل الناس تدري به=يانجد هجّي لرجعة فارسك بابك
يانصر طوّلت صدق وطالت الغيبه=والكاس هذي بتشفع طولة غيابك
مثل المطر جيت لاسالت مرازيبه=وكثر المطر جاك جمهورك وحيّا بك
هذا الحضور الذي توقف له الهيبه=فوق الثلاثين ألف .. قلوب تتشابك
أثخنت في الخصم حتّى ضاع تدريبه=بلّيت ريق الجميع وطرت لأحبابك
دكّيت باب الزعيم وصابته خيبه=مخلبك كفّى وكمّل مانقص نابك
نهشت قلبه قبل تكسر عراقيبه=من وين مالدّ وجهه ذاق مخلابك
من كف ريّان والتون جتهم مصيبه=والموج الأزرق غرق في الفن باسبابك
أحلى من الفوز ميعاده وترتيبه=وأحلى من الكاس كسرة خشم مغتابك
مايدري إنّ الزمن تقلب دواليبه=باكر يصيبه مثل يانصر ماصابك
لكن لأنك كبير وخارج الريبه=مسحت وقت الجفاف بقلب غيّابك
جبت الفرح يانصر من بعد تغريبه=وماضاقت إلا على الحاسد ومن عابك
من قلب أمل لك سلام وألف ترحيبه=جمهور الاتّي تراهم خيرة أصحابك
مبروك للنصر .. جمهوره .. معازيبه=ويانجد هجّي لرجعة نصرك أبوابك[/poem]



أمل بنت عبدالعزيز

---

ياهلا ومرحبابمعلمتنا وشاعرتنا الكبيره

سبقتيني كنت بكتب قصيده للنصر ( الله من النصب )هههههههههههه

مبروك للنصر هالبطوله الصغنتوته والبطولات الكبيره لها أهلها والقصيده يعني حليوه ومباشره وتقليديه وعنيفه حيل كلها تكسير ونهش ومخالب ونيبان وأمطار وحوسه واجد والافكار فيها مشوّشه وغير مترابطه

ههههههههههههههههههه

أمل ،،،

صح لسانك ملايين والله قصيده من أقوى ماقرأت بصراحه والكلام اللي فوق بس من الحرّه الله يستر من قصيدتك لو فاز الاتحاد بالدوري ( لاقدّر الله ) وش بتكتبين وقتها ؟؟

صح لسانك مليون والوعد بطولة الدوري الزرقاء بحول الله

تحيتي القلبيه لك

[align=center]يانصر طوّلت صدق وطالـت الغيبـه
والكاس هذي بتشفع طولـة غيابـك


صح لساااااانك اختي

ومبروك للفريق الغالي

شكرا لك حبيبتي[/align]

المبدعه دائماً كما عودتنا أمل عبدالعزيز

صح لسانك وألف مبروك للعالمي ويستاهل القصيده الوافيه






أخوكي / عاشق الرمش
نواف زايد الشلاحي

,
,
,
الشاعر القدير ابن راجس:
حضور يزهى به النص ويزداد روعة وجمال
ولك مني أعذب تحية
ومبروك لكل نصراوي .
.

.
.


العذب محمد الدغيري :
صح بدنك وحضورك يامحمد يزيد بهجة للنص ورونق
وبصراحة النصر يوم رجع للبطولات عرف الطريق أللي يوصل من خلاله للكل .
.

وعن خالد أنا قلت قبل لاتثريب عليه وشعور متوقع من كل هلالي :غمزه:


دمتــَ بخير

,
,
,

شاعرنا الكبير أحمد الشمري :
أولاً أشكرك من كل قلبي عن سؤالك الطيّب وحضورك الأطيب
وألف ألف شكر لك على الإهتمام المعتاد من النفوس الطيبة مثلك.
.

وبالنسبة للنصر فوالله يستاهلون الأبطال
والحمد لله كانت عودة بحق مشرقة سطعت في كل الأفاق
وعساها دايمة يارب .
.

والله أن فرحتي بعودتك ماخربها إلا هالقصيدة

لأن غيابك عن غرابيل مهو أي غياب


وحضورك دائماً مختلف ويحي الموقع ككل ومهو قسم الشعر فقط


يالله بعتبر اني ماشفت هالقصيدة

وصح لسانك

اقتباس:

---

المشاركة الأصلية كتبت بواسطة خــــالـــــد

[align=center]
أمل عبدالعزيز
ـــــــــــــــــــــــــ ــــــ
الحمدلله على سلامتك

وصح لسانك على القصيدة

أما المحتوى ( ما هنااااش ) ههههههه

حرام قصيدة في النصر
ـــــــــــــــــــــــــ ــــــ
أخوكـ/خالد
[/align]

---

ههههههههه<<مبطيه ماضحكت من قلب

الله يهنينا بإدارتنا الذوق..بيض القلوب وسماه أزرق..




أمل عبـد العزيــز


هلا بك ..وحشتينا يالغاليه..

لكن قصيدك هالمره غير<<تسمع بجده

فالتعصب أفسد عذوبة قصائدك المعهوده .كذا الهجوم على

الخشم/قصدي الخصم حتى بحال الفوز..يبدو تشفي..

أرجو المعذرة على صراحتي.ولايعني ذلك

التقليل من شأن أبياتك..أوشخصك..


مبروك للنصر .فوز هم بحاجته.بعد محاولات بائسه في الإطاحة


بالزعيم

..مع الأسف لايكون الشموخ الا بحسن

الخلق والمنافسه الشريفه.وليس بكسر الأخرين<رأيي:مزون:


ليس لأني هلالية حد الثماله؟ بل إحقاقا للحق.والواقع

يشهد..والسؤال..ماسر غياب الفارس.طويلا؟؟



ومن غير تعصب ..على المزروع يكون البقاء للعب النظيف..


تحية لك/شاعرتنا العذبه..

وسلام لكل من وافانا هنا..والأغلبيه:11umbup:

السلام عليكم ورحمة الله وبركاته

كيف الحال

أمل يا بنت عبدالعزيز

ثانكيو على القصيدة

الى كثر من رايعة

ومقبولة منكي ومن الاتحاد

شف يا ابو عبدالرحمن ويا خالد

حتى جما هير الأتحاد ما يدانون الهلال

من يشجعهم

هههههههههههههه

أمولة

الحمد لله على السلامة