المشاركة الأصلية كتبت بواسطة أمل عبدالعزيز
بسم الله الرحمن الرحيم
,
,
,
كلمات بسيطه جدا جدا جدا اصافح بها قلوب
الطيبين من البشر وهي نبذه مختصره
وتعبر عن نفسها, وكاتبها واتمنى لها اليسير من الرضي والقبول
يالله ياللي عليك الأمر والإتكال =نشكي عليك الأمور اللي مانقوىلها
ياباسط الأرض ومرسي عليها الجبال =يامطلع فالنفوس وعالم بحالها
يامجري الريح تحمل بالسحاب الثقال=وتزلزل الارض إذا شئت زلزالها
ترجع اللي بقلبي حبها لايزال=اللي لها مسكن(ن) فالقلب بلحالها
طلبتها من يدين اولاتها بالحلال=قالوا مالك حظ روح ودور ابدالها
قلت اسألوها اذا ممكن لديكم مجال =وإلا اسمحولي وانا بروح وسألها
قالو توكل على الله كب عنك الجدال = مير انت يالأجودي منته على بالها
قلت اسمعوا رايح اخذها ولو بالقتال =وان غيرت رايها منكم سأغتالها
وان كانها راضية بي خطفها لامحال=مال الصعيبات غير اكتوف تشتالها
مال الحمول الثقال الا ظهور الجمال =وانا جملها وافارسها وخيالها
واستخدموا ضد قوة بطشي الإحتيال=والإحتيالات ماني عارف احتالها
قالوا اذا كنت تبغاها ارخ خشم الريال =قلت العرب ماخبرها تبيع اعيالها
ورميت انا فوقها الغتره ومعها العقال =ورمت عليه عبايتها مع شالها
وأخذت مع اهلها فتره وأنا في جدال=ومن شين حضي تزوجها ولد خالها
ياجعل أبن خالها اللي شالها للخلال=مادامت اني لياذلحيـن في بالها
تقول احبك ورغم أنف الزمن لو طال =وانا بعز المناب وربي اهوالها
بنت(ن) عريبه عليها أروع صفات الجمال =أموت في صوتها ورد واحيالها
واليوم من دونها تاسع ترى حول حال=وانا هواها ومازلت الدلع مالها
أم الحلى والترف وأم الدلع والدلال=انا دلعها وحلاها وغاية أمالها
الله لامن وردني من طرفها إتصال=أحلى اتصالات عمري رقم جوالها
من حبها كن صايبني شوية خبال =ياشين فالي راحت مني على فالها
بسبابها صرت مخلوق(ن)شديدانفعال=الله عسى الغيث منزلها ومدهالها
اليانويت الجنوب أسج واذهب شمال=من كثر ماني بهوجس في تخيالها
يابنت على عشيرك ارفقي بالعدال =ترى الله يجازي الأنفس على اعمالها
لاتهل ياهلال عاشرحول يابن الحلال=لاشفتك اذكر رسوم(ن) دثرت أطلالها
ياليتها لم تزوج باقيه لاتزال=اظني اكتب من اشعاري مايحلىلها
اخذيني الشاعر اللي ينظربه مثال =اللي يطول الطوال اللي ماحد طالها
لو المراجل قسم بالله صعبة منال= والله لعيونها لرقى ولانالها
لو المراجل ماهي والله في جمع مال=والله لعيون ست الحسن لرقىلها
المرجله حسب عرفي كسب طيب الرجال=اللي نباها ينشط من هو اقبالها
بيض الوجيه السنافيه كرام السبال =اللي تثمن خطا من هوتعنالها
اللي على الجمر جمر السمر تجثى الدلال=والهيل والبن الأشقر كيف بدلالها
المرجله كسبها ماهو ترى بالسهال = ولاكل سهله تليق بظهر جمالها
والريح ماعمرها هزت كبار الجبال=والشجرة اليابسه ماينفع إظلالها
واللي يخيل البروق أم الرعد والخيال=يرجي من الله رحمه يبدي اهلالها
وسلامتكم جميع
.
.
الشاعر العذب محمد الجبريني ..
اسمح لي اليوم نقدك بيكون على لسان لجنة شاعر المليون :
الشاعر غسان الحسن :
السلام عليكو ياحاضرين وحاضرات وشيخين وشيخات وبزارين وبزرات
وبحب كول لك كلمي ياأخ محمد الجبريني
أنته استعجلت شوي في القافية خيوو ومشان هيك قمت تعسفها عسف وفيه بيت حطيت لك لونوه بالاحمر والكلمي المختلفي بالقافي بلون آخر فانتي قافيتك على ( الها ) وهوني خليتها على ( ألّها بالسكون ) وهيدا مابيصير خيوو؟وبعد كررت قافية ( بالها ) لك خيو مابيصير هيك؟ بعدين اسمحلي لقلك شغلي وهي أنك نوعت في القصيدي فماعرفنا شو عم بدك تحكي ماخليت رجولي ولا خليت عقال ولا خليت طاقيي يازلمي ؟ لك الطواقي هيدي مابنحبها بنوب بنوب مشان بتزكرنا بعام الطاقية وبدي كلك شغلي تانيي وهي ماعندك ترابط بالكصيدة بحيث لو شلنا بيت وحطيناه مكان بيت ثاني ماكان حدى عرف !!وهيدا مابيخدم النص بقدر مايضروه
بس بدنا نكول صح لسانك ومعك المايك خيو حمد السعيد
الاستاذ حمد السعيد:
الله عليك يابو أمل ( عرف أنك مسمي بنتك أمل ) هههههههههه شاعر شاعر فالك المليون ومافيك حيلة وإن كان لي ملاحظة لاتأثر على شاعريتك ولا على مكانتك في جمهور شاطي غرابيل وهي أنك ليه تدعي على ولد خالها؟ ياخي كلش قسمة ونصيب وشفيك أنت؟وفي الختام أرقى سنود وطعوس وكلش وأنت من بيئة صقاقير ( جمع صقور عند السعيد على فكرة ) وفي الختام قواك الله ودربك خضر وصفر :11ctor:
والمايك معك ياعميمي
الاستاذالعميمي :
بصراحة يامحمد الجبريني أن قلبك خضر ولاّ متزوج وشوله تثير جراحات الماضي؟
وبعدين عندك مباشرة بالنص ولاحاولت تستخدم الرمزية فمثلاً لو رمزت للحبيبة بخوخة؟؟
ورمزت لولد خالها ببردقان؟ كان يمكن عطيت جو للقصيدة
وليه ماقلت في النص عن العائلة ورفضها بأن ذكرت الشجر والأنهار والطيور؟
لااااا محمد كذا مانبي مباشرة نبي قصيدة مايفهمها ابن امه
بدر صفوق:
شف يامحمد انت لك اسلوب يخصك ويعنيك ولايعني أحد سواك
حيث أنك مبدع وتجيب التقاطات ماحد يجيبها فمثلاً ذكرت السنوات أللي مرت ولاعليك من أمها ولا أبوها
بل وعليك شاعرية فذة وصور منقطعة النظير وأنت بالفعل شاعر مخضرم ( المصيبة مايفهمون أن مخضرم يعني عاش بالعصر الجاهلي والعصر الإسلامي ) هههههههههه
فأنت يامحمد شاعر كبير وحضورك غير وأنت صقر الصقور
تركي المريخي :
أحب أول شيء أسال سؤال وهو:
هل أنت ماتحب التسامح ياااااااااااااااااااااااا امحمد؟
ماذا قدمت للتسامح؟
والأمر الثاني أهني شعب الأمارات بيومها الوطني وأهني ولد زايد والست نشوى وكل الربايع والربعات
وبالنسبة لنصك فهو حلو حلو حلو
.
.
وأخيراً
صح قلبك وكلك
