ياليت لو ألقى أمل فاليأس والدنيا تدور=عشان كل اللي فقدته في زماني ما أعدمه..!

صح لـ سانكـ يا الغالي


وبيض الله وجههكـ على هذه الرائعه



تحيه عطره
محمد

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
افكارهم مثل اللحـد وعقولهـم مثـل القبـور=يعني مقابر روسهـم رُفـات نـاسٍ مُعدَمـه
خيالهم قيـد انملـه وضحالـة الفكـره ثبـور=ومن لا عرف وش قيمته يمكن تزل اْبه اْقدمه
وأنا تعبت من الزمان الي على عقلي جسـور=أقرأ طلاسم دورتـه والقـى رمـوزٍ مُبهمـه
ازرع من افكاري فكر وتموت فسلات البـذور=وانا الذي اسقيت لكن ارض فكـري مجرمـه
تموت قدامي مـزارع والبـلا فالارض..بـور=وتطيح اوراق المزارع حرف حرف ومُعجمـه
هذا وأنا مانيب شاعـر عايـش بليـا شعـور=عندي شعور وفكرتي من واقعـي مُستَلهمـه
ياليت لو ألقى أمـل فاليـأس والدنيـا تـدور=عشان كل اللي فقدته في زماني مـا أعدمـه [/poem]


[align=center]اخوي مطلق ابداع بلا حدود

قصيدة جزلة ,,,,بحر رائع ,,,موسيقى رائعة

يعطيك العافية[/align]

الغالي// عبد الناصر العالي
.
هلا وغلا مليون
.
وصح بدنك ولاهنت
والجزل والرائع مرورك الكريم لاعدمتك
.
تقبل تحيتي وتقديري

الدندونه
.
هلابك
وصح بدنك ولاهنتي
مرور الانقياء يسعدني لاعدمتك
.
تقبلِ تحيتي وتقديري

الغالي// فايز آل بذال
.
مرحبا مليون والله حيه
وصح بدنك كثرها وزود
والله لايهينك ولاخليت من هالراس
.
تقبل تحيتي وتقديري