صفـوه القصيــ ــ ــ ـد..(اكتب افضل ماقرأت من قصائد بغرابيل )

بســــــــــــم الله الرحمـــــــــن الرحيــــــــــــم
http://www.c5c6.com/File/1162773571.gif


هنــــا في غرابيــــــل

أبحرنا عميقا بين تلك الأسطر..والكلمات التي كتبها شعراء غرابيل
وقفنا بين تلك الحروف ..
أحسسنا فيها بنوع من الألم الذي ينبثق منها ..
ليضفي على تلك الكلمات لون الحيــــاة ..

http://www.c5c6.com/File/1162773571.gif
كـل شـيء فيهـا جميـل وعـذب


تـأخـذ الصـفـاء مــن الغـيـم


وتأخـذ الاخضـرار مـن العشـب

قصائد ولاأروع ..

همسات تطرب لها الآذان ..

حروف لايقوى على ترجمتها سوى احساس الشاعر الصادق ..

كلمات عذوبتها تأقلمت مع معانيها ... واسعة الخيال

اعُجِبنا بها لــروعتها ورقتها

وميزتها وخيالها .... وابداعها

هاهم شعراءنا يكتبون حروفا من ذهب

كتبوا قصائداً كلها تفيض بحنان غامض ولحن جذاب من المشاعر والأحاسيس
حروفهم وقوافيهم هي افضل مايعبرون به عن مشاعرهم..

http://www.c5c6.com/File/1162773571.gif


ومما لاشــــكـ فيه ان الاذواق تختلف و الآراء تختلف
والكـــل هنا سيعبر عن وجهه نظره وعن مالفت نظره من قصائد بقيت في مخيلته..وذاكرته.
أو داعبت احاسيسه
أو لامست جوانب من حياته الشخصية..

هنا سنتعرف على آراء الآخرين بقصائد الشعراء
وأيضا يهمنا أولا وأخيرا رأي الشعراء..بقصائد غيرهم..
سواء كانت قصائد قديمة أو حديثة..

هنــــا يستطيع العضو ان يضع اسم القصيده التي أعجبته ورابطها..
وله حرية الأختيار بأن يضع عددا من القصائد والمجال مفتوح

وفي الآخير نحن دوما ننتظر إبداعكــم مع نسمات الليل وسكونه.

[align=center]بنت الشيوخ
انتِ رائعه وربي

تم تثبيت الموضوع

ومثلما تعودنا

من اسرة غرابيل

اتمنى التفاعل

وسوف اعود ان شاء الله

دمتم بسعادة للأبد

احترامي

وتقديري[/align]

الراااااااااائعة

بنت الشيوخ

تعودنا منك دائما كل ماهو مميز

وجميل

وهنا

موضوع ولا أروع

وفكرة جميلة حقيقة

وسيكون هذا الموضوع مرجعاً للقصائد المميزة في غرابيل

نتمنى

نتمنى

التفاعل من الجميع
.
.
.

تختلف الاذواق

والميول

لكن يبقى

احترام وجهات النظر متبادل

بيننا في غرابيل
.
.
.

لي عودة بالتأكيد

الى هنا

لكن بعد البحث في جهازي عن القصائد المحفوظة والمميزة

من شعراء غرابيل

تحياتي

بنت الشيـــــوخ


موضـــوع رائــــــــع


يعطيج العافيه ياالغاليه




تحياتي لج

العنود

شاعرنـــــــــا الكريم

عايــــــــد العنزي

يعطيكـ العافيه

وهذا الموضوع

منكــــــــــــم واليكــــــــــــم..

تقبل خالص شكري يالعنزي

كلنا لهفة وشوق ...بعودتكـ وما ستحمله لنا

ننتظر عودتكــ



طبعا هنا راح ابدأ بنفسي
وراح اذكر ثلاث قصائد..ولي عوده بقصائد اروووووووع انشاء الله..

طبعا هنا جميع الشعراء والشاعرات مبدعوووون

وسأضع بين ايديكم قصائد أذهلتني برقه معانيها

وعذوبتها..

هذه القصائد..

تستوقفني كثيراَ





منصور الحربي

بنـــــــــــــــــات المملكه

[poem=font="Simplified Arabic,4,black,normal,normal" bkcolor="transparent" bkimage="backgrounds/7.gif" border="none,4,gray" type=2 line=0 align=center use=ex num="0,black"]
لاتساليني هل بقى للصبر فـي قلبـي حـدود=حرماني من ابسط حقوقي في حياتـي كافيـه

ولاتساليني هل خلق ربي بعد حسنـك عنـود=يمكن ( بنات المملكة ) شمـوع لكـن طافيـه

إنتي وجرح الذكريات وتاريخ لايمكـن يعـود=وطيوووف تأخذني اليك صرتوا عليّه ( مافيه )

تبعثريني كـل مامـرت عيونـك فـي بـرود=وانا من اللهفة اقول ( يعطيك ربي العافيـه )[/poem]

فايز بن ماجد
مــــــــــــن سيربح الم**وووووووون ؟؟؟؟


[poem=font="Simplified Arabic,5,black,normal,normal" bkcolor="transparent" bkimage="backgrounds/7.gif" border="none,4,gray" type=2 line=0 align=center use=ex num="0,black"]
ياقصيدي قل لهـا هـذا الطريـق اللـي اتخذتـه=ماالتفـت للخلـف وآنـا عنهـا أعلنـت الرحيـل

ولو يفكر ..فيها قلبي.. عقب هاللحظة .. قتلته..!!=قل لها مانـي مـن اللـي يقبـل الحـب الرذيـل

لو خسرت اللـي خسرتـه كبريائـي ماخسرتـه=لاتحاول بالأصيل ..ابن الأصيل.. ابـن الأصيـل [/poem]



امـــــــل عبدالعزيز
للجروح احيـــــــــــــان كلمه ماتوصلها الشفاه



[poem=font="Simplified Arabic,5,black,normal,normal" bkcolor="transparent" bkimage="backgrounds/7.gif" border="none,4,gray" type=2 line=0 align=center use=ex num="0,black"]
هاك صورة من جروحـي لا سـلام ولا تحيّـه=بس شفها وأنت تدري عن خفوقـي وش بـلاه

والكلام اللـي بقلبـي لا تحسـب أنّـه شويّـه=للجروح أحيـان كلمـة مـا توصلّهـا الشفـاه

ألف شكراً ,, كنت خاين عاش في قلب أجوديّـه=درس من ضمن الدروس اللـي تعلمنـا الحيـاه [/poem]

اقتباس:

---

المشاركة الأصلية كتبت بواسطة فايز ماجد

الراااااااااائعة

بنت الشيوخ

تعودنا منك دائما كل ماهو مميز

وجميل

وهنا

موضوع ولا أروع

وفكرة جميلة حقيقة

وسيكون هذا الموضوع مرجعاً للقصائد المميزة في غرابيل

نتمنى

نتمنى

التفاعل من الجميع
.
.
.

تختلف الاذواق

والميول

لكن يبقى

احترام وجهات النظر متبادل

بيننا في غرابيل
.
.
.

لي عودة بالتأكيد

الى هنا

لكن بعد البحث في جهازي عن القصائد المحفوظة والمميزة

من شعراء غرابيل

تحياتي

---

فايز بن ماجد

الاروع هـــــــــــو تواجدكـ

وتـــــــــواضعكـ

وهذا مانؤمن به جميعا..اختلاف الأذواق


وننتظر عودتكـ


لاعدمنــــــــــــــاكـ

اختي الراقيه بنت الشيوخ

الله يعطيك العافيه على مجهودك

موضوع رايع وجميل وكما ذكر أخي فايز بن ماجد

بأن هذا الموضوع سوف يكون مرجعاََ للقصائد المميزه في غرابيل

لك فائق احترامي وتقديري

[align=center]
الغالية
بنت الشيوخ



الفكرة أكثر من رائعة
وهنا بالفعل يوجد شعراء وشاعرات مميزون
وبما أني مناصرة للأنثى فسوف أبدأ بأولى
اختياراتيقصيدة لأنثى لكن ليس كأي أنثى

أنها ، أنها :ـ


الرهيبة / أمل عبدالعزيز



ــ{{ صرخة حب مجنونة }}ــ


والقصيدة هذه تحديدا ترددت كثير في الرد عليها



وهذا رابط القصيدة


وهذه مقتطفات من القصيدة

[poem=font="Simplified Arabic,4,darkblue,bold,normal" bkcolor="transparent" bkimage="backgrounds/11.gif" border="double,4,darkblue" type=2 line=0 align=center use=ex num="0,black"]
أنا مالي وطن واحد أنا لي في غلاه أوطان=خفوقه ,, ضحكته ,, دمعه ,, ضلوعه ,, وأسكن عيونه !!
حبيبي لو طلب روحي تجيه وما طلبت أثمان=غلاته دين في قلبي ,, وألا يا ما اكثر ديونه
ألا وش قيمة ( أهل الحاشية ) في حضرة ( السلطان )=حبيبي لا حضر حرّك شعور القلب وشجونه
أنا قلبي ( سفينة ) والحبيب بوسطها (الربّان )=وإلى من غاب ما تمشي السفينة يوم من دونه
أحاسيس الغلا يمه تزيد و ما بها نقصان= سطى حبه على قلبي وبيح كل مكنونه
تمكّن في الضمير ,, وفي الوريد ,, وداخل الشريان=وسكن في أصغر خلايا العقل ومخوّي على ظنونه
وإلى مني بغيت أكتب قصيدي ,, يسكن الأوزان =يسامرني وأنا أكتب له قصيدي وأبدع لحونه
أنا أدري به حبيبي .. ( في هواي العاشق الولهان) =وهو يدري بي أحبه وفيه أصبحت ( مجنونه )!![/poem]




شكرا لكِ
بنت الشيوخ






لكِ
ود و ورد




صادق الإحساس[/align]

تضحكني الدمعه ويبكينـي الضحـك
دمعـة وفـي ولاابتسامـة منافـق
لا من غزا التفكير كامـل ملامحـك
مالـك سبيـل إلا لدمعـك توافـق
وان كان جا التيار في غير صالحـك
اصبر وذا طبـع الليالـي تصافـق
واحسب مع الأيام كامـل مرابحـك
وان شفت عالم فاعرف اللي ترافـق
إن رحت للماضي همومه بتجرحـك
وإن جيت للحاضر جرح الف خافـق
وإن قلت ابخطي مابه احد يسامحـك
وش حيلة اللـي للمواجـع مرافـق
يا قلب خل المـزح محـدٍ يمازحـك
ومحدٍ على جروحك يجي اليوم شافق
اللي صفا لك لا قسا الوقـت يذبحـك
كنّ الوفا فـي عالـم النـاس نافـق
متى أببكي دمع وافرح من الضحـك
يمكن مع آخر روح لآخر منافق ؟!!





يمكن ..

مع ..


آخر ..

روح ..

لآخر ..

منافق ؟!!





يمكن ,,









للاخت والشاعره نايفة شمر







ولي عوده

الله يعطيك العافية يابنت الشيوخ


وجميع مايطرحة شعراء غرابيل يستحق الاشادة وساختار بعض القصائد العالقة في ذهني

بعيد المراميس


[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياعدّ دون المـا ثلاثيـن قامـه=واللي وردك العام ياردك ظامـي
الريق ناشف والملامـه ندامـه=والعود الاخضر مقتفيه الصرامي
في صحصحٍ عجّه يخالط عسامه=نبته من حظوظ الجراد التهامـي
من برّق بنبتـه يحلـل حرامـه=حرام لكـن يستحـلّ الحرامـي
براق صيف ٍ في علاوي غمامه=مابل نطاشـه كبـود الحيامـي
ياللي كرب وقت اللوازم حزامـه=سبحان من يحيي رميم العظامي
سج القدم مابين سهل وعدامـه=وخايل سحاب ٍ دونه الضلع زامي
ثوبك علاك وفوق راسك عمامه=وتنقل كلام مفسريـن الحلامـي
مايزعلك غير الصدوق وكلامـه=ويبهج ضميرك مدح باه الوشامي
الحر الاشقر لو يشابـط حمامـه=بكره يفرخ له حمام ٍ قطامـي !
محدن يعرف شعيل غير بسنامه=لكن يادنيـآ عليـك السلامـي
بنات فكـري ماعليهـن ملامـه=وصلن بهاجوسي لغاية مرامـي
موتة شجيع ولاحيـاة الرخامـه=قد قالها قدمي رشيـد الزلامـي
[/poem]

وايضا لبعيد المراميس


[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
على طارَ الصداقه والصديق الصادق الكذاب=على طارَ الرفيق اللي يفتّل روس اشانيبه
على طارَ المعّزه والغلا ومعاتب الأصحاب=على طاري رجال ٍ تتبع النمات والغيبه
تغَني يابنات الفكر مادون الشعور حجاب=مدام ان الشعر له هيبةٍ ياحيها هيبه
ابا اسج القدم وارقى برجلي عالي المرقاب=واعدي راس مزمومٍ تهيضني مراقيبه
على ماقيل في سوق المعَرْفَه بايع وجلاب= ولابه رجل ماياخذ دروسه من تجاريبه
والا يالنايب اللي عن ملازيم الرجال تناب=رجال ٍ والنعم فاللازمه ورجال والخيبه
تسمّع يابن عمّ الذيب يابو منطقٍ جذاب=واخذ لك في مهب الريح تشريقه وتغريبه
مضامين الكلام اللي تفكر به أولو الألباب=يمرك وانت ماميزت مقصوده وتركيبه
انا ماحارب الاجناب لجل آراضي الاقراب= ومن سرّح له مصيبه يبا يضوي له مصيبه
ترى سود النوايا اللي تخفّى في بياض الناب=تبيّن فالرجل في منطقه والا فاساليبه
ليا منّا تواردنا ووصلنا صافي المشراب=نعرف اللي على عد الرّوى تصفي مشاريبه
يوردها على صاف الموارد مورد الهيّاب=على الجمّ القراح اللي بعيداتٍ مجاذيبه
مدام المسك في جوف الظبي والسم جوف الداب=الا ياكثر ريجيل ٍ مابين الشك والريبه
ومكاذيب الرصاص اللي مشاريهه على الضرّاب=يثوّر في مخازن من يودّ العــلم ويجيبه[/poem]

محمد السليس





[poem=font="Simplified Arabic,4,blue,bold,normal" bkcolor="transparent" bkimage="" border="double,9,sandybrown" type=2 line=0 align=center use=ex num="0,black"]

مني تحيه للمديرة والأبلات = والمدرسة وأيضاً عموم الوزاره

أنا احمدالله يوم جات الشهادات = نجح وليفي ما طلع بالخساره

أخذ على كل الفصول أمتيازات = وأخذ بعد تقدير عند الأداره

والشكر والتكريم واسمى التحيات = ومع الهدايا قدمو له سواره

ويوم استلم وزع على الحفل ضحكات = وكل دعى له في مناه ومساره

وساعة لقيت أسمه على صفحة ( الشات) = (وفلان) أرسلى من العلم شاره

فزيت فزت من غدا ذوده اشتات = حافوا عليه القوم واخلو دياره

ومن الفرح دمعي على الخد زافات = يشدي تخابيط المطر في قراره

وناديت بأسم مورد الخد مرات = مبروك ياللي في رموشك عطاره

يازين حبك مثرٍ في سجات = أبي يمين الدرب وأعطي يساره

إليا أختليت او صرت وسط البنايات = ولا استويت اسوق جوف الغماره

ولا مشيت مع الطرق والمسارات = ولا أوقفتني فالطريق الاشاره

طيفك ملازمني مدى كل الأوقات = حرقتني حرق الشخط للزقاره

وأنا ولا أقبل فيك يالترف سومات = لو هم عطوني فيك عشرين أماره

أنت إختياري عن جميع الخيارات = يوم إن كل راحته فختياره[/poem]

ولمحمد السليس ايضاً

[poem=font="Simplified Arabic,4,blue,bold,normal" bkcolor="white" bkimage="" border="outset,4,gray" type=2 line=0 align=center use=sp num="0,black"]
بعض الاصوات تشرح خاطري ياسعد= وبعض الاصوات ماودي بسمعانهـا
بعد صوت الحبيب اللي لحبـي جحـد= عافت النفس كـل اصـوات خلانهـا
وعافت العيـن من عقبـه لذيـذ السهـد=واستعـادت مواجعهـا وحرمانـهـا
وكل جرحن قديم من الغـرام استجـد=والعـروق النديـه جفـت اغصانهـا
لاذكرتـة وجفنـي ساهـر مـارقـد = من عيونـي دموعـي هـل هتانهـا
اتعـوذ واردد قـل هــو الله احــد =قبل يستحـوذ الاعصـاب شيطانهـا
.
.
.

طف نار المعذب مـل صبـر وجلـد = وانـت تقـدح فتيلتهـا بصوانـهـا
خلني بـس ليـن اذوق طعـم الشهـد = واتمـتـع بمشمشـهـا ورمانـهـا
لايطمنـك بركـان الغلا لوخـمـد = .لاذكرتك هجوسـي ثـار بركانهـا
البعوضـة تسيـل دم راس الاســد = والمحبـه تنـزل روس شيخانـهـا
والمحب الحقيقـي لاعشـق مازهـد = لو عليه الارض ضاقـت وريعانهـا
من زرع خير بين الناس خير حصـد = ومن زرع شر تاترضيـه قشرانهـا [/poem]


ولمي العقيلي

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا طير كانك تحتري صمتـي يسولـف للصبـاح = والله لتبطـي تنتظـر دام السـوالـف هـاربـه
ضيعت حلمي واندثر جرحي مـع كفـخ الجنـاح=وانته مضيـع وجهتـك شـرق الوجود وغاربـه
هزيت غصن مواجعي واسرفت في طعن الجـراح = همك مثل هـم العـدو شـوف العـرب متخاربـه
شفتك بذيك الصومعـه راهـب ينـادي للفـلاح = ما كان هو همـك سـوا تسفـك بـدم الراهبـه
افتيـت ثـم ضيعتنـا بيـن المحـرّم والمـبـاح = وانت اول اللي حللوا غدر الحبيب فـي صاحبـه
مـره تجينـا عابـدٍ كنـك بـلال بـن ربــاح = ومـرات ماكنـك سـوا فاجـر زمانـه حاربـه
يا ليت تـدري وش بقـا بيـتٍ تذريـه الريـاح =شباك مـا عمـر انفتـح حولـه سمـومٍ لاهبـه
ومصباح في جوفه مصب وبآخـره مليـون آآآآح =كم هو تشبّـع بالقصـص يـوم العيـون تراقبـه
واوراق كم صاحت هنا يوم الحبـر فـي استبـاح = تشكي علي صدر الورق هـم السنيـن الشاحبـه
اربع اعوام وغلطتـي ضاعنـه بطيـات الكفـاح = حلم سخيـف هزهـن والنفـس كانـت راغبـه
مـا باقـي الا زفـرةٍ تطلـع ويلحقهـا صـيـاح= تسمع بجوف الحنجره صمت الحروف الصاخبـه
يا طير .....قلي وش تبى؟ ...والله ماحولك صباح =دامك بقيـت بهالوجـود عـز الله انـك ناهبـه[/poem]


ولي عودة إن شاء الله

[poem=font="Simplified Arabic,4,purple,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
نزل سروج الخيل يا مسرج الخيل=قبل السلام وقبل رد التحيه
من علمك كذب الحكي والتهاويل =جاني وتتقن لعب دور الضحيه
ان كنت ضاري للخطا والبهاذيل= انا زعلت ولا قبلت الخطيه
السالفه ماهي سوالف تعاليل=السالفه صدمة خوي بخويه
اللي عقد روس الحبال المفاتيل=رجلٍ حشمته وابتلاني بليه
ماني شجاع ان قلت ابحط واشيل= ولاني ضعيف ان جبتها مشرهيه
بيني وبين الظلم حكم الرجاجيل=اما احسموها لي والا عليه
ان ماانصفوك الطيبين المشاكيل=ما ينفعك بالضيق راع الفضيه
الصعب صعب ولا يجي بالتساهيل= يفرق دروب الطيبه والرديه
جنب هدير السيل يا ناطح السيل=ولا تاكل لحوم المخاليق نيه
ياطير ابن برمان جر المواويل=جب الهجيني واتبعه سامريه
خل المساري عنك يا ساري الليل= لا تختلق لي من خيالك قضيه
انفض شليلك عن كلام المهابيل=العمر يمشي والليالي مطيه
الموجز اللي جاك قبل التفاصيل = يقول باقي للمعزه بقيه
وان جيتك افزع بالليال المقابيل=ما جابني غير الوفاء والحميه
كل شي بالدنيا يجي فيه تطبيل=الا. الشعر ماله مكان وهويه[/poem]

للشاعر

سعد المطلق

بنت الشوخ ربما بيت من قصيدة

او بيتين لا يعطون المعنى الواضح وربما يصير

ضد الشاعر لا لصالحه كما عرضتي في هذا البيت

للاخ منصور




ولاتساليني هل خلق ربي بعد حسنـك ((((((((عنـود)))))
يمكن ( بنات المملكة ) شمـوع لكـن طافيـه

؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[align=center][align=center]لاتخلو تجربة أي شاعر من شعراء غرابيل من القصائد المتميزة

وهذه المجموعة الأولى من القصائد التى أعجبتني

ولي عودة مرة أخرى ومع أسماء أخرى من شعراءنا المبدعين[/align]






[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يادار أنـا بـأسـألـك ويــن الـمـهـاجــر=اللي عـلـى الـفرقا طواريـه عجلـه

يا ليـتـني دون الـسـفـر صـرت حــاجـر=وإلا مـشـينا الـدرب رجــلي ورجلـه

ما مـلـت دمـوعــي ربــوع الـمـحـاجـر=واسـتـنزلت من بعد ماهـي بخجلـه

أحـسـهـا مـن فــوق خـــدي خـناجـر=وأدعي عسـى مـاراود الدمع نجلـه

الوصـل مـذنـب لـكـن الـبـعـد فــاجــر=ومشـاعر اللـي يـرجي الوصل وجله

وشـلـون هـو بـأسهم عذابي يتاجـر=هـذا وأنـا اللي مـرخـص العـمر لأجله

مـن يـم ربـي كـل مـا يــبـعــد آجـــر=ومن يــم قـلـبي ويـلـه وطـيَ سجلـه

يا شــوق مـن لقـيـاي كنك تضاجـر=وحـيـَـنـت لك ذود(ن) مـن العـام هجله

عشبك صفـقـه البعـد لـوهو مشاجـر=أمـطـر عـلـيـه بـوصـلك الـعذب واجله

ما شوه السـاعــد بـريـــق البـناجـر=ولامـات مـن زود الـظـمـا جــار دجـله

أغلى قصـيدي لأجل عينك تشاجر=مـا فـاز بـه غــيـرك ولا يـنـتـهــج لـه

للـمـهــد خـاط وللتوابيــت نــاجـــر=يـولــد بـه الـعـاشـق ويـلـقا بـه أجلـه

ليت الشفاء بنبعه مثل عـين هاجر=دامـه خـلـيـلي وأصـدق الـوجـد نجلـه

وياليت سـري تحت حـكـم الحناجر=لـكـن دمـوعـي تـسـتـبـيح الفـرج لـه [/poem]



أغلى قصيدي لــ أحمد بن ناحل



==========================================



[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

الفراق احيان يعني بأن للدنيا نهايه=والنهايه احيان تعني بأن فالدنيا فراق
وابتداع الشي يعني خطوةٍ نحو البدايه=واختتام الشي يعني خطوةٍ للأنغلاق
واتفاق الذوق يعني كلنا نفس الحكايه=واختلاف الذوق يعني عكس معنى الاتفاق
وللزمان احيان قلنا يا زمن تكفى كفايه=من هموم الوقت صرنا لا نجاه ولا غراق
وللوجيه الي تكلم كل ما غبت بقفايه=ما ألتفت ورب ناصر في علوم اهل النفاق
رافعٍ نفسي بعالي عن علوم اهل الوشايه=وشمسنا ماهي تغطى بسلك غربالٍ دقاق
ويا قصيدٍ ما كتبته غير من جرح بحشايه=مثل عود الطيب دايم ريحته بالاحتراق
ويا قصيدي ما رجيتك وانت ما انته في رجايه=بس لا مني كتبتك غصب يا شعري تساق
والحروف الي صعيبه فالكتابه والقرايه=تعني ان الشعر فارق ما يجي نفس السياق
القصيد ازهار والي شاطر بفن السقايه=يسقي الازهار حتى لا قطف له زهر لاق
فكر راسي لاكتبته ما يهوّد من عنايه=والخفوق الي تململ كل ما اْراضيه ضاق
والسبايب من هنوفٍ فالهوى والحب غايه=كل ما غابت شعرت فداخلي بالاختناق
مهرةٍ فيها قصيدي ما يهوّد من هوايه=كل ما اكتب بيت شعر احس بالشوق استفاق
باعدتنا ظروف وقتٍ ما تبي الا شقايه=الديار مفّرقتنا والمشاعر في وِفاق
صرت احس الوقت قاصد فيني يسوي نكايه=وان دمي من ظلاله صاير فحكمه مُراق
ياعنا بالله وشهي قصتك دايم معايه=ودي أعلن عن طريقك يا عناي الانشقاق
والله اني كل ما ازعل رحت اطالع فالمرايه=قلت يا وجهي تبسم.!! قال يا ناصر فراق!![/poem]



فراق لــ ناصر مطلق البقمي


===================================


[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
كل عام وانت بخير مني لك اهداء=تاصلـْـك؟ ماتاصلـْـك؟ مدري..! ولكن
قلب العنا يجبرْه شوقه على ابداء=مشاعره والحب منه مْـتِـماكن
الشوق كالمضمار والقلب عدّاء=وخط النهايه وصل من فيه ساكن
وانا انتهيت وبعد خلي هو الداء= لاهو بعيد ولا قريب أتـَماكن
عليه ولو يطلبني الروح فدّاء=ماغير أجر الآه ونّات واكن
دموع عيني عن أصاحيب واعداء=أضحك وهمي داخل الصدر ماكن
يطري عليه كل ماشفت انا الداء=ثاني حروفه ياقمر ليه داكن
باب الأمل واسع ولكن الاصداء=توحي بأن الوضع هادي وساكن
مابه جديد ولا قبل قلبي اسداء=نصح النصيح اللي على جنب راكن
يالله تزينها ويوصله الإهداء=ضاعت عناويني وجفتني الاماكن[/poem]



إهداء لمحمد بن ضاوي



================================



[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

ساح القراح وخافقي ضامي لنظم القافية = وعذراً لمن أنهى حكاية عشـق كانـت مؤلمـة

علة خفوقي لا ضما ما يشرب من السافية = مايرتوي إلا من اعماق البحور المظلمة !

ما الشعر الا بوح شاعر لمشاعر خافية = لكل شاعر نبضة ،، ومورده ،، ومعجمه

وانا الشعر عندي هواية .. والمشاعر دافية = لاعيب لاهو شق جيب ؟.. اخفي شعوري واكتمه

هاجوس فكري متهم .. بالإنتما للـ ( مافيه ) = ما الذنب ؟ / والشاعر .. ضحية لقريحة مجرمة

من ينتظر منيّ إجابة او شروحُُ ؟/ وافيه = بشره اني شاعر ُ .. كلي حقائق مبهمه

يضيع حـق المدعـي ... بـلا أدلــه كافـيـه = فلا شهودٍ يشهدوا .. ولا قرائن تدعمه

إله إلا الله .. حقًُُ .. بعد / لاء النافية = على الجمال .. الله أكبر .. في صنيعه .. ما اعظمه

أخت الظبا .. ذات الصبا .. ام العيون الغافيه = الكامل الله .. كامله .. فيها المحاسن .. أوسمه[/poem]


قريحة مجرمة لفهد محزم

=========================



[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]


يامسـاء الشهـد ياشهـد مسـائـي= ياهنـاء كـلـي ويـاكـل الهـنـا

ياهـلاكـي بالمحـبـة يابقـائـي= يامعنينـي وانــا كـلـي عـنـا

يامعلمنـي وانـا باولـى ابتـدائـي= إنـك انتـه بالهـوى هــذا انــا

إنت دائـي !! لا ولا حتـى دوائـي= إنت أخـر ليـل فـي عمـر الفنـا

وجهك أرقى مثل ( نكبات ) أصدقائي= وابتساماتـك لمـا أكـتـب سـنـا

وحبك أعنف كنه ( العطر النسائي )= لـو يمـر الـورد صفـق وانثنـى

وش اقول بوصفـك انتـه ياشقائـي= والصبـايـا رددت ( الله لـنــا )

معك مايوصل الى ( الدور النهائي )= لاريـهـام ولاخديـجـة او رنــا

(( أنت لو تمتمت في مقطع غنائـي= كـان حببـت المسامـع بالغنـا ))

كل لفتـة رمـش تستدعـي ولائـي= ارفع يديني واقول ( أنـت المنـى )

إيه أحبك واعترف لك مـن غبائـي= وانت ماتعـرف ابـد( رد الثنـى )

ليت في دنيا الهوى ( شرط جزائي )= كـان ماابعـدت والـعـاذل دنــا

كم انـادي لـك وتتجاهـل ندائـي= ياااامعذبنـي (( آمــا آن لـنـا ))

لاتحسب انـي بطبعـي انطوائـي= صرت كالمعدم بعـد عيـش الغنـى

(( مغتـرب ادري ولكـن انتمائـي= ثابـت ٍ ثبات اسيـوط وقـنـا ))

من رسمتك بالهوى خـط استوائـي= وقلت : حبك ( ايه الصعـب هنـا )

وانـا اتسـاءل ويمنعنـي حيائـي= عاشقـك بالله مـنـك وش جـنـى[/poem]



يامساء الشهد لـــ منصور الحربي


==========================================



[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
بالله إرجع شوف وجـه المدينـه=تبكي شوارعها من اسباب فرقـاك
حتى المباني من فراقـك حزينـه=لريح صوت ونبرة الحزن شبـاك
والليل بيـح فـي غيابـك حنينـه=ينشد نجومه وين طلعـت محيـاك
برد . وظلام . ودمعته وسط عينه=راح يتلمس فـي زوايـاه يمنـاك
كنه طفل غاب الفرح عـن سنينـه=يشتاق لك ويحـن لـك ويترجـاك
والشمس تطلع تسأل الليـل وينـه=تقطع خيوط الليل من شـان تلقـاك
تاقف وتمشي كنهـا لـك رهينـه=تمشي وتاقف في سماهـا تحـراك
ياصاحبـي صاحبـك الله يعيـنـه=محداً عرف وشلون حالـه بليـاك
عزيز نفـس ولارضـى بالغبينـه=البعد يغبن والغبـن كيـف ينسـاك
من زود حبك صرت دمعه بعينـه=يخاف لاتنـزل رجولـه توطـاك
حال الفـراق المـر بينـك وبينـه=يرمى حبال الوصل يمك ولا جاك
شاعر صدى حرفه يترجـم انينـه=يموت حيٍ لافقـد مثـل شـرواك
هاذا أنـا وجـروح قلبـي دفينـه=تعال داو جـروح بعـدك بلامـاك
هاذا أنا ودمـوع عينـي سجينـه=هـاذا أنـا ياصاحبـي لاعدمنـاك
إرجع بدونك بيـض الأيـام شينـه=ياخي حرام إ رجع ترى الكل يبغاك
بالله إرجع ضاق صـدر المدينـه=تبكي مبانيها مـن أسبـاب فرقـاك
[/poem]


وجه المدينة لــ عبدالناصر العالي





=========================================



[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
لا تعتذر يازين مليت الأعذار = ماعاد فيني ينفعن المعاذير
ياما تحملت القسى رغم ماصار= وياما قبلت العذر من غير تبرير
ياما سقيتيني من أنواع الأمرار= أصبر وأقول الصبر يقفى بتيسير
واليوم باح السد وأصبحت محتار= بين الأمل والظلم عايش بتقصير
جارح تغير بدل الدار بديار = أقفت خيول الحب عنكم مصادير
أقفت وتحمل واقع الخزي والعار= لا واخسارة يالليال المدابير
يوم أقبلت ترقص على نغم الأوتار= واليوم تبكي والدموع التعابير
لابد يذكرني على مر الأطوار = ويشوف حبي له من النسمة يغير
هذي حياتي قربها جنة ونار = راضي بتعذيبة ولا جنة الغير
الله يجنبها صواديف الأقدار = تعيش في فرحة ومن الفرحة تطير
أماني بحروفها شعت أنوار= وادركت من دونه على الكون مااصير
جارح تغير والهوى يعم الابصار= تشوف شين الوقت زرع ونواوير
روحي فمان الله والوقت غدار= وعهد الوفاء عندي بقاله تباشير[/poem]



لاتعتذر لجارح الكسر



============================================


[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الحب ما يفنيه غير التناسي=ولاينعشه يا كود همسه بهمسه
بعض البشر قلبه سواة الكراسي=مايحترك قلبه لو تزيد حمسه
لاينشغل فكره ولا به إحساسي=ولارافق الهاجوس لوكان رمسه
عزي لفكرٍزاد فيه العماسي=قام يتقلب فيه وازداد عمسه
سرى به الهاجس بليلٍ دماسي=ليلٍ سواة الكحل يابعدشمسه
أدنى له الهاجوس كل المآسي=لف الشريط وجاب عشره وخمسه
كنه صحى من حلم فاكر وناسي=وملخبطٍ مابين يومه وأمسه
أنا سواته صار فيني إلتماسي=ولايحتمل مخي ولوكان لمسه
أخذت فالهاجوس فصلٍ دراسي=وانا أكتبه وأقراه واعيدطمسه[/poem]


الكراسي لنياف العتيبي




===============================


[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
أحبك كثر مالدنيا تجور وفرقت خلان=أحبك كثر مالقمري يحن ويلحق اسرابه
احبك كثر مامالت على متون الهوا اغصان=أحبك كثر ما طفل ٍ منامه داعب اهدابه
أحبك كثر ما اخطيتي واقول آسف أنا الغلطان=ودور لك عذر يوفي قبل تبدِينه ابدابه
أحبك كثر ماغبتي كثر ما بالحشا نيران=كثر ما الهم في صدري يهيم ونوخ اركابه
أنا صحرا بلا حبك يموت ابهالشجر عطشان=أنا لوما قصيدي فيك اقوله ناري اولى به
إذا كلمـة ( حبيبي ) لك تهز لهيبتي اركان=اقول اليوم ياعونك وعزي كامل انصابه
أحبك حب ما حبه على مر الزمن إنسان=أحبك لو على موتي ... هلا بالموت واسبابه
( غرامك صار عنواني وانا قبلك بلا عنوان ) =مثل من ضيع اوطانه وضاع وضيع احبابه
ألا ياحبي الأول كفانا ما مضى هجران=تعالي وارحمي قلـب ٍ لغيرك ما فتح بابه
.[/poem]


أسطورة عشق لـــ فايز آل بذال



================================


[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

ننسى الغلط من واحداً ماعرفنـاه=ولا سفيهـاً في لقاه ابتلينـا
مانجادله لاصار وضعه بخصناه=من كلمة الرجال كلش يبينا
ان كرر الغلطه علينا نصحناه=باسلوب عصري مارفعنا يدينا
وان عادها بيشوف مالاتمناه=يقضي حياته كلها مانسينا
والشايب اللي كبرسنـه خبرنـاه=نصبر ولويلعـن حـدا والدينـا
تقدير اله ان كان حنا سفهناه=منقوود لامنا بحقه خطينا
يعني كلامه كننا ما سمعناه=لاصارناقص عقل طبعي رزينا
وخطاالرفيق انكان غالي دمحناه=يوماً لنا فالدهر واخر علينـا
ماتنتهي عشرةعمرمعه عشناه=سهم الصداقه كنزغالي ثمينا
ومن يفعل المعروف فيناشكرناه=ولااحتاجنامن قبل يطلب عطينا
في وقتنا ما فيه شي جهلناه=من كثر ما جتنا المصايب شقينا
مافيه درس الا ترانا درسناه =حتى قطعنا شكنا باليقينا
اليا فعلنا طيب عكسـه لقينـاه=واليااعتذرنا الشين حطوه فينـا
كلن على ماقيـل يرجـع لمجنـاه=ان طاب طبناوان تـردى مشينـا
هذا اختصار الوضع حناشرحناه=ويفهم علينا كل حراً فطينا[/poem]


لالاتوهق لــ سعد الحويماني





================================[/align]

[align=center]مشكووووووووووور بنت الشيوخ

طرح رائع وابداء جميل يعطي كلا حقه

تحياااااااااااتي[/align]

كل الشكر الوافي و الجزيل لك من القلب أختي بنت الشيوخ على هذه الإطلالة بفكرة ٍ أكثر من رائعة

,

,

,

,


لـ محمد الروقي


[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
العصر مع غيمة ومدة نظر عين=جاش الضمير ابما يكنه ويخفيه

اجمع بنات الحور يطلع سلاطين=والساس من راس السلاطين ابا ابنيه

مرجان مع لؤلؤ وعود ورياحين=ورجم(ن) مع الشعار للمجد راقيه

غادين ياسراية الليل غادين=القاف سهل الماء ليا جيت اسويه

ماني بمن يسرق من الخلق قافين=قافي ليا جبته تفننت والويه

ياذاك يالي قلت ما ودي اهين=الكذب سهل وزينته فضح راعيه
شي بدون اثبوت كومه من الطين=وليتك بيمناك الكريمه تساويه

يابوك حنا في غرابيل الاثنين=ماعندنا الا من يبيعه ويشريه

شعار من داني وعرف وقوانين=وانته بهت الحي وميتك باليه

الكذب كبه وانتبه كان لك دين=قدام احدك لين ثو بك توطيه

يابوك انا طيب وشاعر ما ابا الشين=وكلن على عرفه وعقله يقديه

هذي نصيحه جات واختر بثنتين=ترا الخطا يرجع على راس راعيه [/poem]




لنا عودة






,,,

اقتباس:

---

المشاركة الأصلية كتبت بواسطة محمد الروقي

بنت الشوخ ربما بيت من قصيدة

او بيتين لا يعطون المعنى الواضح وربما يصير

ضد الشاعر لا لصالحه كما عرضتي في هذا البيت

للاخ منصور




ولاتساليني هل خلق ربي بعد حسنـك ((((((((عنـود)))))
يمكن ( بنات المملكة ) شمـوع لكـن طافيـه

؟؟؟؟؟؟؟؟؟؟؟؟؟؟؟؟؟؟؟؟؟؟؟؟

---

الشاعر..محمد الروقي

البيت اللي ذكرته.. انا اضفت معه عده ابيـــــــات <<< اذا ماني غلطانه

ووضعت.. رابط القصيده كامـــــــله..


واشكركـ..




لاتساليني هل بقى للصبر فـي قلبـي حـدود
حرماني من ابسط حقوقي في حياتـي كافيـه
ولاتساليني هل خلق ربي بعد حسنـك عنـود
يمكن ( بنات المملكة ) شمـوع لكـن طافيـه
إنتي وجرح الذكريات وتاريخ لايمكـن يعـود
وطيوووف تأخذني اليك صرتوا عليّه ( مافيه )
تبعثريني كل مامـرت عيونـك فـي بـرود
وانا من اللهفة اقول ( يعطيك ربـي العافيـه )

فكره رائعه أختي الغاليه,,,,

والله يعطيكـ العافيه,,,

لـــي عوده,,,,, بإذن الله,,

ودمـــــــــتي

[align=center]اعقل مع العقّال واضحك مع الخبل[/align]



[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
المجتمع هذا يبي له محنّك = عاقل مع العقّال خبلٍ مع الخبل
شد الحبل إذا ارتخي الحبل منّك=ولا بد لا اشتد الحبل ترخي الحبل
وإذا تخالف شوف عينك وظنّك=خلك نبيل ولا تعدى على النبل
ما هوب لازم تنشد الناس عنّك=في موجز الأخبار مع ( ماجد الشبل )
ولا بد ما تعمل على قد سنّك=لا تندفع خلف المجانين والهبل
لا لا تعجل في خطاويك كنّك =مطرود في دمٍّ تقطع به السبل
خلك مبنّك لو منتب مبنّك=رزقك على اللي منشي المزن والوبل
ولا لا تحرى من عدوك يحنّك=النذل مذكوره سوابقه من قبل
وخل التواضع يا ابن الأجواد فنّك=ولا يجذبك من يقرع الدف والطبل
وكان الليالي من قساهن عطنّك=اصبر عساهن بأجمل ظروفهن حبل
والمجتمع دامه يبي له محنّك=اعقل مع العقال واضحك مع الخبل[/poem]


[align=center]للشــاعــر
أبـوعـبـدالرحـمن[/align]

متصفح عذب ..وافر ..زاخر ..

يعطيك العافية أختي العزيزة ..
لاشك لي عودة .

شكرا يابنت الشيوخ على هاذي الفكره عافاج الله ومشكوره


وهاذي قصيده الشاعر فهد الغرابي قصيده رائعه وتستاهل انها تشرف صفحتكم





[[frame="1 50"][poem=font="Simplified Arabic,5,black,bold,normal" bkcolor="transparent" bkimage="" border="none,4,black" type=2 line=1 align=center use=ex num="0,black"]
حـيــاك يـالـلـي جـيـتـنـي تقـصـرإخـطـاك = يــا مـالــك (ن) بـالــود مـهـجـة فـــوادي


حيـااااااك منـزلـك الحـشـاء كـلـه إحـمـاك = مـالـك شريـكـن فـيـه عـلــم(ن) وكـــادي


أطلب تجـد ..خـذ مـا بغيـت.. ألله أعطـاك = روحـــي وعـقـلـي والـخـفـوق أو ودادي


خذمـابـغـيـت ألـــــروح كــلـــه فــدايـــاك = خـذنـي مـعـك كـلـي غيوووووورإمـفـادي


خـذنـي مـعـك سـيــف ٍ تشـيـلـه بيـمـنـاك = خـذنــي مـعــك رمـــح بـوجــه الـمـعـادي

خـذنـي قـلـم مــا جــف حـبــره فـلابــواك = ينعـم عـلـى عــذ ب ألـحـروف الـجـدادي



خذنـي فـرح يطـرب عوااااااطـف محيـاك = خـذنـي عــن ألازعـــاج لـــك جـوهــادي


خــذنــي نــديــمٍ لا تـضـايـقــت ســـــلاك = خذنـي معـك لشعـاااااااال ضــوك زنــادي



خـذنـي ذرى عــن قــارص الـبــرد ذراك = خـذنـي لفـصـل الصـيـف ضــل وبــرادي


خـذنـي لبـيـض تشـبـه الـلــول مـســواك = خـذنـي لجـيـب الـثــوب مـســكٍ وكـــادي



خـذنـي مـعـك صـنـدوق خـافـي خـفـايـاك = خـذنــي دفـاعــك كـــان طـــال الـعـنـادي



خـذنـي مـعـاك أملـيـك واكتـبـك واقـــراك = خذنـي علـى ماتطـلـب النـفـس عــااااادي

خـذنـي مـثـل ماقـلـت .. يـانـا اتـحــدااااك = خـذنـي دخيـلـك دمــت غـايــت امـــرادي


خـذنـي مـعـك ماضـنـي الـوضـع يـخـفـاك = الـغــادي الـلــي قـــال انـافـيـك غــــا دي

خذني .. معاك..هناك .. وهناك..وهناااااك = ولا أاخــذك واخفـيـك داخـــل فـــؤا دي[/poem][/frame]!!

بصراحة
وبإختصار

كل ما قرأت
في غرابيل
رائع جداً

لكم تحياتي
وحيدالليل

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يامن تشوف الذل عقب الشجاعه=ان كنت ولد الذيب لاتاكل الذيب
اللي نزل بالقاع صعب ارتفاعه=لو ارتفع هبت عليه اللواهيب
وان كان ضاق الكون عقب اتساعه=لاتتبع المقفي بدار الاجانيب
حبل الوصل عيّا عليك انقطاعه=ياجاهلٍ بالغيب ماتعلم الغيب
ان عشت في عمرك ولو ربع ساعه=لابد ماتمضي عليك التجاريب
خلك على الشدّات سمعٍ وطاعه=ياللي تسدّ بمعضلات المواجيب
الفضل خلِّه في يدينك بضاعه=ان كان شفت العيب في شقة الجيب
ياللي على الصكات مالك شفاعه=سقم العدو اللي يدِك الصواعيب
تكرم عن اللي حشمته في متاعه=هرجٍ بلا فعلٍ كثير العذاريب
الليل لاتامن ضوراي سباعه=تلقى بها شكٍ وتلقى بها ريب
وان جا نهارٍ فيه ضيم ومجاعه=اهل النقا تاقف على منبع الطيب
وحنّا ترانا كلبونا جماعه=ماينكر الخَطار بيت المعازيب
اقضب عضيل الهم واكسر ذراعه=حتى تعلّك صافيات المشاريب[/poem]

لــ ملاك الشعر

[p5s][/p5s]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
والله غريبه كيف تصغـر بعينـي=هذا هو اللي ماحسبنا له احسـاب
خليتك اكبـر مـن بقايـا سنينـي=وظنيت فيك ولكن الظن بك خـاب
كنت احسب انك ماتفـارق يدينـي=حتى لو سنين العمر صارت اسراب
اول بعطفـك والغـلا تحتويـنـي=وتظمني مابين جفنـك والاهـداب
ان غبت تسهر ليلتـك تحترينـي=واليا تضايق خاطري منه تنصاب
واليـوم تتركنـي بهـمٍ دفيـنـي=وتحّـول الجـوال وتقـول كـذاب
لاوالذي مكّن بـك الحـب فينـي=من باعني بعته ولوكـان بتـراب
لاترجـي الرجعـه ولا تحترينـي=مليت من طبعك وانا خاطري طاب[/poem]

لعبدالله بن راجس

[p5s][/p5s]

اعقل مع العقّال واضحك مع الخبل

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
المجتمـع هـذا يبـي لـه محنّـك=عاقل مع العقّال خبـلٍ مـع الخبـل
شد الحبل إذا ارتخـي الحبـل منّـك=ولا بد لا اشتد الحبل ترخـي الحبـل
وإذا تخالف شـوف عينـك وظنّـك=خلك نبيـل ولا تعـدى علـى النبـل
ما هوب لازم تنشـد النـاس عنّـك=في موجز الأخبار مع ( ماجد الشبل )
ولا بد ما تعمـل علـى قـد سنّـك=لا تندفع خلـف المجانيـن والهبـل
لا لا تعجـل فـي خطاويـك كـنّـك=مطرود فـي دمٍّ تقطـع بـه السبـل
خلـك مبنّـك لـو منتـب مبـنّـك=رزقك على اللي منشي المزن والوبل
ولا لا تحـرى مـن عـدوك يحنّـك=النذل مذكـوره سوابقـه مـن قبـل
وخل التواضع يا ابن الأجـواد فنّـك=ولا يجذبك من يقرع الـدف والطبـل
وكان الليالي مـن قساهـن عطنّـك=اصبر عساهن بأجمل ظروفهن حبـل
والمجتمع دامـه يبـي لـه محنّـك=اعقل مع العقال واضحك مع الخبـل[/poem]


لأبو عبدالرحمن
[p5s][/p5s]

آه ياضـيـق الـصـدور .. وآه ياكـثـر الـطـعـون


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
آه ياضيـق الصـدور .. وآه ياكثـر الطعـون=في زمـانٍ فيـه حتـى كلمـة أسـف ماتفيـد
الخطاء ضيفٍ تسكـع بيـن يمكـن / أو يكـون=لين قلنا .. مرحبا وأهليـن فيمـاً .. لا.. نريـد
قال من بـاب الميانـه / قلـت ياعمـي تمـون=قال ياااطيبك .. ولي فـي طيبتـك مغـزا بعيـد
قلت ..لا لا .. مايصير .. الضيف لا يمكن يخون=وانت مرسولٍ من الغالـي ولـو باسـك شديـد
لكن اسلم لـي وسلـم .. لا وصلـت ابـو ....=ثم قلـه ماهجيتـه / ...لا .. رثيتـه بالقصيـد
من سنه وأنا مهوجس .. بين / شكي / والظنون=لين طلت شمس صبحي .. واشرق العلم الأكيـد
قلـت إن المـوت حـق .. وكلنـا لذائـقـون=سكرآتـه لا تغلغـل .. بيـن شريـان ووريـد
وكلنـا مـن هـذه الدنيـا .. لحقـاً راحـلـون=ولا إلـه الا الله .. المعبـود واحنـا لـه عبيـد
ومؤمن (ن) إن البشر .. يوم القيامـه يبعثـون=ومن عمل للأخره فـي دنيتـه .. هـو السعيـد
وأن بالأثنيـن ترفـع .. حسنـات الصالحـون=للإ لاه الواحـد المعبـود ..ذو العـرش المجيـد
وأن أعمال العباد .. الحاقـدون .. المبغضـون=ترجع اليا مـن كـلٍ .. يلعـن ابليـس المريـد
وأن / إن / وأن / إن / همزه / الف / واو / نون=يعني يكفـي ماسبـق .. او اليكـم .. بالمزيـد[/poem]

ومــــــــع



[poem=font="Simplified Arabic,5,red,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
مع ضجيج الناس شفت .. شايبٍ يمشي بهون=حزن / ممزوج بوقار..! قال لي أرجوك عيـد[/poem]


؟؟ قلت



[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
قلت .. يااااضيق الصدور .. وآه .. ياكثـر الطعـون=فـي زمـانٍ فيـه حتـى .. كلمـة آسـف ماتفـيـد
إن قرينـا / ماكتبنـا... وان كتبـنـا / يمسـحـون=وان ركضنا / ماوصلنا .. وان وصلنا / وش تريد..؟
وان حكينا / ما أحد يصمت .. وان صمتنا / منطووون=وان عطينـا / ماعطينـا .. لا رصيـد / ولا رصيـد
وان شكينـا قالـو إنــا .. شـعـراء وهائـمـون=يتبعنـا كـل غـاوي .. والغـوى دربــه مـديـد
والآلم / يجتـاااااح رجـلٍ .. دمـع عـزه مايهـون=له مقـام / ولـه مقـال .. وعـن دروبـه مايحيـد
مايهمـه .. مايهمـه .. فـي غيـابـه يفـرحـون=حكمته في هالحياه .. ( فراق بعـض النـاس عيـد )
وصفق الشايب .. وقـال .. آآآه.. ياكثـر الطعـون=من ولييييد .. وطاح يبكي .. قلت / ( لا ) ياابو وليد[/poem]


_____________________
عايد السميري

[p5s][/p5s]

تدري



[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
تدري وش اللي عذبـك فـي حياتـك=احساسك انك اجمل الكون والناس
تــدري غــرورك صــار أبــرز صفـاتـك=خطـرٍ غـرورك يمنعـك تأخـذ أنـفـاس
ضيعـت عمـرك مـا وصـلـت أمنيـاتـك=خلك على ما قلت ما تحني الـراس
اســم الكـرامـه مــا تعـانـق بـذاتـك=انا اشهد انك عايش بدون احساس
لا صـــرت تـتـكـبـر وبــانــت رداتــــك=مـا ظنتـي تلقـى بهالـكـون جــلاس
اغـرب زمـن خلالـك ترمـي حصـاتـك=مهما رميت الناس لـك يـوم تنـداس
كانـك علـى مـا قلـت زيـن بحـلاتـك=وش ينفعك زينـك بـلا عقـل وقيـاس
تـرى القمـر صعـب يسـوي سواتـك=هذا وهو نوره يغطـي علـى النـاس[/poem]


لـــ خالد المبيريك

[p5s][/p5s]

جولان الخصوبه


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
آه من نزف الجروح القلب زادت به لهوبه= وآه كلمة آه وش هي غير تخدير القضية
يضرب المحتل غزة ثم جولان الخصوبة=والعرب باقي تناشد أمة الكفر البغية
أعلنوها في ملاكم وابشروا بقوم ٍ صعوبة=ناس ما تضرب حساب الموت ترجي للمنية
ذروة الدين الجهاد وكلنا يبغى يجوبه=ودنا بتأديب كلب ٍ حرك أفراد السرية
لو عرف تاريخ مجدي ما تمادى في خطوبه=بس صاد الكلب ناس تسانده بالمدفعية
والعرب تشجب تندد ما تبا تحذف بطوبة=حتى فالموقف ضعيفه زادت البلوة بلية
وإن لفى كلب ٍ يبيهم قابلوه ورحبوبه=يشرحون الوضع عنده راحت الأنفس زكية
البلى إن العُرْبْ دايم في شقاق وفي نشوبه=وإن تلاقوا وش وراهم غير شرب الشاذلية
الأمل فالله كبير وثم في صقر العروبة=فيك يا صقر العروبة عارفين النار حية
أنت بعد الله للي ضايع ٍ فكره وصوبه=يا بدوي ٍ يعربي ٍ يا لسعودي يالحمية
والسبب كل ٍ يشوفه وين جولان الخصوبه=تشهق الأنفاس تزفر تصفق يديه يديه
ولانبى نخذل جوير ٍ أعلن فداره نكوبه= بيت واحد فالقصيدة يشرح الوضع الزرية[/poem]

لمحمد السفري
[p5s][/p5s]

كل وردة تطلبك تكفين آنا ...... واللي يرحم والدينتس أقطفيني...!



[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياللي دايم عن شعـوري تسألينـي=قبل اجاوب يافلانـة جاوبينـي؟؟!
ليه مااحبك وانـا ميّـت بحبـك؟!=واللي مثلك عارفة يانور عينـي..!
لـو بحـط الغيـد بالعالـم بكفـه=وانتـي بكفـه بقلبـي ترجحينـي
مانـي بشاعـر لأنـك شـاعـرة=أكتشفت انـك بشعـري تكتبينـي
كل بيتاً فيـك قلتـه عـن روايـة=في عيون الناس لكـن سامحينـي
ماقدرت اوصف جمالك بالقصايـد=شوفي نفسك عند غيرك واعذريني
دايم الحالك ومالـك لـو صديقـة=كـل حلـوة قابلتْـك بفارقيـنـي
تقلبين الزيـن شيـن بكـل حفلـة=اللي صارت بوش واللي موسوليني
مازعلت انك ماجبتـي لـي هدايـا=وانتي لي كـل الهدايـا صدقينـي
يعني لو شفتي ورود وقلتي اقطف=قلبـك حنّيـن وصعبـاً تقدرينـي
يعني هذي والا هذي جـد صعبـة=من حلاتك ينحنـي لـك ياسمينـي
وكـل وردة تطلبـك تكفيـن آنـا=واللي يرحم والدينتس أقطفينـي..!
والله انـي لاتذكـرتـك لحـالـي=وقتها مدري وش اللي يصير فيني
ليتها ايـام الطفولـة بـس ترجـع=يوم كنتـي بالصبـاح اتصّبحينـي
واطلع العب معْك ماغسلت وجهي=وان رجعت هواش الاهل ابيحتريني
اسرق العابك واصيح بكل صوتـي=اتحـدااااااا يافلانـة تلحقيـنـي؟!!
وان مسكتيني طلبتك فـي بـراءة=أتركينـي أتركيـنـي أتركيـنـي
أثرني بنعمة وانـا ماكنـت داري=واحسافة ما مضى لي من سنينـي
لو أشوفك يوم من قلبـي بانـادي=احضنيني احضنينـي احضنينـي
وهذي العابـك ودبدوبـك ماابيهـم=ماابي غيرك انـا اشقانـي حنينـي
ياللي دايم عن شعـوري تسألينـي=وآنا احبك موووت وانتي نور عيني[/poem]


لفايز ماجد
[line][/line]


لعنة الله على بوش الابو والابن



[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لعنة الله على ( بوش ) الابـو والابـن=ناصريـن اليهـود وقاهريـن العـرب
مـن ردانـا حثالـه وكلونـا تـبـن=كل ما نطلب الانصاف قالوا ( شـرب )
اول رجـال كلـن فـي حمانـا زبـن=وتالي الوقت مابه مـن يفتتـل شنـب
يا الاجاويد من منكـم يطيـق الغبـن=هل لنا في صداقـة مثـل ذولا سبـب!
مـا ادري اسكاتنـا تاييـد والا جبـن=من يجاوب سوالي يا زمان العجـب ؟
همنـا ناكـل ونشبـع ونشـرب لبـن=همنا نلعـب الكـوره ونسمـع طـرب
انظر ثيابنـا طالـت يبـي لـه خبـن=انظر صحوننا مصنوعتن مـن ذهـب
انظـر لعجزنـا كـم فقـدن وندبـن=انظر شيوخنـا عنـد اليهـودي لعـب
دوك شيماتنـا طفـلات كـود يحبـن=صارت سيوفنا من عقب ( خالد ) خشب
السقيطـات ناتيهـن علـى مـا يبـن=وان نخت واحدن منـا شريفـه هـرب
افتخر بس في ديني ومـن لـه ابـن=المصيبه انا محسوب ضمـن العـرب[/poem]

لــــ أحمد الجريفاني
[p5s][/p5s]


ليته سألني



[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
البارحة ليلـي مـن الهـم طايـل=من ضيق صدري كنه شهور وسنين
والدمع من عيني على الخد سايـل=ماطاب لي نومٍ ولا غمضت عيـن
كله عشان اللي عمل بـي عمايـل=أنشهد إنه شب في القلـب ناريـن
سافر عن عيوني وشـد الرحايـل=راح وتركني بس مدري على ويـن
ورانـي نجـوم المسـا فالقوايـل=بالبعد والهجـران والصـد والبيـن
حاولت أوصل له بشتـى الوسايـل=ماشفت له ديرة ولا ايّـة عناويـن
وكل ما أتصلت وشاف رقم الموبايل=طنّش وإلامن رد يسأل هلا ميـن ؟
الله وأكبـر يـازمـان الهـوايـل=بعد الوفا والوصل صرنا غريبيـن
لاجيت بأنسـى ذكرتنـي الرسايـل=وبعد الهدايا والصـور والدواويـن
المشكلة إنـه علـي حيـل شايـل=وكله تحت راس الوشاة الملاعيـن
وشلـون صدقهـم بليـا دلايــل=وشلون يسمع بي هروج العذوليـن
ليته سالني قال ويش أنـت قايـل ؟=ولا عتب منـي عتـاب المحبيـن
عشان اقول ويصبح الشـك زايـل=وأعلمه إنـا علـى العهـد وافيـن
ياصاحبي مهمـا تحـول الحوايـل=ابقى معك دايم على الشين والزيـن
ماني من اللي لاغدى الوقت صايل=يبعد ويقرب لاغدى الوقت به ليـن
مهمـا أسـوي أو اقـدم جمـايـل=ما أنتظر من شخص ابد ردّة الديـن
وحظي كذا دايم على طـول مايـل=من صغر سني ماهو بس توه الحين
في ذمتـك بسالـك هـذا فعايـل ؟=هذا وحنـا فـي المحبـة حبيبيـن
في حبكم شيبـت ماطلـت طايـل=يالعنبـو ذالحـب ورانـي الشيـن
كلن تزوج صـار عنـده عوايـل=وأنا بأمل رجعتك عايش من سنيـن[/poem]

لــ حزين الحرف
عبد الرحمن سعد الدوسري
[p5s][/p5s]

ليــــه يمـــــــه ؟

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يسألوني ليه يمـه فيـك شعـري ماكتبتـه=وش يقول اسألك يمه من فقـد دنيـاه لمـه
حملوني فيك يمه ذنب ما عمـري ارتكبتـه=ضيعوني ضاع طفلك يوم رحتي وزاد همه
مات حظي من رحلتي مات مبطي واحتسبته=ما يعيش ايام يمه من جرع بالكـاس سمـه
كنت طفل ٍ من هموم وزادت الأيـام كبتـه=ويوم شب وشد عوده مالقى صدر ٍ يضمـه
كنت قبل اليوم زرع ٍ يعجب الـزراع نبتـه=وصرت يا يمه هشيم ٍ مالقـى منهـو يلمـه
بختصار الموت شفته ليت بيدينـي قضبتـه=والله اني حيل اضمه وان رضا فيني لزمـه
لو على كثر التوجد لو على دمعـي سكبتـه=لو يردك لي بكيتك من صميم الروح جمـه
لو على شعري كتبته لو على عمري وهبته=لو على الكلمات يمه لشرقه حرفـي بدمـه
للحزن عندي مرابع والشقى لنفسي نسبتـه=سمني جاير زمانه.. لا .. زمان الجور سمه[/poem].

لفايز البذال
[p5s][/p5s]

من لايطولك يالعنب// خله يقول اللي يقول


[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
كل الغرور اللى سكن /ياهل الهوى ريم ٍ جفول=طبع الغرور اصلا كذا /يكره يخـاوى غيرهـا
اعشق سواليف الدلع/ يالله عسى عمره يطول=يالله طلبتـك يالولـي/ دنيـاه وره خيـرهـا
من حقها لو تفتخر/ بانجازها عرض ٍوطـوول=يحق لي اكتـب لهـا /ابيـات شعـر تثيرهـا
مادام الاسهم خاسره/ تعلن نسب دايـم نـزول=سهم ٍقيادي تعتبر/ في كـل خطـوه اتسيرهـا
من لا يطولك يالعنب/ خله يقول اللـي يقـول=من لا قرا حرب البسوس /وشلون يعرف زيرها
وانتي تعرفين البشـر /تتشابـه الا فالعقـول=فيها اختلافٍ بينهـم /عنـدك تـرا تقريرهـا
شمس الحقيقه واضحه / لو حاولوا فيها تزول=كل الحقائـق ثابتـه/ لـو جربـوا تزويرهـا
ياهاجساً في خاطري / لك مدةٍ وانته تجـوول=بلغ عنـود ٍ غاليـه /بالفكـر حايـم طيرهـا
اكتب لها ياكاتبه /في عامنـا اربـع فصـول=وانتي حروفك نـادره / زي العسـل تعبيرهـا
هاذي مشاعر صادقه /ماتعتبر منـي فضـول=هاذي تحيه من سعد /منكـم نبـي تمريرهـا
منك السموحه لو حصل/ فيما كتبنالـك ميـول=كتبتها علـى عجـل/ واسرارنـا فـي بيرهـا[/poem]

لسعد الحويماني
[p5s][/p5s]

الطير

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يتوق قلبي كلما شفتلـي طيـر=سبحان رباااا بالجناحيـن بـره
ياليتلي مثلـه جناحيـن واطيـر=أزبن سماه أن ضاق بي يوم بره
أبغي ليا صفت همومي طوابيـر=وقامت هواجيس الشقاوي تفـره
وأحتارت الاقدام ماتقبـل السيـر=ولاعادلي فى الارض مقعد وقره
كفخت اباري للسحاب المزابيـر=اللي غشين الوسم منهـا تثـره
أسبح بجواا ماوطـوه المداويـر=جو الفضاء اللي مالقي فيه جره
خل الثراء للي عيونـه مطاييـر=اللي غداء لحطام دنيـاه صـره
فى الطيب وعلوم النشاما معيثير=والاالردى والهون عنـده مقـره
رفقة ضعيف النفس للعمر تقصير=لوهو رفيقك ماورى اللاش سره
والوقت ذا كلاااا غدا شيخ وآمير=وقتاااتساوى فى بـراده وحـره
يالله دخيلك مابقى فى الزمن خير=عزي لمن يرجى الليالى تسـره
الدائـم الله والليالـي مدابـيـر=ومصيرنـا واحـد ولازم نمـره
الله يكافينـا صـروف المقاديـر=عفوك وحل بيني وبين المضـره
في موقفااا مااحداايقدم معاذيـر=يبيـن ماسويـت لـوكـان ذره[/poem]

لناصر السبيعي
[p5s][/p5s]

لالاتوهق

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ننسى الغلط من واحداً ماعرفناه=ولا سفيهـاً فـي لقـاه ابتلينـا
مانجادله لاصار وضعه بخصناه=من كلمة الرجال كلـش يبينـا
ان كرر الغلطه علينا نصحنـاه=باسلوب عصري مارفعنا يدينـا
وان عادها بيشـوف مالاتمنـاه=يقضي حياتـه كلهـا مانسينـا
والشايب اللي كبرسنه خبرنـاه=نصبر ولويلعـن حـدا والدينـا
تقدير اله ان كان حنـا سفهنـاه=منقوود لامنـا بحقـه خطينـا
يعني كلامه كننا مـا سمعنـاه=لاصارناقص عقل طبعي رزينا
وخطاالرفيق انكان غالي دمحناه=يوماً لنا فالدهر واخـر علينـا
ماتنتهي عشرةعمرمعه عشنـاه=سهم الصداقه كنزغالـي ثمينـا
ومن يفعل المعروف فيناشكرناه=ولااحتاجنامن قبل يطلب عطينا
في وقتنا ما فيه شـي جهلنـاه=من كثر ما جتنا المصايب شقينا
مافيه درس الا ترانـا درسنـاه=حتـى قطعنـا شكنـا باليقينـا
اليا فعلنا طيب عكسـه لقينـاه=واليااعتذرنا الشين حطوه فينـا
كلن على ماقيل يرجع لمجنـاه=ان طاب طبناوان تردى مشينـا
هذا اختصار الوضع حناشرحناه=ويفهم علينا كـل حـراً فطينـا[/poem]


لــ سعد الحويماني
[p5s][/p5s]


مني تحيه للمديره والابلات

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
منـي تحـيـه للمـديـرة والأبــلات=والمدرسـة وأيضـاً عمـوم الــوزاره
أنـا احمـدالله يـوم جـات الشهـادات=نجـح وليفـي مـا طلـع بالخـسـاره
أخـذ علـى كـل الفصـول أمتـيـازات=وأخـذ بـعـد تقـديـر عـنـد الأداره
والشكـر والتكريـم واسمـى التحيـات=ومـع الهدايـا قدمـو لــه ســواره
ويوم استلم وزع على الحفـل ضحكـات=وكـل دعـى لـه فـي منـاه ومسـاره
وساعة لقيت أسمه على صفحة ( الشات)=(وفـلان) أرسلـى مـن العلـم شـاره
فزيـت فـزت مـن غـدا ذوده اشتـات=حافـوا عليـه القـوم واخلـو ديــاره
ومن الفرح دمعي علـى الخـد زافـات=يشـدي تخابيـط المطـر فـي قــراره
وناديـت بأسـم مـورد الخـد مــرات=مبـروك ياللـي فـي رموشـك عطـاره
يازيـن حبـك مـثـرٍ فــي سـجـات=أبـي يميـن الـدرب وأعطـي يسـاره
إليا أختليت او صـرت وسـط البنايـات=ولا استويـت اسـوق جـوف الغمـاره
ولا مشيـت مـع الطـرق والمسـارات=ولا أوقفتـنـي فالطـريـق الاشــاره
طيفـك ملازمنـي مـدى كـل الأوقـات=حرقتنـي حـرق الشـخـط للـزقـاره
وأنا ولا أقبـل فيـك يالتـرف سومـات=لو هم عطونـي فيـك عشريـن أمـاره
أنت إختيـاري عـن جميـع الخيـارات=يــوم إن كــل راحـتـه فختـيـاره[/poem]

لمحمد السليس
[p5s][/p5s]


[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
انتهـى حبـك وراحـت كـل كلماتـي العذّيـه=ما بقى لك في خفوقي غيركلمـة ( لا ) و ( آه )
كنت فيني مثل نبضي ,, مثل مجرى الـدم فيّـه=عشق ( أمل عبدالعزيز ) وكـل هالعالـم فـداه
كنت أقول إنك هديّه وإنـك أغلـى مـن هديّـه=للأسـف قلبـك تنكّـر للخفـوق اللـي رعـاه
وكنت ما أعـدّك بقلبـي أنـت والعالـم سويّـه=وكنت ألبّي لا سمعتك ما اذكر أني قلـت : هـاه
لين شفت جروح قلبي من طعـون الغـدر حيّـه=من حبيبٍ كنـت أشوفـه سـور قـدّام العـداه
السعادة مـن نصيبـك والحـزن مكتـوب ليّـه=قلبي اللـي لاجـل حبـك يرمـي أحزانـه وراه
لا تقـول إنـي غبيّـه الغـلا مـا بـه غبيّـه=الغـلا لا زار قلـبٍ ياخـذ عروقـه مـعـاه !!
قلت لي من عام : ( والله فيك ما احتاج لوصيّه )=وأنت ناوي بالخيانة كيـف تحتـاج لوصـاه ؟!
الخيانـة فـي عروقـك وألا أنـا دايـم وفيّـه=وكـلٍ يعامـل حبيبـه مثـل مـا ربـي حبـاه
هاك صورة من جروحـي لا سـلام ولا تحيّـه=بس شفها وأنت تدري عن خفوقـي وش بـلاه
والكلام اللـي بقلبـي لا تحسـب أنّـه شويّـه=للجروح أحيـان كلمـة مـا توصلّهـا الشفـاه[/poem]
[poem=font="Simplified Arabic,4,teal,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ألف شكراً ,, كنت خاين عاش في قلب أجوديّـه=درس من ضمن الدروس اللـي تعلمنـا الحيـاه[/poem]



أمل بنت عبدالعزيز

هذا بعضُ مما لدي,,,

والله شعراء غرابيل مميزين.... وجميع أشعارهم تعجبني لي عوده.... بإذن الله ببقيّة القصائد التي حفظتها في جهازي,,,

ودمــــــــتم

align=center]

رائعه يا بنت الشيوخ وراااائع موضوعك


اعتقد بأنه سوف يضخ المزيد من الدم في شرايين قسم النبطي

طبعاً غرابيل يزخر بنجوم القصيد بلا شك

وما دام انه يحتم علينا اختيار فأختار لهذا اليوم فقط قصيده لأخي لخلف العنزي


ولي عوده بالمزيد من درر شعراء غرابيل


البنفسج
.
.
.
خذيت قلبـي يابنفسـج وصديـت
,,,,,,,,,,,,,,,طال الغياب وطال مـدّ انتظـاري
لا ياطويل الرمش انا كلي افديـت
,,,,,,,,,,,,,,,سود العيون اللي تحلـي نهـاري
معك من الاول وانـا لـك رديـت
,,,,,,,,,,,,,,,رديت مجبر في طريـق اختيـاري
كل الدروب بوجهي اليوم سديـت
,,,,,,,,,,,,,,,,وانا لك يابنفسـج اليـوم سـاري
ياما صرخت بحروتك وانت قفيّـت
,,,,,,,,,,,,,,,,,اطرد سرابك وانـت ياليـت داري
ارويت قلبي في غرامـك وجفيّـت
,,,,,,,,,,,,,,والقلب امسى في قرار احتضـاري
ادري_ بنفسج_ودك تقول ناديـت
,,,,,,,,,,,,,,,,,وانا اتلوّع فـي دروب المسـاري
ياما نصحت القلب عنك من امسيت
,,,,,,,,,,,,,,,,ماطاع نصحي واتخذ لـي قـراري
شميت عطرك يابنفسج وصديـت
,,,,,,,,,,,,,,,,,ورديت مجبر في طريق اختيـاري
[/align]

وهذه الفاااتنه لشاعر سوريا الأول

اخي الغالي شاعر الشام

اسعد الروابه


[frame="1 80"][align=center]

واللـــــــــه مامليت..لكن تململت
--------------- مثل الذي توّه صحا.. من منامه




وناديت...وينك ردّ لي ليه طوّلت
--------------- وردّ الصدا لي يا دموع الندامه




كلمةعتب مدري انا غيرها شقلت
--------------- حتى تجازيني........بصد وملامة




لو شفت حالي بعد هجرك تهوّلت
--------------- ارجع..تصير النار.. برد وسلامه




انا على عهدي معك... ما تحوّلت
---------------- تعاال طيّب خاطري .... بابتسامه




البارحه من حرّ ما بي ... تخيّلت
--------------- جرحي غصن زيتون وانت الحمامه




وناظرت يمّك.. من بعيد وتمثّلت
---------------- وجهك... وقلبي ممتلي بالملامه




وجرّيت ونه..من خفا روحي وقلت
--------------- يا ليت لي عيون ( زرقا اليمامه [/align]



وللجميع صادق الود[/frame]

اعود لكم :


سعد الحويماني

[poem=font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
شيخٍ حكم ياناس بالظلم واجحاف=ياكل حرام ولا يسده معاشا
هاذي معاني بين وقفه ومحراف=من شاعرٍ بالجزل يعطيك كاشا
صعبٍ تحللها ولو كنت صياف=حتى لو انك كنت ناقد وباشا
نايف ترا عند العرب صار نياف=قاحص عقب موته توفى رشاشا
عمرك سمعت بتاجرٍ بس خواف=خلا القيادي عنه واخذ الخشاشا
ولا مكينه تشتغل دون حذاف= مع سايقٍ موتّرَه بارضٍ عكاشا
او ددسنٍ فالخط تسبق لها هاف=فوقه شجاع افذل مايوم عاشا
النيل في مصر العروبه والارياف=وشلون اهلها بس 00ماتوا عطاشا
هاذي ثماثيلٍ على راس مشراف=دبلجتها من شان طاشٍ وطاشا
ماهي طلاسم سحر كاهن وعراف=هاذي حقيقه جتك مني بلاشا
بعض البشر ودك على طول ينشاف=والبعض الاخر ودك انه تلاشا
ماكل شاعر لاكتب يتقن القاف=الفرق واضح بين جزل وهشاشا
ولا فيه رجلٍ قرمٍ حلحيل عراف=فالمخطيه مع خبل يقبل نقاشا
ترا الرجال اشكال والوان واصناف=الثلث طيب بس ثلثين لاشا
لا لا يغرك زين ملبوس واوصاف=ولا كلامٍ حلو فيه انتعاشا
تر اكثر الاصحاب يافلان تنعاف=في حاجتك لا احتجت عنٌك تحاشا
عليك باللي يحتمي كل ميقاف=وان عودت للهوش تلقاه شاشا
واحد ولكنُه يساوي له الالاف=ماصاحبك من شان يلقى اعراشا
اليا نصيته ضيف عينه لك لحاف=والعين الاخرى حطها لك افراشا
الشطر الاول فالقصيده على اف=والعجز فيها مايجي غير اشا
صرفتها من مركزٍ فيه صراف=ان ما اخلفتك اليوم جاءك ارتباشا[/poem]


فايز البذال

[poem=font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أحبك كثر مالدنيا تجور وفرقت خلان=أحبك كثر مالقمري يحن ويلحق اسرابه
احبك كثر مامالت على متون الهوا اغصان=أحبك كثر ما طفل ٍ منامه داعب اهدابه
أحبك كثر ما اخطيتي واقول آسف أنا الغلطان=ودور لك عذر يوفي قبل تبدِينه ابدابه
أحبك كثر ماغبتي كثر ما بالحشا نيران=كثر ما الهم في صدري يهيم ونوخ اركابه
أنا صحرا بلا حبك يموت ابهالشجر عطشان=أنا لوما قصيدي فيك اقوله ناري اولى به
إذا كلمـة ( حبيبي ) لك تهز لهيبتي اركان=اقول اليوم ياعونك وعزي كامل انصابه
أحبك حب ما حبه على مر الزمن إنسان=أحبك لو على موتي ... هلا بالموت واسبابه
( غرامك صار عنواني وانا قبلك بلا عنوان ) =مثل من ضيع اوطانه وضاع وضيع احبابه
ألا ياحبي الأول كفانا ما مضى هجران=تعالي وارحمي قلـب ٍ لغيرك ما فتح بابه[/poem]

أحمد الثبيتي

[poem=font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

ياعسانى فدوتن لعيون خلى ياعسانى=وياعسى كل الخلايق فدوتن لعيون خلى

وان طلبته حاجتن خلى من الفرحه عطانى=وان بغاله شى منى كيف انا ماجيه كلى

بانين قصرن مشيد عامرن بين المحانى=حالفن بين المحانى غير زوله مايحلى

اخذه كل المراتب فالجمال وف تفانى=صاينه ادروب المحبه لاتخون ولاتملى

والله انه مايغير حب خلى مودمانى=دام خلى فالمحبه والمشاعر مخلص لى

الملاحه لياسكت والياهرج عذب السانى=صوته لمنى سمعته كيف من صوته اكلى

ماطوانى فالصبايا مثل خلى ماطوانى=طاوين قلبى حبيبى مثل مايطوا السجلى

والامانى لوتشاور وش تبى هات الامانى=اتمنا الغالى اللى فى عيونى جايزلى

ماتسمع فى كلام اهل النمايم والطمانى=عارفن مقدار حبه فى ضميرى مستقلى

ان نسانى مانسيته وان نسيته مانسانى=حافظين العهد كله والمحبه ماتقلى[/poem]

فايز بن ماجد

[poem=font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تبخل عليّه بترويقه..!=من ريقك العذب يارايق
ينخاك منهو نشف ريقه=وابيشربك ليه متضايق..؟؟!!
مدام انا وانت عشّيقه=ترا التغلي مهو لايق
باب الوصل ليه تغليقه=ماغير من خلفه اتوايق
امحالك اسرع بتحقيقه=لااتحط من بيننا عايق
مجنون حبك بتوهيقه=مبيوق من حسنك البايق
تكفى ابي بس تذويقه=بــ اسكر بريقك وانا فايق
أحلى مزاجاً وترويقه=مير البلا ماانت لي رايق[/poem]

عبدالرحمن بن صباح الفاضل

[poem=font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

جرحك اللي فيني والله العظيم=ياما فزز عينــــي من لذة منام
اسهره حلــــمٍ بنيته من قديم=واتحشاء دمعة عيوني حرام
اااه ياهم ارتكز فيني صميم=من قديم لحاظر للبكرى يدام
خوتة تشرى برجالٍ حشيم=مانسى حق الصديق المستقام
كيف وانت اللي بسجاتي عليم=وتعلم ان الحب من دونك هدام
يعني واللي يحيي عظام الرميم=ان في قلبي غدى حبك وسام
انت مثل اللي رسم ضحكت يتيم=بعد مابيـــّح دمـــــوع بلا كلام
او مثل نورٍ كشف ليلٍ عتيم=ماتورا يدي بوســط العتام
ياعسى الله يحفظك لي ويديم=وياعسى من لامني فيك العدام
ايه ابيك وانت درب المستقيم=من عيوني فيك نضراتي حمام
طايـــــــره وياك حراسٍ خديم=تامرٍ وامــــــرك البيه اهتمام
دام احبك وانت لي اغلا نديم=اطعن ولاتاوي برماح وسهام
ماشغلني عن هواك اوصاف ريم=وان حصلي منك يكفيني سلام
وتدري اني يابعد كلي كريم=في هواك ولو بغيت لألف عام[/poem]

نياف العتيبي

[poem=font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

المشكله من نارها والثلجا= من نارها اللي بالحشا وهاجي
كن العسل من نارها ينثجا=يذوب شوق وينتثر ثجاجي
يدرج غلاها في حشايه درجا=نار الهشيم وجاءلها سراجي
والامريض مخدرٍ بالبنجا=بنجه غشاه وضاعت الابراجي
عليه من ريم المحازه حنجا=العاتق اللي معتدل ماانعاجي
كاسيه ليلٍ مظلمٍ مندمجا=مع شمس صبحٍ نورها منباجي
ومن الحرار الشقر عينٍ دعجا=موتي دنا لا نهضت بحجاجي
ومن البداوه دلها والهرجا=ومن الحضاره تكتسي بغناجي
القلب منها مالقي له ملجا=ياعزتيله ما لقي له لاجي

[/poem]

يعيطكــــــــــــــم العافيه جميعا....







ابو عبدالرحمن



على طاري عيونـــــــــــــــــــــ ــكـ

[poem=font="Simplified Arabic,5,black,normal,normal" bkcolor="transparent" bkimage="backgrounds/8.gif" border="none,4,gray" type=2 line=0 align=center use=ex num="0,black"]
على طاري عيونك لو سمحتي فسّري المجهول =عيونك ليه تبحر بي وتبعدني عن افكاري

عيونك اقسم بربي تشرّد عالمي المأهول =وتاخذني بعيد هناك عن ربعي وعن داري

أنا لو كنت ابيع ( اللول ) وادري نظرتك لي ( لول ) = لصير لنظرة عيونك انا البايع وانا الشاري

تداري داخل عيوني عسى عين الحسود تزول =انا من يوم ما شفتك وانا داخلك متداري

أخاف إن البشر تفنى ,, وإذا ماتوا من المسؤول = يقولون المرض يمكن ,, واقول إلا وانا داري

أنا داري ذبحتيهم بهمسة حكيك المعسول =ولو يدري بك القاضي ,, حكم لك سجنٍ اجباري

أنا وأنتي تناسبنا قضية ( قاتل ومقتول ) =قتــيلٍ ما اعرفوا موته ,, رغم إن البحث جــــاري

حقيقة فعل مع فاعل ,, نصب من بعده المفعول= كشفت الفعل والمفعول ,, وصار الفاعل اسراري

إلا منك رفعتي الرمش جيت من الوله أسطول = وإلا منــــــــك تبسمتي ,, نخيت الفكر واشعاري

وإلا منك نطقتي اسمي ,, وقفت من الحكي مذهول = وتـــــــر صوتــك يداعبني يحرّك نغمة اوتاري

وإلا منك سألتيني علامك !! ,, مدري ويش اقول=خذيني صمت في عيونك ,, نهاية كل مشواري

تعديتي جمال الناس ,,, وحزتي زين لا معقول = كأن الزين قدامك غدى في الظل متواري

( وفاء الخل ) و ( العنقاء ) وثالث مستحيل ( الغول ) =ورابعها تراه انتي يحفظك ربي الباري

عطيتك كل أيامي من ( اغسطس ) إلى ( أيلول ) = مدامك شهري الثالث عشر تفداك واختاري

خطوط العرض في قلبي تساوت مع خطوط الطول = وصار الوقت متساوي إلا من جيت لك ساري

شغلتيني بنظراتك ,, وصرت التايه المشغول = وانا في ذمتي قبلك محد قد حرّك أسواري

أدوّر للغلا قصه ,, وأدوّر للغرام حلول= عيونك أسئلة قلبي ,, وانا لعيونك القاري

وأدوّر للوله ليله ,,, عسى ليل القصيد يطول= وأدوّر للسحاب اللي يسيّل ميت أنهاري

معك كل النظر يحلا معك كل العيون تجول=تبين الصدق سميتك كذا ( ريموت انظاري )

معك كل الشعر يطرب معك كل الحكي مهبول=معك قلبي يصيح اليوم ( أحبك يا اجمل اقداري )

ثناياك الجميلة مثل لون الثلج في اسطنبول=لمحت الثلج في ثغرك وذاب القلب من ناري

ذكرت عيون تجذبني وقلت افسّر المجهول = وجيتك يا بعد عمري مدام عيونك الطاري[/poem]




مهدي بن مسفر بن عليان
سر ياقلـــــــــــــــــــــ ـم

[poem=font="Simplified Arabic,5,black,normal,normal" bkcolor="transparent" bkimage="backgrounds/8.gif" border="none,4,gray" type=2 line=0 align=center use=ex num="0,black"]
سر يا قلم واكتب على بيض الأوراق=(سطر على بيض الورق بالدواتي)
سطر بيوتِِ تصلح لكل الأذواق=تقطف كما تقطف زهور النباتي
أنا لها طربان بالحيل مشتاق=أبيات تحكي موجزِِ عن حياتي
تحكي عن اشيِِ احرقت قلبي احراق=فضلت عن توضيحها بالسكاتي
أخاف تاتي سلعةِِ وسط الأسواق=وتاتي فوايدها علينا شماتي
والهاجس أللي للطواريق عشاق=مشتاق للطاروق والمفرداتي
أجامل العالم ولو خاطري ضاق=وأكيد به ناسِِ تسوي سواتي
فعل القدر غصبِِ ولو ما بينطاق=ولأيام هذي تظهر الخافياتي
فالرابح أللي جامعِِ عرف وأخلاق=ولابد ما يقفى الحياة المماتي
العمر يفنى وابن ادم على ساق=يطرد ورى أيامه وهي مقفياتي [/poem]

بنت الشيووووووووووووووووخ

لاهني على الفكررره والاقتراااح
ولي عودة اخرى
واختيار احد القصائد او بعض منها

اشكرج على الموضوع المميز



ولي عوده

[align=center]فكرة روعة اختي

نأتي من الآخِـر .. [/align]
[align=center]



[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
ياضيوف الشاطي الشرقـي ويـاروّاده=التحيّه مـن يوصلهـا شواطـي جـدّه
ديرة القلب المتيّـم والجبـر والسـاده=والغزال اللي على مسكانهـا الله حـدّه
الغزال اللي خذا مـن خافقـي مـاراده=سلوته وملاطف اصحابـه وقـوّة سـدّه
اخذ منّي مااشتهى وانا سنـه وزيـاده=اتبعه ماقلت لـه هاتـه وهـو مـاردّه
ضحكته ياخذ بها خرج جملي وشـداده=وانزعاجة خاطره ضيقه وساعـة شـدّه
والنوايا بيض والميعاد حسـب العـاده=والشرف جدرٍ عمـره الله وانـا ماهـدّه
والسلام امع الكـلام الـزاد والـزوّاده=للعروق اللي لها من يوم يبسـت مـدّه
والبحر لاضاق بامواجه وسـاق بـراده=واعجبه همس الغرام وقام يقـرب مـدّه
عيدت نفسي واناستها اقبلـت منقـاده=عقب كنت اشدّها صوبي وهـي مشتـدّه
عيد... لو انه عصر عساي من عـوّاده=مع غزالٍ ماطبع فـي قلبـي الـلا ودّه
مايبيـن الـلا بليـس بعدّتـه وعتـاده=يعتزي ويحدّني وانا اعتـزي واحتـدّه
ان هزمت ابليس نوماس وشرف وعباده=ون هزمني محتسيـه بهجمـةٍ مرتـدّه
اعرف ان ابليس حرص وياخذ استعداده=من قلوب العشق يبغى مكسـبٍ يعتـدّه
والهوى بارود وبليس الرجيـم زنـاده=بـس حنّـا لاقـرب منّـا لعنّـا جـدّه [/poem]



الشاعر / محمد الدهيمي



ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــــــ



[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
النهايه تنحسب يوم البدايه=والبدايه باب مبداء واقتناع
والوسايل بعدها مقصد وغايه=واكثر الغايات مصدر للضياع
والسلامه قبلها امن وحمايه=والحمايه تعتبر درع وقناع
والنجاح يكون له نشر ودعايه=والدعايه كلها تعني خداع
والطريقه ترسم خطوط النهايه=والنهايه قبلها جهد وصراع
والمشاكل في حياتي له حكايه=نزلتني تحت من بعد ارتفاع
اعذروني عن تفاصيل الروايه=يكفي اني قلت في يوم الوداع
مايسلي خاطري غير الهوايه=والهوايه امرها لازم يطاع
القصايد هي جروحي مع دوايه= اشغلتني بالهجوم وبالدفاع
اعتقد ماقلت عن نفسي كفايه=مايتوب ويعترف غير الشجاع[/poem]


الشاعر / عواد العلي[/align]




لي عــوودة بمشيئة الله

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ثمان وعشرين سبعه وافـق الجمعـه=وأرواحنا للسفـر شفقانـه وطمعـه
فقلوبنـا غصّـه وفعيـونـا دمـعـه=على فراق الأهـل والربـع والديـره
الكـل منـا مجهّـز حلّتـه بــدري=ندري بوقت السفر والطايـره نـدري
انشـاط مابيننـا متكاسـل وسـدري=والنيل قلـب الهـدف ماودنـا غيـره
فزوا النشاما على الجي الأبيض وجونا=وعلى مطار الكويت الشـرح ودونـا
لحظـه بلحظـه ولاراحـوا وهدونـا=حتى ختمنا على الباسبـور تأشيـره
رحنا انتسابق كما الغـزلان للصالـه=جمعـا ولافيـه واحـد روح الحالـه
نحاتـي الوقـت واللحظـات قتـالـه=وماكل تأخيرة فـي هالزمـن خيـره
وعلـى كراسـي الكويتيـه تسدحنـا=كبينا هم الـوزن والشحـن وارتحنـا
نومسنا شوف المدرح حيل وأفرحنـا=وقمنا انتسمع حكي الكبتن وتحذيـره
أول كلامـه بــداه بــلا الــه الا=الخافض الرافع اسمه يشفـي العـلا
اللي فرق بين أهـل صنعـا ومانيـلا=كريم خير الخلايق مـن كثـر خيـره
قال اربطوا الأحزمه واقلاعنـا قـرب=سواقها ابن المضف وسيـف مجـرب
ضاري على الخط ومافي الخط ومدرب=فأمان رب السما وحفظـه وتيسيـره
بشويش جتني المضيفه اربط حزامـك=دامك علـى متنهـا ياضيفنـا دامـك
شفني بربط حـزام السيـت قدامـك=سهلٍِ ولامنه خـوف وشكـه وحيـره
فك الكوابـح مشـت ياربنـا ستـرك=وراشد عيونه ملاها الـذل مستـدرك
متى متي في مطـار القاهـره تبـرك=هلّـل وسبحـن ولحّقهـا بتكبـيـره
طارت كما الحر لاجا في السما حبارى=ماهوب يشبح يمين ويشبح يسـارى
من دون ماقد نوى مايبـدي أعـذارى=مايشتكي ناقلـه ضعفـه وتقصيـره
سرعة صواريخ ناسا وأسرع شويـه=طلقه وشقة غـلاف الجـو عصريـه
في بطنها غير طاقمهـا ثـلاث ميـه=راكب وراكب شعور وصعب تصويـره
الغيم من تحتهـا والشمـس تدفيهـا=وأرواحنـا كلبونـا معلـقـه فيـهـا
تعطيك رغم اضطراب الطقس صافيها=ياسعد من يغتنمهـا فـي مشاويـره
وصلت لابو الهول وف مينائه الجوي=ياحلوها في الهبـوط وياحلـو جـوي
سعادتـي وماتمنـى وراحتـي تـوي=نوّ الفرح في السما لاحـت تباشيـره
في صالة القادمـون الأمـن طاربنـا-جوز الجنيهات يوخذ مـن شواربنـا
ندفـهـا دف لا تكـثـر متاعـبـنـا-واللي يبي راحتـه يرخـي دنانيـره
وفي موتر مايشيـل اثنيـن بالراحـه-ومايركبه واحد يدور علـى الراحـه
واللي مثلنا (خليجي مسافـر سياحـه-لكـن أبوناصـر وشـوره وتدبيـره
قلنا ياافندم علـى رمسيـس طوالـي-روّح لو انه صغير وزحمـه وغالـي
في ذمتي ماطرى غيره علـى بالـي-لو في ذرو المندره يعطوننـا حجيـره
جيت الرسبشن وقال أهليـن ياريّـس-حسكنك في جناح انظيـف وكويـس
أحيا أمل واحد مـن حجـزه مأيـس-قـال الحـلاوه ياعـم ولـو بالليـره
في الدور الأربع طعش وفر لنا اوضه-واوضه معاها وجاي الفرش عالموضه
كنها من جنان رب المصطفى روضـه-يسعد بها الساكـن ويرتـاح تفكيـره
لبْس الربع لبسهم وأنا علـي ثوبـي-دوبي أفكك شناطـي بغرفتـي دوبـي
صاح التلفون نستنـاك فـي اللوبـي-الراس خرمان ودوا الـراس تعميـره
حولت والنـاس مجتمعـه وفرحانـه-والقلب الأخضر مفتـح كـل بيبانـه
وين الظبا اللي حوالي العد ضميانـه-وينك يامنه وحـلا شيحـه وشاكيـره
متزقرتن ماأشـوف انسـان قدامـي-يسرق عيون العذارى حلـو هندامـي
طير ومن طيب فعلـه مخلبـه دامـي-ماكـل شيهانـة توصـل مواكـيـره
سقت القدم يم أبو ناصـر وأبوهـادي=والجوّ ماهوب يوم ان جيتهـم هـادي
خطوة مليك الجموع باسمـه تنـادي=أعيـر ذاك اهتمـام وذاك ماعـيـره
جلست معهم وكاس الشاي والشيشـه=أصبحت من كيفها طاير كما الريشـه
رغم الظلام ورغـم كثـرة خفافيشـه=محلنـا ماتلفـت فــي مسايـيـره
ساعه وثنتيـن لـي عبـدالله محمـد=اللـي تأخـر عـن اخويـاه متعمـد
شوقه لخفرع وخوفـو جمـر مارمّـد=وصل وهلا مسهلا في طيـب السيـره
بعد السلام وتحفّـي بعضنـا البعضـا=مابيننا اللي من الأوضـاع ممتعضـا
داخل نوادي الفرح والانبساط أعضـا=احساس تعجز بيوت الشعر تفسيـره
عقبه على أحمد عوض والكيف والدله=وفنجال أشقر مذاقـه يبـري العلـه
وقدوع تمر الحسـا لـو تاكلـه كلـه=سكر طعمه ولو ان حباتـه صغيـره
ومنّه على كل فنـدق جلستـه عدلـه=زباينـه بدلـوا الدشداشـه ابـدلـه
اللي وصل يومها واللـي هنـا قدلـه=شعوب من كـل دار ودولـه وديـره
١٣ لـيـل والروتـيـن متـغـيـر=ماتسلم الجادل اللـي تلبـس قصيـر
والعوب وأم الغطـا ملعونـة الخيـر=اللي لها في الهوى قيمـه وتسعيـره
وفي مطعم الطابيه ياحـي هالطـاري=يامن تنشد عـن علومـي وأخبـاري
عينت بنت خلقهـا الواحـد البـاري=حتي الخفوق الحجر تحييـه وتثيـره
عيونها وحسنهـا وحلـو ابتسامتهـا=وشعرٍ كما الليل غطى طـول قامتهـا
بدر السمّـا ينحنـي قـدام هامتهـا=بنـات حـوّا كَلَتْهـن منّهـا الغيـره
من الخجل ماتحـط عيونهـا بعينـي=وأنا أشاور مـن الاعجـاب بيدينـي
أجيـك ولاّ يالبّـا قلـبـك تجيـنـي=قالـت تكلـم بـلا لفّـه وتـدويـره
قلت أولاً يامسا الاحسـاس والطيبـه=غيرك من البيض ولا السّمـر ماليبـه
ثقـل وجمـال ودلال ورقّـه وهيبـه=مهما اكبرت دنيتي من دونك صغيـره
قالت كلامك سحر لكن علـى هونـك=ماكل من رقق الـك لسـان مظنونـك
يابن الملوح أكيد احساسـك يخونـك=أمـوت ماصـرت للعشـاق آسيـره
أنا الهوى لوجرى فـي دم شريانـي=وتكاثروا عنـد بـاب القلـب خلانـي
ماقـرب الا أبـوي وباقـي اخوانـي=ولاّ حليـلٍ أبيـه ومـاأبـي غـيـره
قلت السّموحه وأنا يازيـن متأسّـف=مانـي بمتكلـم ومانـي بمتفلسـف
وأبيك تدري على ماصـار متحسّـف=يالله عسى في صدودك يالغضي خيره
طلعت من هول ماواجهـت متضايـق=وسيده على غرفة الفندق مع السايـق
كذاب لو قلت أنا مستانـس ورايـق=هذي ظروف الزمـان وذي مقاديـره
هنا انتهت قصّتي واللي جـرى كلّـه=أوّل قدومي فـرح .. ونْهايتـه علّـه
يبست عروقي عقب ماهيـب مبتلّـه=وأمسيت عيني تحرّى شوفـة الديـره[/poem]

لـــ فهد عبدان

[p5s][/p5s]


[poem=font="Simplified Arabic,4,indigo,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
كتب ربي شقـى عمـري تعبـت اردد الونـات=تعبت وضاعت امالي ورقى حزني الـى عينـي
تعبت الوافي المخلص تعبت استقبـل الصدمـات=تعبت ومالقيـت اللـي مثـل ماغليـه يغلينـي
يابنت الناس ورب الناس حباً صارلـك بالـذات=يابنت الناس احسك نبـض قلبـي والشرايينـي
تعبت احبهـا بجنـون تعبـت احبهـا بسكـات=تعبت الشوق يضحكني تعبـت الشـوق يبكينـي
تعبت احاول النسيان تعبـت اتأمـل الفرحـات=تعبت ومن كثر شوقي اشـوف الحـب يطوينـي
يابنت الناس كم مـره تحملتـك مـن الغلطـات=وكم مره يابنـت النـاس بالغلطـات جيتينـي
تعبت ابحث عن الماضي تعبت وحاضري بي فات=تعبت ابحث عن الراحه تعبت وتعبـت اسنينـي
تعبت وماجنيـت الاالعـذاب المـر واللوعـات=تعبـت وحسرتـي طالـت الا يـاالله تنجينـي
يابنت الناس نار الظلم لايمكـن تجـي جنـات=يطـول الوقـت اويقصروشوفـي ماتشوفينـي
تعبت وللتعـب فينـي جـروحٍ كلهـا طعنـات=تعبت اتأمـل البسمـه عساهـا يـوم تنسينـي
تعبت وضاع بي عمري تعبت وتاهت الخطـوات=تعبت اطرد سراب الصيف تعبت بكـل مافينـي
يابنت الناس ترى حبك هو المقصد وهو الغايات=حبـك حـب لـو وزع يكـفـي هالملاييـنـي
تعبـت اقولهـا مـره تعبـت اقولهـا مـرات=تعبت انادي الواقـع وتعـب صوتـي ينادينـي
تعبت وزادت اتعابي مـن الروحـات والجيـات=تعبت ولاتعـب حبـي لـو ان المـوت ينهينـي
يابنت الناس انا ماني من اللي قصدهم رغبـات=يابنـت النـاس حطيتـك ابهالدنيـا عناوينـي
تعبت وبان في وجهي عذاب الحب والحسـرات=تعبت وضاقت الدنيا صحيـح الحـب معمينـي
تعبت وغيرها ماريـد حـرامٍ غيرهـا هيهـات=تعبت الله يسامـح مـن نـوى قتلـي بسكينـي
يابنت الناس ماسمع فيك كلامٍ من هـل النمـات=يابنت الناس انا احبـك ابيـك انتـي تحبينـي
تعبت ومادريت انـي تعبـت الا مـن العبـرات=تعبت الخاسـر الرابـح خسرتـي اوربحتينـي
تعبت وفدوتك روحي ولو قالـوا توفـى ومـات=تعبت ولو بغيت انسى خلاص ماعـاد يمدينـي
يابنت الناس احبك واعشقك في كـل هالحـالات=تعالـي يابعدعمـري تعالـي خـوذي ايدينـي
كتب ربي شقى عمـري ولـو رددت هالونـات=انـا لعيونهـا بامـوت فيهـا يابعـد عيـنـي[/poem]


لــ عايد العنزي

[bdr][/bdr]

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
تفـرجـوا يـاعـرب قـانــا ورا قـانــا=يرضيكم المشهد المأساوي الدامـي
على الهوى شوفواجرحانا وقتلانـا=هي مسرحيـه او إنـه مشهـد درامـي
يالله يــا كـافـي النـسـوان تنخـانـا=وين العرب والنشاما وين الإسلامـي
وحنا ولاحنا هنا فـي صـف أعدانـا=لا المغربي لا ليماني لا عرب شامي
لـبـنـان غــــزّه وبــغــدادٍ وافـغـانــاسالت دماها مباني كلهـا حطامـي
الشعـب لاثـار يُقـمـع مــن رؤسـانـا=وحنا عطاشا 00 وعدنا لثار قدامي
لاالـمُـرت لابــوش يقـدرنـا ويقـوانـا=الجـو حـرب الجبـان وشـلـة ازلامــي
الصبر مل الصبر وان كان مـا مدانـا=النصـر ولا الشهـاده مسـك بختامـي[/poem]


لــــــ محمد فراج الدوسري

,
,
,

واااااااااااااو بنت الشيوخ

مووضوع أكثر من رااائع ووالله أول مرة أشوفه..
.

أولاً أشكر لكِ هذا النشاط الذي بالفعل يضخ الدم في قلوبنا وقلب هذا المنتدى المحِب لكِ
ثمَّ
أشكر كل من وضع لي قصيدة وذكرها بخير ووالله ماهذا إلا وسام يتقلدهُ نصي رغم كل شيء
ثمَّ
لي عودة بالكثير من الروائع والتى ربما في بعض الأحايين أتمنى أن لايكون هناك خروج من القصيدة لروعتها...



تحيتي لكل من مرَّ من هنا...
.
.
.

بنت الشيوخ

موضوع رائع وراقي جداَ

تحيتي لكم

QUOTE=مرزوق العطاوي]معايده للمليك والوطن
[poem=font="Simplified Arabic,4,seagreen,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

عاد عيد البلاد وعاش رمز العداله =عاهل الخير عم المملكه فيض خيره
ابو متعب عريب الساس طابة لياله =بالسعد والسعاده والفرح والسفيره
كل خيرٍ لشعبه طال عمره سعاله =طاب مسعاه للعليا مسيره مسيره
الوفاء فيه ميزه والكرم والشكاله=فيه مافيه شك وريب والله يجيره
ضل دار المعزه ضلنا في ضلاله =فيه لدين واهل الدين نصره وغيره
نصرة الدين فيه وكسر عز الضلاله =فيه اشارة خطر لهل الوجيه الشريره
لياعتزى عز روس وروس وسط الزباله=حطها ماتدرا عاش درع الجزيره
كل من بالجزيره عاش صادق صفاله =كل شعبه شرب حبه لعله ذخيره
واهل الغدر واهل البوق واهل الحياله =ماتزعزع وطنا كل زمره حقيره
كلنا ياوطنا يامقر الاصاله =دون حدك حماه لمن تعومس بصيره
ماحسبنا حسابه غير حسبت نعاله =ياهل الطايله ماطال راعي قصيره
[/poem]
مرزوق العطاوي[/QUOTE]


هذي القصيده لشاعرها الموضح اسمه
ولي عوده واختيار اخر

انا تعجبني هذه بالمره ولي عوده
-----------------------------------------



المجتمـع هـذا يبـي لـه محنّـك
عاقل مع العقّال خبـلٍ مـع الخبـل
شد الحبل إذا ارتخـي الحبـل منّـك
ولا بد لا اشتد الحبل ترخـي الحبـل
وإذا تخالف شـوف عينـك وظنّـك
خلك نبيـل ولا تعـدى علـى النبـل
ما هوب لازم تنشـد النـاس عنّـك
في موجز الأخبار مع ( ماجد الشبل )
ولا بد ما تعمـل علـى قـد سنّـك
لا تندفع خلـف المجانيـن والهبـل
لا لا تعجـل فـي خطاويـك كـنّـك
مطرود فـي دمٍّ تقطـع بـه السبـل
خلـك مبنّـك لـو منتـب مبـنّـك
رزقك على اللي منشي المزن والوبل
ولا لا تحـرى مـن عـدوك يحنّـك
النذل مذكـوره سوابقـه مـن قبـل
وخل التواضع يا ابن الأجـواد فنّـك
ولا يجذبك من يقرع الـدف والطبـل
وكان الليالي مـن قساهـن عطنّـك
اصبر عساهن بأجمل ظروفهن حبـل
والمجتمع دامـه يبـي لـه محنّـك
اعقل مع العقال واضحك مع الخبـل





للشــاعــر
أبـوعـبـدالرحـمن

الغاليه بنت الشيوخ طرح اكثر من رااااااااااااااااااقي
لاغرابه فالمبدع دائما في المقدمه
لي عوده بما يستحق الكتابه هنا
لك مني اصدق التحايا
الزهراني