مواطن يفاجأ بقائمة من الهدايا طلبتها زوجته الأولى

مواطن يفاجأ بقائمة من الهدايا طلبتها زوجته الأولى نظير الموافقة على ارتباطه بأخرى


http://www.burnews.com/newsm/13906.jpg





فوجئ مواطن ( 45 عاما) بقائمة من الهدايا طلبتها زوجته السابقة، نظير الموافقة على ارتباطه بأخرى، إثر مفاتحته إياها برغبته في الزواج من ثانية، وانتهائه من ترتيب مراسيم حفل زفافه.
وتضمنت قائمة الطلبات التوجه بها إلى مكة المكرمة لأداء مناسك العمرة، كتابة المنزل الذي تقطنه مع أبنائها باسمها، والسكن مع زوجته الجديدة في منزل آخر، علاوة على مساواتها بكم الذهب الذي يعتزم شراؤه لضرتها، أو منحها صك الطلاق في حال رفض طلباتها.
ولم تقف مشكلة الزوج عند هذا الحد، حين رفضت الزوجة الثانية السكن معه إلا عقب حصولها على سكن مستقل باسمها، بعد وقوفها على طلبات الزوجة الأولى.
شروط الزوجتين بحسب عكاظ وضعت المواطن في حيرة من أمره وسببت له حالة نفسية متردية، فالطلبات لا تتواءم وحالته المادية، إذ لا يتجاوز راتبه ستة آلاف ريال.


المصدر

هههههههههههههههههههه

مسكين حاله

والله والله مالها غير الي انا اشوفه ومن خاطري

مو تتشرط


تبطي عظم .

شر البلية ما يضحك

كان في غنى عن هذا كله

(45عام) يطلب حسن الخاتمة

الأرزاق بيد الله
لكن مع الأوضاع الاقتصادية اليوم 6000 ريال يا الله تفتح بيت واحد.

فما اعتقد أن 6000ريال تفتح بيتين؟

الزوجة الأولى كل اللي طلبته من حقها

وجن شكرا لك

من بغى الدح ماقال آح


يتحمل نتائج اتخاذ قراره الصعب


تسلمين وجن على هيك خبريه


تحية عطرة

يشوف له غيرهن

ويبي يحصل اسهل منهن شروط :)


شكرا على نقل الخبر

فإن خفتم الا تعدلوا فواحده


وبعدين لايتعنتر وهو من جنبها

هههههههههههههههه

المفروض يبلع العافية ويكتفي بأم عياله دام المادية ما تسمح ^_^

اي والله الحريم ملي بالبيوت يشوف له غيرهن


شـكــ وبارك الله فيك ـــرا لك ... لك مني أجمل تحية .

خخخخخخخخخخ
شيبان اخر زمن ... عندك مره وعيال وش تبي بعد
ياالله ححسن الخاتمه
كانت هنااا
عيــ كحال ـــون

ههههههههههههه

يشووف غيرهن

والي مو قد الزواج من ثانيه لا يعرس

تسلمين وجن ع الخبر

اللي يبي الح ما يقول اح

شكله ندم يوم قال بتزوج ثانية

ان كيدهن عظيم

بعض النساء صراحة متجبرات على الازواج مسويه فيها عنتر على قفله

لا والزوج مسكين راضي بكل شي امحق رجال

طق الثانيه وخلها ترضى بالواقع قال طلبات

يا اخي لا انت مسوي شي حرام ولا شي اللي مسويه حلال

س / ليه ما تبون الرجال يتزوج مرة ثانية ؟

على الاقل الزوجه الثانيه تسليك في غياب زوجك <<< بينضرب اليوم

اقتباس:

---

المشاركة الأصلية كتبت بواسطة اللـــــيث

اللي يبي الح ما يقول اح

شكله ندم يوم قال بتزوج ثانية

ان كيدهن عظيم

بعض النساء صراحة متجبرات على الازواج مسويه فيها عنتر على قفله

لا والزوج مسكين راضي بكل شي امحق رجال

طق الثانيه وخلها ترضى بالواقع قال طلبات

يا اخي لا انت مسوي شي حرام ولا شي اللي مسويه حلال

س / ليه ما تبون الرجال يتزوج مرة ثانية ؟

على الاقل الزوجه الثانيه تسليك في غياب زوجك <<< بينضرب اليوم

---

ليتك ولدي كان آكلك

الحين عنده زوجة وعيال وش يبي بالثانية
انا اؤيد زواج الرجل من ثانية اذا كانت قبيحة
او رفلة اوما تقوم بواجباتها وحقوقه بصفة عامة
اما اذا كان بيتزوج لسبب التعدد اقول الله لا يوفقه مع الثانية يارب
عشان يرجع لوز مكسر للاولى


ردي عالموضوع

اما انها هبيلة فالمفروض على طول تطلب طلاق مو هدايا
لانه اذا راح الاصل وشتبي بالفروع
راح الزوج بتروح السعادة معه
اما بقاياه ما ابيها اهم شيئ الرجل

او ان طلباتها بتلوي ذراعه وفي كل الاحوال اعتبره ذكاااااااااااااء
عشان تحافظ على بيتها ( هالشركة اللي اسستها معه )


يارب

كل رجل يبي الزواج لمجرد التعدد اكسرها في نحره ولا تهيئه له

حياكم الله جميعاً


ام رعد

انا وراك اقول آآآآآآآآآآآآآآآآآآآآآآآآآ ميييييييييييييييييييييييي ييييييييييييييييييييين

استغفر الله العلي العظيم
لا تعلييق
جزاك الله خيير ع النقل
تحيااتي

هههههههههه

الحين راتبه 6 الاف

وراح يطق الثانيه !!

الله يهديه بس

ايه تعجبني بنت رجاااااااال وليتها صعبتها بعد من جد الواحد لاكبر عقله صغر..
طبعا مو الكل ,....

حياكم الله جميعا

اذا حاله ميسور وش يبي بالزوجة الثانية
اخت وجن
شـكــ وبارك الله فيك ـــرا لك

مسكين

راح فيها و هو توه شباب وصغير
......... راح فيها وهو يبغى طريق الفلاح !
المطالب كثيره والرويتب يسير
......... ستة الآف ما تكفي مواصل كفاح
اشكر اللي نقل موضوع شكله خطير
........ واسأل الله يهدينا لدرب الصلاح


كاسب العز
شديد ماشاء الله
الله يثبتنا واياكم

حياكم الله جميعاً
(كلام الرجال هنا بيتغير اذا جاء وقت الجد)

:وت:

واحد من الناس نعرفه اتزوج واعطى مرتو الاولى نفس مهر الثانيه هذ1 الصاحي والا بلاش

اضافه الى اطقم ذهب لك بنات الحرمه الاولى .. اقلها يجبر خواطر وكذ1

اقتباس:

---

الحين عنده زوجة وعيال وش يبي بالثانية
انا اؤيد زواج الرجل من ثانية اذا كانت قبيحة
او رفلة اوما تقوم بواجباتها وحقوقه بصفة عامة

---

ليه يا ام رعد الله يسامحك يعني الي حلوه زيي يتزوج عليها من شهر العسل

< و رفلا يبدولي كمان سبه عساها مو فيه كفايه قبيحه :مزون:

بنت برقا ماتعرفين معنى رفلة!!!!!!!!!!!

على نفسٍِِها جنت براقش :gun_rifle


هو ما يبي يتزوج الثانية الا لانه ناقصه شي من الاولى


يا شيخ تزوج وهي عجبها والا بيت ابوها يرحب فيها



اما الهدايا يجيبها لها بطيب خاطر
:36_1_11[1


ام رعد اذكري الله

وشفيك على الناس
الرجال يحاربون العنووسة

اقتباس:

---

المشاركة الأصلية كتبت بواسطة فهده

:وت:

واحد من الناس نعرفه اتزوج واعطى مرتو الاولى نفس مهر الثانيه هذ1 الصاحي والا بلاش

اضافه الى اطقم ذهب لك بنات الحرمه الاولى .. اقلها يجبر خواطر وكذ1

ليه يا ام رعد الله يسامحك يعني الي حلوه زيي يتزوج عليها من شهر العسل

< و رفلا يبدولي كمان سبه عساها مو فيه كفايه قبيحه :مزون:

---

ههههههههههههههههههههههه


قبيح واعرف انك تعرفي معناها

طيب رفلة شكلك من جنبها

رفلة يا امي يعني عندنا عكس ( مشرة ) ( سنعة ) ( ست بيت معتبرة )

وتصير مضرب مثل في السناعة والنظافة والضيافة وفخر لزوجها

بمعنى ما فيها من السناعة شي

اقتباس:

---

المشاركة الأصلية كتبت بواسطة c.s.t

:36_1_11[1


ام رعد اذكري الله

وشفيك على الناس
الرجال يحاربون العنووسة

---

مشرفنا

لا تخليني احول عليك اصكك بدعوة الحين

قل آآآآآآآآآآآآآآآآآمين

ما تتزوج غير زوجتك الاولى وكل الرجال يارب

ام رعد والله شفتي كلام الرجال هنا

كله في الهواء لاجاء وقت الجد(وقت الصملة وام العيال قالت كلمتها تغيرت علومهم)

هههههه
ياماشاء الله على بعض الرجال
الله يركدهم ويطمن قلوبهم ويخلي لهم حريمهم

اقتباس:

---

المشاركة الأصلية كتبت بواسطة وجن محمد

ام رعد والله شفتي كلام الرجال هنا

كله في الهواء لاجاء وقت الجد(وقت الصملة وام العيال قالت كلمتها تغيرت علومهم)

هههههه
ياماشاء الله على بعض الرجال
الله يركدهم ويطمن قلوبهم ويخلي لهم حريمهم

---

عارفة يا عمري

عارفة ان كلامهم في الهواء

وعارفة انهم ينطبق عليهم المثل اللي يقول

كلام الليل زبدة والنهار يسيح

ماعندهم الا الصراخ في الهواء

ووقت الجد عارفين ان الحرمة الاولى بتترك له الجمل بما حمل

اقتباس:

---

المشاركة الأصلية كتبت بواسطة ( غربة الروح )

مشرفنا

لا تخليني احول عليك اصكك بدعوة الحين

قل آآآآآآآآآآآآآآآآآمين

ما تتزوج غير زوجتك الاولى وكل الرجال يارب

---

لا تحولي ولا شي

الله يستر منك


اعتبريني رعد واحتمال انا اصغر منه بعد


وادعيلي بالفرج وانا ما ابي الا خطيبتي بس
اشتريها بمال الدنيا كله

اقتباس:

---

المشاركة الأصلية كتبت بواسطة ( غربة الروح )

ههههههههههههههههههههههه


قبيح واعرف انك تعرفي معناها

طيب رفلة شكلك من جنبها

رفلة يا امي يعني عندنا نسميها ( مشرة ) ( سنعة ) ( ست بيت معتبرة )

تصير مضرب مثل في السناعة والنظافة والضيافة وفخر لزوجها

---

اقتباس:

---

رفلة يا امي يعني عندنا نسميها ( مشرة ) ( سنعة ) ( ست بيت معتبرة )

تصير مضرب مثل في السناعة والنظافة والضيافة وفخر لزوجها

---

معقوله :معقولة:

كل شيء تغير بوقت العولمه يا ناس

لا لا اظن غربه تمزح !

بس خربتوا علي فرحتي بالـــ 6000 كنت ناوي اوقف المشاركات لمدة اسبوع


تفضلوا مشكورين هنا اجتهاد لـ تعريف الرفلاء

احس ان الاستاذة وجن والام الفاضلة ام رعد ضد التعدد

فما السبب في ذلك
اذا كان بما يرضي الله ؟ :معقولة:

اقتباس:

---

المشاركة الأصلية كتبت بواسطة سليمان الذويخ

معقوله :معقولة:

كل شيء تغير بوقت العولمه يا ناس

لا لا اظن غربه تمزح !

بس خربتوا علي فرحتي بالـــ 6000 كنت ناوي اوقف المشاركات لمدة اسبوع


تفضلوا مشكورين هنا اجتهاد لـ تعريف الرفلاء

---

سليمان


عدلت ردي

جيت بكتب عكس السنع

خبصت الدنيا ولما رجعتها لقيت ردي بلوى من بلاوي الزمن

حاشا السنعات من ترجمة معناي


الرفلة رفلة وش ما سوت


اعتذر عالتخبيص وعدلت الرد

اقتباس:

---

المشاركة الأصلية كتبت بواسطة سعود

من بغى الدح ماقال آح


يتحمل نتائج اتخاذ قراره الصعب


تسلمين وجن على هيك خبريه


تحية عطرة

---

هههههههههههه


والله انك صادق ياسعود

لو جلس على زوجتة اولى مواحسن لة



مشكور اخوي على الخبر

اقتباس:

---

المشاركة الأصلية كتبت بواسطة البـــآآرونـــة ~

هههههههههههه


والله انك صادق ياسعود

لو جلس على زوجتة اولى مواحسن لة



مشكور اخوي على الخبر

---

حياك الله يااختي
اخوك من اللى منزل الموضوع :000: ماشاء الله عليك

اقتباس:

---

المشاركة الأصلية كتبت بواسطة ( غربة الروح )

ليتك ولدي كان آكلك

الحين عنده زوجة وعيال وش يبي بالثانية
انا اؤيد زواج الرجل من ثانية اذا كانت قبيحة
او رفلة اوما تقوم بواجباتها وحقوقه بصفة عامة
اما اذا كان بيتزوج لسبب التعدد اقول الله لا يوفقه مع الثانية يارب
عشان يرجع لوز مكسر للاولى


ردي عالموضوع

اما انها هبيلة فالمفروض على طول تطلب طلاق مو هدايا
لانه اذا راح الاصل وشتبي بالفروع
راح الزوج بتروح السعادة معه
اما بقاياه ما ابيها اهم شيئ الرجل

او ان طلباتها بتلوي ذراعه وفي كل الاحوال اعتبره ذكاااااااااااااء
عشان تحافظ على بيتها ( هالشركة اللي اسستها معه )


يارب

كل رجل يبي الزواج لمجرد التعدد اكسرها في نحره ولا تهيئه له

---

تاكلين وش ورق عنب <<< ميت جوع

طيب اختي

في بالي عده اسئله خليني اطرح عليك سؤال واحد

الرجل اللي مسويه شي حرام ؟

بتقول لا

طيب وش اللي يمنع من اخذ الثانية اذا عنده المقدره على فتح منزل ثاني

بشرط انه يعطي الزوجتين حقوقهم بدون اي مجاملات

مو شرط اختي اذا الرجل خذ زوجه ثانية معناها ان الزوجه الاولي مقصر

خليه يحل اشوي من العنوسه وما قصر الرجال بيخذ البنت وبيستر عليها

يمكن انتي بيحترق قلبك اذا صار لك هذا الشي <<< لا بتاكل ضرب من جد

بس لو تفكرين من النواحي الاخري بتلاقين ان الموضوع ما فيه اي شي

انتي من رايك يتزوج من وراك والا يعلمك قبل الزواج ؟

ترى نفسي طول للنقاش الين ما اقنعك

اقتباس:

---

المشاركة الأصلية كتبت بواسطة اللـــــيث

تاكلين وش ورق عنب <<< ميت جوع

طيب اختي

في بالي عده اسئله خليني اطرح عليك سؤال واحد

الرجل اللي مسويه شي حرام ؟

بتقول لا

طيب وش اللي يمنع من اخذ الثانية اذا عنده المقدره على فتح منزل ثاني

بشرط انه يعطي الزوجتين حقوقهم بدون اي مجاملات

مو شرط اختي اذا الرجل خذ زوجه ثانية معناها ان الزوجه الاولي مقصر

خليه يحل اشوي من العنوسه وما قصر الرجال بيخذ البنت وبيستر عليها

يمكن انتي بيحترق قلبك اذا صار لك هذا الشي <<< لا بتاكل ضرب من جد

بس لو تفكرين من النواحي الاخري بتلاقين ان الموضوع ما فيه اي شي

انتي من رايك يتزوج من وراك والا يعلمك قبل الزواج ؟

ترى نفسي طول للنقاش الين ما اقنعك

---

ههههههههههههه


لو وصل نقاشك لعنان السما ماراح تقنعني بشيئ انا مقتنعة فيه

مهما حاول الرجل العدل فلن يعدل

مصداقا لقول الله تبارى وتعالى ( { فانكحوا ما طاب لكم من النساء مثنى وثلاث ورباع فإن خفتم ألا تعدلوا فواحدة }

وايضا قال

{ ولن تستطيعوا أن تعدلوا بين النساء ولو حرصتم }

ونبي الرحمة عليه الصلاة والسلام
وكان يقول اللهم اني عدلت فيما املك فلا تؤاخذني فيما لا املك

وهو النبي المعصوم من كل سوء


اين رجالنا من هذا يا ليث

الرجل الحين لا تزوج نسي الاولى وعشرة عمرها وصبرها على خيره وشره
وعلى حلوه ومره وعلى فقره وغناه واتجه اتجاه كامل للثانية

انا ما اتكلم من فراغ

انا وحدة كبيرة وشفت ناس تزوجوا عندنا وفي مجتمعنا
وشفت كيف تجردوا من المسئولية تجاه الاولى واولادها


مهما حاولت تقنعني فلن ولن ولن اقتنع
انا ضد الزواج الثاني اذا اموره تمام مع الاولى

والعنوسة ما راح يحلها زوجي والا زوج الثانية والثالثة
فيه شباب عازب ينزوج المعنسات وياخذ اجرهن
فيه مطلقين يتزوجون المطلقات وانتهت المشكلة

يستاهل هههههههههههه


شكرا وجن

يداك اوكتا وفوك نفخ _الحمد لله على نعمه_مشكوووووووووووووره وجن سلمت يداك_

اقتباس:

---

المشاركة الأصلية كتبت بواسطة ( غربة الروح )

ههههههههههههه


لو وصل نقاشك لعنان السما ماراح تقنعني بشيئ انا مقتنعة فيه

مهما حاول الرجل العدل فلن يعدل

مصداقا لقول الله تبارى وتعالى ( { فانكحوا ما طاب لكم من النساء مثنى وثلاث ورباع فإن خفتم ألا تعدلوا فواحدة }

وايضا قال

{ ولن تستطيعوا أن تعدلوا بين النساء ولو حرصتم }

ونبي الرحمة عليه الصلاة والسلام
وكان يقول اللهم اني عدلت فيما املك فلا تؤاخذني فيما لا املك

وهو النبي المعصوم من كل سوء


اين رجالنا من هذا يا ليث

الرجل الحين لا تزوج نسي الاولى وعشرة عمرها وصبرها على خيره وشره
وعلى حلوه ومره وعلى فقره وغناه واتجه اتجاه كامل للثانية

انا ما اتكلم من فراغ

انا وحدة كبيرة وشفت ناس تزوجوا عندنا وفي مجتمعنا
وشفت كيف تجردوا من المسئولية تجاه الاولى واولادها


مهما حاولت تقنعني فلن ولن ولن اقتنع
انا ضد الزواج الثاني اذا اموره تمام مع الاولى

والعنوسة ما راح يحلها زوجي والا زوج الثانية والثالثة
فيه شباب عازب ينزوج المعنسات وياخذ اجرهن
فيه مطلقين يتزوجون المطلقات وانتهت المشكلة

---

كلامك منطقي في البدايه

وغير منطقي بالاخير

اصابعك وانا اخوك مو سوى

ولا تحكمين على الرجال بمجرد ان رجل واحد اخطاء التعامل مع الزوجه

في رجال عاقلين ويعرفون معنا الحياه الزوجيه

وفي رجال صراحة تقولين هذا استغفر الله حرام يتزوج

انا اعرف رجال متزوج من 3 زوجات

وصدقيني اذا شفته تشوفين السعاده بوجه جاني فضول يوم اسئله

كيفك مع زوجاتك قالي صدقني اذا رحت لوحده اروح لها وانا مشتاق

واذا بعدت عن الثلاث اشتاق لهم كلهم لا وازيدك من الشعر بيت

مسكنهم في بيت واحد ولو تشوفين كيف السعاده على وجههم ما راح تصدقين

وفه رجل اعرفه متزوج 4 زوجات تخيلي مسوي له غرفه نوم واحد كل يوم وحده تنام

فيها هذا رجال ما يقدر المرءه

واذا على العنوسه اللي تتكلمين عنها والشباب يروحون يتزوجون

انتي عارفه الزواج الان كم يكلف لا يقل عن 100 الف ريال

وعارفه طلبات البنت الان

ابي عرس ابي شبكه ابي شقه ابي وابي وابي ....... الخ

ما تقول الحمد الله ربي رزقني بزوج يستر علي تجلس تتامر كان عند زوجها مال قارون

وتعرفين الان ناس جامعيين مو لاقين وظيفه بالله هذا من وين يتزوج

واذا على الشباب وتقولين عنوسه

بالله البنت اللي عمرها 35 او نقول 30 بيجي رجال ويقبل الزواج منها

بيقول هذي كبيره ابي اصغر مني

ام رعد

لا تحكمين على موقف صار لك احكمي على المجتمع اللي حنا فيه

واذا الرجال قادر يفتح بيت انا بالعكس مويد بتعدد الزوجااات

بس بشرط يحفظ كرامه الزوجه الاولي ويعطيها حقوقها

وصدقيني فيه ناااااااااااس تعرف قدر المرءه

اقتباس:

---

المشاركة الأصلية كتبت بواسطة ( غربة الروح )

ههههههههههههه

لو وصل نقاشك لعنان السما ماراح تقنعني بشيئ انا مقتنعة فيه

مهما حاول الرجل العدل فلن يعدل

مصداقا لقول الله تبارى وتعالى ( { فانكحوا ما طاب لكم من النساء مثنى وثلاث ورباع فإن خفتم ألا تعدلوا فواحدة }

وايضا قال

{ ولن تستطيعوا أن تعدلوا بين النساء ولو حرصتم }

ونبي الرحمة عليه الصلاة والسلام
وكان يقول اللهم اني عدلت فيما املك فلا تؤاخذني فيما لا املك

وهو النبي المعصوم من كل سوء


اين رجالنا من هذا يا ليث

الرجل الحين لا تزوج نسي الاولى وعشرة عمرها وصبرها على خيره وشره
وعلى حلوه ومره وعلى فقره وغناه واتجه اتجاه كامل للثانية

انا ما اتكلم من فراغ

انا وحدة كبيرة وشفت ناس تزوجوا عندنا وفي مجتمعنا
وشفت كيف تجردوا من المسئولية تجاه الاولى واولادها


مهما حاولت تقنعني فلن ولن ولن اقتنع
انا ضد الزواج الثاني اذا اموره تمام مع الاولى

والعنوسة ما راح يحلها زوجي والا زوج الثانية والثالثة
فيه شباب عازب ينزوج المعنسات وياخذ اجرهن
فيه مطلقين يتزوجون المطلقات وانتهت المشكلة

---

اقتباس:

---

انا وحدة كبيرة

---

ترى يا اخت غربه اول مره اشوف امرأة تقول انها كبيره :039:
ثم اما بعد :

اقتباس:

---

وشفت ناس تزوجوا عندنا وفي مجتمعنا
وشفت كيف تجردوا من المسئولية تجاه الاولى واولادها

---

صدقتي
هذي ما ينكرها لا اعمى ولا مفتح
واكاد اجزم ان 1% فقط هم اللي ما يتغيرون الى حد ما تجاه الأولى
وهم بصراحة .. من امضوا مع الأولى سنوات بل عقود وتزوجوا الثانية
ليثبت لهم بعدها ان السبب في عدم الإنجاب منه هو .. وليس من الأولى
ساعتها يكون أكثر لؤما من من اللئيم ان ما طلق الثانية علشان تلحق عمرها
وشاور الأولى وخيرها بالبقاء معه واكمال الحياة او تشوف كان ان خاطرها بالإنجاب !

يكفي زوج الثنتين ما يحصل من انقسامات بين اولاده بعد رحيله !!

كلمة بل همسة اخيرة يا اختنا غربة الفاضلة :

الزواج بالثانية مالم يكن له مبرر فهو عبء من كافة النواحي..

سأل احد الأشخاص الشيخ ابن عثيمين ( على ما اظن ) ، رحم الله الشيخ ، قال له :
يا شيخ ! العوانس كثرن ونبي تشجيع منك على التعدد و تراه حل للعنوسة ، وبوه أجر !
رد الشيخ رحمه الله : اذا تدور الأجر ، شف هالشباب اللي ما عاد يطيق ارتفاع المهور عطهم وساعدهم وياصلك الأجر !

اقتباس:

---

المشاركة الأصلية كتبت بواسطة سعود http://www.g111g.com/vb/g111g-golden...s/viewpost.gif
من بغى الدح ماقال آح

---

ايه ده ؟
سعووووود !:وت:
ده انتا طلعت بلدي اوي واوريجينال خالص !
ايه دح وأح وكلام من دا ؟:وهـ:
مايصححححش !:عنون:




خاتمة :

اكيد اكتشفتوابعض الثرثرة:
ما عليه
اختم بموضوع جديد سأطرحه قريبا ، سيثير غضب الأخت غربه ويرفع ضغطها
الموضوع اشد وانكى من التعدد بكثير

انه الزواج الغبي السيء الذكر :

ترقبوا قريبا :
زواج المسيار ونقاش جاد حوله
بإذن الله

اقتباس:

---

وصدقيني اذا شفته تشوفين السعاده بوجه جاني فضول يوم اسئله

---

تلاقيها ابتسامة خلفها الف آه وآه

يا خوي زوج الثنتين بوجهين كيف ابو ثلاث

قلبي عليه تلاقيهن نتفنه لكن عساه بالتنتيف هو وامثاله

اقتباس:

---

قالي صدقني اذا رحت لوحده اروح لها وانا مشتاق

واذا بعدت عن الثلاث اشتاق لهم كلهم

---

ماشاءالله على قلبه فندق خمس نجوم
اتحدى اذا ما كان لوحدة ميزة عن الاخرى
وانه يعامل وحدة غير الاخرى وهذا اللي شفته مع نفس الصنف
السعادة واضحة وضوح الشمس ولما تقربت من البنت قالت لي بلاوي عن زوجات ابوها
وابوها وعن المعاملة مع الجميع كيف كانت وفيه ظلم لبعض اطرافها

اقتباس:

---

لا وازيدك من الشعر بيت

مسكنهم في بيت واحد ولو تشوفين كيف السعاده على وجههم ما راح تصدقين

---

ويل قلبي عورته من هالمقطوعة والله لو حبه واصل لعنان السما ما تسكن معي

يخب علي اسمع ان عنده زوجة ومن الناس لكن ما اشوفها حتى في البلد

اقتباس:

---

وفه رجل اعرفه متزوج 4 زوجات تخيلي مسوي له غرفه نوم واحد كل يوم وحده تنام

فيها هذا رجال ما يقدر المرءه

---

يوه يوه يوه هذي تفلق الراس اقسم بالله
كان عندنا بامريكا رجل متزوج ثنتين صديقات غربة الله لا يعيدها
لما كانن يحكن لي نفس الكلام وانا صغيرة ذيك الايام كنت انظر له نظرة احتقار
ليش غنم راصهن في بيته المفروض لكل وحدة بيت مستقل
وان لم يكن على الاقل فلكل وحدة غرفة

مع اني ارفض وجودها في البيت كليا مو عاد في نفس الغرفة
ودي لها بف باف عشان تكره المكان اللي تنام فيه
والا ودي لها سم فيران تاكله عشان تموت ولا تقعد في غرفتي
ولا استخدم انا واياها غرفة وحدة يا ساتر الستر ما اشوفه لا في عدو ولا حبيب

اقتباس:

---

واذا على العنوسه اللي تتكلمين عنها والشباب يروحون يتزوجون

انتي عارفه الزواج الان كم يكلف لا يقل عن 100 الف ريال

وعارفه طلبات البنت الان

ابي عرس ابي شبكه ابي شقه ابي وابي وابي ....... الخ

ما تقول الحمد الله ربي رزقني بزوج يستر علي تجلس تتامر كان عند زوجها مال قارون

وتعرفين الان ناس جامعيين مو لاقين وظيفه بالله هذا من وين يتزوج

واذا على الشباب وتقولين عنوسه

بالله البنت اللي عمرها 35 او نقول 30 بيجي رجال ويقبل الزواج منها

بيقول هذي كبيره ابي اصغر مني

---

هذي يا ليث مشكلة الاهل اللي يدورون المادة فقط
ولم يبحثوا عن الرجل اللي يكرم بنتهم حتى لو كان فقير
وانا ضد هالكلام وهالتعجيز
اهم شيئ يكرمها واهمها كلها يكون كريم بمعنى سخي

اقتباس:

---

ام رعد

لا تحكمين على موقف صار لك احكمي على المجتمع اللي حنا فيه

واذا الرجال قادر يفتح بيت انا بالعكس مويد بتعدد الزوجااات

بس بشرط يحفظ كرامه الزوجه الاولي ويعطيها حقوقها

وصدقيني فيه ناااااااااااس تعرف قدر المرءه

---

ما صار لي يا ليث وان شاءالله ما يصير لي
لكن الفكرة ارفضها لي ولغيري

وخل العوانس تنحل مشكلتهن بعيد عنا