==ابطيت لا مبطيت لاوالله ابطيت ==
لكم الجديد ياغرابيل
[poem=font="Simplified Arabic,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ابطيت لا مبطيت لاوالله ابطيت = تبي الحقيقه خاطري منك مكسور
إشتقت لك حتى من الشوق مليت = وحزنت حتى مابقى للفرح دور
وجاوبت صوت الراعبيه وغنيت = لانيب طربانِ ولانيب مجبور
الظاهر إني فختياري لك أخطيت = يجيك طيف الحب ويرد مقهور
ماصرت في ظني على ماتمنيت = أسرفت في حبك ولانيب ماجور
كنت أتشاوى شوقي إللي لك أهديت = وأقول أنالك كلي إحساس وشعور
هذا جزاي وحقي اللي لي أثنيت = وتبغى على هجرانك أقول مشكور
لاوالله إلى بالقطيعه تماديت = وانا على رجواك وايامي شهور
زليت يوم إني بالاقدام زليت = غلطة قدم في حق نفسي كما الطور
ماتدري إنك من حياتي تجليت = وإن كان ماتدري بها فأنت مغرور
بنيت لك فالقلب بيتِ على بيت = وحطيت لك فالروح سورِ ورى سور
وفجرة في قصرك بصدك دناميت = وخليت حبك حدر ألانقاض مقبور
وأنا عن المقفي ليا أقفى تعليت = وأقبل على المقبل مثل طلعت النور
إللي دعاني بالوفأ له ورديت =وأصبح بحبه دأخلِ مشة الزور
مدام لاقصرت له قال وفيت = أخوض لجل إعيونه أمواج وإبحور
جهزت له خيل المحبه وعنيت = وأتعب من أجله والتعب عندي إسرور
إلي جبينه لاكــــشف كنه اليت = غروِ على الخفرات كنه من الحور
عزاي في رجواه زود التناهيت =والقلب بين إيديه منهي ومامور
مهما حصل مهماحصل ماتخليت = لاسابقه دورِِ ولا عاقبه دور
ومهما إعترض لي في غرامه ومبليت = أبقى مدانِ بالوفاء له ومغمور
يابسمة أيام الغلا سو ماشيت = أسرف ترى بيت الوصل فيك معمور
أخليت لك كل الظماير وصفيت = مسموح لك ولا من الغير محذور
مادمة في كل الجوارح توصيت = مالد في غيرك ولا أسمع بك الشور [/poem]
وســــلامتـــكم
رد: ==ابطيت لا مبطيت لاوالله ابطيت ==
اقتباس:
المشاركة الأصلية كتبت بواسطة عيون مغليها
[size=6]أرهقت ايديني يابن راجس
كتبت فتألقت بهذه الرائعه
قصيدة صاغها شاعرها باسلوب رائع
شاعر اتغنى بشعرة
جزل يابن راجس ومبدع لك متابعين
مرة اخرى صح السانك واللة لايهينك
تقبل تحياتي واعجابي
--------------------------------------------------------------------------------[/size]
عيون مغليها
بيض الله وجهك وصح كلك
لبى كلـــــش
