موقف حصل لي انا وعمي --الفاضي يدخل والمليان لااشوفه هههههه
سلام الله سلاماً ياصل القاري ورى الشاشه
ومن بعد السلام شلون حال. اللي يشاهدنا
والباقي بعدين بغيت اكمل وذكرت اني في قسم صرقعه ماهو محاوره وشعر
المهم اللي ماهو فاضي كالعاده يسحب بريك ويدق ريوس ويشوف علامة الضرب x في اعلى يسار الصفحه وينقر عليها وهي تسنع اموره الباااااقيه ههههههههههه
وشلون الشقرديين والشقرديات اللي هنا
عساهم ينقزوون العرفجه
<<<<يقول كم من واحد يدربي راسه ماهو داري وش تقول
ماقصرت معكم ابي احط لكم مرجع قاموس للي مايفهمون
بالنسبه للشباب يراجعون محمد بن ضاوي يترجم لهم
وبالنسبه للسيدات يراجعون اكبر وحده فيهم ولا اقول شوفو المطنوخه ولا عزوة قبيله يمكن تساعدكم في ترجمة المصطلحات اللي ماتعرفونها
المهم
اولاً اوصيكم ونفسي بتقوى الله اولا ثم بشرب براد كمون كل يوم او يومين في هذه الايام ليتم الانتصار على شباط وتتعافون من الزكام والكحااااااااااح ههههههههه اللي مايعرف الكحاح يرجع للمرجع السابق
الضاهر لو فيه احد به شي ماجاء يفرفر في مواضيع الصرقعه
المهم
تنبيه ترى هذه المره الثانيه فقط قلت فيها المهم يعني لايجيني واحد يقول ازعجتنا بكلمة المهم :)
انا ابي اقول لكم قصة صغيره صارت علي قبل البارح انا وعمي الله يعمي عيون العدو
القصه :
سلمكم الله قبل البارح عزمني انا وعمي واحد من الزملاء طبعا هو خوي مايعرف عمي الا عن طريقي وكان مسير علينا وعزمنا نتقهوى عنده وقلت تم نبي نتقهوى عندك بعد المغرب زهب (للي مايفهمون هالكلمه يرجعون للقاموس)قهوتك وقال خير
وجاء بعد المغرب وركبت ومريت عمي ابو النكبات
عمي يمكن بعضكم ماقد سمعه عن كوارثه ههههههههههه اخوص يالمشهور
مريته وركب معي على سيارتي وقال وين رايح قلت ليه نسيت عزيمة الرجال قال ايه صح
<<<<قلت في صدري والله لولا خوفي من الله لنزلك في الشارع
وعمي الله يهديه في طبعا ماهو زين لاركب في السياره قام يفتش في الدروج وينزل المضله ويولع الانوار اللي فيها ويشخص واحيانا يلتف في المرتبه اللي ورى كثير حركه قليل بركه
وانا احس انه ساحرني مااستانس لين اخذه معي بالعلم انه دكتاتوري بعض الشي وبخيل ماعمره عبى بنزين معي :)
من حركاته اللي ترفع الضغط احيانا لاسفرنا خط طويل ومشينا 100 كيلو قال وقف على جنب وشفيك ياعم سلامات قال لا بس ابي اتمغط وابيك تدق ضهري
عاد اقول في خاطري ياثقل طينتك ياعمي :)
ترى لو يدري ان جالس احش فيه هنا لعن ابو خيري
هالحين ماعاد يقدر يضربني صرت كبره بس يحرررررررررش ابوي علي
مسجله في جوالي الحروووووش ولاقال وش معنى الحروش اقول نوع من انواع الصقور :)
وهو يصدق مامعه غير سادس وداج عاد اولى متوسط 4 سنين وماافلح
شكلي مسكت بكم تقطيع في عمي هههههههههههه
ابي اردكم لصلب الموضوع
وهو له صلب ولا ضهر ولا رجل اصلا خرابيط في خرابيط
المهم :)
وصلنا حول بيت الرجال انا جيته مره قبل وعلى الوصف بالتيلفون ويوم وصلنا وجدنا اربع فلل بجنب بعض على نفس الشارع اللي هو فيه وكل واجهتهم وحده وتصميمهم واحد
طبعا هو قال في الوصف العماره الثالثه قدامها مرسدس الباب شوفوه قدام المرسدس
وجينا سلمكم الله ولقينا قدام المرسدس بابين واحد فاتح والثاني فاتح بس مردود شوي
وعمي ابن الحلال عجل شوي قلت لحظه ياعمي خلني اكلم الرجال اشوف الباب اي واحد اللي يمين ولا يسار قال امش يارجال تشوف الرجال فاتح بابه ومولع نوره اكيد هو هذا
عمي متعود على بابي دائم مفتوح اربع وعشرين ساعه مانقفله غير وقت الصلاه هههههههههههههههههههه <<<<بداءالهياط
قلت ياعمي خلنا نتأكد قال اقول لك امش بس
مااقدر اعصي له امر دخل هو قددامي ودخلت انا بعد واحس ان فيه شي
طبعا الرجال بيته الدور الثاني
دخلنا مع الباب حق الصور ثمن جانا باب البيت الجانبي دخلنا معه ثمن جان الدرج طلعنا معه ويوم طلعنا الدور الثاني شكيت في البيت احس انه متغير قلت ياعمي حنا داخلين غلط قال امش واسكت قلت سم ويوم وصلنا الباب الخاص بالشقه رنينا الجرس وتفتح لنا الباب بنت ام اربع سنين ويوم شافت خشة عمي ومير تصيح بابه حرامي ويجينا ابوها طالع
وش دخلكم هنا طبعا انا شفت ابوها وشفت بنيتة جسمه صابني رعاش في عضامي هههههههه احس انها يبي يمسكنا ويرمينا من الدور الثاني بيده ههههههههه
جيت ورى عمي اعرف في الشدات ماينفع غير ذراه ههههههههههههههههه
تكلم علينا الرجال وش دخلكم ومن قال لكم ادخلو قال عمي ياابن الحلال حنا عازمنا جارك واخطينا في الشقه والحين ابشر بالحق وصار كلام حار شوي بينهم والرجال كان ناوي يسطرنا بس يوم شاف عمي وقف له وقوف الشجاع هداء شوي
هذا اللي يخليني اخذ عمي معي عشان لاجات مثل المواقف هذه يعجبك هههههههه
انا جيت ورى عمي قعدت ادق على خويي اقول الحق حنا توهقنا مع جارك وشوي ويدق خوينا على جاره وقال هذولي ضيوف عندي وماعليش وبعد ماتأكد اطلق صراحنا هههههههههههه باعتذار شديد اللهجه
ومير سلمكم الله ننزل وندخل الباب الثاني اللي باب خوينا ونتقهوى ذيك القهوى اللي ماعاد لنا نفس فيها هههههههههههه
وبعدها نطلع من عند معزبنا نروح لبيتنا
وانتهت قصتي
وعارف انها ممله شوي وطويله
بس اللي مل ليه ماطلع اول ماشافها طويله هههههههههههههه
واشوفكم على خيررررررررر
رد: موقف حصل لي انا وعمي --الفاضي يدخل والمليان لااشوفه هههههه
ياحليلكم والله وذكرتوني بسالفة خوالي اللي كانوا جايين بيباركون لنا لاننا
سكنا بيت جديد أخطأوا الباب ودخلوا بيت الجيران لقوا انفسهم بصاله مليانه
حريم وحريم جيراننا يفرفرن للغرف!!!!!:مزون:
وهذي جزاة اللقافهدئلتدئلتدئلت
أخوي صالح تعيشون وتاكلون غيرها
رد: موقف حصل لي انا وعمي --الفاضي يدخل والمليان لااشوفه هههههه
ههههههههههههههههههههههههه ههههه
قسم بالله حلو الموقف
بس تصدق ليتك شبكت معه وجاك شوي جلد :tongue:ههههههههههه
ياااااااااسلام
صالح تعيش تأكل غيرها من هالمواقف بس ياليت يكون فيها شويه اكشن :wink:
<< ترها تبغى الترجمه لماسبق ذكره وثوكرن ....
رد: موقف حصل لي انا وعمي --الفاضي يدخل والمليان لااشوفه هههههه
مشكووووووووووور على الموضوع الرائع
و انتبه مره ثانيه ههههههههه
رد: موقف حصل لي انا وعمي --الفاضي يدخل والمليان لااشوفه هههههه
طفلة السماءشكرا على مرورك العطر اختيودي وتقديري
رد: موقف حصل لي انا وعمي --الفاضي يدخل والمليان لااشوفه هههههه
هلا ببتعد
منوره الموضوع
وماتجتاجين لترجمته راجعيني في وقت لاحق بعد رمضان ههههههههههههههه
ودي وتقديري
رد: موقف حصل لي انا وعمي --الفاضي يدخل والمليان لااشوفه هههههه
طيف السراب
الف شكر لك على مرورك العطر
وابشري وصيتك محل الاهتمام
ودي وتقديري
رد: موقف حصل لي انا وعمي --الفاضي يدخل والمليان لااشوفه هههههه
تدري دخلت الموضوع وطلعت منه ثلاث مرات احسه طويل بس في الاخير اضطريت اني اقراه
بس عمك هذا يذكرني بعمي بس عمي اوب حروش عمي ابو الزحف والصرقعه فيه
المهم << ترى فيني نفس طبعك دايم اقول هال :مزون: كلمه بس ترى كلمه لااراديه تطلع كذا بدون ماتطق الباب << الباب ينطق اذا كان داخل مو طالع
المهم تبي نصيحتي عمك هذا لاتاخذه مره ثانيه منعا للاحراج ومشكور على القصه الي ماادري كم قعدت وانت تكتبها:مزون:
رد: موقف حصل لي انا وعمي --الفاضي يدخل والمليان لااشوفه هههههه
بنوته هلاليه
هلابك نورتي متصفحي
بس عاد تدرين مايشبه قصتي غير ردك يعني طويل هههههههههههه
طيب وش رايك احسن عمك ولا عمي
على العموم
الف شكر على مرورك العطر
