دروب الشك ................(3)
الزمن ..
كنا قد تكلمنا عن اننا لانرى الحقيقه كامله .. ولكنها تظل حقيقه.. ث
م تكلمنا عن المكان وقلنا انه لايمكن تحديد مكان معين بالنسبه الى شيء ..
واليوم راح يكون كلامنا عن الزمان ..
وسنبدأ كالعاده باسئله :-
هل يمكن ان نحدد مقدار الزمن تحديدا دقيقا في هاالكون ؟؟
هل احساسنا بالوقت والزمان احساس ثابت لدى الجميع ؟؟
الجواب :- اكيد ..لا .
طبعا جميع البشر .. ساعاتهم مضبوطه على وقت واحد .. اليوم عند الجميع 24 ساعه ..
كلنا نمشي على النظام الشمسي .. دورة الكره الارضيه حول نفسها تمثّل لنا يوم كامل ..
ولكن بما ان المسبار على ارض المريخ هالايام ..
نجد ان المريخ يدور حول نفسه دوره كامله .. خلال دورته حول الشمس بنفس الوقت ( يعني ان اليوم في المريخ
يساوي سنة في المريخ ..لاحظ اليوم الواحد يساوي السنه في المريخ ) .
وهالكلام معناه .. ان تحديدنا اللي حطيناه للوقت .. وساعاتنا تمثلنا على كرتنا الارضيه .. وليست عامه للكون
كله .. بل هي عرف فقط تعارفنا عليه .. ولكن احنا عممنا هالوقت على الكون كله .. وهذا خطأ.. الوقت اللي نمشي
عليه وسميناه النظام الشمسي .. صالح لنا فقط .. والشمس لا تطل علينا بس .. بل تطل على جميع الكواكب ...
لذا تعميم هالطريقه اللي نحسب بها التوقيت خاطئه ..
طيب .. انا اتذكر اني اخذت اجازه قبل فتره لمدة اسبوع .. وعانيت من مشكله .. وهي انه لما تجي الساعه 8
صباحا تلقائيا اصحى من النوم ؟؟؟:(
وانتهت الاجازه وانا على هالموال ؟؟؟ لانني متعود كل يوم اصحى الساعه 8 للدوام ..
السبب هو (الساعه البيولوجيه داخل الانسان) .. وهي احساس كامن بالوقت .
بمعنى ان كل انسان عنده ساعه داخليه .. واحساس بالوقت ..
لكن احساسي بالوقت انا وانت هل واحد ؟؟؟
في لحظات السعاده ..مو الانسان بالسنوات كأنها ايام ..
ولحظات التعاسه ..مو الوقت يمشي ببطء .. حتى كأن اليوم سنه ..
كما قال الشاعر :-
مرت سنونٌ بالسرور وبالهنا ... فكأنها من قصرها ايامُ
ثم انطلت ايام بؤسٍ بعدها ..... فكأنها من طولها اعوامُ
واحيانا تمر عليك عشر دقايق تستمتع فيها وودك انها ماتنتهي .. وتستغرب سرعة انتهائها ..
واحيان تمر عليك عشر دقايق .. كنها ثلاث سنوات من طولها .. وكل دقيقه كنها ساعه ..وتتمنى انها
تنتهي ..ولاتنتهي بسهوله ..
وهي في الحالتين كلها عشر دقايق .:(
ونرجع ونقول هل حسابنا للوقت .. صحيح ؟؟؟؟؟؟
هل يمثل هالحساب احساسك كفرد بالوقت ... واترك عنك الكره الارضيه كلها ؟؟؟
اذكراني سمعت شخص في مقابله تلفزيزونيه وكان يتحدث ويقول :- هل تدرون ان شخصين مولودين في نفس
اللحظه .. في سن الستين ممكن يكون عمر واحد منهم ..62 والثاني 58 سنه .. اذا كان احدهما يسافر باستمرار
بنفس دوران الارض والثاني بعكس دورة الاض ؟؟؟ واللي جالس مكانه هو اللي يصير عمره 60 سنه ..؟؟؟؟؟
والسبب ان مابين كل خط عرض وآخر اربع دقايق ؟؟؟؟؟؟؟؟؟
هل تدرى انك ممكن تسافر من امريكا في صباح الثلاثاء الى _اظنه قال_ اليابان.. وتصل اليابان في مساء
الاثنين .. يعني وصلت متقدم يوم ؟؟؟؟؟؟؟؟؟؟؟؟؟؟:)
عجيب حسابنا للوقت ؟؟؟
بالعكس شي مضحك .. ثلاثه يولدون في نفس اللحظه تختلف أعمارهم ؟؟؟
احنا نختلف في حساب الوقت .. في الكرة الارضيه ..
ساعه غرينتش تكون الساعه 12 في كل العالم .. دول عندهم الوقت ليل ؟؟ ودول صباح ؟؟
ودول عندهم وقت الغروب ؟؟؟؟ ودول عندها وقت الشروق ؟؟
مع انه نفس اللحظه والوقت ؟؟؟
الدوله الوحده نفسها.. يختلف فيها الوقت ..
المشكله .. اننا نُسلّم بأشياء .. ونعممها .. ونعتقد ونجزم بأنها صحيحه ..
دون ان نفكر فيها .. وهي فقط مجرد رموز ..
او تبسيط لأشياء غايه فقي التعقيد ..
تعجز عقولنا البسيطه عن مجاراتها ..
اخوكم الصغير
مغربل
