-
ما هكذا تورد الإبل ياسعد
اغنام - ابل - دواجن - طيور
السلام عليكم
ما هكذا تورد الإبل قصة هذا المثل كما يلي
كان يامكان في الاوولد تايم اثنان من الأخوة كاش عندهم بعارين واجد واحد منهم مهتم بالأبل وكل وقته عندها راح عمره في هالبران ماغير يعبئ الوايت ويشتري شعير ًبرسيم ًويلصق عليها ستكرات القبيله المهم حس في لحظه ان عمره ضاع من غير زواج وقرر يتزوج خطب وكل شي رتب له من صاله وشعار وحجز تذاكر لشهر العسل بس بقي عنده نقطه شاغله باله هالبعارين وش يسوي فيها قضب الجوال ودق على اخوه سعد ياله رد عليه اخوه بعد خمس مس كولات وقاله عن سالفة شهر العسل وانه يبيه يمسك مكانه عند البعارين ورد عليه سعد بالايجاب وقال أبد ياخوي روح شهر العسل وفلها وازهل الحلال طبعا سعد هذا مايعرف مقدم الناقه من خلفها كل وقته نوم وسربته وبلاي ستيشن المهم خوينا الاول أعرس وراح ماليزيا
وسعد دق أبوها نومه سبوع وعقبها راح للبعارين وفلها مع العمال كبسات وتصوير مقاطع ومقالب على العمال ونشر في اليوتيوب المهم خوينا الاول ماصبر دق على سعد يتطمن على الحلال ورد سعد ابدااااا الحلال طيب ولا فيه بربلم قاله طيب ممكن تصور لي كم وحده وترسلها وتس أب قال ابشر صور وأرسل له واتس أب
طبعا كان خوينا طالع من جناح الهني مون وزوجته مولعه شموع ومعطرة الجناح وهو كان رايح يجيب لها باقة ورد في هاللحظه بالذات وهو يشتري الورد استقبل الصور وشاف صورة الحلال متغيرة لقط كرت وقلم وكتب
أوردها سعد وسعد مشتمل. ماهكذا ياسعد تورد الإبل
مالكم بالطويلة يضرب المثل بمن يتزهل بالشي وبعد ذلك يهمله
لنا لقاء مع مثل وقصه
lh i;`h j,v] hgYfg dhsu]
