شعر لاقلت احبك موت مااظن خافيك

**

لاقلت احبك موت مااظن خافيك
....

نم وسط العيون اللي هدبها يغطيك،
نم ياحبيبي جعل نومك عوافي..

رمشي من البارد حبيبي يدفيك،
لك في عيوني مسكن حيل دافي.

ياكبر حبي لك وياكثر ماغليك،،
اول غرامي معك واخر مطافي..

روحي تسافر لك وقلبي يناجيك
جيتك اسابق خطوة القلب حافي

هذي انا ياغايتي ميت فيك،،
والموت فيك احساس ماهو بكافي

انظم قوافي الشعر وارسم معانيك،
وانت المعاني كلها والقوافي..

حتى المشاعر كلها ذايبه فيك،
ملكتها وحدك بفن احترافي..

لا قلت احبك موت ماظن خافيك
سجلت حبي لك وصدق اعترافي..

قرب حبيبي جعلني حيه مابكيك،
نم في عيوني والهدب لك لحافي