[align=center]هذه القصيده وصلتني من ابن عمي الشاعر / سعد بن مسفر آل مهدي وردي عليه
سعد المهداني
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
يابو عوض يا اخوي انا اليوم راجيك=راجيك رجوى المنسجن للفراجي
عزالله إني بالموده مخاويك =خوة غلا ماهي بخوه هراجي
فياخوي أنا والله ماني بناسيك =إنته على راسي مخليك تاجي
إسمع كلامي وإنتبهله وأنا أخيك= إترك طريق اللي طريقه عواجي
إحرص على شخصٍ يعزك ويغليك= ياقف بصفك بالمطر والعجاجي
فكم واحدن يضحك تحسبه يسليك =يضحك عليك ولا وراه إبتهاجي
يمشي معك ون شان وقتك يخليك=ماينفعك لاجاك ضرف ٍ مفاجي
مادام يلقا بك مصالح مصافيك =وإذا انتهت باعك بسوق الحراجي
فبنشدك عن علمٍ ولاهو بخافيك= خابرك تجبر مكْسرات الزجاجي
أشوف لي يا خوي ناسٍ مهاليك= وأشوف لي علمٍ معكر مزاجي
وبانشدك رجم طويق هل فيه تشكيك=هل فيه أو ما فيه وين الخراجي
خابرك حلال العقود الشرابيك = عطني خبرها يا طليق الحجاجي
واطلب عسى يحميني الله ويحميك= ربٍ عليم بكربتي وإنفراجي[/poem]
عبدالله المهداني
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
يـا مرحبـا وأهليـن والله يحييـك=ترحيبةٍ تكفـي المريـض العلاجـي
كم لي وأنا اراقب مبـادي قوافيـك=وانته تعرف الصاملـه والهجاجـي
اللي على بـدع المثايـل مضريـك=ماني بـلا شـارد ولانـي بلاجـي
أبيـع بيـاع السواليـف واشريـك=اللي نهاجـه مـا يوافـق نهاجـي
مالي مع الرديـان والا الصعاليـك=دربٍ وتعـرف خوتـي وابتهاجـي
أحرص على شرواك واللي يحاليـك=اللي على الشـدات ماهـو يناجـي
لا اشتدت الوقفـات ماهـو يخليـك=سيـفٍ يعدل مالحقـه انعواجـي
لا يا سعد يا خوي ما أبعد هقاويـك=ترمي بعيـد ولا يجيـك ارتجاجـي
لا كثـرت الهقـوات تبقـا مباديـك=عليا يابن عمـي ولاهـي مراجـي
اعرف مقاصيـدك وفاهـم مغازيـك=واعرف سبب ما سبب الانزعاجـي
لا لا تغـارب شـي ممـن يجافيـك=خله يقفي فـي وسـاع الفجاجـي
امـا تعثـر بيـن هـذي وهاذيـك=وتشوفه يعود على الـروس راجـي
فمن سار في دربه مع الوقت بيجيك=لنه مضيـع مـا معـاه احتجاجـي
وقع الفرود يضيع بين البلاجيـك=لا صارت الوقفات فـوق المحاجـي
لا تنتضـر بيجيـك والا يخلـيـك=جعله مراح مقيط مـا عاد ياجـي
في الضيق تعرف عزوتك من معاديك=والحر يفرق عن طيـور الدجاجـي
فخذها صريحه يابن عمـي وتاتيـك=راعي الردى مالك معـاه احتياجـي
تحتاج للضفران في الضيق تنجيـك=اللـي بظلمـات الليالـي سراجـي
فهذا كلامي والسعـد منـك واليـك=لابـد مـا يصـدم بحـد السياجـي
واختامهـا ياخـوي ربـي يعافيـك=والعلم بان وطالـب الحـق ناجـي[/poem]
اتمنى ان تحوز على الرضاء ولكم تحياتي[/align]
