فاقدتــــــج يمــــه .. ليــش جـــذي

سلام عليكم بنات

طبعا ماكان في بالي اني ادخل واكتب لكم .. بس حسيت بلحظة اني محتاجة افضفض

ماتوقع مشكلتي لها حــــل http://forums.3roos.com/images/new_smiles/MszpW.gif

اول شي بقولكم عن حياتي من يوم كنت في بطن امي


امي حملت فيني بالغلط .. كانت تاخذ حبوب حمل منتهي .. وماكانت تعرف http://forums.3roos.com/images/new_s...1372811190.gif

ولما اكتشفت حملها حاولت انها تجهض .. يعني حركات قديمة تنط من ع السرير و هالسوالف

لما درت ان اللي في بطنها بنت صادتها حاله هستيرية .. امـــــــي تكــــــره البنات .. !

و دايما كنت اتذكرها تقول من كنت صغيرة ياليتني جبت 10 اولاد .. ولا يبت بنت وحده

طبعا بعد اجازة الولادة على طول سلمتني لعمتي عشان تهتم فيني ورجعت للدوام ( امي ممرضة تشتغل دوامين .. صبح و عصر )

كنا عايشين في بيت يدي ( ابو ابوي ) ربتني عمتي ..

من وعيت ع الدنيا ما فطنت الا بعمتي .. كنت احبها واااااااااااااااااااااااا اااااااااااااااايد و اغار عليها

ابيها لي بروحي !!!

كبرت شوي و لقيت امي تميل لأخواني بدرجة كبيرة وانا لا .. بالذات اخوي الكبير

للعلم ( احنا 3 .. ولدين و انا البنت اخر العنقود )

لما ترجع البيت الساعة 2 ونص .. كانت تسأل عن اخواني و لما تنام تمد يدها و تخلي اخواني

ينامون على يدها ..

وانا لا ..

و السبب : امي تكره البنات .. و اللي يضحك .. تقول الدلع للأولاد مو للبنات ..

سنة 2010 ..

تقدم لي شخص بعد علاقة حب دامت 6 شهور تقريبا .. ابوي وافق .. و لما سألني يا فلانة

ترضين تتزوجين اللي متقدم لج .. مع ان ابوي كان يدري اني احب اللي متقدم لي

بس بعد قلت له .. بابا اذا انت موافق انا موافقة .. بس اذا انت ماتبيه .. رضاك أهم http://forums.3roos.com/images/small_smiles/01.gif

وافق ابوي وصارت كذا مشكلة بسيطة بعد الملجة بسبب مادية زوجي لضعيفة ..

و الحمدلله تمت الامور على خير

يوم ملجتي .. بعد الحفلة صعدت فوق عشان اغير ثيابي و اطلع اتعشى مع زوجي ..

ابوي لقاني ع الدري .. قال لي ( ما أشتهيج و بجوف شلون تعيشين بدوني )

طبعا ابوي ماكان يقصر علي بالفلوس و الاشياء المادية .. على اساس كنت دلوعته

بس دلع بالكلام والعطف ماحسيت كلش !!!!!!!!!!!!!

انصدمت من كلامه و اخوي سمعه بعد قال لي خلاص لا تهتمين .. استانسي هذا يومج

..

المشكلة الاساسية وين !!!!

اهلي كلهم يموتون بزوجة اخوي .. اخوي الكبير

و امي تموت فيها لأنها من نفس اصل امي ..

علاقتي مع زوجة اخوي كانت ممتازة جدا بس بعدها تغيرت لآني انصدمت منها وايد

بداخلها حقد و ممثلة محترفة .. تقول لي شي وجدام اهلي شخصية ثانية

وانا ماحب المنافقين http://forums.3roos.com/images/new_smiles/363WX.gif

لقيت امي تطلع معاها .. تحضنها و تدلعها .. استغربت و قلت الله يا الدنيا

لما كنت اقول حق امي يمه لميني ابيج تقول .. مفكرة نفسج ليحين ياهل http://forums.3roos.com/images/new_smiles/6vCKp.gif

و كل ماتجوفني لازم تنتقدني .. على طووووول .. حتى بدون سبب والله العظيم

و لما اتزاعل مع زوجي و يكون غلطان توقف معاه ضدي .. وجدامه http://forums.3roos.com/images/new_smiles/h9enJ.gif

مرت اخوي كانت تقط الوصخ بحمامي قبل ما اتزوج و ابوي كان يقول خلوها على راحتها

خذت غرفتي بدون أذني .. حطت ملابس عيالها في كبتي .. و سكت

أبوي قال لي ( لين بتيين البيت استأذني من زوجة اخوج قبل ) http://forums.3roos.com/images/new_smiles/TB8IP.gif

تصدقون والا لا .. ؟؟

آخذ أذن من غريبة اذا بدخل بيت ابوي ...

بالذات اذا زوجي معاي .. لأن يمكن تتضايق http://forums.3roos.com/images/new_smiles/h9enJ.gif

عندها كراج خاص فيها في بيتنا .. حتى لو كانت مو موجودة .. مو مسموح لي اوقف سيارتي

داخل بيتنا .. لأن هذا باركها هههههههههه

اخر مرة .. رحت بيتنا و معاي عيالي .. امي كانت بتاخذ ولدي بتطلع معاه ..

قالت لي ييبي ملابس ثقيلة لأن بطلع .. قلت لها وين بتروحون عشان اعرف شنو أييب له

قالت مادري .. قلت لها شلون ماتدرين .. نط ابوي و قال اي ماندري .. ما خططنا

و انا على نياتي قلت خلاص بييب له اي شي و خلاص ..

بعدين سألتها قلت لها مع من بتطلعين .. قلت مع زوجة اخوي ..

انا هني انكسر خاطري ..

انا اللي امي طوووووول عمرها ما ركبت سيارتي http://forums.3roos.com/images/new_smiles/h9enJ.gif .. اي ماركبت معاي كلش

و حتى قبل ما اتزوج اخوي كان يوديني السوق آخذ لي ثياب .. تخيلووووووووووووا

قلت لها يمه انا بطلع تعالي معاي .. أبيج .. ابي اكلمج

صرت علي جدامهم كلهم .. قلت لج بطلع مع مرت اخوج خلاص ..

قمت وقفت وقلت حق ابوي ..

اذا امي فيها حب و عطف و اهتمام .. أنا أولى

انا بنتها .. http://forums.3roos.com/images/new_smiles/EYdyQ.gif

وقف لي اخوي وقال الحب و الحنان كله لج طال عمرج ( بطنازه )

قلت له اكيد بتوقف مع زوجتك .. هي اقرب لك من اختك

ضحك و باس راس زوجته

قال طبببببببعا بدون شك .. هذي زوجتي اقرب لي من الكل

انحرجت و طلعت من بيت ابوي

و لي اليوم محد فيهم يكلمني

امي ما تكلمنــــــــــــــي http://forums.3roos.com/images/new_smiles/EYdyQ.gif

و الله حرام

ابي اذكر موقف حلو ع الاقل بيني و بين امي يا ناس

على اساس ان الدلع للأولاد .. شلون تغير الوضع مع مرت اخوي .. http://forums.3roos.com/images/new_smiles/6vCKp.gif

انا مو حسودة ولا ابي امي تغير معاملتها معاها

بس ع الاقل تعاملني مثلها

تخيلوا صرت اتمنى امي تعاملني مثل ماتعامل زوجة اخوي http://forums.3roos.com/images/new_smiles/EYdyQ.gif

انا غلطانة .. ؟؟

اخوي صح اللي سواه ؟؟

يقول هالكلام جدام زوجته ..

الله كريم .. http://forums.3roos.com/images/new_smiles/6vCKp.gif

شنو غلطتي ..

والله اني محتاجة أمي مثل الياهل

ابيها بس تلمني والله

جني يتيمة و انا عندي ام و أبو ..