وما يلفظ من قول الا لديه رقيب عتيد

السلام عليكم ورحمه الله وبركاته

بصراااحه ماني عارفه شلون ابدأ الموضوع

يعز علي والله اني اكتب الموضوع في هالمنتدى الطيب
اللي جمع القاصي والداني ,, والهدف منه الاستفادة وتبادل الخبرات
صح مسماه كويتيات لكن يشهد الله جمع بنات الخليج قبل الكويتيات
وحتى اخواتنا من الدول العربيه ,

يعني عيب والله عيييب اللي قاعدين نشوفه
اتقوا الله فيما تقولون كل كلمة محاسبين عليها ، شلون لو وصل
الموضوع لقذف وشتم وسب وكلام مايرضى الله ولا عباده
خافوا الله في نفسكم خافوا الله في اهلكم اللي كبروكم

نسيتو ان احنا بنات الاسلام ، حفيدات محمد صلى الله عليه وسلم
اطهر خلق الله اللي اشتهر باخلاقه وحلاوة لسانه
اللي حتى خادمه ماقد سمع صوته مرتفع او انه تلفظ بلفظ بذيء

عيب عليكم ، راجعوا نفسكم وتعوذوا من ابليس ، ادحروا الشيطان ولا تخلونه
يكبر مابينا ويقص عليكم تدخلون في امور تافهه ما انزل الله بها من سلطان
وشنو سعوديه شنو كويتيه شنو عراقيه ، قولوا احنا بنات امه محمد
احنا بنات الاسلام عيب والله عيب

كلنا عرب ومسلمين وهذا اللي لازم نفتخر فيه مو هالاسلوب اللي مايدل الا على
نقص وتخلف مع احترامي ، اكيد كل من يعتز ببلاده وماحد ينكر ، بس مايعطينا الحق
بعد نتطاول ونغلط على الناس الثانيه وننتقص من قدرهم
شوفوا الدول الثانيه وين وصلت ، وشوفوا احنا وين واقفين والسبه
هالتفاهه اللي احنا عايشين فيها ,
كل واحد يوعى لنفسه ويلزم حدوده ، ماحد مجبور يتحمل قله ادب حد ، كلنا
عندنا من الهموم مايكفينا وعندنا من المشاغل مايثقل الراس
ندخل المنتدى نوسع صدورنا مو نتنكد بهالتخلف والرجعيه

رجااااااء حار للاداره اي حد يتطاول على ديانه ، طائفه ، جنسية
ينطررررد لان خلاص طفحنا ومليناااا
اقعطو المشاكل من عرجها ولا تعطون التفاهيين وجه وفرصه انهم يستقوون


وسامحوني عالاطاله خواتي