اشوفكم زعلانين على بيريرا طيب وشرايكم بهذا الكلام

اولا قبل ماحد ينبرش مثل لاعبينا اقوله بيريرا يمثلني
اللحين تعالوا نتفاهم

الاعبين هم اللي يجيبوا البطولات هم الادوات
وبيريرا يلعب بالصف الثاني المتهالك وبدون صانع لعب

بيريرا يلعب بالمعيوف الثقيل وامان لاعب حواري وزبيدي الا ماتدري وشقاعد يسوي بالملعب تقول راشه بقوطي نشا متيبس ولا بسعيد المولد اللي يصلح لكل شي الا كرة القدم ولا باخشوين الناس تلعب كرة للامام مثل غالب وهذا يقتل الهجمة ويلعب للخلف او عرضية يقطع الكرة ويسلم غلط ولا الحبيب عالة الفريق مستر معتز .. من وين يجينا الخير وهذول لاعبينا لو ترص جنب بيريرا بيريرات وتجيب كل مدربين البرتغال وعليهم اسبانيا بهالحلوين ماتجيب ربع بطولة ولا حتى شقف منها
البطولات يبغالها رجال تفت كفر صح رجال تقاتل وتصر على الفوز رجال كلها ثقه في قدراتها
ماهو سوادي والفتيل والشهري وطقتهم
اذا لم يكن بالفريق لاعبين سعوديين مميزين فلن يفيدونا الاجانب بشي
واذا لم يكن بالفريق لاعبين اجانب على مستوى فلن يفيدونا السعوديين بشي
يجب ان تكون العناصر مكملة لبعضها غير كذا انسوا بطولات
مراكز كثيرة شاغرة بالفريق كالتلي

( شاغر )
الحربي (شاغر ) اسامة ( شاغر )
تيسير - بصاص
موسورو ( شاغر اهم مركز) لويس
سوك

4 مراكز مهمة شاغرة ولايوجد بديل كفء غير رائد الغامدي

والباقي حوالي 16 لاعب حرام يكونوا في احد الاندية الكبار مكانه دوري ركاء
الفريق مافيه ادوات من زمان كيف يجيب بطولة
تبوا بطولة بالثقفي والريشاني ودرويش
ولا بعبد ربه وهزازي وصاحب ومالك
ولا بالمسعد والمر وجفين والخميس
ولا بالخيبري وامان والمولد ومعتز والسوادي

لازم لاعبين مثل الكسار والرويلي والثنيان
مثل غالب وشايع شراحيلي وعبدالعزيز الدوسري وسالم الدوسري
مثل الحمدان وحمد الحمد والشهري والشهراني والسهلاوي والشمراني

اما اشباه الاعبين ماينغزا بهم ومسكين من حطهم راس مال
هذي وجيه خسارة ماهي حقت لعب وفن وهندسه هذولي ضعوف
والضعيف ضعيف والحي يحييك والميت يزيدك قهر
هذولي موتى وفاقد الشي لايعطيه

هذي حقيقتنا صحيح انها مره وموجعة لكن اكاديمية تخرج مثل سعيد والخيبري اكاديمية لاخير فيها ويجب محاسبة المشرف عليها لان الامانة لاتتطلب مثل هذا الانتاج الهزيل فهناك من خان الامانه وشغل الواسطة
والمحسوبيات في الاختيار

جيبوا ادوات جيبوا ادوات جيبوا ادوات ثم احكموا على الداهية بيريرا
اما با النطيحة والمتردية
فلن يفوز قطيع النعاج على الذئاب ولو احضرت الف راعي وراعي
هذا بالاختصار