ممكن هذا الي يصير

السلام عليكم ،
يا جماعة الخير ترا النادي الاهلي ممتاز بس ينقصه كم لاعب نقدر نفصلهم بالراحه
1- الحارس المعيوف والله ممتاز صدقوني ما يتعوض صح احيانا خروج خاطئ بس ترا حارس ممتاز وما انتقد الا بعد
ما شفنا الضعف الدفاعي وطبيعي بيتورط الحارس
2- الدفاع اسامه و الحربي ممتازين بس المصيبه محمد امان والله يا ناس انه غيير مدافع وموضوع تكريمه من جمهور الاهلي كان اكبر غلط ولو تلاحظون ارجعوا لمقاطع المبارايات وشوفو ردت فعل امان وطريقه امان وكيف يخلص الكور و ال فتيل ممتاز بس طبيعي بتنقصه خبره الفريق الاول مع الايام يتعدل ان شاءالله و علي الزبيدي عله ما بعدها عله من يوم جابوه راحت النزعه الهجوميه وين الانفرادات وين الاوفرات وين رده فعل المدافع هذا نايم للاسف لاعب الخصم يكون وراه ولا ينتبه له وارجعو في مباريات قريبه مو بعيده على قولتهم مفهي
3 - الاجانب صناعه لعب صفر ، موسور لا يخدم الفريق ابدا يعني شي ملحوظ بالعقل وجوده زي عدمه لا يأثر مستحيل يكون لاعب في الاهلي مع كل الاحترام لمن جابه ، لا تسليم ولا استلام لا صناعه ولا عقل بس جري وتمرير خاطئ و عرقله لاعب الخصم طول الوقت مافي شي ثاني ، الهجوم مييت بالنسبه لسوك تلاحظ انه يتحرك في اطراف الملعب يدور على فرص مجتهد لكن ثقيل واذا استلم كوره يالله يشوت تحس انك تتابع حلقه لكبتن ماجد وهو يشوت يومين رافع رجله ويوم شوت ويوم الكوره رايحه الباب و المهاجم الثاني بكل صراحه ما نقدر نحكم عليه الحين لكن الكتاب باين من عنوانه



طيب لمن يكون عندي هذي الملاحظات من جمهور كيف كأداري ما انتبه لها ولا اقدر اصلحها و اعدلها واقومها شي ملحوظ ما يبغاله معجزه ، صدقوني العيب اداري لا مدرب ولا لاعب ، كل لاعب على امكانياته و الاداره تقدر توفر الامكانياات العاليه و المتوسطه والضعيفه ،

بالنسبه للرمز خالد بن عبدالله اتمنى ماحد يغلط عليه و يحمله اتم المسؤوليه لانه رجل وزع مهام النادي على مجموعه والخلل ينصب في المجموعه هذي ، لان الرمز بيدفع مبالغ خرافيه لوحده ولو راح من بيدفع ؟ الله يطول بعمره

اخيرا اتمنى يكوون في رده فعل ايجابيه من البيت الاهلاوي ويقوم باصلاح الاخطاء بكل هدوء وبعقلانيه وعلى نار هاديه لان الاستعجال حاليا مو من مصلحة النادي ،

تحياتي