*·~-.¸¸,.-~*تغطية .. لأمسية الشاعرتين : (بدر البدور & أغراب )في الطائف *·~-.¸¸,.-~*
في ليلة مخملية ..اكتنف سماءها ضوء القمر الفضي ... وتناثرت على أرضها ورود( الهدا والشفا )إحتفالا بمهرجان الورد الذي تعيشه مدينة الطائف هذه الأيام ..فامتزج عبير الورد الطائفي ..بعبق الديم الذي مايزال يواصل فيضه ومداده على أرجاءالطائف منذ فترة ..
ليلة انتظرها الجميع بشغف ..ثقة وإعجابا بشاعرية شاعراتها ( بدر البدور & أغراب )..
شاعرات قدمن من القصيم من قلب الجزيرة ..فلم يخيبن الظن بل صدحن بأجمل الكلمات ..وأبدعن في اختيار القصائد المناسبة للذوق العام للحاضرات ..
فكان العطاء عذبا ..فجاء المردود نديا ..إذ تفاعل الحاضرات بأروع صور التفاعل ..
بإدارة حكيمة من قبل( الشاعرة خمائل )والتي كان لها أكبر الأثر في رسم انطباع رائع لدى الشاعرات والجمهور ..
وبرعاية كريمة من مركز المناهل للفنون التشكيلية والأدبية حيث تزامن إقامة هذه الأمسية مع افتتاح سمو الأمير: منصور بن مشعل بن عبدالعزيز يحفظه الله للمعرض السنوي لرسامي المملكة ..بعنوان "إبداعات "
http://www.3rb2.net/get-1178232973.jpg
بدأت الأمسية ( الشاعرة خمائل )
بقصيدة مهداة للأمير منصور بن مشعل بن عبدالعزيز يحفظه الله تقديرا لرئاسته الفخرية لمركز المناهل للفنون التشكيلية والأدبية ..
أقتطف منها هذه الأبيات ...
[poem=font="Simplified Arabic,6,white,bold,normal" bkcolor="transparent" bkimage="backgrounds/9.gif" border="double,4,silver" type=2 line=1 align=center use=sp num="0,black"]
هديت طير الحرف والخير باقبال = بجية أمير ٍ نايفات فعوله
هلا والفين وأكثر يالشامخ العال = فالطايف اللي مزهرات فصوله
جاتك بروق الحرف تفخر بالاقوال = ويمك صدوق الشعر تركض خيوله
منصور بن مشعل سجاياه تختال = على البياض اللي تقاسم هطوله
نسل الشيوخ اللي مالنا عنهم ابدال = آل السعود رجال هيبة ودوله
في عزهم نربى ونفخر ونكتال = من فيض خير ٍ زاد عرضه وطوله
يامير لك بالطيب موطن ومنزال = ولك في حجاز العز جوله وصوله
تشهد لك ورود(الهدا)/ ( وج ) / ( والجال)=وجود مدك الجميع اشهدوا له
[/poem]
http://www.3rb2.net/get-1178233173.jpg
ثم عرفت الحاضرات (بالشاعرتين : بدر البدور& وأغراب )
ثم بدأت (الشاعرة : بدر البدور )..عزف قوافيها وهذه مقتطفات من مشاركاتها ..
صدحت بقصيدة عن الطائف مرددة :
[poem=font="Simplified Arabic,6,white,bold,normal" bkcolor="transparent" bkimage="backgrounds/9.gif" border="double,4,silver" type=2 line=1 align=center use=sp num="0,black"]
جيت ادور عن خفوق" ضايع" ودي أعيده=للضلوع ؛ ويوم شفتك صحت لله الكمال !
باهلك / جبالك / جمالك / جوك / وكلك فريده=مذهله كنك فتاة" تاهت بحسن وجمال !
غادة" تسكن فؤادي تسبح بداخل وريده = ماعلى الطايف ملام ولو تمادت بالدلال
دامها الشمس بسماها ودامني فيها سعيده =ما عليها ولو تزيد اعماق روحي إشتعال
[/poem]
الكلمات بحق الوطن لن تعبر عمّا نشعر به تجاهه مهما حاولنا صورت شاعرتنا جانبا من هذا الإعتزاز والولاء في قصيدة رائعة ..اقتطف منها ..
[poem=font="Simplified Arabic,6,white,bold,normal" bkcolor="transparent" bkimage="backgrounds/9.gif" border="double,4,silver" type=2 line=1 align=center use=sp num="0,black"]
الحكم مثل الجبال الراسيه حمله كويد = والجبل ماكل شخص ٍ شافه بعينه رقاه
الزعامه جت لعبدالله مطيعه دون قيد =الزعيم الملهم اللي لاحزم أمر ٍ مضاه
[/poem]
ثم قصيدة مهداة لصاحب السمو الملكي الأمير : نايف بن عبدالعزيز يحفظه الله بعنوان ( صقور نايف )
[poem=font="Simplified Arabic,6,white,bold,normal" bkcolor="transparent" bkimage="backgrounds/9.gif" border="double,4,silver" type=2 line=1 align=center use=sp num="0,black"]
سلام مني لرجل الأمن موفوره = ازكى تحيه عبير الورد عطرها
واخص نايف وزير الأمن وصقوره = من كل صقر"قوى الإرهاب دمرها
النايف اللي جهوده دوم مشكوره = يحمي حماها وغيره نام بحجرها
[/poem]
قصيدة شاركت بها للذب عن رسول الله( صلى الله عليه وسلم) ..بعنوان ( إلا رسول الله )
[poem=font="Simplified Arabic,6,white,bold,normal" bkcolor="transparent" bkimage="backgrounds/9.gif" border="double,4,silver" type=2 line=1 align=center use=sp num="0,black"]
قـــم واعلن الثورات ، سجل براءه =من كل ساكــت عن إهانات صهـــيون
ثورة تجـــدد في شبـــــابك دمــــاءه = تجعلك واحد وســطــه ارواح ملـيــــون
أعلن على ( الدنمرك) حربٍ نداءه: =( إلا رسول الله ) ياجــنس ملــعــــــون
[/poem]
وقالت تخاطب شعرها ..
[poem=font="Simplified Arabic,6,white,bold,normal" bkcolor="transparent" bkimage="backgrounds/9.gif" border="double,4,silver" type=2 line=1 align=center use=sp num="0,black"]
لوبغيت ارسم وش ارسم والرسم نصفه خيال =ونصفه الثاني جروح وحزن ودموع و(وله)
ياقصيدي لــو بغـيـتـك ما تجي في كـل حـال= تـتـرك السّهــل القريب ولـو سـواك استسهله
[/poem]
وصفت المعاناة بقصيدة تحت عنوان : ( شلت همي صغيره )
[poem=font="Simplified Arabic,6,white,bold,normal" bkcolor="transparent" bkimage="backgrounds/9.gif" border="double,4,silver" type=2 line=1 align=center use=sp num="0,black"]
شلت هّمي صغيره ِحمل مثـل الجبـال =والله اللـي بعونـه كـل هـمٍ يـزول
ماظهرالضعف حيلةخصلةٍمـن خصـال= أعتمدها بعمـري لااعجزتنـي الحلـول
ومااقبل براي غيري فرض والاّاحتـلال=وماقبلـت المهانـة فعـل والاّ بـقـول
مادام ديني دليلـي مـع حميـد الفعـال=وش يهم الأصيلة من كـلام العـذول؟
[/poem]
وصفت الاحلام والاماني :
[poem=font="Simplified Arabic,6,white,bold,normal" bkcolor="transparent" bkimage="backgrounds/9.gif" border="double,4,silver" type=2 line=1 align=center use=sp num="0,black"]
شفت الأمل طفل ٍ قديمه اثيابه= طفل ٍ يتيم يعيش خوف ٍ وحيره
بليل المتاعب كل شي ٍ يهابه=يمشي وهو يجهل نهاية مصيره
يفقد حنان امه وعز القرابه =أو صحبة ٍ تقصر مسافة مسيره
لكن عذاب الوقت زاده صلابه = بالتجربة إزداد عقل وبصيره
[/poem]
وانتقلت للشعر العاطفي ..فتساءلت ..
[poem=font="Simplified Arabic,6,white,bold,normal" bkcolor="transparent" bkimage="backgrounds/9.gif" border="double,4,silver" type=2 line=1 align=center use=sp num="0,black"]
قلت وش تخشى عليه؟ قال من نظرة افلان =قلت له فدوة عيونك كل طبل" إمعه
قال له نظره خبيثه كلها شر" جبان=كلها سم" يخالط لون عينه و ادمعه
قلت له حبك وصل بي آخر حدود الأمان=بعد ربي ما نخاف وخل شره ينفعه
[/poem]
ثم رائعة تدافع بها عن حبها بعنوان : ( التحدي )
[poem=font="Simplified Arabic,6,white,bold,normal" bkcolor="transparent" bkimage="backgrounds/9.gif" border="double,4,silver" type=2 line=1 align=center use=sp num="0,black"]
أدري انه حلم عمرك لوقدرتي تسرقيه =من فتاته حلم عمره عشق قلبه وافتتانه
حاولي بقدرك وجهدك كل سحر استخدميه =مع جمالك- لوجمالك- جنبي (بنفس المكانه)!
أعرف انك مايهمك غير شي تحققيه = الوسيله ماتهمك لوبها ضعف ومهانه!
[/poem]
صورت الوداع بمنظار شجي ..قائلة ..
[poem=font="Simplified Arabic,6,white,bold,normal" bkcolor="transparent" bkimage="backgrounds/9.gif" border="double,4,silver" type=2 line=1 align=center use=sp num="0,black"]
مثل حكم ٍ بموتي حان وقت الرحيل =وهلت دموع عيني يوم قلبي بكاك
ياغروب ٍ حزين دمع شمسه يسيل =وكل مافيه شارك حزن قلبي معاك
[/poem]
وقالت شامخة معتزة ..
[poem=font="Simplified Arabic,6,white,bold,normal" bkcolor="transparent" bkimage="backgrounds/9.gif" border="double,4,silver" type=2 line=1 align=center use=sp num="0,black"]
لاتحسب اني حزينه واشكي الهمي = ومنك اترجى السعاده واتوسلها
أنا شموخي رضعته من لبن أمي = وروح التحدي كسبته من تعاملها
[/poem]
من أجمل المواضيع الإجتماعية التي ناقشتها شعرا (معاكسات الاسواق) ومنها :
[poem=font="Simplified Arabic,6,white,bold,normal" bkcolor="transparent" bkimage="backgrounds/9.gif" border="double,4,silver" type=2 line=1 align=center use=sp num="0,black"]
واستبدت واخضعته وصار لافكاره رهينة =وازعج البنت وتمادى يوم حس انه عجبها
ماعجبها بس فكره بالجموح الله يعينه =وكان يمشي وفاجأته وراحت تنادي عربها
[/poem]
وقالت عن الفديو كليب قصيدة بعنوان : (عصر الجراءة)
[poem=font="Simplified Arabic,6,white,bold,normal" bkcolor="transparent" bkimage="backgrounds/9.gif" border="double,4,silver" type=2 line=1 align=center use=sp num="0,black"]
خّل الطرب،لاعـاش ( عصرالجـراءه )= مادامها صارت ( خلاعات ) و( مجون )
ومـادم كّـل صــار يـنـزع رداءه=واتبّدلـت كــل المفاهـيـم بالـكـون
جيّـش رهيـب ابليـس يحمـل لـواءه=جيّـش قوامـه كـل فاجـر ومـأفـون
شّر رمـى قلـوب الخـلايـق بــداءه=نارلـهـا سودالشياطـيـن يـدعــون
[/poem]
عن معاكسات الجوال قالت :
[poem=font="Simplified Arabic,6,white,bold,normal" bkcolor="transparent" bkimage="backgrounds/9.gif" border="double,4,silver" type=2 line=1 align=center use=sp num="0,black"]
دقيت رقمه غلط (ياوالله النشبه) =فرصه تجي له ولا تخطر على باله
مع صوت كله نعومه نبرته عذبه =ورقم( ن ) مميز تعطر فيه جواله
لاقلت اناله تأدب!! كني امسك به =(كتلة غباوه) تخالف قوله افعاله
لاقلت له (عيب) كني كنت أقصد به: = (حبك حبيبي هدف ماعشت إلا .. له )
[/poem]
http://www.3rb2.net/get-1178233305.jpg
أما (الشاعرة : أغراب أو أشجان العبدالله )..
( حيث أفصحت عن اسمها الصريح مؤخرا )
فلقد أنطلقت من هنا :
[poem=font="Simplified Arabic,6,white,bold,normal" bkcolor="transparent" bkimage="backgrounds/9.gif" border="double,4,silver" type=2 line=1 align=center use=sp num="0,black"]
لفني ريح الخزامـــــــــــى والنفل =وانتشى من جنة الطايف دليل
قلت يا لله !! المعاني في وجل =كيف توصف خلق مولاي الجليل !!
ليه اسافر عن هوى الطايف أجل !! = ولو كتبته دم في حقه قليل
واتساءل مثل هذا ما حصل !! = الصدور الرحبة .. والجو العليل .
[/poem]
ثم أردفت ذلك المقطع بأحرف ذهبية ومعان ندية عن الطائف على هيئة لغز ...
[poem=font="Simplified Arabic,6,white,bold,normal" bkcolor="transparent" bkimage="backgrounds/9.gif" border="double,4,silver" type=2 line=1 align=center use=sp num="0,black"]
القــــول سـيــــف وضربة السـيــف تـدمــي= تزهـر بذور اقـــوالهم بالفـعــــــــايل
يا لذة الرمـــــــــــــــــــان مع نفحة الري = ومع كل عود ٍ ينثني ويتمايل
فـيــــــــها الشفا طب ٍ لضيفـــــه يـداوي =والردف المذكــــــــور ما له بدايل
أرفــــع من غـصـــون الــوله بالفـيــــــــــافي =وتشـبـــه مزون الخـــير حلو الهمايل
وان بانت القـمـــرا ترى كـنـــــــــــــها ذي= حتـى النـجــــوم تزورهــــا فالقـوايل
عرفـتــو اللـي تســـــــــــــرق النور من هي ؟ =اللي تعز ارجــــــــــــــالها فالهوايل
[/poem]
للوطن في قلوبنا الشيء الكثير فكيف بالشاعر ..قالت من قصيدة وطنية تعبر فيها عن مشاعر أهالي القصيم بزيارة الملك عبدالله بن عبد العزيز يحفظه الله :
[poem=font="Simplified Arabic,6,white,bold,normal" bkcolor="transparent" bkimage="backgrounds/9.gif" border="double,4,silver" type=2 line=1 align=center use=sp num="0,black"]
أهل القصـيـــــم بـجـيـــــــته وقـــفو له=يفدونه بالأرواح والمـــــــــــــــــال والـزود
ألف ٍ هلا به والمحــــــــــــاني شـعــوله = نـبـضـــــة فعـاله داخـــــــل أعماقنا ارعود
تواصل بولاء ووفاء ..
ما ينكسر ظهر ٍ رفع بك حموله = وما ينحني راس ٍ لنا وانت موجود
هذا حبيب الشعب كل ٍ يقوله =حتى الصخر بمحبته صار موعود
كفايه اسمه وافتخرنا نقوله = عبد الله بن عبد العزيز آل السعود
[/poem]
ثم قالت مفتخرة شامخة ...
[poem=font="Simplified Arabic,6,white,bold,normal" bkcolor="transparent" bkimage="backgrounds/9.gif" border="double,4,silver" type=2 line=1 align=center use=sp num="0,black"]
يابــــوي من مثـلك تـرى ماهـقـيـتـه =يابــوي فعـلك نـايــف ٍ كـل الاجـيــــال
ويابــوي من قــدّي وانا لك وفــيـتــه =المهــره اللـي جـبـتــها بـنـت رجــــال
لـو يـعـتـلي راس الـنـشــامى رقـيـته =ولـو يـنـحــنـي صبـر ٍ أبـرسي له اجبال
لا واهــنـي مـــــنهـو تـكــدّر وجـيـتـه = عـز الله ان الـجـــرح يـبـرى ويـنــزال
ما كـل من يعـشـق صفـاتي عـطـيـته = وما كـل من طــبّ المـيـــاديـن خـيــّال
[/poem]
وقصيدة بعنوان (ما أكون أنا ) :
[poem=font="Simplified Arabic,6,white,bold,normal" bkcolor="transparent" bkimage="backgrounds/9.gif" border="double,4,silver" type=2 line=1 align=center use=sp num="0,black"]
ماقلت لك ! لاجار وقتك والملا بعينك يضيق = تعال أشيل الهم عن قلبك وأنا أشرب علقمه
//
//
ان ما جعلت الليـــل دونك من مصابيحي بريق =وان ما تركت النوح جرح ٍ مات واحيى بلسمه
وان ما نثرت العمر بـيدك صبح ورد ٍ بك يليـق =وان ما نذرت العمر يصبح منك اعظم ملحمه
ما كون ذيك اللي تقول ان جار وقتك لاتضيق =بعينك الدنيا وانا اكوي الهـــــم واشـــرب علقمه [/poem]
ثم : وصرت القوية ..
[poem=font="Simplified Arabic,6,white,bold,normal" bkcolor="transparent" bkimage="backgrounds/9.gif" border="double,4,silver" type=2 line=1 align=center use=sp num="0,black"]
مسـتـغـرب ٍ يسـأل عـلامي قـويّة = وانا الـتي من قـسو الايـام مانمــت
يا حــاسدي لا تـفـرح بـهم فـيّه= أنا من هـمـوم الليــالي تعـلمـت
رغم القصور اللي تعاني يديه = ألا اني ارفع هامتي لا تكلمت
ورغم الحروق اللي في قلبي مضيه= ألا اني اشفي علتي لا تبسمت
[/poem]
ثم قصيدة تحمل أمنية تفاعلن معها الحاضرات بعنوان ( ليتني بدوية ) :
[poem=font="Simplified Arabic,6,white,bold,normal" bkcolor="transparent" bkimage="backgrounds/9.gif" border="double,4,silver" type=2 line=1 align=center use=sp num="0,black"]
يا لـيـتـني وســـط الخــــلا وبــدويـّه= بـوادي خـضـر تـرعـى غـنـمهـا مع الـبـل
مـعـروفـة بالصــيـت حـيـل اجـــوديّـه=تسـعـى لـهـا العـربـان فـي حــزة الــذل
خـذيـت مـن جـــوف الصـحـاري هـويـّه =وخذيـت من شـمـس الظـهـــيـره منـاهـل
ألـبـس ثـيــــاب ٍ نـسـجــها من يـديـّه = واسـعـى بـكـل اوقــــات يـومي ولا امـل
بـنـت النـشــامـى حـافـظـيـن الحمـيـّه =أخـت الـرجــال الـلــي بهـم راحـة الكـل
أرفـع بـذاتــي عـن عــلـــــوم ٍ رديـّه= أمـشـي عـلـى طــبـع الـنشــامى ولا ازل
[/poem]
ثم قصيدة الأقنعة .. منها :
[poem=font="Simplified Arabic,6,white,bold,normal" bkcolor="transparent" bkimage="backgrounds/9.gif" border="double,4,silver" type=2 line=1 align=center use=sp num="0,black"]
تـناثـرت كل الملامـح وانكــسـر وجه الغـــرام= وامتــلت كل الشــوارع من وجـيـهـك أقــــنـعه
وجه تـنـــاثر مع هـشيم الريح وجنوبه حطـــــام= وجـه تبـعثــر بانكــسارك وانحـنى فـي مرتــعه
ختمتها بشموخ قائلة ..
والحـاجة اللي في يـديـنـك مالــــها أي اهـتـمـــــام =دام الحـقـيـقة مالــــها في سـر ذاتـك منـفـــــــعه
قـبـل الرحـيل اسـتـأذنـك فـي كـلمـتـيـن وبـاحـترام =مدري عـلى سـمعـك تـمـر ولا بقـلـبـك موجــعه
مـدامـك انت اللـي كـــذا أجـل عـلى الدنـيـا الـسلام =وكل الوجـيـه اللـي تـقـــابـلــــني مجـرد أقـنـــعه
[/poem]
ومن أحرفها في المعاناة ..تقول
[poem=font="Simplified Arabic,6,white,bold,normal" bkcolor="transparent" bkimage="backgrounds/9.gif" border="double,4,silver" type=2 line=1 align=center use=sp num="0,black"]
الحـيــل من جـور الصـواديـف يـنـهـد = والعـيـن تـذبـل لاتـمـــــادى سهرها
عـد الـنـجـوم إن كان في حصرها عد = تـرى الهـمـــوم اللـي بـقـلبي كثـرها
شـوف البـحـر يـلعـبّه الجـزر والـمـــد = هـاذي حـيـاتـي والظـروف تعـبرها
[/poem]
و .........
[poem=font="Simplified Arabic,6,white,bold,normal" bkcolor="transparent" bkimage="backgrounds/9.gif" border="double,4,silver" type=2 line=1 align=center use=sp num="0,black"]
لولا القـسا والضيم ما كنت مهتم =ولولا البكـا يا ليل وش كان سوّيت
مـرّت عليّ أيـام الله بـها اعلـم = لا نيب حـي من عنـاهـا ولا ميت
ولا صـار في بعدي حيـاتك تنعّم =خـلاص ابـبعد واترك اللي تمنيت
ولا صرت انا ذنب لخطـاي اتعلم = والله يكـفّر ذنبك اللي به اخطيت
[/poem]
أخذتنا إلى عالم الخيال بقصيدة خيالية بعنوان " صورة في المزهرية "
[poem=font="Simplified Arabic,6,white,bold,normal" bkcolor="transparent" bkimage="backgrounds/9.gif" border="double,4,silver" type=2 line=1 align=center use=sp num="0,black"]
يـوم أنا اسرج بي خيالي وصورتي بالمزهرية=طــالـبــة بـيـن الدفـاتـر أقرى درسـي وتوّي بنـت
خلت انا حـــالي عجــوز قد بلغ عـمـري عـتيّة= قد مضـــى للشــيـب كـرّة فـي ســنـيـني يوم لـنت
مدّ شـوفي حاجبين يشتعـلــها الشـيـب غــــيّه= ومـدّ خـطـــــواتي عـصــــاة في مواريـهـا فـطـنت
تـشـتـكي ســود البـرايـا من تـجـــاعــيد بيديّه= وما شـكـيـت الوهـــــن غـمه يا لبـرايا ما حــزنت
ما تـعـلمـت الكـتــابة والحـــروف الأبـجــــديّه = راس مــــــالـي بيت شعــر وكـنـت ياما ياما كـنت
[/poem]
من القصائد الإجتماعية :
قصيدة على لسان عجوز تركها أولادها في دار المسنين ...
[poem=font="Simplified Arabic,6,white,bold,normal" bkcolor="transparent" bkimage="backgrounds/9.gif" border="double,4,silver" type=2 line=1 align=center use=sp num="0,black"]
ألا وان مـت يا وليدي قـبـل ما شوفك بـنـظــرات =أحـس بـخــاطـري شـيٍ عـظــيـمٍ ودي اقــوله
يـجــي يـوم وتجـي مثـلـي بعــالم فكـرها أشـتـات =ويعـمل بك مثـل ماكـنت تعـمل بي على هـوله
طـفـلك بعـدها يكـبر يـنــسى شـــايـبٍ مامـــــــات = على نـفس المكان اللي جلست بقاعه مجهوله
يـجــي لك يـوم يا وليدي تـذكـر كـل شـيٍٍ فـــــات = إلى جاك الغـريب وصاح : هذا الشيخ منهوله
[/poem]
وتحدثت عن السرعة المرورية وآثارها بقصيدة على لسان شاب فَقدَ ذراعه في حادث مروري :
[poem=font="Simplified Arabic,6,white,bold,normal" bkcolor="transparent" bkimage="backgrounds/9.gif" border="double,4,silver" type=2 line=1 align=center use=sp num="0,black"]
غـفـيـت بـسكــرة الـونه صـحـيـت بـعـــالـم ملـتـــم = سـمعـت اليــاس يـرثـيـهم يقول ان الأمل ضــاعي
ألا واللــي خـلـــق نـفـســي ونـزّل أقــــــــرأ وعـلـّم = إذا ما تاصـــــل احروفي ترى مال الشعــر داعي
بعد ما شــاخت دروب المديـنـة من حـــوادث جــم= وبعـد ما فارقــت عـيـن الحـبـايـب خـل ملتـــاعي [/poem]
http://www.3rb2.net/get-1178233434.jpg
جانب من القاعة ..وعلى جوانبها بعض اللوحات التي شاركت في المعرض ..المتزامن مع الأمسية
//
//
خُتمت الأمسية بمداخلات من قبل الحاضرات ..كان أروع المداخلات من إستاذة جامعية حاملة لشهادة الماجستير ..
ممّا قالت .." حضرتُ للنقد ..ولكن أوراقي تبعثرت وضاع قلمي من روعة ماسمعت ..فلقد شعرت بأن الشعر النسائي بخير ..."
بعدها سُلمت الدروع التذكارية للشاعرات من قِبل رئيسة مركز المناهل ..
//
//
وخرجنا من تلك الأجواء ونحن نرتشف الإمتاع ..من رحيق الإبداع ..
فلهن جزيل الشكر والتقدير ..على هذا العطاء والجهد ..
ولمديرة الأمسية ( الشاعرة: خمائل )أجمل عبارات الثناء والتقدير ..
والشكر موصول لمركز المناهل ممثلا في رئيسته والقائمات عليه ..على تبنيه هذه الأمسية ..
والمساهمة في رفع عطاءات المرأة السعودية رسما وشعرا ..
مع عابق تحاياي ..
