السلام عليكم ورحمة الله وبركاته
اليوم جايب لك موضوع من العيار الثقيل:11umbup: :11umbup:
ـــــــــــــــــــــــــ ـــــــــــــــــــــــــ ــــــــــــ
حمـــــار تســــــلب عزيــو لعنـــه انطل هالدماار اللي تشـربه ( هذي كانت صرخات ابي الظريف ) وانا كنت في لحظه هواجيس وجالس فوق الخزان واشرب الببسي واليد الثانيه اظفر بها شعر ابطي:biggrin: انقطع حبل افكاري بنعـال لفختني في علبـاي واجاوب على وجهي في الخزان كعادتي اليوميه .. طبعن ما بقى فيني عضو في جسمي الا وهو متكسر الين غديت كني فيفي عبدوه كل ما مشيت في الشارع نقطو علي بالدراهم يحسبوني اهز وسط ومناك متكســر .
صحيت من الاغمى على شي حار واكتشفت ابوي يرش وجهي ببياله شاهي:زعلان: ( المويه تخبرون وزراة المياه هلأيام ماخذينها فله كل شوي قاطعين المويه ) ووجهي مع الشاهي قمة التلثيد على قولتهم زود على هم الليالي زغاغيل طالعن وجهي تسنه طوفريه عزيمة حموله :biggrin: .. كله بقع شاهي وخدوش وشهابه واقوم واناظر ابوي وانــا في حزة الـروعه من التقويمه واناظره وانا طايرتن بوهتي وش فيك تكب علي الشاهي قال وش اصحيك به كلش مخلصـه تاكل الاخضر واليابس ما بقى عندنا الا الشاهي:11retcher
مرت الايام وكبرت وكبرت معي مواهبي وصرت اشرب ببسي العائلي اربع مرات :icon_smil في اليوم وطلع فيني اختفاء عظام موب هشاشه عظام وصارت من زود الهشاشه في العظام امشي على اطرف اصابعي:biggrin: وفي يوم من الايام وانا جالسن في الملحق دخل علي ابوي ويناظرني نظرات بؤس والدموع تبطبط واناظره وانا طاقتني الابتسامه قال يا وليدي انا تعبت منك يعني لا وظيفه ولا شهاده ثنوي ولا شي الناس تجيب عيال عشان تشيل اسمائهم وانت اخر امل للعائله يعني لو ما اعرست بتنقطع العائله ويحل على شجرة العائله فصل الخريف (وش رايكم في الدرر والكلام الكبير ) وانت شين ودورنا لك بنت تعرس عليها ولا احدن باغيك ومن زود وساعة الوجه تقول ابي زينه :زعلان:
انا حسيت بشعور الطير الجريح الهائم على وجهه في الطرقات:icon_frow .. قلت يابوي وش اسوي مكتب العمل ويقول بنوضفك دباسه في شركه لأن ضروسي كبار وما فيه الا هي المفيده فيني والشهاده تخبر من حطو اختبار الوزاره والعالم تطلع من الاختبارات وهم صياح ونباح تسنهم مطلقات والوضع من اردى لأردى ..
رمقني ابوي بنظره وقال دام ما منك فايده وما عندك الا شرب هالببسي وراه ما تجمع قروش وتشري الببسي الجديد اللي حاطينن عليه عرض على جوائز يقولون الجائزه الاولى سفره لـ ماربيا في اسبانيا مدة اسبوع مع اقامه في فندق خمس نجوم انا قولبتها في دمجتي وفكرت وقلت دام ان فيني فيني الببسي خلوني اشتري هالببسي الشكل الجديد لأني من اول اشري ابو نص ريال كرتون واعبيها بخمسه قمة التوفير والحنكه يعني سبحان الله عقليه تجاريه بس مكتوب لنا الفقر .. مرت الايام وانا اشري في هالببسي الجديد وكل ما فتحت علبه القى في الغطى مرسوم صورة ببسي ثاني يعني ببلاش واروح اخذه ببلاش يعني الجوائز فيك فيك مره اشرب الببسي بطريقة طبيعيه ومره احطه في كيس بلاستك واحطه في الفريزر واقلبه عسكريم ببسي وبعد حقبة من الزمن والضبط يوم الثلاثاء ميلادي والاحد هجري ( وين التقويم عنك يا المخيس )
وانا كعادتي منبطح على ديدي:هاها: في وسطه الملحق طق الباب ابوي وقال ترى برى خويك الخبل انا جاني الهم لأن هالولد يا عالم مخه فاضي وما عنده استعداد يفكر والاستيعاب عنده بطيء قلت يابوي يرحم امك منيب فاضين لـ هالعاهه .. قال يعني اصرفه قلت ايه اكيد وبعد عشر ثواني وجزء من الثانيه رجع ابوي ومعه فدرالي انا تصفق وجهي وقلت لأبوي انا وش قايلن لك !! رد ابوي وبكل حموضه لاعبه في تسبده ياخي وش اسوي نشب لي قلت له انك تقول انك منتاب في البيت قال عادي بدخل واحتريه واديـور على الخبل وانا فيني الصيحه واقوله ياخي انت نشبه ما تستحي ما قالك ابوي اني منيب في البيت وش تبي رد علي قال لا ياخي ما عندي مشكله احتريك الين تجي عظيت ديدي من الغبنه والعن خامسه الين قام يطشر الدم من جبهته وهو يأشر لي وقفت الطق وقلت وش تبي قال طيب علمني لو انك بتطول ما احتريتك انغبنت زياده ولعنت جدفه اكثر الين بديت اشك انه انقلب شطه ( لأن راسه صغير ومن تحت منتفخ ) ويطيح من جيبة علبة واطرده برى البيت والقى علبة ببسي نساها :wink: ........
( حـتى جـا اليــوم الموعــود )
وافتح الببسي وانا احس ان الكلى عندي جاها أيدز من كثر الببسي وافتح العلبه وانا كلي حسره واتخيل نفسي وانا عاظن على ثوبي واتمشى في ارجاء ماربــيــا وافتحها واشوف الغلطا لقيت شي غريب علم برشلونـا واناظر الجوائز استغربت :واو: !! وش الدبره يا عزيو واناظر ما لقيت الا جوائزهم المعهوده كوره ببسي وببسي ابو ريال وذاك المسجل اللي يخرب ان مسكتاه بيدك لأنه احتمال ينكسر واناظر والجائزه الكبرى اقامه في ماربيا خمس ايام وجمب الجائزه شعار برشلونــا انا حزتـها وقف مخفي واقلبها في راسي انا فزت بالجائزه ولا مافزت ماش الى الحيـن ما بعد استوعب والله واناظر مره ثانيه والقى الشعر :11rob: هو هو والله اللي ادرعم امشي شليـاار في الحوش وانا ماسكن صريويلي الصغير واسوي حركة الموج على طلعت ابوي من غرفته ورمقني بنظره تعبر عن مدى الاستحقار قالي وبكل بـرود هـاهـا وش فيك ربحت جائزه الكوره انا من الحمـاس والبسطه قلت كل تبــن:كلوش: وش عرفك انت ربحت جائزه السفر ابوي ما صدق وحس اني اول مره اسوي شي في حياتي فصخ صرواله معي وكلنا حركة الموج في الصاله امي سمعت الخبر من بعيد من الحماس جت من بعيـد تمشي شليــار وزلقت في بطن ابوي ( امي تحاديه وتعشق اللاعب منتشــري ):11ctor: :11ctor: وعمت الفرحه في ارجاء البيت
اهلي ما صدقو الخبر وندق على الجميح ابوي طبعن من خبرناه على الدنيا وهو ان جا يكلم بالتلفون لازم يلبس بشت ( مدري يحسبهم يشوفونه ) :11retcher ابوي ما رد عليه واحد من الشركه ابوي قاله :- يميدك تتحدى ما قلت لك موظف الشركه انفصخ مخه وحس ان ابوي موب في كامل قواه العقليه قال آمر يا عم ابوي من دموع الفرح قال اقول على تبــن ووين مقركم خلونا نمركم ناخذ التذكره بس وحجز الفندق وساعة الصدر .. حددو لنا الفـرع ونقز ابوي طمر وجاب التذكره وسكن الفندق ..موعد السفره بعد سبـوع ..
مرت الايام وانا ما اعطي احدن وجه كل ما مريت من ابوي اقوله ياخي انت مسيكين تكرف طول عمرك في هالوزارات واخر شي رحت له ابهـا ومصور بكرفته بزعمك براا ولاعبن علينا ولا احد يصور جمب بانيـو ويوريها زوجته ويقول هذا يوم كنت على نهر دجله المشكله امي خاقتن مع ابوي وكل ما فقش عليها تناظره نظرات اعجاب وخقه وتحس انه عظيم :biggrin: الزبده اني معاد اقوى التفت وابوي صاار يحترمني وعيال الحاره معاد يسموني الا عزيو الفرنجي وصرت كل ما اطلع امـر الدهـّان اللي في اقصى الشارع اخليه يصبغ لي شعري اصفر ( ضريبة اللي ما عندهم تلفزيون ) :tongue:
مرت الايام وقبل وقبل السفر بيوم قال مشينـا المطار انا طارت بوهتي وش فيك يابوي قال كل الجماعه يحترونك في مواقف المطار شقلني ابوي مع ديدي وسحبني للموتر وركبني وركبو كل اهلي وحاطين لي هدومي في كيس زباله طالع تسنه عفش مطلقه:icon_frow واروح واللقاهم فارشين وطاقين خيامهم في مواقف المطار وشابين النار ويطبخون والبزران ما عليهم الا صراويل سناويه وخذلك يا تبطح في الزفلت راشين بـ فيري والواحد يجي مسرع ويتزحلق البطل اللي يطلع ظهره اسود اكثر:11ctor: ( والله ياهم طملين ) وانا طايرتن بوهتي اناظر جماعتنا وش فيهم العنبوكم الواحد ان جا يسافر تخيمون في مواقف مطار و يودعون الواحد قبل السفر بيوم .. مر اليوم وجا موعد السفر اللي هو 3 العصر قمت من النوم والقى كل جماعتنا متسدحين اللي نايمن على الرصيف واللي منسدح ونص راسه ناقعن في مويه :tongue: انا تداركت الموقف ودريت ان ما بقى الا ربع ساعه على موعد الطياره وقمزت قمزة عجيز ما تمكيجت وسابقت الريح عشان اركب اول واحد واوصل اول واحد < يلعـن ام مخك اللي ما فيه الا شراب وجزمه
والله وامداني اركب الطياره طبعن لظروف الجينات الانثويه اللي فيني وان ديدي واصلن سّـري حاطين لي مكانين واحدن لديدي ورابطين عليه الحزام لا يطيح همن اتوهق :11retcher
ومكان لي وانا جالسن تشطف ذيك المظيفه اللبنانيه اللي من نظافه وجهها لو تحك اصبعك طلع صوت القزاز ان تنظف وقسم يا عليها وجه من زينه احس انه يوجعها وذيك السيقان اللي ما فيها ولا شعره :huglove: < لا يشيخ .. والقوام الممشوق والخصر اللي يمديك تقلبه مركا يعني وقسم بالله لو يعلقونها في الجدار تحسبها صوره من نظافتها ما فيه ولا شدوخ ولا جروح مرت من قدامي وقام قلبي يخفق ناظرتني النظره الاولى بأبتسامه وانا في نفسي اقول شكلها تشوف اللي وراي والتفت ورى ما لقيت احد وارجع اناظرها وهي تناظر ديدي اللي في كرسي لحاله وقالت لي شو شو شو هيدا قلت لها هيدا هيدن شولدرز :vampire: < يا شين اللي يتوهق ولا يعرف يحتسي
استعوبت الموقف وقلت اللي شو هيدا ..!! قالت انت هلأ رايح ع لندن من شان العمل ولا شو قلت هـلا وسهـلا عشاني ربحت جائزه تقلب وجهها هي وقالت الموهيم انتا خود لك شنتايا وحط فيها اهم اغراضك بس اهم شي انها ما تتعدى الثلاثه كيلو قلت لها يختي فنيلتي لحالها 4 كيلو قالت مو شغلي قلت لا يرحمك مو شغلك ونص اجل مو شغل مين ( كيف اللهجه باللهي :biggrin: ) قلت خلاص مهيب مشكله خذت عفشي وراحت وجالست اكل حب ونص القشام منطول جنبي متعودن على الملحق وكل ما مرت اللبنانيه سادتن خشمها من ريحت القشام والببسي وانا اتبوسم ومبسوط وصلنا لـ ماربيا اول ما نزلت واشوف كل العالم مفاصيخ بلا عبايات وانا اللي اركض ومنحاش لا تجي الهيئه وتشوفني ( طراله ذاك اليوم موقف بسيارتي عند محل اتصالات ومرو بنتين جمبي وانا لاهين عنهم وقاعد ازين الجوال توني شاريه ويجي واحدن برميل وسيقانه صغار ويلعن خامسي وراك ترقم ووراك ترقم وانا مغير أرغي واصايح :11bomb: ) الزبده وانا اراكض طلعت برا المطار والقى نفس الوضع كلهم مفاصيخ ومهنى عبايات واستوعبت اني منيب في الرياض وان الوضع صدز وانا في ماربيا وقعدت امشي على رجليني ووقفت عند رصيف احتري خط بلده عشان اوفر دراهمي واعطيه ريلين ما ياخذ علي عشرة اريل وماش مهناش خط بلده ولا شي ما غير تكاسي ومواترن سنعه ..
طولت وانا جالس ومر الوقت والنكهه بقت ( كل تبن وبلا مصاله :icon_frow ) جت الساعه 2 الفجر يا ولد مهنى خط بلده ولا شي وتطقني الدمعه واقشعر جسمي وقفت تكسي وقلت ودني للفندق وقام يقول كلام مدري وش يبي غريب وانا متنح واناظره واقوله اوكي اوكي يس اف كورس وهو اللي يوديني لقسم لأكبر ساعه في ماربيا وافرش فيها وانام .. واقوم على نور الشمس والقى عشرة مبزره شقران حمران عطران يصورون جمبي اللي يصور وهو مأشر على ديدي واللي مصور وهو نايم على كرشتي يحسبوني كائن غريب ( والله موب منك اجل بالله فيه احد ديده يسحب في الارض :biggrin: )
انا قمت وماش اشوف كل من شافني يناظرني بطرف عين كنت لابس بدلة وزاره المعارف:زعلان: اللي لونها اخضر وعليها خطوط من الجوانب ومغاط في طرف الرجل وحاس اني كوشخه .. والله والتفت يمين يسار واتمقل ما فيه احد اعرفه ( لا يشيخ ) وامشي في هالساحه والقى بساط لونه احمر وبراد شاهي ورجال لابسن بدله وجمبه حرمه لابستن عبايتها وحجابها :كلوش: ( الله يعز الاسلام والمسلمين ) والله واركض لمه الين قام وانحاش هو والحرمه اللي معه وهم يقولون جاااا جااا جااا تسوناامي:زعلان: جااا والله وامسكه مع طرف فنيلته واقوله انت عربي التفت وقام يدقق في ملامح وجهي وقال انت آدمي انا ضاق صدري وحسيت اني انجرحت قلت يعني و تشوف جني يستخف دمه مثلاَ قام وقال العذر والسموحه والله شفتك مقبل وانت تراكض وناصيني قمت وانحشت انا ومرتي قال وش عندك هنا قلت والله ادور فندق وفي نص حوارنا قطع سالفتنا عسـكري اطخم وجسمه يقول الرياضه مثل شربة المويه عنده .. (( موب عساركنا الله يخلف حزامنه رابطه في كرشته وما غير يوقفون هالمساكين ويمحطونهم بالمخالافات:زعلان: )) قامو يرطنون كلامن منيب اعرفه واناظر خويي العربي وقلت له وش السالفه قال العسكري يقول ان ملك اسبانيا بيمر من الشارع ويبون يخلونه عشان الموكب بيجي انا قلت خلاص ما يخالف خلنا نبعد شوي عن الساحه ونشوف ملكهم الزبده وحنا جالسين وتمر ذيك الدوريات:11ap: :11ap: ..
انواع واشكال بي اماات ومرسدسات انا كنت فاقن خشتي مع الملك وموكبه:11retcher قام يحكني خشمي وادخل مصبعي الدبي في خشمي واحكه واناظر فوق والقى واحدتن تكروني معك ساكتون ويطل من فتحت دريشه ومصوب على الملك ( العنبوك احد يقتل بساكتون :زعلان: ) والله وانا اللي اركض واقتحم الموكب واشوف الخال ضاغط الزناد واطمر طمرت رونالدينيو اول ما طلق رصاصة الساكتون الا وانا على طمرتي واشوت الرصاصه بحركه خطافيه :11ccer: وارتدت الرصاصه في وجه الخال ومات:واو: الموكب توقف نزل ملك اسبانيا ومعه واحد وتجمعو العالم ويصفقون لي شي على الروح الفدائيه اللي فيني :icon_conf الملك خق مع مهاراتي في الارتقاء وقال لـ مترجمه كلام مدري وشو التفت علي المترجماني وقال الملك يقول نبي نضمك لنـادي ريال مدريد انا تبوسمت قلت له اللي نلعبه في البلاي ستيشن:mf_popean قال ايه قلت يعني ان رجعت الحين للرياض وشغلت الشريط القى اسمي معهم في ريال مدريد التفت علي المترجماني وقال ياخي تستخف دمك انت اقولك بيضمونك الحين صدق:11rob:
والله و ويشطفني ذاك الموتر اللي من مر من عندي الين وصلت اخر باب جلس ربع ساعه :هاها: ( والله من طول الموتر ) ويركبوني ورا مع الملك الاسباني وجمبه بنته ويناظرني ويتبوسم وانا ذارق وتطقطق ركبي لا يودوني الاماره ولا يسجنوني في الحاير اخاف هالمترجماني نصاب:11retcher .. الزبده ودوني للنادي والله ويدخلوني وصرت احضر تمارين وخذلك يا لعب و زيدان ورنالدو جايتهم اخبار عن حركتي الفدائيه اللي انقذت فيها الملك وخايفين لا اكل الجو عليهم ويعطوني كبتنية ريال مدريد والله وابدا تمارين معهم:11ccer: .. مرت الايام والمدرب كل ماله ويخق معي وصرت اعرف اجواء الدوري الاسباني وعرفت ان الند المنافس والكلاسيكي هو النادي الكتلوني برشلونا .. ومشى الدوري الاسباني وانا صرت في مقدمة الهدافين وصارو يبيـعون فنايل عليها صورتي :11ap: ..
وبعد حقبة زمنيه طالت الى شهـر من سفرتي وانا جالس في غرفت الملابس في النادي واتذكر ابوي يقول اتمنى انك تصير شي مهم في هالعائله وترفع راسي وانا تزنطني العبره وادق على ابوي واعلمه عن الاخبـار وقالي ان العالم صارت تتابعك في السعوديه وان كلن خاقن معك وصارو العالم يسحبون على الدوري السعودي ويناظرونك:biggrin: وانا اللي اتشقق وكل مالها ودموعي تزيد الين انقلبت غرفة الملابس مسبح:11ctor: واسكر السماعه واحضر نفسي للتمرين وبعد التمرين اكتشفت اني موب من الاساسيين في الفريق مع اني كنت الهداف في الدوري وحطوني في دكة الاحتياط المدرب يبي يكسر مجاديفي يبي اذا خذ الكاس يقولون الناس السبب المدرب موب عزوز المخثرق والله ويجيني ذاك العرض اللي يوم شفت سعره حلقت حواجبي من ساعة الصدر:11ight_li من رئيس نادي برشلونا وانتقل لهم والله وارفع الفريق لـ الصداره وخذلك يا اهداف وكل هدف ادخله اروح للكمره اللي في الملعب وارفع الفنيله واطلع طرف ديدي وعشان يطلع اللي مكتوب عليه ( كاتبن على ديدي راحت عليك يا مردونا:11umbup: ) والله وطبعن كنت اتجنب أي زلقه من اللعيبه لأن عظامي مهناش وما يبيلها وتنكسر وجا اليوم الموعود ويجينا ذاك الخال المدريدي اللي جابوه بدالي ريال مدريد ويطمر علي برجله في نص المباراة وجاني رابط صليبي في رجليني ويديني وخشمي وتشعـر في الديد:biggrin: ..
وانتهت حياتي الكرويه ورجعت للرياض بطياره اسعاف من ملعب الكامب نو الى مستشفى الشميسي دايركت ..
انتهت حياة عزوز الكتلوني الكرويه .. وعاد الى مسقط رأسه منفوحه:icon_frow
وعاد وهو يحمل الكثر والكثير من الدراهم واغتنت العائله العزوية واصبحت من اكثر العوائل ثراء في ارجاء المعموره واصبح عزيو الكتلوني مهاجم نادي الهلال السعودي :biggrin:
م
ل
ط
و
ش
وأتمنى أن يعجبكم
تحياتي
