لو خسر الاهلي !

لو خسر الاهلي زي العادة
مارح اتفرج اي مباراة ومارح ادخل المنتدى ومابغى اسمع اي خبر للاهلي
والي يبغى يقول مندس ماعندك انتماء ومدري ايش يسد حلقو
صحتي اهم من الاهلي
انا اتفرج ويترفع ضغطي واتعب وهما يخرجو من المباراة ويستلو رواتب وعايشين حياتهم
بالملايين الي بياخدوها واحنا بناكل التبن
نصبر ونصبر ومافي فايدة طيب خليهم ياكلو تبن لين يتعدلو وبعدين ارجع اتابعهم تاني
3 مباريات لو فزنا ف وحدا فيهم كانت حتخلينا ف المركز التالت
ولعيبتنا حالفين يقعدو مكانهم
الادارة مبسوطة كل يوم تشوف لااعب ينطرد وماتعاقبهم
خلاص يا ادارتنا الموقرة سوي الي تسويه وانا حصبر
لكن مارح اتفرجلكم ومارح اتابعكم سو الي تسوه ولمن تتعدلو اعطوني خبر
تاني شي الجمهور الي ف جدة المفروض يستحو على وجههم زعلانين المباريات تقام ف الشرايع ومانقدر نحضر عشان المسافة
ولمن جابوها ف ملعب النادي وعقر دارنا مايملو الملعب بس شي يحزن صراحة لو الاتحاد تقام مبارياته ف ملعبه كان
لقيت الملعب فل كل المباريات هدا واوضاعو العن مننا